ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Қурилиш ва архитектура / Нархларнинг шаклланиши. Курилишларни молиялаштириш /

Объект муддатидан илгари фойдаланишга топширилганлиги ва шартнома қийматига нисбатан маблағлар тежалганлиги учун пудратчи ташкилотни буюртмачи томонидан мукофотлаш Тартиби (ЎзР ВМ 26.03.1999 й. 135-сон қарорига илова)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Вазирлар Маҳкамасининг

1999 йил 26 мартдаги

135-сон Қарорига

ИЛОВА



Объект муддатидан илгари фойдаланишга

топширилганлиги ва шартнома қийматига

нисбатан маблағлар тежалганлиги учун

пудратчи ташкилотни буюртмачи

томонидан мукофотлаш

ТАРТИБИ


1. УМУМИЙ ҚОИДАЛАР


1.1. Мазкур Тартиб маблағлар тежалган ва объект муддатидан илгари фойдаланишга топширилган тақдирда қурилиш қатнашчиларини мукофотлаш шартлари ва тартибини белгилаб беради, ишлаб чиқариш ва ноишлаб чикариш объектларини қуриш (реконструкция қилиш, техника билан қайта жиҳозлаш)ни ва ишлаб турган корхоналарни техника билан қайта жиҳозлаш ишлари бажарилишини қамраб олади.


1.2. Илмий-техник ишланмаларни, энг янги технологияларни жорий этиш, қурилиш ишларини ташкил этишни такомиллаштириш йўли билан ўз вақтида сифатли пировард натижага эришиш учун қурилиш қатнашчиларини рағбатлантириш шартнома қийматига нисбатан маблағлар тежалганлиги ва объект муддатидан илгари фойдаланишга топширилганлиги учун қурилиш қатнашчиларини мукофотлашнинг мақсади ҳисобланади.


1.3. Мазкур Тартиб пудрат шартномаси бўйича қурилишда қатнашаётган барча юридик ва жисмоний шахслар (илмий-тадқиқот ва лойиҳа-конструкторлик муассасалари, бош пудратчи, субпудрат ташкилотлари ва бошқалар)га татбиқ этилади ҳамда шартнома қийматига нисбатан маблағлар тежалишига, объект муддатидан олдан фойдаланишга топширилишига кўмаклашади.


1.4. Шартнома қийматига нисбатан маблағлар тежалиши тендер савдолар асосида белгиланган шартнома нархи билан амалдаги харажатлар ўртасидаги тафовут сифатида аниқланади. Ушбу маблағлар мукофот сифатида пудрат ташкилот ихтиёрида қолади.


1.5. Қуйидагилар:

фан ва техника ютуқларини жорий этиш, қурилиш-монтаж, ишга тушириш-созлаш ишлари ва бошқа ишларнинг илғор технологиялари қўлланилиши;

қурилишни объект сифатини пасайтирмайдиган унчалик қиммат бўлмаган зарур бинокорлик материаллари, ярим тайёр маҳсулотлар, буюмлар ва конструкциялар билан таъминлаш;

асбоб-ускуналар, қурилиш машиналари ва механизмларини ишлатиш харажатларини камайтириш, шунингдек ўзи тайёрлаган саноат маҳсулотини қўллаш;

устама харажатлар миқдорини қайта кўриб чиқиш ва қисқартириш ҳамда ноишлаб чиқариш харажатларини камайтириш;

тасдиқланган лойиҳа ҳужжатларига белгиланган тартибда ўзгартириш киритиш билан боғлиқ бўлмаган бошқа чора-тадбирлар ҳисобига курилиш қиймати пасайтирилишига эришиш шартнома қийматига нисбатан маблағлар тежалиши ҳисобланади.


1.6. Буюртмачи объект муддатидан илгари фойдаланишга топширилишидан манфаатдор бўлганда пудрат шартномасида амалда фойдаланишга топшириш санасидан бошлаб пудрат шартномасида назарда тутилган фойдаланишга топшириш санасигача маҳсулот ишлаб чиқаришдан олинадиган фойда ёки буюртмачи томонидан алоҳида ажратиладиган маблағлар ҳисобига қўшимча мукофотлаш шартлари қайд этилади.


1.7. Қурилиш муддатининг пудрат шартномасида кўрсатилганга нисбатан қисқариши объектни муддатидан илгари фойдаланишга топшириш ҳисобланади.



2. ҚУРИЛИШ КАТНАШЧИЛАРИ

ЎРТАСИДА МУКОФОТ ПУЛИНИ

ТАҚСИМЛАШ ТАРТИБИ


2.1. Буюртмачи ва бош пудратчи бажариладиган ишлар хусусиятидан, меҳнат сарфидан ва курилиш қатнашчиларининг пировард натижага қўшадиган мўлжалланган улушига боғлиқ равишда объект муддатидан илгари фойдаланишга топширилганлиги учун мукофотлаш шартларини қурилиш бошланишидан олдин ёки қурилиш давомида белгилаб оладилар.


2.2. Шартнома қийматига нисбатан тежалган маблағлар ҳар бир қурилиш қатнашчисининг амалда қўшган улушидан келиб чиққан ҳолда мазкур Тартибнинг 1.5-бандига мувофиқ тақсимланади.


2.3. Объект муддатидан илгари фойдаланишга топширилган тақдирда, буюртмачи манфаатдор бўлган ҳолда, қурилиш қатнашчиларини мукофотлаш уларнинг ҳар бирининг амадда қўшган улушига қараб мазкур Тартибнинг 1.6-бандига мувофиқ амалга оширилади.

2.5. Қабул қилиш комиссиясининг объект муддатидан илгари фойдаланишга топширилганлигини белгиланган тартибда тасдиқловчи далолатномаси объект муддатидан илгари фойдаланишга топширилганлиги учун мукофотлашга маблағ ўтказиш учун асос ҳисобланади.


2.6. Объект муддатидан илгари фойдаланишга топширилганлиги учун ишларни бажарувчиларга мукофотлаш маблағларини ўтказиш пудрат шартномасида белгиланган муддатларда амалга оширилади.


2.7. Объект муддатидан илгари фойдаланишга топширилганлиги учун буюртмачи томонидан маблағ билан таъминловчи банкка тақдим этиш учун расмийлаштириладиган тўлов топшириғида маблағнинг мукофотлашга мақсадли йўналтирилиши кўрсатилади.


2.8. Объект муддатидан илгари фойдаланишга топширилганлиги учун қурилиш қатнашчиларига ўтказилган мукофотлаш маблағларининг 10 фоизидан 35 фоизигача миқдорини ходимларни мукофотлаш учун, қолган қисмини тармоқнинг ишлаб чиқаришини ривожлантиришга ҳамда айланма маблағлар ва моддий ресурсларни тўлдириш учун фойдаланиш тавсия этилади.














































Время: 0.1897
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск