Ўзбекистон Республикаси Вазирлар Маҳкамасининг 13.05.2014 й. 121-сон "Вазирлар Маҳкамасининг "Давлат пенсияларини тайинлаш ва тўлаш тартибини янада такомиллаштиришга йўналтирилган норматив-ҳуқуқий ҳужжатларни тасдиқлаш тўғрисида" 2011 йил 8 сентябрдаги 252-сон қарорига ўзгартириш ва қўшимчалар киритиш ҳақида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

13.05.2014 й.

N 121

ВАЗИРЛАР МАҲКАМАСИНИНГ "ДАВЛАТ

ПЕНСИЯЛАРИНИ  ТАЙИНЛАШ  ВА  ТЎЛАШ

ТАРТИБИНИ ЯНАДА ТАКОМИЛЛАШТИРИШГА

ЙЎНАЛТИРИЛГАН         НОРМАТИВ-ҲУҚУҚИЙ

ҲУЖЖАТЛАРНИ  ТАСДИҚЛАШ  ТЎҒРИСИДА"

2011 ЙИЛ 8 СЕНТЯБРДАГИ 252-СОН ҚАРОРИГА

ЎЗГАРТИРИШ ВА ҚЎШИМЧАЛАР

КИРИТИШ ҲАҚИДА

Ўзбекистон Республикаси Президентининг "Ўзбекистон Республикаси Президентининг айрим Фармонларига ўзгартиришлар киритиш тўғрисида" 2013 йил 26 декабрдаги ПФ-4589-сон Фармонини бажариш юзасидан, шунингдек давлат пенсияларини тайинлаш ва тўлаш тартибини янада такомиллаштириш мақсадида Вазирлар Маҳкамаси ҚАРОР ҚИЛАДИ:

1. Вазирлар Маҳкамасининг "Давлат пенсияларини тайинлаш ва тўлаш тартибини янада такомиллаштиришга йўналтирилган норматив-ҳуқуқий ҳужжатларни тасдиқлаш тўғрисида" 2011 йил 8 сентябрдаги 252-сон қарорига (Ўзбекистон Республикаси ҚТ, 2011 й., 9-сон, 75-модда) иловага мувофиқ ўзгартириш ва қўшимчалар киритилсин.

2. Ўзбекистон Республикаси Молия вазирлиги манфаатдор вазирликлар ва идоралар билан биргаликда бир ой муддатда идоравий норматив-ҳуқуқий ҳужжатларни ушбу қарорга мувофиқлаштирсин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.

Ўзбекистон Республикасининг Бош вазири                        Ш. Мирзиёев

Вазирлар Маҳкамасининг

2014 йил 13 майдаги

121-сон қарорига

ИЛОВА

Вазирлар Маҳкамасининг "Давлат пенсияларини

тайинлаш ва тўлаш тартибини янада такомиллаштиришга

йўналтирилган норматив-ҳуқуқий ҳужжатларни тасдиқлаш

тўғрисида" 2011 йил 8 сентябрдаги 252-сон қарорига

киритилаётган ўзгартириш ва қўшимчалар

1. Давлат пенсияларини тайинлаш ва тўлаш тартиби тўғрисидаги низомда (1-илова):

8-банднинг биринчи хатбоши қуйидаги таҳрирда баён қилинсин:

"Пенсия тайинлаш тўғрисидаги ариза қонун ҳужжатларига мувофиқ пенсия олиш ҳуқуқига эга бўлган шахс томонидан унинг яшаш жойидаги Пенсия жамғармаси бўлимига берилади";

38-бандда:

иккинчи хатбоши чиқариб ташлансин;

учинчи хатбоши иккинчи хатбоши деб ҳисоблансин;

47-банд қуйидаги таҳрирда баён қилинсин:

"47. Диний ташкилотларнинг банд бўлган шахси, шу жумладан, меҳнат шартномаси ва/ёки фуқаролик-ҳуқуқий тусдаги шартнома бўйича ишловчи шахсларнинг иш стажига Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига суғурта бадаллари тўлаш шарти билан уларнинг иш даври қўшиб ҳисобланади";

48-банднинг биринчи хатбоши қуйидаги таҳрирда баён қилинсин:

"48. Чет элда ишлаш даврлари иш стажига Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига белгиланган суғурта бадаллари тўланган бўлса қўшиб ҳисобланади";

65-бандга қуйидаги мазмундаги хатбоши қўшилсин:

"I гуруҳ ногиронига ёки 80 ёшга тўлган кексаларга қараб туришнинг ҳақиқий ҳолатларини текшириш далолатномаларини расмийлаштиришнинг даврийлиги ҳар 12 ойга белгиланади. Қараб туришнинг ҳақиқий ҳолатларини текшириш далолатномалари I гуруҳ ногирони ёки 80 ёшга тўлган кексаларнинг пенсия ишига тикиб қўйилади ва қараб турган шахсга пенсия тайинлашда иш стажига киритиш учун асос ҳисобланади";

66-бандда:

еттинчи хатбоши қуйидаги таҳрирда баён қилинсин:

"Кўрсатиб ўтилган ҳолларда болани парваришлаш таътили бошланган сана сифатида ҳомиладорлик ва туғиш таътили тугаган сана қабул қилинади";

саккизинчи хатбошига "бироқ" сўзидан кейин "ушбу Низомнинг 35-банди "ж" кичик бандига мувофиқ" сўзлари қўшилсин;

70-банддаги "фақат" сўзи чиқариб ташлансин;

86-бандга қуйидаги мазмундаги хатбоши қўшилсин:

"Пенсия тайинлаш учун мурожаат қилган шахс томонидан пенсия тайинлаш учун тақдим этилган аризада ушбу банднинг биринчи хатбоши талабларидан келиб чиққан ҳолда у танлаган беш йиллик давр кўрсатилади";

115-бандга қуйидаги мазмундаги хатбоши қўшилсин:

"Пенсия Пенсия жамғармаси бўлимига мурожаат қилинган кундан бошлаб ҳисоблаб чиқилади ва тўланади";

122-банднинг иккинчи хатбошига қуйидаги мазмундаги жумла қўшилсин:

"Ушбу ҳолатда пенсия боқувчисини йўқотганлик пенсиясидан улуш ажратиб бериш тўғрисида мурожаат қилинган ойдан кейинги ойнинг биринчи кунидан бошлаб тайинланади";

159-банднинг иккинчи хатбоши қуйидаги таҳрирда баён қилинсин:

"2014 йил 1 январдан бошлаб фуқаролик-ҳуқуқий тусдаги шартнома бўйича ишлайдиган ва қонун ҳужжатлари билан белгиланган ёшга доир пенсияларнинг минимал миқдоридан паст даромад (гонорар, тақдирлаш пули ва бошқалар) оладиган пенсионерларга пенсия тўлиқ миқдорда тўланади";

160-банднинг биринчи хатбошига қуйидаги мазмундаги жумла қўшилсин:

"Ўзбекистон Республикаси ташқарисида расмийлаштирилган ишончномага ушбу ҳужжат расмийлаштирилган давлатнинг ваколатли давлат органи томонидан апостиль қўйилиши лозим, бундан Фуқаролик, оилавий ва жиноят ишлари бўйича ҳуқуқий ёрдам ва ҳуқуқий муносабатлар конвенциясининг (Минск шаҳри, 1993 йил 22 январь) иштирокчи давлатлари - Мустақил Давлатлар Ҳамдўстлигига аъзо давлатлар мустасно";

169-банднинг иккинчи хатбоши қуйидаги таҳрирда баён қилинсин:

"Бунда қарздорлик суммасининг мурожаат этилган санадаги пенсиянинг ўн икки баробаригача бўлган қисми бирйўла, қолган қисми эса - ойлик пенсия суммасидан ортиқ бўлмаган тенг улушларда тўланади";

172-бандда:

қуйидаги мазмундаги саккизинчи хатбоши қўшилсин:

"Пенсияни тўлаш пенсионер ёки унинг васийси Пенсия жамғармаси бўлимига келгандан сўнг ва у ариза тақдим этгандан, шунингдек шахсини тасдиқловчи ҳужжатни кўрсатгандан сўнг тикланади";

саккизинчи хатбоши тўққизинчи хатбоши деб ҳисоблансин;

173-банднинг биринчи хатбоши қуйидаги таҳрирда баён қилинсин:

"Агар ногирон тайинланган муддатда қайта тиббий кўрикдан ўтиш учун ТМЭКга узрли сабабларсиз (ногиронлик муддати тугаган кундан бир ой муддат мобайнида) келмаса, унга пенсия тўлаш тўхтатиб турилади, у яна ногирон деб эътироф этилган тақдирда тўхтатиб турилган кундан бошлаб тикланади. Қолган ҳолатларда пенсия мурожаат қилинган санадан бошлаб тўланади";

177-бандга қуйидаги мазмундаги хатбоши қўшилсин:

"Ўзбекистон Республикаси ташқарисига доимий яшаш учун кетаётган фуқароларга пенсияни тўлаш унинг аризаси ва "Доимий яшаш жойидан рўйхатдан чиқарилди" деган белги бўлган шахсини тасдиқловчи ҳужжат асосида тўхтатилиши мумкин";

197-бандга қуйидаги мазмундаги хатбоши қўшилсин:

"Пенсионернинг давлат олдида у томонидан содир этилган суиистеъмолликлар (атайлаб нотўғри маълумотлар мавжуд бўлган ҳужжатлар тақдим этилиши, боқувчисини йўқотганлик пенсияси тайинланган оила аъзолари таркибидаги ўзгаришлар тўғрисида маълумотлар тақдим этилмаслиги) натижасида пенсиялар суммасининг ортиқча тўланиши бўйича қарздорлиги мавжуд бўлганда пенсияга оид ҳужжатлар йиғмажилди етказилган зарар тўлиқ қоплангандан сўнг берилади";

Низомга 12-илованинг матни қуйидаги таҳрирда баён қилинсин:

"ОЛД ТОМОНИ

Иш ҳақи тўғрисидаги маълумотнома

НАМУНАСИ

Ташкилотнинг

штампи

___________ N _______

М А Ъ Л У М О Т Н О М А

     

1. Иш ҳақи суммасидан (ойлик ва чораклик мукофотлар, йил якуни бўйича тақдирлаш пули бундан мустасно) тўланган суғурта бадаллари қуйидагича эканлигини тасдиқлаш учун берилди:

       

ОРҚА ТОМОНИ

2. Ойлик ва чораклик мукофотлар, йил якуни бўйича тақдирлаш пули суммасидан тўланган суғурта бадаллари қуйидагича:

     

        

Ушбу маълумотнома қуйидаги ҳужжатлар асосида берилди:

        

Тақдим этилаётган маълумотларнинг тўғрилиги ва асосланганлиги учун тўлиқ жавобгарликни ўз зиммамизга оламиз.

Маълумотнома Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасининг туман (шаҳар) бўлимига тақдим этиш учун берилди.

        

Изоҳ: агар иш ҳақини ҳисоблаш дафтарларига тузатишлар киритилган ҳоллар мавжуд бўлса, у ҳолда ушбу тузатишлар кўрсатилиши керак".

2. Пенсияни ҳисоблаш учун қабул қилинадиган иш ҳақини иш ҳақининг якка тартибдаги коэффициентларини қўллаган ҳолда қайта ҳисоблаб чиқиш тартиби тўғрисидаги низомга (2-илова) 2-илованинг матни қуйидаги таҳрирда баён қилинсин:

"Пенсияни ҳисоблаш учун қабул қилинадиган иш ҳақини

иш ҳақининг якка тартибдаги коэффициентларини

қўллаган ҳолда қайта ҳисоблаб чиқишга мисол

1. Эркак киши 2011 йил 12 апрелда 60 ёшга тўлгач пенсия тайинлаш учун мурожаат қилди ва унинг охирги ўн йил мобайнида меҳнат фаолиятининг 5 йиллик даври учун 2006 йил май - 2011 йил апрель ойлари танланди.

2. Пенсия тайинланишидан олдинги 12 ой учун ўртача энг кам ойлик иш ҳақи миқдорини аниқлаймиз.

Ўртача энг кам ойлик иш ҳақи миқдори = (37680 сўм (2010 йил апрель - июлдаги энг кам ойлик иш ҳақи миқдори) * 4 + 45215 сўм (2010 йил август - ноябрдаги энг кам ойлик иш ҳақи миқдори) * 4 + 49735 сўм (2010 йил декабрь - 2011 йил мартдаги энг кам ойлик иш ҳақи миқдори) * 4) / 12 = 44210,0 сўм.

3. Иш ҳақи тўғрисидаги маълумотлар асосида (маълумотнома бўйича) иш ҳақининг якка тартибдаги коэффициентларини ва ҳар бир ой учун ҳисоблаб чиқилган иш ҳақини аниқлаймиз:

    

4. Пенсияни ҳисоблаш учун қабул қилинадиган ўртача ойлик иш ҳақини ҳисоблаб чиқамиз:

Пенсияни ҳисоблаш учун ўртача ойлик иш ҳақи = 21 135 328,86 сўм/60 = 352 255,48 сўм".

"Ўзбекистон Республикаси қонун ҳужжатлари тўплами",

2014 йил 19 май, 20-сон, 227-модда

"Ўзбекистон Республикаси Ҳукуматининг қарорлари тўплами",

2014 йил, 5-сон, 47-модда