Санацияга тортилган қишлоқ хўжалик корхоналарини мониторинг қилиш Тартиби (АВ томонидан 14.08.1998 й. 473-сон билан рўйхатга олинган ИНКИҚ 08.07.1998 й. 19-сон билан тасдиқланган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

14.08.1998 й.

N 473

ТАСДИҚЛАНГАН

ИҚТИСОДИЙ НОЧОР КОРХОНАЛАР

ИШЛАРИ ҚЎМИТАСИ

08.07.1998 й.

N 19

КЕЛИШИЛДИ

Санацияга тортилган қишлоқ хўжалик

корхоналарини мониторинг қилиш

ТАРТИБИ

1. Ушбу Тартиб Ўзбекистон Республикасининг "Қишлоқ хўжалик корхоналарини санация қилиш тўғрисида"ги Қонуни ва Вазирлар Маҳкамасининг 1998 йил 14 январь 21-сонли "Қишлоқ хўжалик корхоналарини санация қилиш бўйича меъёрий ҳужжатларни тасдиқлаш тўғрисида"ги Қарорига мувофиқ ишлаб чиқилган бўлиб, қишлоқ хўжалик корхоналарида (қуйида-корхоналар) санациялаш жараёнининг қандай бораётганлигини ва санация режасининг бажарилишини кузатиш ва назорат қилиш тартибини белгилаб беради.

2. Қишлоқ хўжалик корхоналарини санация қилиш масалалари бўйича Ҳукумат комиссияси (қуйида - Ҳукумат комиссияси) томонидан тасдиқланган молиявий соғломлаштириш режаси корхонани санациялашнинг асосий дастурий ҳужжати ҳисобланиб, унинг бажарилишини кузатиш ва назорат қилиш белгиланган тартибга кўра Иқтисодий ночор корхоналар ишлари Қўмитаси ва унинг ҳудудий бошқармалари (қуйида - Қўмита) томонидан амалга оширилади.

3. Ташқи бошқарувчи томонидан ишлаб чиқилган ва Ҳукумат комиссияси томонидан тасдиқланган Молиявий соғломлаштириш режасининг бажарилиши бўйича Маълумотнома ҳисобот чорагидан кейинги ойнинг 10-санасигача Қўмитага тақдим этилади.

Маълумотномада қуйидагилар бўлиши лозим:

- бухгалтерия баланси ва унинг иқтисодий таҳлили (ф-1);

- молиявий натижалар тўғрисидаги ҳисобот (ф-2);

- дебитор ва кредитор қарзлар тўғрисида тўлиқ ахборот;

- ҳисобот давридаги қарзлари бўйича солиқ инспекциясининг Далолатномаси;

- санация режасида кўрсатилган тадбирларнинг бажарилишига оид ахборотлар (1, 2, 3, 4-иловалар).

4. Қўмита санацияга тушган хўжаликларнинг берган Маълумотномаси асосида хўжаликларда санация жараёни қандай бораётганлиги, ҳамда молиявий соғломлаштириш режасининг бажарилиши бўйича чуқур молиявий таҳлил ўтказиши ва таҳлил натижаси бўйича умумий маълумот тайёрлаб, ҳисобот чорагидан кейинги ойнинг 20 санасигача Ҳукумат комиссиясига ахборот тақдим этади.

5. Агар Қўмита томонидан ўтказилган мониторинг ва таҳлил натижасига кўра, хўжаликда молиявий соғломлаштириш режасининг бажарилмаслик ҳолати ва бунинг натижасида иқтисодий аҳвол талабга жавоб бермаса, Қўмита ташқи бошқарувчини, Ҳудудий ва Ҳукумат комиссиясини хўжаликдаги иқтисодий аҳволдан хабардор этади ва мавжуд камчиликларни бартараф килиш учун уч ой мудцатгача вақт беради.

Агар уч ой муддат ичида камчиликлар бартараф этилмаса ва аҳвол ўнгланмаса, Қўмита Ҳудудий ва Ҳукумат комиссиясига мазкур хўжаликда санация қилишни тўхтатиш ҳақидаги ўз хулосасини тақдим этади.

6. Ташқи бошқарувчининг ваколатини тўхтатиш ва эгаллаб турган лавозимидан озод этиш Ҳукумат комиссияси билан келишган ҳолда, туман ҳокими томонидан куйидаги ҳолларда амалга оширилади:

- ташқи бошқарувчининг ўз ваколатидан озод қилиш тўғрисидаги илтимосномасига кўра;

- ташқи бошқарувчи ўз вазифаларини мунтазам равишда бузган тақдирда, кредиторлар ёки корхона мол-мулки эгасининг илтимосномасига кўра;

- ташқи бошқарувчи ўз фаолиятини давом эттиришга тўсқинлик қилувчи ҳолатлар аниқланганда;

- қонунчиликда кўзда тутилган бошқа ҳолларда.

7. Бундан ташқари, Қўмита томонидан корхонани санация қилишни тўхтатиш ҳақидаги таклифи Ҳукумат комиссиясига қуйидаги ҳолларда ҳам тақдим этилади:

- санация қилиш муддати тугаганда;

- қишлоқ хўжалик корхоналарини санация қилиш тўғрисидаги қонун ҳужжатларининг талаблари бажарилмаганда;

- санация режасининг самарасиз эканлиги аниқланганда;

- санация муддати тугагунга қадар корхона ўз молиявий ҳолатини тиклаб олган ҳолда.

8. Санация жараёнида санация қилиш тўғрисидаги қонун ҳужжатлари талабларини бузганликда айбдор деб топилган шахслар қонунда белгиланган тартибда жавобгар бўладилар.

Иқтисодий ночор корхоналар

ишлари Қўмитаси Раиси                  М. Умаров

Ўзбекистон Республикаси

Молия вазирлиги                               Э. Гадоев

Ўзбекистон Республикаси

Макроиқтисодиёт ва

статистика вазирлиги                       О. Олимжонов

Ўзбекистон Республикаси

Давлат мулкини бошқариш

ва тадбиркорликни қўллаб

қувватлаш давлат Қўмитаси            А.Жўраев

Ўзбекистон Республикаси

Қишлоқ ва сув хўжалиги

вазирлиги                                            Н. Юсупов

1 ИЛОВА

_________________ вилояти бўйича санация қилинган

қишлоқ хўжалик корхоналари мониторинги ҳақида

МАЪЛУМОТ

Жадвал давоми

Жадвал давоми

Жадвал давоми

Жадвал давоми

Жадвал давоми

2 ИЛОВА

Қишлоқ хўжалигида ишлаб чиқарилган

маҳсулотлар ҳосилдорлиги тўғрисида

МАЪЛУМОТ

Жадвал давоми

Жадвал давоми

Жадвал давоми

3 ИЛОВА

Хўжаликларда ишлаб чиқарилган маҳсулотлар

харажатлари таҳлили тўғрисида

МАЪЛУМОТ

Жадвал давоми

Жадвал давоми

Жадвал давоми

4 ИЛОВА

Санация қилинган қишлоқ хўжалик корхоналарида экинларни

экиш ва табиий офатдан кўрилган зарарлар тўғрисида

МАЪЛУМОТ

Жадвал давоми

Жадвал давоми