Бюджет ташкилотлари ва бюджет маблағлари олувчиларнинг харажатлар сметаси ва штат жадвалларини тузиш, тасдиқлаш ва рўйхатдан ўтказиш тартиби тўғрисидаги Низом (АВ томонидан 15.12.2014 й. 2634-сон билан рўйхатга олинган молия вазирининг 14.11.2014 й. 74-сон буйруғи билан тасдиқланган)

Функция недоступна

Ўзбекистон Республикаси

Адлия вазирлигида

2014 йил 15 декабрда 2634-сон

билан рўйхатга олинган

Ўзбекистон Республикаси

молия вазирининг

2014 йил 14 ноябрдаги

74-сон буйруғига

ИЛОВА

Бюджет ташкилотлари ва бюджет

маблағлари олувчиларнинг харажатлар

сметаси ва штат жадвалларини тузиш, тасдиқлаш

ва рўйхатдан ўтказиш тартиби тўғрисидаги

НИЗОМ

Мазкур Низом Ўзбекистон Республикаси Давлат бюджетидан молиялаштириладиган бюджет ташкилоти ва бюджет маблағлари олувчиларнинг харажатлар сметаси ва штат жадвалларини, даромадлар ва харажатлар сметаларини, вақтинчалик харажатлар сметаларини, шунингдек бюджет маблағларини тақсимловчиларнинг ва марказлаштирилган молия-бухгалтерия хизматларининг жамланма харажатлар сметаси ҳамда штат жадвалларини тузиш, тасдиқлаш ва рўйхатдан ўтказиш тартибини белгилайди.

1-БОБ. УМУМИЙ ҚОИДАЛАР

1. Бюджет ташкилоти ва бюджет маблағлари олувчиларнинг Ўзбекистон Республикаси Давлат бюджети ҳисобидан харажатлари бюджетдан ажратиладиган маблағлар доирасида ва уларнинг харажатлар сметаларида кўрсатилган мақсадларда амалга оширилади.

1-1. Ушбу Низомда қуйидаги асосий тушунчалар қўлланилади:

бюджет маблағларини тақсимловчи - биринчи даражали бюджет маблағларини тақсимловчи ва иккинчи даражали бюджет маблағларини тақсимловчи;

биринчи даражали бюджет маблағларини тақсимловчи - Ўзбекистон Республикасининг республика бюджетидан қонун билан белгиланган миқдорда ажратиладиган бюджет маблағларини тақсимловчи юридик шахс;

вақтинчалик харажатлар сметаси - бюджет ташкилотининг ёки бюджет маблағлари олувчининг харажатлар сметаси тасдиқлангунига ва рўйхатдан ўтказилгунига қадар амал қиладиган ҳужжат бўлиб, унда қонунчиликдаги ўзгартиришлар ҳисобга олинган ҳолда унинг учун назарда тутилган бюджетдан ажратиладиган маблағлар ҳар ой учун акс эттирилади;

даромадлар ва харажатлар сметаси - бюджет ташкилотлари бюджетдан ташқари жамғармаларининг тегишли йил чораги ёки молия йили учун кутилаётган тушумлари ва харажатлари акс эттириладиган ҳужжат;

жамланма харажатлар сметаси - бюджет маблағларини тақсимловчи томонидан ўз тасарруфидаги бюджет ташкилотларининг ва бюджет маблағлари олувчиларнинг харажатлар сметалари асосида тузиладиган харажатлар сметаси;

иккинчи даражали бюджет маблағларини тақсимловчи - Ўзбекистон Республикаси Вазирлар Маҳкамаси томонидан биринчи даражали бюджет маблағларини тақсимловчиларга бириктириладиган ва ўзига ажратиладиган бюджет маблағларини тақсимловчи юридик шахс;

штат жадвали - доимий ходимлар лавозимлари ва бўш ўринлар номларининг сони ва лавозим маошларининг миқдорлари кўрсатилган рўйхатни ўз ичига оладиган, бюджет ташкилоти томонидан тузиладиган ҳужжат;

харажатлар моддаси - бюджет тизими бюджетлари харажатларининг иқтисодий йўналиши ва тўловларнинг аниқ турлари бўйича белгиловчи бюджет таснифининг бир қисми;

электрон рақамли имзо (бундан буён матнда ЭРИ деб юритилади) - электрон ҳужжатдаги мазкур электрон ҳужжат ахборотини электрон рақамли имзонинг ёпиқ калитидан фойдаланган ҳолда махсус ўзгаришлар натижасида ҳосил қилинган ҳамда электрон рақамли имзонинг очиқ калити ёрдамида электрон ҳужжатдаги ахборотда хатолик мавжуд эмаслигини аниқлаш ва электрон рақамли имзо калитининг эгасини идентификация қилиш имконини берадиган имзо.

2. Бюджет ташкилотлари харажатларни қоплаш учун бюджетдан ажратиладиган маблағлардан ташқари бошқа даромад манбалари мавжуд бўлганда, мазкур кўрсатилган маблағлар бўйича ҳам даромадлар ва харажатлар сметаларини тузади.

3. Бюджет ташкилотлари ва бюджет маблағлари олувчилар харажатлар сметаларини, даромадлар ва харажатлар сметаларини, шунингдек штат жадвалларини норматив-ҳуқуқий ҳужжатлар асосида мустақил равишда тузадилар.

Умумтаълим мактаблари, мактабгача таълим ташкилотлари ва тиббиёт муассасаларининг харажатлар сметалари, даромадлар ва харажатлар сметалари ҳамда штат жадваллари марказлаштирилган молия-бухгалтерия хизматлари томонидан тузилади, рўйхатга олинади, шунингдек тегишли жамланма сметаларига ва штат жадвалларига умумлаштирилади.

4. Харажатлар сметалари, даромадлар ва харажатлар сметалари, штат жадваллари, шунингдек жамланма харажатлар сметалари ва штат жадваллари бир молия йили муддатига, мавсумий ёки йил мобайнида тузилган ташкилотлар бўйича эса, уларнинг мазкур молия йилидаги фаолият кўрсатиш даврига тузилади ва амал қилади.

Бюджет ташкилотлари ва бюджет маблағлари олувчиларнинг харажатлари бюджет тўғрисидаги қонунчилик ҳужжатларида назарда тутилган ҳолларда вақтинчалик харажатлар сметаси асосида амалга оширилади.

5. Харажатлар сметаларини, даромадлар ва харажатлар сметаларини тузишда меҳнатга ҳақ тўлаш миқдорлари ва шартлари, товарлар (ишлар, хизматлар) учун нарх ва тарифлар:

барча ташкилотлар (мавсумий ёки молия йили мобайнида янгидан тузилаётган ташкилотлардан ташқари) бўйича - мазкур сметалар тузилаётган молия йилининг 1 январида амалда бўлган шартларда;

мавсумий ёки молия йили мобайнида янгидан тузилаётган ташкилотлар бўйича - мазкур ташкилот фаолият кўрсатиши бошланган ойнинг биринчи санаси ҳолатига кўра ҳисобга олинади.

6. Бюджет тизими бюджетлари ижроси жараёнида юзага келадиган барча қўшимча харажатларга бюджет ташкилотлари ва бюджет маблағлари олувчиларнинг харажатлар сметаларига бюджет тўғрисидаги қонунчилик ҳужжатларида ва мазкур Низомда белгиланган тартибда тегишли ўзгартиришлар киритилади.

7. Бюджет ташкилотлари ва бюджет маблағлари олувчиларининг харажатлар сметаси, даромадлар ва харажатлар сметаси, вақтинчалик харажатлар сметалари, бюджет маблағларини тақсимловчиларнинг жамланма харажатлар сметаси минг сўмда тузилади.

Ўзбекистон Республикасининг хориждаги ҳар бир дипломатик ваколатхонаси ва консуллик муассасаси бўйича харажатлар сметалари Ўзбекистон Республикасининг хориждаги дипломатик ваколатхоналари ва консуллик муассасаларининг Ўзбекистон Республикаси Иқтисодиёт ва молия вазирлиги билан келишилган йиллик жамланма харажатлар сметалари асосида хорижий ва миллий валютада тузилади.

7-1. "UzASBO" дастурий мажмуасига (бундан буён матнда дастурий мажмуа деб юритилади) уланган бюджет ташкилотлари, бюджет маблағлари олувчилар, бюджет маблағларини тақсимловчилар ва марказлаштирилган молия-бухгалтерия хизматларининг харажатлар сметаси, даромадлар ва харажатлар сметаси, вақтинчалик харажатлар сметалари, штат жадваллари, жамланма харажатлар сметаси, жамланма даромадлар ва харажатлар сметаси, жамланма вақтинчалик харажатлар сметалари ва жамланма штат жадваллари дастурий мажмуада ушбу ташкилотлар томонидан шакллантирилади ва тузилади.

Дастурий мажмуада шакллантирилган ва тузилган харажатлар сметаси, даромадлар ва харажатлар сметаси, вақтинчалик харажатлар сметалари, штат жадваллари, жамланма харажатлар сметаси, жамланма даромадлар ва харажатлар сметаси, жамланма вақтинчалик харажатлар сметалари ва жамланма штат жадваллари мазкур Низом талаблари асосида тасдиқланиб, ҳар бирига хос "QR" кодлар қўйиш орқали дастурий мажмуада рўйхатга олинади.

7-2. Ўзбекистон Республикаси Бюджет кодексининг 112-моддаси олтинчи қисмида кўрсатилган қуйидаги маблағларга харажатлар сметаларини тузиш талаб қилинмайди:

а) бюджет ташкилотлари ва бюджет маблағлари олувчиларнинг харажатлар сметаларини рўйхатдан ўтказиш ҳамда ижро этиш жараёнида бўшайдиган;

б) товар-моддий қимматликларнинг нормативдан ортиқ захиралари бўйича ҳисобга олинган;

в) адвокатлар томонидан кўрсатилган юридик ёрдам учун давлат ҳисобидан тўланиши назарда тутиладиган;

г) қўшилган қиймат солиғи суммасини солиқ тўловчиларга қайтариш учун назарда тутиладиган;

д) давлат органлари ёки улар мансабдор шахсларининг қонунга хилоф ҳаракатлари (ҳаракатсизлиги) натижасида жисмоний ёки юридик шахсларга етказилган зарарнинг ўрнини қоплаш учун назарда тутиладиган;

е) бюджет ташкилотларида ишловчи аёлларга ҳомиладорлик ва туғиш нафақасини тўлаш учун назарда тутиладиган, бюджет ташкилотларининг харажатлар сметаларига қонунчиликда белгиланган тартибда ўзгартиришлар киритилган ҳоллар бундан мустасно;

ж) бир йўла бериладиган давлат пул мукофотлари ва мукофотларини тўлаш учун назарда тутиладиган;

з) Чернобиль АЭС ҳалокати оқибатларини тугатиш иштирокчиларига компенсациялар тўлаш учун назарда тутиладиган;

и) транспортда имтиёзли юришни қоплаш учун назарда тутиладиган;

к) давлат қарзи бўйича хизмат кўрсатиш, Ўзбекистон Республикаси иштирокчи бўлган халқаро ташкилотларга аъзолик бадалларини тўлаш ва уларни молиялаштиришда иштирок этиш учун мўлжалланган;

л) давлат эҳтиёжлари учун қишлоқ хўжалиги маҳсулотларини етиштираётган қишлоқ хўжалиги корхоналарини молиявий қўллаб-қувватлаш учун назарда тутиладиган;

м) сайлов ва референдумлар ўтказиш учун назарда тутиладиган;

н) бюджетлараро трансфертлар ажратиш учун назарда тутиладиган;

о) тижорат банклари ва бошқа молия институтларининг устав капиталини шакллантириш ва кўпайтириш учун назарда тутиладиган;

п) резидент-юридик шахсларга бюджет ссудалари ажратиш ва Ўзбекистон Республикаси Иқтисодиёт ва молия вазирлигининг кредит линияларини очиш учун назарда тутиладиган;

р) солиқ ва бюджет сиёсатининг асосий йўналишларида назарда тутилган тадбирлар ҳамда молия йили мобайнида амалга оширилиши назарда тутилган ва Давлат бюджети харажатларини кўпайтиришни талаб қиладиган бошқа тадбирлар учун мўлжалланган;

с) давлат мақсадли жамғармаларига ўтказиб бериладиган;

т) Ўзбекистон Республикаси Вазирлар Маҳкамасининг, Қорақалпоғистон Республикаси республика бюджетининг, вилоятлар вилоят бюджетларининг ва Тошкент шаҳри шаҳар бюджетининг туманлар ва шаҳарлар бюджетларининг захира жамғармаларини шакллантириш учун бюджетдан ажратиладиган маблағлар.

Бунда, ушбу бандда кўрсатилган маблағлар Ўзбекистон Республикаси Иқтисодиёт ва молия вазирлиги, Қорақалпоғистон Республикасининг Иқтисодиёт ва молия вазирлиги, вилоятлар ва Тошкент шаҳар ҳокимликларининг Иқтисодиёт ва молия бош бошқармалари, туманлар ва шаҳарлар ҳокимликларининг иқтисодиёт ва молия бўлимлари (бундан буён матнда иқтисодиёт ва молия органлари деб юритилади)нинг шахсий ғазна ҳисоварақларида акс эттирилади (мазкур банднинг "м", "с" ва "т" кичик бандларида келтирилган маблағлар бундан мустасно).

7-3. Бюджет ташкилотлари, бюджет маблағлари олувчилар, бюджет маблағларини тақсимловчилар ва марказлаштирилган молия-бухгалтерия хизматларининг дастурий мажмуа орқали тузилиб, белгиланган тартибда тасдиқланган ҳамда рўйхатдан ўтказилган харажатлар сметаси, даромадлар ва харажатлар сметаси, вақтинчалик харажатлар сметалари, штат жадваллари, жамланма харажатлар сметаси, жамланма даромадлар ва харажатлар сметаси, жамланма вақтинчалик харажатлар сметалари ва жамланма штат жадвалларини қоғозга чоп этиш талаб этилмайди.

2-БОБ. ХАРАЖАТЛАР СМЕТАСИ ВА ШТАТ

ЖАДВАЛЛАРИНИ ТУЗИШ ВА ТАСДИҚЛАШ

1-§. Харажатлар сметасини тузиш ва тасдиқлаш

8. Харажатлар сметаси бюджет ташкилотлари ва бюджет маблағлари олувчилари томонидан мазкур Низомнинг 1-иловасига мувофиқ шаклда тузилади.

Ўзбекистон Республикаси Ташқи ишлар вазирлигининг ҳар бир дипломатик муассасалари бўйича харажатлар сметаси хорижий ва миллий валюталарда ҳар бир дипломатик муассаса бўйича алоҳида мазкур Низомнинг 1а-иловасига мувофиқ шаклда тузилади.

Капитал қурилиш объектлари бўйича харажатлар сметаси мазкур Низомнинг 2-иловасига мувофиқ шаклда тузилади.

9. Харажатлар сметаси бюджет ташкилотлари, марказлаштирилган молия-бухгалтерия хизматлари ва бюджет маблағлари олувчилар томонидан уларга тегишли молия йили учун етказилган бюджетдан ажратиладиган маблағлар ҳажми доирасида тузилади.

Бюджет ташкилотлари, марказлаштирилган молия-бухгалтерия хизматлари ва бюджет маблағлари олувчиларга тегишли молия йили учун бюджетдан ажратиладиган маблағлар ҳажмини етказиш тегишли иқтисодиёт ва молия органлари ёки бюджет маблағларини тақсимловчилари томонидан бюджет тўғрисидаги қонунчилик ҳужжатларида белгиланган муддатларда амалга оширилади.

Бюджет маблағларини тақсимловчиларга тегишли молия йили учун бюджетдан ажратиладиган маблағлар ҳажмини етказиш Ўзбекистон Республикаси Иқтисодиёт ва молия вазирлиги томонидан бюджет тўғрисидаги қонунчилик ҳужжатларида белгиланган муддатларда амалга оширилади.

Харажатлар сметасининг биринчи ва иккинчи гуруҳ харажатлари мазкур Низомнинг 3-иловасига мувофиқ тузилган штат жадвалидаги меҳнатга ҳақ тўлаш жамғармаси миқдоридан келиб чиққан ҳолда дастурий мажмуада автоматик тарзда шакллантирилади.

Агар етказилган бюджетдан ажратиладиган маблағлар ҳажми тузилган штат жадвалидаги меҳнатга ҳақ тўлаш жамғармаси миқдоридан кам бўлса, харажатлар сметасида жорий молия йилининг декабрь ойидан бошлаб кетма-кет равишда олдинги ойларга қараб етишмаган қисмига камайтирилади.

10. Харажатлар сметасини тузиш бўйича ишларни ташкил этиш давомида Ўзбекистон Республикаси ва Қорақалпоғистон Республикаси вазирликлари, қўмиталари ва идоралари, тегишли ҳокимиятларнинг бошқарма ва бўлимлари ўзларига бўйсунувчи ташкилотларга бюджет тўғрисидаги қонунчилик ҳужжатлари ва иқтисодиёт ва молия органининг мазкур масала бўйича кўрсатмаларидан келиб чиқиб, келгуси йил учун сметаларни тузиш тартиби ва муддатлари тўғрисида кўрсатмалар беради.

Бунинг учун Ўзбекистон Республикаси ва Қорақалпоғистон Республикаси вазирликлари, қўмиталари ва идоралари, тегишли ҳокимиятларнинг бошқарма ва бўлимлари бўйсунувидаги бюджет ташкилотлари ва бюджет маблағлари олувчиларнинг раҳбарлари ҳамда тегишли ходимларининг кенгашини чақирадилар ва харажатлар сметасини тузиш тартиби ва муддатлари тўғрисида йўл-йўриқлар кўрсатадилар, уларга ташкилотларнинг харажатлар сметасини тузиш тартиби масалалари бўйича қонунчилик ҳужжатлари талабларини тушунтирадилар, бюджет маблағлари бўйича харажатлар сметаси ҳисоб-китобларининг қонун ҳужжатларига мувофиқ келиши мажбурийлиги, харажат қилишда смета-штат интизомига ва тежамкорлик режимига риоя қилиш ҳақида кўрсатмалар берадилар, шунингдек харажатлар сметасини тузиш ҳамда бланкаларни тўлдириш техникаси масалалари бўйича йўл-йўриқлар кўрсатадилар.

Бир вақтнинг ўзида бўйсунувидаги бюджет ташкилотлари ва бюджет маблағлари олувчиларга келгуси йил учун иқтисодий ва ижтимоий ривожланиш дастурларига мувофиқ асосий кўрсаткичларни (синфлар, ўқувчилар, болалар, шифохоналарда жой-кунлар, бола-кунлар сони ва бошқалар) ёзма равишда хабар қиладилар.

11. Харажатлар сметаси бўйича харажатларни ҳисоблаб чиқариш иқтисодий ва ижтимоий ривожлантириш дастурлари кўрсаткичларига ва тежамкорликнинг қатъий режимини ҳисобга олган ҳолда маблағларга бўлган эҳтиёжга мувофиқ амалга оширилиши лозим.

12. Харажатларни ҳисоблаб чиқаришда қуйидагиларга амал қилиниши зарур:

белгиланган тартибда тасдиқланган ижтимоий ва иқтисодий ривожлантириш дастурларига;

давлат ҳокимияти ва бошқаруви органлари томонидан уларга тақдим этилган бюджет соҳасидаги ваколатлари доирасида қабул қилинган норматив-ҳуқуқий ҳужжатларга;

белгиланган тартибда тасдиқланган бюджет ташкилотлари харажатларининг нормативларига;

товар ва хизматларнинг давлат томонидан тартибга солинадиган нархлари ва тарифларига.

Жумладан:

харажатлар сметасига иш ҳақи учун бюджетдан ажратиладиган маблағлар қонунчилик ҳужжатлари билан белгиланган лавозим маошлари ва базавий меҳнатга ҳақ тўлаш ставкалари, уларга қўшимча ҳақ тўлаш ва устамалар ҳамда амалдаги намунавий штатлар ва штат нормативларига риоя этилган ҳолда киритилади. Ишбай шаклида бажариладиган ишлар учун иш ҳақи, молия йилига харажатлар сметасида назарда тутилган шундай ишларнинг ҳажмидан келиб чиқиб харажатлар сметасига киритилади;

педагог ходимлар иш ҳақи учун бюджетдан ажратиладиган маблағларни аниқлашда қонунчилик ҳужжатларида белгиланган базавий меҳнатга ҳақ тўлаш ставкаларидан, дафтарларни текширганлик, синф раҳбарлиги ва бошқалар учун қўшимча ҳақ тўлашни ҳисобга олган ҳолда ўқув режасига мувофиқ тузилган тарификациялардан келиб чиқилиши лозим;

тиббиёт ходимлари иш ҳақи учун бюджетдан ажратиладиган маблағларни аниқлашда қонунчилик ҳужжатларига мувофиқ базавий меҳнатга ҳақ тўлаш ставкалари ва шартларини ҳисобга олган ҳолда тузилган тарификациялардан келиб чиқилиши лозим;

стипендия харажатлари стипендиялар миқдорлари ва стипендия билан таъминлаш тартибига мувофиқ ҳисобланади;

ижтимоий солиқни тўлаш харажатлари харажатлар сметасига белгиланган ставкалардан ва қонунчилик ҳужжатларига мувофиқ ижтимоий солиқ тўланадиган барча тўлов суммаларидан келиб чиққан ҳолда киритилади;

иш берувчининг фуқаролик жавобгарлигини мажбурий суғурта қилиш бўйича суғурта мукофотини тўлаш харажатлари харажатлар сметасига қонунчилик ҳужжатларида белгиланган тартибда иш берувчининг барча ходимларининг ўтган йилги иш ҳақининг ҳақиқий харажатларидан келиб чиққан ҳолда киритилади;

хўжалик харажатлари, жумладан, коммунал хизматлар учун харажатлар ҳар бир ташкилотга кўрсатиладиган хизматга ўтган ҳисобот давридаги ҳақиқий харажатдан келиб чиқиб ёки белгиланган лимит (жисмоний ҳажмлар) доирасида ҳамда нарх ва тарифларни ҳисобга олган ҳолда ҳисобланади;

телефон ва бошқа телекоммуникация хизматлари харажатлари абонент рақамлари сони ва хизматлар учун тасдиқланган тарифларидан келиб чиқиб ҳисобланади;

даволаш, болалар ва бошқа ижтимоий соҳа бюджет ташкилотларида овқатланишга кетадиган харажатлар бюджет ташкилотларининг ҳар бир тури учун тасдиқланган овқатланиш кунининг натурал меъёрларидан ва ўртача йиллик сонидан келиб чиқиб ҳисобланади;

дори-дармонларга кетадиган харажатлар кунига бир беморга ҳисобланган дори-дармонлар меъёрига қараб белгиланади;

ижтимоий-маданий ташкилотларнинг айрим гуруҳи учун кийим-кечак, пойабзал, чойшаб, кўрпа-тўшак анжомлари ва бошқа юмшоқ анжомлар сотиб олишга кетадиган харажатлар мавжуд моддий таъминотнинг меъёрлари асосида ажратилган маблағлар доирасида ҳисобланади;

сув, ўрмон хўжалиги ва бошқа ташкилотларни сақлаш харажатлари уларнинг бажараётган иш меъёри ва ҳажмидан келиб чиққан ҳолда аниқланади;

қўриқлаш фаолияти хизматларининг тўлови билан боғлиқ харажатлар мазкур хизматларни етказиб берувчиларнинг тарифларига мувофиқ аниқланади;

ташкилотларнинг бинолар, иншоотлар, транспорт воситаларидан фойдаланиш, бинолар ва транспорт воситалари, шунингдек бошқа мулк ижараси билан боғлиқ харажатлари қонунчилик ҳужжатларида белгиланган харажатлар меъёри, лимитлар ва натурал кўрсаткичлардан келиб чиқиб аниқланади;

хизмат сафарларига харажатлар ташкилотларнинг олдига қўйилган вазифаларидан, шунингдек қонунчилик ҳужжатларида белгиланган меъёрлардан келиб чиққан ҳолда аниқланади;

эпизоотик касалликларга қарши тадбирлар ва қишлоқ хўжалиги зараркунандаларига (чигирткалар, тут парвонаси ва бошқалар) қарши курашиш билан боғлиқ харажатлар прогноз иш ҳажмлари ва кимёвий препаратларга бўлган эҳтиёжлар, шунингдек бажариладиган иш турларидан келиб чиққан ҳолда аниқланади.

Бюджет тизими бюджетлари харажатларининг иқтисодий таснифи бўйича бошқа харажатларни аниқлашда ўзгача кўрсаткичлар ва услублар қўлланиши мумкин, уларнинг асосланганлиги харажатлар сметасини рўйхатдан ўтказувчи тегишли бюджет маблағларини тақсимловчилар ҳамда иқтисодиёт ва молия органлари томонидан текширилади.

13. Юридик шахс мақомига эга бўлмаган ва/ёки тегишли давлат ҳокимияти ва бошқаруви органлари (бош бўлинма сифатида белгиланган) ҳузуридаги бухгалтериялар томонидан хизмат кўрсатилаётган ташкилотлар бўйича қуйидаги алоҳида ҳолларда бўлимлар ва кичик бўлимлар (ташкилотлар тури) кесимида харажатлар сметаси тузилиши ва тасдиқланиши мумкин:

бир турдаги кичик ташкилотлар бўйича - ветеринар участкалар ва пунктлар ҳамда бошқа кичик ташкилотлар бўйича;

бир турдаги йирик ташкилотлар бўйича, агар уларга хўжалик хизматларини кўрсатиш хўжалик хизматларни кўрсатувчи махсус гуруҳлар орқали марказлаштирилган ҳолда амалга оширилса;

фуқароларнинг ўзини ўзи бошқариш органлари бўйича;

озодликдан маҳрум этиш жойларидан озод бўлган шахсларнинг ижтимоий мослашув марказлари ҳамда вояга етмаганларга ижтимоий-ҳуқуқий ёрдам кўрсатиш марказлари бўйича.

14. Мазкур Низомнинг 13-бандида кўрсатилган ташкилотларнинг харажатлар сметаси бўйича бюджетдан ажратиладиган маблағларни тақсимловчилари бўлиб харажатлар сметасини тасдиқлаган бош ташкилотларнинг раҳбарлари ҳисобланади.

15. Мазкур Низомнинг 13-бандида кўрсатилган ташкилотларнинг харажатлар сметаси, хизмат кўрсатиладиган ташкилотларнинг раҳбарларидан олинган буюртмалар асосида ҳамда марказлаштирилган бухгалтерияда мавжуд бўлган ҳисоб ва ҳисобот, шунингдек иқтисодий ва ижтимоий ривожланиш кўрсаткичларига мувофиқ марказлаштирилган бухгалтерия томонидан тузилади.

Харажатлар сметасини тузиш учун буюртмалар ҳокимиятларнинг тегишли бошқарма ва бўлимлари томонидан белгиланган шакллар ёки кўрсаткичлар рўйхати бўйича харажатларнинг гуруҳлари ва иловалари бўйича, шунингдек харажатлар сметаларига доир ҳисоб-китобларни илова қилган ҳолда ташкилотлар томонидан тақдим қилинади.

16. Буюртмаларда қуйидаги маълумотлар кўрсатилади:

иситиш, ёритиш, сув таъминоти харажатларини ҳисоблаш учун зарур натурал кўрсаткичлар;

сотиб олиш учун мўлжалланган асбоб-ускуналар ва жиҳозлар рўйхати;

капитал ва жорий таъмирлаш учун асосий ишлар рўйхати;

ўрмон хўжалиги ташкилотлари томонидан бажариладиган ишлар ҳажми;

қонунчилик ҳужжатларига мувофиқ белгиланган кадастр юритиш ва бошқа кўрсаткичлар ҳисоби бўйича ишлар ҳажми;

бино ва иншоотларни капитал таъмирлаш бўйича манзилли рўйхатга киритиш учун асосланган ҳисоб-китоблар;

бюджетдан ажратиладиган маблағларни ажратишни асослаш учун бошқа зарур ҳисоб-китоблар.

Ташкилотлар томонидан тақдим қилинган буюртмалар марказлаштирилган бухгалтериялар томонидан тегишли ташкилотларнинг вакиллари иштирокида олдиндан кўриб чиқилади ҳамда харажатлар сметасини тузишда ҳисобга олинади.

17. Ўзбекистон Республикаси ва Қорақалпоғистон Республикаси вазирликлари, қўмиталари ва идоралари, ҳокимиятларнинг бошқармалари ва бўлимлари томонидан марказлаштирилган ҳолда амалга ошириладиган харажатлар бўйича улар томонидан ўзини сақлаш учун харажатлар сметасидан ташқари марказлаштирилган тадбирларга харажатлар сметаси тузилиши мумкин.

Агарда Ўзбекистон Республикаси ва Қорақалпоғистон Республикаси вазирликлари, қўмиталари ва идоралари, ҳокимиятларнинг бошқармалари ва бўлимлари томонидан марказлаштирилган ҳолда бир неча тадбирлар (тизимдаги барча ташкилотлар бўйича қўриқлаш хизматини тўлаш, хизмат кийимини сотиб олиш, ягона ахборот-компьютер тизимига хизмат кўрсатиш, семинарлар ўтказиш ва бошқалар) бўйича харажатлар амалга оширилаётганда, харажатлар сметасига ҳар бир марказлаштирилган ҳолда тўланадиган тадбирлар бўйича ҳисоб-китоблар илова қилинади.

18. Келгуси молия йилида очилиши режалаштириладиган бюджет ташкилотлари бўйича харажатлар сметаси тегишли вазирликлар, қўмиталар ва идоралар, тегишли ҳокимиятларнинг бошқармалари, бўлимлари томонидан ҳар бир ташкилотга алоҳида, меҳнатга ҳақ тўлаш шартлари ва фаолият кўрсатаётган шунга ўхшаш ташкилотларда мавжуд бўлган харажатларнинг ўртача меъёрларидан келиб чиққан ҳолда тузилади.

Бунда, янги бюджет ташкилотларини сақлаш харажатлари мазкур ташкилотлар фаолиятининг бошланиши мўлжалланаётган муддатлардан келиб чиққан ҳолда ҳисобланади.

19. Давлат илмий дастурларини бажаришга бюджетдан ажратиладиган маблағлар бўйича харажатлар сметаси ижрочи-ташкилотлар бўйича барча илмий лойиҳаларнинг умумий суммасини сметада бюджет тизими бюджетлари иқтисодий харажатлар таснифининг бир сатрида акс эттирган ҳолда тузилади. Бунда харажатлар сметаларига илмий-тадқиқот ишланмаларини бажариш учун иш ҳақи, унга тенглаштирилган тўловлар, иш берувчиларнинг ажратмалари ва бошқа харажатларни ўз ичига олган лойиҳа бўйича барча харажатларни ўзида акс эттирган харажатлар калькуляцияси илова қилинади.

20. Дастурий мажмуага уланган бюджет ташкилоти ва бюджет маблағлари олувчиларнинг харажатлар сметаси, шунингдек, бюджет маблағларини тақсимловчилар ва марказлаштирилган молия-бухгалтерия хизматларининг жамланма харажатлар сметаси ташкилот раҳбари ёки у ваколат берган шахснинг ЭРИси билан тасдиқланади.

Дастурий мажмуага уланмаган бюджет ташкилоти ва бюджет маблағлари олувчиларнинг харажатлар сметаси, шунингдек, марказлаштирилган молия-бухгалтерия хизматларининг жамланма харажатлар сметаси ташкилот раҳбари ёки у ваколат берган шахс томонидан тасдиқланади, тасдиқланган куни кўрсатилган ҳолда уларнинг имзолари ҳамда мазкур сметанинг барча нусхалари ташкилот муҳри изини акс эттириш билан расмийлаштирилади.

Ўзбекистон Республикасининг хориждаги дипломатик ваколатхоналари ва консуллик муассасаларининг йиллик жамланма харажатлар сметаси Ўзбекистон Республикаси ташқи ишлар вазири томонидан Ўзбекистон Республикаси Иқтисодиёт ва молия вазирлиги билан келишилган ҳолда жорий йилнинг 1 февралига қадар Ўзбекистон Республикаси ташқи ишлар вазирининг ЭРИси билан тасдиқланади.

Дастурий мажмуага уланмаган Ўзбекистон Республикасининг хориждаги дипломатик ваколатхоналари ва консуллик муассасаларининг харажатлар сметаси Ўзбекистон Республикаси ташқи ишлар вазири томонидан тасдиқланади, тасдиқланган куни кўрсатилган ҳолда уларнинг имзолари ҳамда мазкур сметанинг барча нусхалари ташкилот муҳри изини акс эттириш билан расмийлаштирилади.

Дастурий мажмуа орқали тузилган капитал қурилиш объектлари бўйича харажатлар сметаси буюртмачи раҳбарининг ЭРИси билан тасдиқланади.

Дастурий мажмуа орқали тузилмаган капитал қурилиш объектлари бўйича харажатлар сметаси буюртмачи раҳбари томонидан тасдиқланади, тасдиқланган куни кўрсатилган ҳолда имзоси ҳамда мазкур сметанинг барча нусхалари ташкилот муҳри изини акс эттириш билан расмийлаштирилади. Бунда, смета бўйича харажатларнинг умумий суммаси кўрсатилади.

21. Давлат илмий дастурларини бажариш учун ижрочи-ташкилотларга йўналтириладиган бюджетдан ажратиладиган маблағлар бўйича харажатлар сметаси улар билан мазкур дастурларга киритилган лойиҳаларни бажаришга бюджет маблағларини тақсимловчи сифатида шартнома тузган тегишли вазирлик, қўмита ва идора томонидан тузилади ҳамда унинг раҳбари (у ваколат берган шахс) ЭРИси билан тасдиқланади. Бунда ходимлар иш ҳақи жамғармасининг суммасини ажратган ҳолда сметада харажатларнинг умумий суммаси кўрсатилади.

22. Харажатлар сметаларини тасдиқлаш жорий молия йилининг 10 мартидан кечиктирмай амалга оширилади. Бунда, бюджет маблағларини тақсимловчи бўйсунувидаги бюджет ташкилотлари ва бюджет маблағлари олувчилар харажатлар сметасини бюджет маблағларини тақсимловчи томонидан белгиланган муддатларда, бироқ жорий молия йилининг 10 мартидан кечиктирмай тасдиқлайди.

22-1. Марказлаштирилган молия-бухгалтерия хизматлари бўйсунувидаги бюджет ташкилотларининг жамланма харажатлар сметасини, жамланма даромадлар ва харажатлар сметасини мазкур Низом 46-бандининг иккинчи хатбошисига мувофиқ тартибда тузади.

2-§. Штат жадвалларини тузиш ва тасдиқлаш

23. Штат жадвали мазкур Низомнинг 3-иловасига мувофиқ шаклда тузилади.

24. Бюджет ташкилотининг штат жадвалида ва марказлаштирилган молия-бухгалтерия хизматининг жамланма штат жадвалида меҳнатга ҳақ тўлаш шартларида назарда тутилган, бир йилга ҳисоб-китоб қилинган устамалар тўлашга, қўшимча ҳақ тўлаш ва ходимларни моддий рағбатлантиришга йўналтириладиган меҳнатга ҳақ тўлаш жамғармаси алоҳида сатрда кўрсатилади, масалан:

қонунчилик ҳужжатларига мувофиқ шакллантириладиган Бюджет ташкилотлари ва муассасаларини моддий рағбатлантириш махсус жамғармаси (тиббиёт муассасалари, барча типдаги умумтаълим мактаблари ва ўрта-махсус, профессионал таълим ташкилотлари бундан мустасно);

мукофотлаш, моддий ёрдам кўрсатиш, кўп йиллик меҳнати учун бир марталик рағбатлантириш учун меҳнатга ҳақ тўлаш жамғармаси;

кўп йиллик меҳнати ва махсус унвонларга (малака даражаси, даражали унвон, дипломатик мартаба ва бошқалар) ойлик устамалар ва қўшимча ҳақ тўлашни белгилаш учун меҳнатга ҳақ тўлаш жамғармаси;

меҳнат таътилидаги шахсларнинг ўрнини босувчи ходимларнинг меҳнатига ҳақ тўлаш учун меҳнатга ҳақ тўлаш жамғармаси;

Умумтаълим, ўрта-махсус, профессионал таълим ташкилотларининг директор жамғармаси ва бошқалар.

24-1. Марказлаштирилган молия-бухгалтерия хизматлари бўйсунувидаги бюджет ташкилотларининг жамланма штат жадвалини мазкур Низом 46-бандининг учинчи хатбошисига мувофиқ тартибда тузади.

25. Бюджет ташкилотининг штат жадвалини ва марказлаштирилган молия-бухгалтерия хизматининг жамланма штат жадвалини тасдиқлаш жорий молия йилининг 10 мартидан кечиктирмай амалга оширилади. Бунда, бюджет маблағларини тақсимловчи бўйсунувидаги бюджет ташкилотлари штат жадвалларини бюджет маблағларини тақсимловчи томонидан белгиланган, бироқ жорий молия йилининг 10 мартидан кечиктирмай тасдиқлайди.

Бунда, бюджет ташкилотларининг жамланма штат жадвали ва штат жадвалини тасдиқлаш бюджет ташкилотларининг жамланма харажатлар сметаси ва харажатлар сметаларини тасдиқлаш учун белгиланган талабларга мувофиқ тартибда амалга оширилади.

3-БОБ. ВАҚТИНЧАЛИК ХАРАЖАТЛАР

СМЕТАЛАРИНИ ТУЗИШ ВА ТАСДИҚЛАШ

26. Бюджет ташкилотлари ва бюджет маблағлари олувчилар томонидан вақтинчалик харажатлар сметаларини, шунингдек, марказлаштирилган молия-бухгалтерия хизматлари томонидан жамланма вақтинчалик харажатлар сметаларини тузиш ва тасдиқлаш мазкур Низомнинг тегишинча 4 ва 4а-иловаларига мувофиқ шаклларда кейинги молия йилининг биринчи чорагини ойма-ой бўлган ҳолда амалга оширилади. Бунда, вақтинчалик харажатлар сметасида назарда тутиладиган бюджетдан ажратиладиган маблағлар ўтган молия йилининг охирги чорагидаги бюджетдан ажратиладиган маблағлардан ортиқ бўлмаслиги лозим ҳамда қонунчилик ҳужжатларида белгиланган тадбирларни амалга ошириш учун харажатлар суммасига аниқлаштирилиши мумкин.

Келгуси молия йилининг биринчи чораги учун бюджет ташкилотларининг ва бюджет маблағлари олувчиларнинг вақтинчалик харажатлар сметалари, шунингдек марказлаштирилган молия-бухгалтерия хизматларининг жамланма вақтинчалик харажатлар сметалари жорий молия йилининг 25 декабригача тузилади ва тасдиқланади.

27. Жамланма вақтинчалик харажатлар сметалари ва вақтинчалик харажатлар сметалари жамланма харажатлар сметалари ва харажатлар сметаси тасдиқлангунга қадар амалда бўлади. Бунда, рўйхатдан ўтказиш учун тақдим этилган жамланма харажатлар сметаси ва харажатлар сметасида биринчи чорак учун бюджетдан ажратиладиган маблағлар вақтинчалик харажатлар сметасида назарда тутилган бюджетдан ажратиладиган маблағлардан кам бўлмаслиги керак.

28. Жамланма вақтинчалик харажатлар сметалари ва вақтинчалик харажатлар сметаларини тузиш ва тасдиқлаш харажатлар сметаларини тузиш ва тасдиқлаш талабларига мувофиқ тартибда амалга оширилади.

4-БОБ. БЮДЖЕТ ТАШКИЛОТЛАРИНИНГ БЮДЖЕТДАН

ТАШҚАРИ ЖАМҒАРМАЛАРИ БЎЙИЧА ДАРОМАДЛАР

ВА ХАРАЖАТЛАР СМЕТАЛАРИНИ ТУЗИШ

ВА ТАСДИҚЛАШ

29. Бюджетдан ташқари жамғармаларга эга бўлган бюджет ташкилотлари мазкур Низомнинг 5-иловасига мувофиқ шаклда бюджетдан ташқари жамғармалар бўйича даромадлар ва харажатлар сметасини ҳар йили тузади ва тасдиқлайди. Бунда, бюджетдан ташқари маблағлар тушумлари ва харажатларини режалаштириш бюджет ташкилотлари томонидан қонунчилик ҳужжатларига мувофиқ белгиланган даромадлар манбаи ва харажатлар йўналишларидан келиб чиққан ҳолда амалга оширилади.

30. Бюджет ташкилотлари қуйидаги бюджетдан ташқари жамғармалар бўйича сметалар тузадилар:

Бюджет ташкилотининг ривожлантириш жамғармаси;

Тиббиёт ташкилотларининг моддий рағбатлантириш ва ривожлантириш жамғармаси;

вазирликлар, қўмиталар ва идораларнинг бюджетдан ташқари жамғармалари;

бюджет ташкилотларига ундириладиган ота-оналар тўловлари ҳисобидан шакллантириладиган бюджетдан ташқари маблағлар, шу жумладан ўқувчилар ва тарбияланувчилар давлат мактабгача таълим ташкилотларида, умумтаълим мактабларининг куни узайтирилган гуруҳларида, мактаб-интернатларда, олимпия захиралари коллежлари ва бошқа таълим ташкилотларида тарбияланаётганлиги учун, ўқувчилар болалар мусиқа ва санъат мактаблари ҳамда мактабдан ташқари таълим ташкилотларида таълим олганлиги учун, олий, ўрта махсус ва профессионал таълим ташкилотларида таълим олганлик учун, стационар даволаш-профилактика муассасаларида даволанаётганлар таркиби овқатланиши учун ҳамда қонунчилик ҳужжатларига мувофиқ бошқа турдаги тўловлар.

Давлат мактабгача таълим ташкилотларида тарбияланувчилар учун ундириладиган ота-оналар тўловлари ҳисобидан шакллантириладиган, шунингдек тиббиёт муассасаларида стационар даволаш-профилактика муассасаларида даволанаётганлар таркиби овқатланиши учун ундириладиган тўловлар ҳисобидан шакллантириладиган бюджетдан ташқари маблағлар бўйича даромадлар ва харажатлар сметаси тузилмайди. Бу маблағлар мазкур муассасаларнинг харажатлар сметасида ҳисобга олинади.

31. Бюджет ташкилотларининг бюджетдан ташқари жамғармалари бўйича даромадлар ва харажатлар сметаларини тузиш ҳамда тасдиқлаш бюджет ташкилотларининг харажатлар сметалари учун белгиланган тартибга ўхшаш тартибда амалга оширилади.

Бюджет ташкилотларининг бюджетдан ташқари жамғармалари бўйича даромадлар ва харажатлар сметасида тушумлар манбаини кўрсатган ҳолда бюджетдан ташқари маблағлар тушумларининг ҳажми ва мазкур маблағлардан фойдаланиш йўналишлари қонунчилик ҳужжатлари талабларидан келиб чиққан ҳолда аниқланади.

Бюджет ташкилотларининг бюджетдан ташқари жамғармалари бўйича даромадлар ва харажатлар сметасининг даромад қисми молия йили бошидаги маблағлар қолдиғи ҳамда даромадларнинг манбалар кесимидаги прогнозидан ташкил топади.

Қонунчилик ҳужжатларига мувофиқ бюджет ташкилотларининг бюджетдан ташқари жамғармалари ҳисобидан ходимлар сони сақлаб турилган тақдирда, бюджетдан ташқари жамғармалар бўйича даромадлар ва харажатлар сметасида кўрсатилган ходимлар сони бўйича штат жадвали илова қилинади. Бунда, мазкур штат жадвали бюджет ташкилотининг штат жадвалига ўхшаш ҳолда тузилади ҳамда тегишли бюджет маблағларини тақсимловчи томонидан ёки иқтисодиёт ва молия органида мазкур Низомга мувофиқ муддатларда ва тартибда рўйхатдан ўтказилиши керак.

32. Бюджетдан ташқари жамғармалар бўйича даромадлар ва харажатлар сметалари тегишли бюджет маблағларини тақсимловчилар томонидан ёки иқтисодиёт ва молия органларида харажатлар сметаси учун белгиланган муддатларда ва тартибда рўйхатдан ўтказилиши керак, Бюджет ташкилотларини ривожлантириш жамғармаси ва Тиббиёт муассасаларини моддий рағбатлантириш ва ривожлантириш жамғармаси бундан мустасно.

5-БОБ. БЮДЖЕТ МАБЛАҒЛАРИНИ ТАҚСИМЛОВЧИЛАР

ТОМОНИДАН УЛАРНИНГ БЎЙСУНУВИДАГИ БЮДЖЕТ

ТАШКИЛОТЛАРИ ВА БЮДЖЕТ МАБЛАҒЛАРИ

ОЛУВЧИЛАРНИНГ ХАРАЖАТЛАР СМЕТАЛАРИ,

ДАРОМАДЛАР ВА ХАРАЖАТЛАР СМЕТАЛАРИ

ҲАМДА ШТАТ ЖАДВАЛЛАРИНИ

РЎЙХАТДАН ЎТКАЗИШ

1-§. Бюджет маблағларини тақсимловчилар томонидан уларнинг

бўйсунувидаги бюджет ташкилотлари ва бюджетдан маблағ

олувчиларнинг харажатлар сметалари, даромадлар

ва харажатлар сметалари ҳамда штат

жадвалларини кўриб чиқиш

33. Бюджет маблағларини тақсимловчилар уларга етказилган бюджетдан ажратиладиган маблағлар ҳажми доирасида бўйсунувидаги бюджет ташкилотлари ва бюджет маблағлари олувчиларнинг харажатлар сметаларини кўриб чиқишни таъминлайди.

34. Бюджет ташкилотлари ва бюджет маблағлари олувчилар томонидан тақдим этилган харажатлар сметалари зарур ҳолларда мазкур ташкилотларнинг раҳбарлари иштирокида кўриб чиқилади. Бунда, харажатлар сметаларини кўриб чиқувчи бюджет маблағларини тақсимловчилар қуйидагиларга мажбур:

қонунчилик ҳужжатлари талабларига, шунингдек келгуси йил харажатлар сметаларини тузиш бўйича кўрсатмаларга қатъий риоя қилинишини таъминлаш;

тежамкорлик режимига амал қилган ҳолда харажатлар сметаларида талаб этилмайдиган тадбирлар учун бюджетдан ажратиладиган маблағлар киритишга йўл қўймаслик;

алоҳида тадбирларни ўтказиш муддатларини ва уларни молиялаштиришни таъминлаш имконини ҳисобга олган ҳолда харажатлар сметаси бўйича бюджетдан ажратиладиган маблағларни чорак (ой)ларга тақсимлашни таъминлаш;

ҳисоб-китоблар ва асослантиришлар билан тасдиқланмаган суммаларни харажатлар сметаларида қабул қилишга йўл қўймаслик.

35. Бюджет маблағларини тақсимловчилар қуйидагиларни текшириши лозим:

бюджет ташкилоти ходимларига иш ҳақи тўлови учун харажатлар сметаси бўйича тасдиқланган суммаларининг штат жадвалига (бунда, харажатлар сметасидаги иш ҳақи жамғармаси ходимлар тўлиқ тўлдирилмаганлиги динамикасидан келиб чиқиб, штат жадвалидагидан кам миқдорда тасдиқланиши мумкинлигини назарда тутиш лозим) биноан тасдиқланган иш ҳақи суммаларига мувофиқлигини;

рўйхатдан ўтказиш учун тақдим этилган штат жадвалларини белгиланган намунавий штат жадваллари ва штат нормативларига мувофиқлигини;

штат жадвалида кўрсатилган лавозимларнинг Хизматчиларнинг асосий лавозимлари ва ишчилар касблари классификаторига ва намунавий штатларга мувофиқлигини;

лавозим маошлари ҳамда уларга устамаларнинг тўғри белгиланганлигини;

Бюджет ташкилотлари ва муассасалари ходимларини моддий рағбатлантириш махсус жамғармасининг тўғри ташкил қилинганлигини;

Умумтаълим, ўрта-махсус, профессионал таълим ташкилотларининг директор жамғармасининг тўғри ташкил қилинганлигини;

харажатлар сметасида тасдиқланган стипендиялар учун харажатлар суммасининг талабалар таркиби бўйича ҳисобот маълумотлари ва харажатлар сметасига доир ҳисоб-китобларга мувофиқлигини;

тўртинчи гуруҳ бўйича харажатлар суммасининг тўртинчи гуруҳ харажатлари ёйилмасида кўрсатилган суммага мувофиқлигини;

харажатлар сметасига киритилган харажатлар бўйича бошқа ҳисоб-китоблар ва асослантиришларни.

36. Бюджет маблағларини тақсимловчилар харажатлар сметасини асосланганлигини чуқурроқ ўрганиш мақсадида бўйсунувидаги бюджет ташкилотлари ва бюджет маблағлари олувчиларнинг харажатлар сметасини тузиш ва ижро этишнинг исталган босқичида уларга доир ҳисоб-китобларни талаб қилишга ҳақли.

37. Агар бюджет ташкилоти ва бюджет маблағлари олувчиларнинг рўйхатдан ўтказиш учун тақдим этилган харажатлар сметаси бўйича харажатлар суммаси белгиланган тартибда уларга етказилганига нисбатан ортиқ бўлса, бюджет маблағларини тақсимловчи тегишли суммага бўйсунувидаги мазкур бюджет ташкилоти ва/ёки бюджет маблағлари олувчининг харажатлар сметаси бўйича харажатларни қисқартиришга мажбур.

Рўйхатдан ўтказиш учун тақдим этилган харажатлар сметасида харажатлар суммасининг оширилишига йўл қўйилмайди.

38. Республика бюджетидан молиялаштириладиган ва бюджет маблағларини тақсимловчилар бўйсунувидаги бюджет ташкилотлари ва бюджет маблағлари олувчиларнинг белгиланган тартибда тасдиқланган харажатлар сметаси, даромадлар ва харажатлар сметаси ҳамда штат жадваллари бюджет маблағларини тақсимловчи томонидан рўйхатдан ўтказилгандан сўнг ҳамда бюджет маблағларини тақсимловчининг жамланма харажатлар сметаси Ўзбекистон Республикаси Иқтисодиёт ва молия вазирлигида рўйхатдан ўтказилгандан сўнг амалга киритилади.

Бюджет маблағларини тақсимловчилар смета ва штат жадваллари рўйхатдан ўтказилиши лозим бўлган ўзининг бўйсунувидаги бюджет ташкилотлари ва бюджет маблағлари олувчиларнинг ҳисобини юритишлари шарт.

39. Бюджет маблағларини тақсимловчи бўйсунувидаги ҳар бир бюджет ташкилоти ёки бюджет маблағлари олувчиларнинг рўйхатдан ўтказиш муддатларини белгиланган муддатда рўйхатга олишни тўлиқ якунлашни ва Ўзбекистон Республикаси Иқтисодиёт ва молия вазирлиги томонидан молия йилининг 1 апрелига қадар белгиланган муддатда жамланма харажатлар сметасини топширишни ҳисобга олган ҳолда белгилайди.

40. Бюджет ташкилотлари ва бюджет маблағлари олувчиларнинг штат жадвалларини рўйхатдан ўтказишда бюджет маблағларини тақсимловчи норматив-ҳуқуқий ҳужжатлар билан белгиланган штат жадвалларига нисбатан ортиқча штат бирликларни қисқартириши лозим. Аниқланган камчиликлар бартараф этилганидан кейингина рўйхатдан ўтказишни амалга ошириш лозим.

41. Янгидан ташкил этилаётган (жумладан, қайта ташкил этиш натижасида ташкил қилинган) бюджет ташкилотлари ёки бюджет маблағлари олувчиларининг харажатлар сметаси, даромадлар ва харажатлар сметаси ва штат жадвалларини рўйхатдан ўтказиш мазкур ташкилотларни белгиланган тартибда ташкил қилиниши тўғрисидаги тегишли қарор кўрсатилганидан сўнг амалга оширилади.

42. Дастурий мажмуага уланмаган бюджет ташкилотлари ёки бюджетдан маблағ олувчиларнинг харажатлар сметаси, даромадлар ва харажатлар сметаси ва штат жадвалларини рўйхатга олиш мазкур Низомнинг 6-иловасига мувофиқ шаклдаги рўйхатдан ўтказиш карточкасини бериш йўли билан расмийлаштирилади.

Харажатлар сметаси, даромадлар ва харажатлар сметаси ва штат жадваллари рўйхатдан ўтказилганлиги тўғрисидаги маълумотлар мазкур Низомнинг 7-иловасига мувофиқ шаклдаги Бюджет ташкилотлари ва бюджетдан маблағ олувчиларнинг рўйхатга олинган (жамланма) харажатлар сметаси, даромадлар ва харажатлар сметаси ва штат жадвалларини ҳисобга олиш журналига киритилади.

Дастурий мажмуага уланган бюджет ташкилотлари ёки бюджетдан маблағ олувчиларнинг харажатлар сметаси, даромадлар ва харажатлар сметаси ва штат жадвалларини рўйхатга олиш электрон тарзда мазкур Низомнинг 6-иловасига мувофиқ шаклдаги рўйхатдан ўтказиш карточкасини бериш йўли билан расмийлаштирилади.

Бунда, дастурий мажмуа орқали рўйхатдан ўтказилган харажатлар сметаси, даромадлар ва харажатлар сметаси ва штат жадвалларининг ҳисоби Бюджет ташкилотлари ва бюджетдан маблағ олувчиларнинг рўйхатга олинган (жамланма) харажатлар сметаси, даромадлар ва харажатлар сметаси ва штат жадвалларини ҳисобга олиш журналида электрон тарзда юритилади.

43. Рўйхатдан ўтказилганлиги тўғрисидаги ҳужжатлар (рўйхатдан ўтказиш карточкалари, сметалар ва штат жадваллари) бюджет маблағларини тақсимловчиларнинг раҳбарлари ёки уларнинг ўринбосарлари ва молия-иқтисод бўлинмаси бошлиқлари томонидан имзоланади. Бунда, дастурий мажмуа орқали жўнатилган ушбу ҳужжатлар бюджет маблағларини тақсимловчиларнинг раҳбарлари ёки уларнинг ўринбосарлари ва молия-иқтисод бўлинмаси бошлиқларининг ЭРИси билан тасдиқланади.

44. Дастурий мажмуа орқали тузилмаган харажатлар сметаси, даромадлар ва харажатлар сметаси ва штат жадваллари рўйхатга олинганлиги тўғрисидаги штамп билан:

биринчи нусхаси - тегишли бюджет ташкилоти ёки бюджет маблағлари олувчига қайтирилади;

иккинчи нусхаси - ҳар бир бюджет ташкилоти ёки бюджет маблағлари олувчилар учун алоҳида папкаларда бюджет маблағларини тақсимловчининг тегишли молия-иқтисод бўлинмаларида (бунда, бюджет маблағларини тақсимловчилари мавжуд бўлмаган ҳолларда тегишли иқтисодиёт ва молия органларида) сақланади.

45. Мамлакатда мудофаа қобилиятини, хавфсизликни таъминлаш, ички тартибни сақлаш билан боғлиқ харажатлари билан боғлиқ харажатлар сметаси, даромадлар ва харажатлар сметаси, штат жадвалларини тузиш, тасдиқлаш ва рўйхатдан ўтказиш қонунчилик ҳужжатларида белгиланган тартибда амалга оширилади.

2-§. Бюджет маблағларини тақсимловчи томонидан жамланма

харажатлар сметаси, даромадлар ва харажатлар сметаси

ва штат жадвалларини тузиш ва тасдиқлаш

46. Бюджет маблағларини тақсимловчилар:

жамланма харажатлар сметасини бюджет таснифига мувофиқ бўлим, кичик бўлим, боб ва харажат гуруҳлари кесимида, бўйсунувидаги бюджет ташкилотлари ва бюджет маблағлари олувчиларнинг харажатлар сметаси, марказлаштирилган тадбирлар харажатлар сметасини, бюджет маблағларини тақсимловчилар харажатлар сметасини жамлаш йўли билан мазкур Низомнинг 8-иловасига мувофиқ шаклда;

жамланма даромадлар ва харажатлар сметасини бюджет таснифига мувофиқ бўлим, кичик бўлим, боб ва харажатлар моддалари кесимида, бўйсунувидаги бюджет ташкилотлари ва бюджет маблағлари олувчиларнинг даромадлар ва харажатлар сметасини, марказлаштирилган тадбирлар харажатлар сметасини, бюджет маблағларини тақсимловчилар даромадлар ва харажатлар сметасини жамлаш йўли билан мазкур Низомнинг 9-иловасига мувофиқ шаклда;

жамланма штат жадвалини бюджет таснифига мувофиқ бўлим ва кичик бўлимлари кесимида бўйсунувидаги бюджет ташкилотлари ходимларининг ва бюджет маблағларини тақсимловчи ходимларининг лавозимлари ёки тоифалари бўйича сонини гуруҳлаштириш йўли билан мазкур Низомнинг 10-иловасига мувофиқ шаклда тузади.

Жамланма харажатлар сметасига сет, штат ва контингентлар (синфлар, койкалар миқдори, ходимлар сони ва шу кабилар) бўйича жамланма ҳисоботлар илова қилинади.

47. Бюджет маблағларини тақсимловчи томонидан давлат божлари, йиғимлар ва солиқ бўлмаган тўловлар, маъмурий жарималар ҳамда молиявий санкциялардан ажратмалар ҳисобидан белгиланган тартибда шакллантириладиган вазирликлар, қўмиталар ва идораларнинг бюджетдан ташқари жамғармалари бўйича жамланма даромадлар ва харажатлар сметаси мазкур Низомнинг 11-иловасига мувофиқ шаклда тузилади.

Қонунчилик ҳужжатларига мувофиқ вазирликлар, қўмиталар ва идораларнинг бюджетдан ташқари жамғармалари бўйича жамланма даромадлар ва харажатлар сметалари ҳисобидан белгиланган миқдорда ходимлар бирликлари сақлаб турилган ҳолларда сметага мазкур Низомнинг 3-иловасига мувофиқ шаклда молиялаштириш манбаи кўрсатилган ҳолда штат жадвали илова қилинади.

48. Бюджет маблағларини тақсимловчиларнинг жамланма харажатлар сметаси, жамланма даромадлар ва харажатлар сметаси ва жамланма штат жадваллари бюджет маблағлари тақсимловчиларнинг бош бухгалтери (унинг ўринбосари) ва молия-иқтисод бўлинмаси бошлиғи (штат жадвалига мувофиқ молия-иқтисод масалалар бўйича мутахассиси) томонидан имзоланади ҳамда бюджет маблағларини тақсимловчи раҳбари ёки у ваколат берган шахс томонидан тасдиқланади.

49. Бюджет маблағларини тақсимловчилар Ўзбекистон Республикаси Иқтисодиёт ва молия вазирлигига жамланма харажатлар сметаси, жамланма даромадлар ва харажатлар сметаси ҳамда жамланма штат жадваллари билан бир вақтда бўйсунувларидаги бюджет ташкилотлари ҳамда бюджет маблағларини олувчилар бўйича тасдиқланган даромадлар ва харажатлар сметасини ва штат жадвалларини дастурий мажмуа орқали юборади.

Мазкур банднинг биринчи хатбошисида кўрсатилган ҳужжатлардан ташқари таркибида ички аудит ва молиявий назорат хизматлари мавжуд бўлган бюджет маблағларини тақсимловчилар ички аудит ва молиявий назорат хизматларининг хулосаларини тақдим этади.

Дастурий мажмуага уланмаган бюджет маблағларини тақсимловчилар жамланма харажатлар сметаси, жамланма даромадлар ва харажатлар сметаси ва жамланма штат жадвалларини тегишинча Ўзбекистон Республикаси Иқтисодиёт ва молия вазирлиги ҳамда унинг ҳудудий органларига рўйхатдан ўтказиш учун тақдим қилади.

6-БОБ. ЎЗБЕКИСТОН РЕСПУБЛИКАСИ ИҚТИСОДИЁТ

ВА МОЛИЯ ВАЗИРЛИГИ ҲАМДА ҲУДУДИЙ ИҚТИСОДИЁТ ВА

МОЛИЯ ОРГАНЛАРИДА БЮДЖЕТ ТАШКИЛОТЛАРИ ҲАМДА

БЮДЖЕТ МАБЛАҒЛАРИ ОЛУВЧИЛАРНИНГ ХАРАЖАТЛАР

СМЕТАСИНИ, ДАРОМАДЛАР ВА ХАРАЖАТЛАР СМЕТАСИНИ ВА

ШТАТ ЖАДВАЛЛАРИНИ, ШУНИНГДЕК БЮДЖЕТ МАБЛАҒЛАРИНИ

ТАҚСИМЛОВЧИЛАРНИНГ ВА МАРКАЗЛАШТИРИЛГАН МОЛИЯ-

БУХГАЛТЕРИЯ ХИЗМАТЛАРИНИНГ ЖАМЛАНМА ХАРАЖАТЛАР

СМЕТАСИ, ЖАМЛАНМА ДАРОМАДЛАР ВА ХАРАЖАТЛАР

СМЕТАСИНИ ВА ЖАМЛАНМА ШТАТ ЖАДВАЛЛАРИНИ

РЎЙХАТДАН ЎТКАЗИШ

1-§. Умумий қоидалар

50. Белгиланган тартибда тасдиқланган бюджет ташкилотлари ва бюджет маблағлари олувчиларнинг харажатлар сметаси, даромадлар ва харажатлар сметаси ҳамда штат жадваллари, шунингдек бюджет маблағларини тақсимловчиларнинг ва марказлаштирилган молия-бухгалтерия хизматларининг жамланма харажатлар сметаси, жамланма даромадлар ва харажатлар сметаси ҳамда жамланма штат жадваллари, улар иқтисодиёт ва молия органларида рўйхатдан ўтказилганидан кейин амалга киритилади.

Иқтисодиёт ва молия органлари бюджет маблағларини тақсимловчилар, бюджет ташкилотлари ва бюджет маблағлари олувчилари билан биргаликда мазкур банднинг биринчи хатбошисида кўрсатилган ҳужжатларни ҳар бир ташкилотни рўйхатдан ўтказиш муддатларини бюджет тўғрисидаги қонунчилик ҳужжатлари билан белгиланган муддатда рўйхатга олишни тўлиқ якунлашни ҳисобга олган ҳолда белгилайдилар.

51. Харажатлар сметаси, даромадлар ва харажатлар сметаси ва штат жадваллари, вақтинчалик харажатлар сметасини, шунингдек жамланма харажатлар сметаси, жамланма даромадлар ва харажатлар сметаси, жамланма вақтинчалик харажатлар сметаси ва жамланма штат жадвалларини рўйхатдан ўтказиш:

бюджет маблағларини тақсимловчиларнинг жамланма харажатлар сметаси, жамланма даромадлар ва харажатлар сметаси, жамланма вақтинчалик харажатлар сметаси ва жамланма штат жадваллари - Ўзбекистон Республикаси Иқтисодиёт ва молия вазирлиги томонидан (бунда бўйсунувида бюджет ташкилотлари ҳамда бюджет маблағлари олувчилари бўлмаган бюджет маблағларини тақсимловчилар бўйича харажатлар сметаси, даромадлар ва харажатлар сметаси ҳамда штат жадваллари рўйхатдан ўтказилади);

Қорақалпоғистон Республикасининг республика бюджетидан, вилоятларнинг вилоят бюджетларидан ва Тошкент шаҳрининг шаҳар бюджетидан молиялаштириладиган бюджет ташкилотлари ҳамда бюджет маблағлари олувчилар харажатлар сметаси, даромадлар ва харажатлар сметаси, вақтинчалик харажатлар сметаси, штат жадваллари - Қорақалпоғистон Республикасининг Иқтисодиёт ва молия вазирлиги, вилоятлар ва Тошкент шаҳар ҳокимликларининг иқтисодиёт ва молия бош бошқармалари томонидан;

шаҳар ва туман бюджетларидан молиялаштириладиган бюджет ташкилотлари, марказлаштирилган молия-бухгалтерия хизматлари ҳамда бюджет маблағлари олувчиларнинг (жамланма) харажатлар сметаси, даромадлар ва харажатлар сметаси, (жамланма) вақтинчалик харажатлар сметаси, штат жадваллари - тегишли туманлар ва шаҳарлар ҳокимликларининг иқтисодиёт ва молия бўлимлари томонидан амалга оширилади.

Бунда, Қорақалпоғистон Республикасининг Иқтисодиёт ва молия вазирлиги, вилоятлар ва Тошкент шаҳар ҳокимликларининг иқтисодиёт ва молия бошқармалари профессионал таълим ташкилотларининг харажатлар сметаси, штат жадваллари ва вақтинчалик харажатлар сметасини, улар учун Ўзбекистон Республикаси республика бюджети шахсий ғазна ҳисобварақларини очиб, рўйхатдан ўтказади ва Қорақалпоғистон Республикаси, вилоятлар ва Тошкент шаҳри бўйича профессионал таълим ташкилотларининг жамланма харажатлар сметаси, жамланма вақтинчалик харажатлар сметаси ва жамланма штат жадвалларини Ўзбекистон Республикаси Иқтисодиёт ва молия вазирлигига белгиланган муддатларда рўйхатдан ўтказиш учун тақдим этади.

52. Ўзбекистон Республикаси Ташқи ишлар вазирлигининг дипломатик муассасаларини сақлаб туриш учун тасдиқланган жамланма харажатлар сметаси Ўзбекистон Республикаси Иқтисодиёт ва молия вазирлигининг соҳаларни молиялаштирувчи тегишли бўлинмаси томонидан рўйхатдан ўтказилади.

53. Иқтисодиёт ва молия органлари харажатлар сметаси ва штат жадваллари рўйхатдан ўтказилиши лозим бўлган ташкилотлар ҳисобини олиб боришга мажбурлар.

2-§. Иқтисодиёт ва молия органларида бюджет ташкилотлари

ва бюджет маблағлари олувчиларнинг харажатлар сметаси,

даромадлар ва харажатлар сметаси, вақтинчалик харажатлар

сметаси ҳамда штат жадваллари, шунингдек бюджет маблағларини

тақсимловчиларнинг ва марказлаштирилган молия-бухгалтерия

хизматларининг жамланма харажатлар сметаси, жамланма даромадлар

ва харажатлар сметасини ва штат жадвалларини рўйхатдан ўтказиш

54. Харажатлар сметаси тасдиқланган харажатлар бўйича қуйидаги харажатлар гуруҳига ажратган ҳолда умумий тарзда рўйхатдан ўтказилади:

иш ҳақи ва унга тенглаштирилган тўловлар;

иш берувчиларнинг ажратмалари;

бошқа харажатлар.

54-1. Марказлаштирилган молия-бухгалтерия хизматлари томонидан, жамланма харажатлар сметаси, жамланма даромадлар ва харажатлар сметаси ва жамланма штат жадваллари рўйхатдан ўтказилгандан сўнг мазкур сметалар бўйича молиялаштириладиган бўйсунувдаги ташкилотларга 10 иш куни ичида қуйидаги маълумотлар тақдим этилади:

штат жадваллари ва мазкур ташкилот ходимлари иш ҳақи ставкалари;

ишлаб чиқариш кўрсаткичлари (ўқувчилар, синфлар, болалар, койкалар, койка-кун, бола-кунлари ва бошқалар сони), бепул ёки имтиёзли озиқ-овқат олувчи ўқувчилар сони, биринчи синф ўқувчиларининг сони, бепул қишки кийим ва пойафзал ажратиладиган, аҳолини кам таъминланган қатламидан бошланғич синфларда ўқувчилари сони ва бошқа тармоқ кўрсаткичлари;

бюджет ажратилган маблағлар доирасида сотиб олишга мўлжалланган жиҳозлар ва асбоб-ускуналар рўйхати;

жорий ва капитал таъмирлаш бўйича асосий ишлар рўйхати.

Маълумотлар тегишли иқтисодиёт ва молия органлари томонидан тасдиқланган шаклларда тақдим этилади.

55. Ўзбекистон Республикаси Вазирлар Маҳкамасининг захира жамғармаси, Қорақалпоғистон Республикаси республика бюджетининг, вилоятлар вилоят бюджетларининг ва Тошкент шаҳри шаҳар бюджетининг захира жамғармалари, шунингдек молия йили бошидаги мавжуд эркин қолдиқлар ва тегишли бюджет тизими бюджетлари ижроси бўйича қўшимча олинган даромадлар ҳисобидан ташкилотлар харажатларини молиялаштириш (тўлаш) мазкур Низом талабларига мувофиқ тузилган ва тегишли иқтисодиёт ва молия органида рўйхатдан ўтказилган харажатлар сметаси асосида амалга оширилади.

56. Намунавий штатлар белгиланган ташкилотларнинг штат жадвали намунавий штатларга мувофиқ ҳамда харажатлар сметасида назарда тутилган меҳнатга ҳақ тўлаш жамғармаси доирасида рўйхатдан ўтказиш учун қабул қилинади.

Ташкилотларга иш ҳажмига кўра намунавий штатлар қўлланиши мумкин бўлмаган ёки ташкилотлар учун тасдиқланган штатлар нормативлари (намунавий штатлар) мавжуд бўлмаган ҳолларда, штатларни тасдиқлаш ҳуқуқи берилган тегишли раҳбарлар томонидан улар учун белгиланган меҳнатга ҳақ тўлаш жамғармаси доирасида тасдиқланган штатлар жадвали рўйхатдан ўтказиш учун қабул қилинади.

57. Ташкилотлар ходимларининг лавозим бўйича маошлари ва тариф ставкалари қонунчилик ҳужжатларига мувофиқ белгиланади ҳамда рўйхатдан ўтказиш учун харажатлар сметасида назарда тутилган меҳнатга ҳақ тўлаш жамғармаси доирасида қабул қилинади.

58. Иш ҳақи миқдори тарификация бўйича белгиланадиган, яъни, аттестация натижалари бўйича бериладиган тегишли малака тоифаси мавжудлигига, иш вақтининг ҳақиқий ҳажмига ва бошқаларга кўра белгиланадиган ходимлар меҳнатига ҳақ тўлаш жамғармаси штат жадвалларида кўрсатилади ва у раҳбар, бош бухгалтери (бухгалтер) томонидан имзоланадиган тарификация рўйхатидаги меҳнатга ҳақ тўлаш жамғармасига мувофиқ бўлиши лозим.

59. Харажатлар сметаси мазкур харажатлар сметасида тасдиқланган барча гуруҳлар бўйича харажатларни, харажатлар ёйилмасига ва уларнинг ҳисоб-китобларига тўлиқ мос келишини текширган ҳолда рўйхатдан ўтказиш учун қабул қилинади.

3-§. Харажатлар сметаси ва штат жадвалларининг тасдиқланиши

ҳамда рўйхатдан ўтказилишининг расмийлаштирилиши

тўғрилигини текшириш

60. Тегишли иқтисодиёт ва молия органлари ташкилотларнинг харажатлар сметасини чуқур ўрганиш мақсадида бюджет ташкилотлари ҳамда бюджет маблағлари олувчиларнинг харажатлар сметасини, бюджет маблағларини тақсимловчиларнинг ва марказлаштирилган молия-бухгалтерия хизматларининг жамланма харажатлар сметасини тузиш ва ижро этишнинг исталган босқичида қўшимча ҳисоб-китобларини талаб қилишга ҳақли.

61. Харажатлар сметаси ва штат жадваллари, жамланма харажатлар сметаси ва жамланма штат жадвалларини рўйхатдан ўтказишдан олдин иқтисодиёт ва молия органлари қуйидагиларни:

бюджет ташкилоти ходимларига иш ҳақи тўлови учун харажатлар сметаси бўйича тасдиқланган суммаларининг штат жадвалига биноан тасдиқланган иш ҳақи суммаларига мувофиқлигини (бунда, харажатлар сметасидаги иш ҳақи жамғармаси ходимлар тўлиқ тўлдирилмаганлиги динамикасидан келиб чиқиб, штат жадвалидагидан кам миқдорда тасдиқланиши мумкинлигини назарда тутиш лозим);

рўйхатдан ўтказиш учун тақдим этилган штат жадвалларининг белгиланган намунавий штатлар ва штат нормативларига мувофиқлиги;

штат жадвалларида белгиланган лавозимлар бўйича маошлар ҳамда уларга қўшимчаларнинг тўғри белгиланганлиги;

Бюджет ташкилотлари ходимларини моддий рағбатлантириш махсус жамғармасининг тўғри шакллантирилганлигини;

Умумтаълим, ўрта махсус, профессионал таълим ташкилотларининг директор жамғармаси тўғри шакллантирилганлигини;

харажатлар сметасида тасдиқланган стипендиялар учун харажатлар суммасининг харажатлар сметасига доир ҳисоб-китобларга мувофиқлигини;

бюджет ташкилотлари бюджетдан ташқари жамғармалари бўйича тушумларни ҳисобга олган ҳолда "Бошқа харажатлар" гуруҳи харажатлари суммасининг харажатлар сметасида тасдиқланган суммасига мувофиқлигини;

консуллик йиғимларининг келиб тушишини ҳисобга олган ҳолда Ўзбекистон Республикаси Ташқи ишлар вазирлигининг дипломатик муассасаларини сақлаш учун бюджетдан ажратиладиган маблағлар харажатлари ҳисоб-китоби тўғрилигини текшириши лозим.

62. Ташкилотларнинг харажатлар сметаси ва штат жадвалларини рўйхатдан ўтказишда иқтисодиёт ва молия органлари ортиқча штатларни чиқариб ташлашлари лозим. Аниқланган камчиликлар бартараф этилганидан кейингина рўйхатдан ўтказишни амалга ошириш лозим.

63. Янгидан ташкил этилаётган жумладан, қайта ташкил этиш натижасида ташкил қилинган ташкилотларнинг харажатлар сметаси ва штат жадвалларини рўйхатдан ўтказиш мазкур ташкилотларни белгиланган тартибда ташкил қилиниши тўғрисидаги тегишли қарор кўрсатилганидан сўнг амалга оширилади.

64. Бюджет ташкилотлари, марказлаштирилган молия-бухгалтерия хизматлари ёки бюджетдан маблағ олувчиларнинг харажатлар сметаси ва штат жадвалларини рўйхатга олиш мазкур Низомнинг 6-иловасига мувофиқ шаклдаги рўйхатдан ўтказиш карточкасини бериш йўли билан расмийлаштирилади.

Рўйхатдан ўтказиш карточкаси юридик шахс мақомига эга ташкилотларга берилади.

Юридик шахс мақомига эга бўлмаган, бошқа ташкилотнинг тузилмавий бўлинмаси бўлган тузилмалар ўзлари қарашли бўлган ташкилотлар билан бирга битта рўйхатдан ўтказиш карточкаси бўйича рўйхатдан ўтказилади. Бунда, зарур ҳолларда, рўйхатдан ўтказиш карточкасидаги штатлар бўйича кўрсаткичлар ташкилотлар бўйича ва уларнинг тузилмалари бўйича алоҳида берилади.

Бунда, дастурий мажмуага уланган бюджет ташкилотлари ёки бюджетдан маблағ олувчиларнинг харажатлар сметаси, даромадлар ва харажатлар сметаси ва штат жадвалларини рўйхатга олиш электрон тарзда амалга оширилади.

65. Харажатлар сметаси ва штат жадваллари рўйхатдан ўтказилганлиги тўғрисидаги маълумотлар мазкур Низомнинг 7-иловасига мувофиқ шаклдаги Бюджет ташкилотлари, марказлаштирилган молия-бухгалтерия хизматлари ва бюджетдан маблағ олувчиларнинг рўйхатга олинган (жамланма) харажатлар сметаси, даромадлар ва харажатлар сметаси ва штат жадвалларини ҳисобга олиш журналига киритилади.

Бюджет маблағларини тақсимловчиларнинг жамланма харажатлар сметаси, жамланма даромадлар ва харажатлар сметаси рўйхатдан ўтказилганлиги тўғрисидаги маълумотлар мазкур Низомнинг 7-иловасига мувофиқ шаклдаги Бюджет ташкилотлари, марказлаштирилган молия-бухгалтерия хизматлари ва бюджетдан маблағ олувчиларнинг рўйхатга олинган (жамланма) харажатлар сметаси, даромадлар ва харажатлар сметаси ва штат жадвалларини ҳисобга олиш журналига рўйхатдан ўтказиш карточкаси расмийлаштирмасдан киритилади.

Бунда, дастурий мажмуа орқали рўйхатдан ўтказилган жамланма харажатлар сметаси, жамланма даромадлар ҳамда харажатлар сметаси ва штат жадвалларининг ҳисоби Бюджет ташкилотлари ва бюджетдан маблағ олувчиларнинг рўйхатга олинган (жамланма) харажатлар сметаси, даромадлар ва харажатлар сметаси ва штат жадвалларини ҳисобга олиш журналида электрон тарзда юритилади.

66. Рўйхатдан ўтказиш карточкалари, харажатлар сметаси, даромадлар ва харажатлар сметаси ҳамда штат жадваллари, шунингдек жамланма харажатлар сметаси, жамланма даромадлар ва харажатлар сметаси ва жамланма штат жадваллари қуйидаги тарзда:

сметалар ва штат жадваллари Ўзбекистон Республикаси Иқтисодиёт ва молия вазирлигида рўйхатдан ўтказиладиган ташкилотлар бўйича - иқтисодиёт ва молия вазирининг ўринбосари, соҳаларни молиялаштирувчи тегишли бўлинма бошлиқлари томонидан;

ҳудудий иқтисодиёт ва молия органларида - Қорақалпоғистон Республикаси иқтисодиёт ва молия вазири ёки унинг ўринбосари, иқтисодиёт ва молия органлари бошлиқлари (мудирлари) ёки уларнинг ўринбосарлари ҳамда иқтисодиёт ва молия органлари бюджет бўлимлари ва иқтисодиёт ва молия органларининг тегишли (бўлимлари) секторлари бошлиқлари томонидан имзоланади.

Бунда, дастурий мажмуага уланган бюджет ташкилотлари ва бюджетдан маблағ олувчиларнинг рўйхатдан ўтказиш карточкалари, харажатлар сметаси, даромадлар ва харажатлар сметаси ҳамда штат жадваллари, шунингдек, жамланма харажатлар сметаси, жамланма даромадлар ва харажатлар сметаси ва жамланма штат жадваллари юқоридаги масъул шахсларнинг ЭРИси билан имзоланади.

68. Дастурий мажмуага уланмаган бюджет ташкилотлари ва бюджетдан маблағ олувчиларнинг рўйхатдан ўтказилган (жамланма) харажатлар сметаси ва штат жадвалларининг бир нусхаси Ўзбекистон Республикаси Иқтисодиёт ва молия вазирлигининг соҳаларни молиялаштирувчи тегишли бўлинмаларида ва ҳудудий иқтисодиёт ва молия органларида алоҳида папкаларда сақланади.

69. Дастурий мажмуага уланмаган бюджет ташкилотлари ва бюджет маблағлари олувчиларнинг ахборот тизимига белгиланган тартибда рўйхатдан ўтказилган харажатлар сметаси, даромадлар ва харажатлар сметаси, вақтинчалик харажатлар сметаси кўрсаткичларини киритиш:

Ўзбекистон Республикаси республика бюджетидан молиялаштириладиган бюджет ташкилотлари ва бюджет маблағлари олувчилар бўйича - Ўзбекистон Республикаси Иқтисодиёт ва молия вазирлигининг соҳаларни молиялаштирувчи тегишли бўлинмалари;

Қорақалпоғистон Республикасининг республика бюджетидан, вилоятларнинг вилоят бюджетларидан ва Тошкент шаҳрининг шаҳар бюджетидан молиялаштириладиган бюджет ташкилотлари ва бюджет маблағлари олувчилар бўйича - Қорақалпоғистон Республикасининг Иқтисодиёт ва молия вазирлиги, вилоятлар ва Тошкент шаҳар ҳокимликларининг иқтисодиёт ва молия бошқармаларининг тегишли бўлимлари;

туман ва шаҳар бюджетидан молиялаштириладиган бюджет ташкилотлари ва бюджет маблағлари олувчилар бўйича - туманлар ва шаҳарлар ҳокимликларининг иқтисодиёт ва молия бўлимлари томонидан амалга оширилади.

70. Ташкилотлар раҳбарларининг харажатлар сметаси ва штат жадвалларини рўйхатдан ўтказиш масалалари бўйича аризалари мазкур ҳужжатлар рўйхатдан ўтказилган ҳудудий иқтисодиёт ва молия органининг раҳбари томонидан ўн кунлик муддатда кўриб чиқилади.

Харажатлар сметаси ва штат жадвалларини рўйхатдан ўтказган ҳудудий иқтисодиёт ва молия органининг қарори бўйича норозилик тўғрисидаги аризалар юқори турувчи иқтисодиёт ва молия органлари томонидан кўриб чиқилади.

Ўзбекистон Республикаси иқтисодиёт ва молия вазирининг ўринбосари қарори бўйича норозилик тўғрисидаги ариза Ўзбекистон Республикаси иқтисодиёт ва молия вазири томонидан кўриб чиқилади.

7-БОБ. БЮДЖЕТ ТАШКИЛОТЛАРИ ҲАМДА БЮДЖЕТ

МАБЛАҒЛАРИ ОЛУВЧИЛАРНИНГ ХАРАЖАТЛАР СМЕТАСИ,

ДАРОМАДЛАР ВА ХАРАЖАТЛАР СМЕТАСИ, ШТАТ ЖАДВАЛЛАРИГА,

ШУНИНГДЕК БЮДЖЕТ МАБЛАҒЛАРИНИ ТАҚСИМЛОВЧИНИНГ ВА

МАРКАЗЛАШТИРИЛГАН МОЛИЯ-БУХГАЛТЕРИЯ ХИЗМАТЛАРИНИНГ

ЖАМЛАНМА ХАРАЖАТЛАР СМЕТАСИ, ЖАМЛАНМА ДАРОМАДЛАР

ВА ХАРАЖАТЛАР СМЕТАСИ ҲАМДА ЖАМЛАНМА ШТАТ

ЖАДВАЛЛАРИГА ЎЗГАРТИРИШЛАР КИРИТИШ

71. Харажатлар сметасига ўзгартиришлар бюджет тўғрисидаги қонунчилик ҳужжатларида белгиланган тартиб ва миқдорлар доирасида рўйхатдан ўтказиш учун қабул қилинади.

Тасдиқланган харажатлар сметасига йил мобайнида қонунчилик ҳужжатлари билан белгиланган тартибда киритиладиган ўзгартиришлар тўғрисида иқтисодиёт ва молия органлари (бюджет маблағларини тақсимловчилар ва марказлаштирилган молия-бухгалтерия хизматлари ўз бўйсунувидаги) бюджет ташкилотлари ва бюджет маблағлари олувчиларни ёзма шаклда хабардор қилиши лозим.

Мазкур ўзгартиришлар бюджет ташкилотлари томонидан тасдиқланган сметаларга тузатишлар киритмай, Бюджет ташкилотларида бухгалтерия ҳисоби тўғрисидаги йўриқнома (рўйхат рақами 2169, 2010 йил 22 декабрь) билан тасдиқланган 294-сон шаклдаги касса ва ҳақиқий харажатларни ҳисобга олиш дафтарида ҳисобга олиб борилади.

72. Бюджет маблағларини тақсимловчиларнинг, бюджет ташкилотлари, марказлаштирилган молия-бухгалтерия хизматлари ва бюджет маблағлари олувчиларининг сўрови бўйича ўзгартиришлардан ташқари барча ўзгартиришлар:

Ўзбекистон Республикаси Иқтисодиёт ва молия вазирлигининг соҳаларни молиялаштирувчи тегишли бўлинмалари мазкур Низомнинг 12-иловасига мувофиқ 17-сон шаклдаги маълумотнома-билдиришномани бюджет маблағларини тақсимловчиларга йўллайди. Бунда, бўйсунувида бюджет ташкилоти ва бюджет маблағлари олувчилар мавжуд бюджет маблағларини тақсимловчилар 17-сон шаклдаги маълумотнома-билдиришнома асосида Ўзбекистон Республикаси Иқтисодиёт ва молия вазирлиги билан келишилган мазкур Низомнинг 13-иловасига мувофиқ 18-сон шаклдаги маълумотнома-билдиришномани бўйсунувидаги ташкилотларга йўллайди;

тегишли ҳудудий иқтисодиёт ва молия органлари Қорақалпоғистон Республикаси бюджети, вилоятлар ва Тошкент шаҳар маҳаллий бюджетларидан молиялаштириладиган бюджет ташкилоти ва бюджет маблағлари олувчиларга 17-сон шаклдаги маълумотнома-билдиришномани йўллайди.

73. Маълумотнома-билдиришномани олгандан сўнг бюджет маблағларини тақсимловчилар, бюджет ташкилоти, марказлаштирилган молия-бухгалтерия хизматлари ва бюджет маблағлари олувчилар мазкур Низомнинг 14-иловасига мувофиқ шаклда харажатлар сметасидаги ўзгартиришлар рўйхатини:

бюджет маблағларини тақсимловчи бўйсунувидаги бюджет ташкилотлари ва бюджет маблағлари олувчилар - бюджет маблағларини тақсимловчига;

бюджет маблағларини тақсимловчилар ҳамда марказлаштирилган молия-бухгалтерия хизматлари, шунингдек юқори турувчи бўйсунувга бўлмаган бюджет ташкилотлари ва бюджет маблағлари олувчилар - тегишли иқтисодиёт ва молия органларига тақдим этади.

74. Манзилли ва титул рўйхатига киритилган аниқликлар асосида капитал қурилиш объектлари бўйича харажатлар сметасига мазкур Низомга асосан ўзгартиришлар киритилади.

75. Бюджет тўғрисидаги қонунчилик ҳужжатларига мувофиқ бюджет ташкилотининг ва бюджет маблағлари олувчининг сўровига кўра харажатлар сметасига ўзгартиришлар мазкур Низомнинг 14-иловасига мувофиқ шаклда:

Ўзбекистон Республикасининг республика бюджетидан молиялаштириладиган бюджет ташкилотлари ва бюджет маблағлари олувчилар, шунингдек, иккинчи даражали бюджет маблағлари тақсимловчилар бўйича - биринчи даражали бюджет маблағларини тақсимловчи томонидан. Бунда, бюджет маблағларини тақсимловчилар томонидан тасарруфидаги тизим ташкилотларига бюджетдан ажратиладиган маблағлари доирасида фақат гуруҳлар бўйича ўзгартиришлар киритилиши мумкин;

биринчи даражали бюджет маблағларини тақсимловчилар бўйича - Ўзбекистон Республикаси Иқтисодиёт ва молия вазирлиги томонидан;

Қорақалпоғистон Республикасининг республика бюджетидан, вилоятларнинг вилоят бюджетларидан ва Тошкент шаҳрининг шаҳар бюджетидан молиялаштириладиган бюджет ташкилотлари ва бюджет маблағлари олувчилар бўйича - Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар ҳокимликларининг иқтисодиёт ва молия бош бошқармалари томонидан;

туманлар ва шаҳарлар бюджетларидан молиялаштириладиган бюджет ташкилотлари, марказлаштирилган молия-бухгалтерия хизматлари ва бюджет маблағлари олувчилар бўйича - туманлар ва шаҳарлар ҳокимликларининг иқтисодиёт ва молия бўлимлари томонидан рўйхатдан ўтказилади. Бунда марказлаштирилган молия-бухгалтерия хизматлари бўйсунувидаги бюджет ташкилотлари кесимида ва уларнинг раҳбарлари билан келишган ҳолда ўзгартиришларнинг жамланма сўровини ишлаб чиқади ва тақдим этади.

76. Дастурий мажмуага уланмаган бюджет ташкилотларининг белгиланган тартибда рўйхатдан ўтказилган харажатлар сметасидаги ўзгартиришлар ахборот тизимига тегишли иқтисодиёт ва молия органлари томонидан киритилади.

Дастурий мажмуага уланган бюджет ташкилотларининг рўйхатдан ўтказилган харажатлар сметасидаги ўзгартиришлар улар томонидан ахборот тизимига дастурий мажмуа орқали жўнатилади.

Харажатлар сметасининг IV гуруҳ харажатлари (дори воситалари ва озиқ-овқат маҳсулотларига харажатлардан ташқари) бўйича ўзгартиришлар, харажатлар иқтисодий таснифи модда, кичик модда ва элементлари доирасида киритилиши мумкин. Ушбу ўзгартиришлар бюджет ташкилотлари ва марказлаштирилган молия-бухгалтерия хизматлари (уларнинг бўйсунувидаги бюджет ташкилотлари бўйича) томонидан киритилади.

77. Даромадлар ва харажатлар сметасига ўзгартиришларни рўйхатдан ўтказиш тартиби мазкур Низомда даромадлар ва харажатлар сметасини рўйхатдан ўтказиш учун белгиланган тартибда амалга оширилади ва ахборот тизимига тегишли иқтисодиёт ва молия органлари томонидан киритилади.

78. Бюджет ташкилотлари, бюджет маблағлари олувчилар ва бюджет маблағларини тақсимловчилар ходимларининг лавозим бўйича маошлари ва тариф ставкаларида олдинги рўйхатдан ўтказилганларига нисбатан ўзгартиришлар Ўзбекистон Республикаси Президентининг иш ҳақини ошириш ҳақидаги фармонларига мувофиқ, шунингдек белгиланган тартибда ходимларнинг навбатдаги аттестациясини ўтказиш вақтида бюджет ташкилотлари учун белгиланган меҳнатга ҳақ тўлаш жамғармаси доирасида киритилиши мумкин. Мазкур ҳолларда штат жадвалларига ўзгартиришлар рўйхатдан ўтказилмайди.

Бошқа барча ҳолларда штат жадвалларига киритиладиган ўзгартиришлар штат жадвалларини рўйхатдан ўтказиш учун белгиланган тартибда мазкур Низомнинг 15-иловасига мувофиқ шаклда рўйхатдан ўтказилиши лозим.

79. Жорий молия йилининг ўтган ойи (чораги)да ишлатилмай қолган бюджетдан ажратиладиган маблағлар қолдиғи жорий молия йилининг кейинги ойи (чораги)га харажатлар сметасига ўзгартиришларни рўйхатдан ўтказмасдан ўтади.

80. Ташкилотлар бошқа шаҳар ёки тумандан белгиланган тартибда ўтказилган ҳолда юқори ташкилотлар раҳбарлари ўн кунлик муддатда янги жойлашган жойдаги иқтисодиёт ва молия органига аввал рўйхатдан ўтказилган смета, штат жадваллари ва рўйхатдан ўтказиш карточкасини тақдим этишлари лозим.

Бир вақтнинг ўзида иқтисодиёт ва молия органи ташкилотларни сақлаб туриш харажатлари сметаси ва штат жадвалларини рўйхатдан ўтказиш бўйича маълумотларни олдинги рўйхатдан ўтказиш жойидаги иқтисодиёт ва молия органидан талаб қилади ҳамда мазкур маълумотлар тақдим қилингандан сўнг Бюджет ташкилотлари ва бюджетдан маблағ олувчиларнинг рўйхатга олинган (жамланма) харажатлар сметаси, даромадлар ва харажатлар сметаси ва штат жадвалларини ҳисобга олиш журналига "ҳисобга қабул қилинди" деб ёзади ёки дастурий мажмуада ҳисобга қабул қилинади. Бунда, рўйхатдан ўтказиш карточкаси тегишли ўзгартиришлар билан янгисига алмаштирилади.

Иқтисодиёт ва молия органи ташкилот бошқа жойга ўтказилганлиги тўғрисида ҳам Бюджет ташкилотлари ва бюджетдан маблағ олувчиларнинг рўйхатга олинган (жамланма) харажатлар сметаси, даромадлар ва харажатлар сметаси ва штат жадвалларини ҳисобга олиш журналига ёки дастурий мажмуада тегишли ёзувни ёзади.

81. Ташкилотлар раҳбарларининг харажатлар сметаси ва штат жадвалларига ўзгартиришларни рўйхатдан ўтказиш масалалари бўйича аризалари мазкур ҳужжатлар рўйхатдан ўтказилган ҳудудий иқтисодиёт ва молия органининг раҳбари томонидан ўн кунлик муддатда кўриб чиқилади.

Харажатлар сметаси ва штат жадвалларига ўзгартиришларни рўйхатдан ўтказган ҳудудий иқтисодиёт ва молия органининг қарори бўйича норозилик тўғрисидаги аризалар юқори иқтисодиёт ва молия органида кўриб чиқилади.

Ўзбекистон Республикаси иқтисодиёт ва молия вазирининг ўринбосари қарори бўйича норозилик тўғрисидаги ариза Ўзбекистон Республикаси молия вазири томонидан кўриб чиқилади.

8-БОБ. НАЗОРАТ ВА ЖАВОБГАРЛИК

82. Бюджет ва смета-штат интизомига риоя қилинишининг назорат этилишини таъминлаш мақсадида, харажатлар сметаси ва штат жадваллари рўйхатдан ўтказилгандан сўнг бир ҳафталик муддатда бюджет тизими бюджетидан молиялаштириладиган вазирликлар, қўмиталар ва идораларнинг раҳбарлари томонидан вазирликлар, қўмиталар ва идораларда, шунингдек улар бўйсунувидаги бюджет ташкилотлари ва бюджет маблағлари олувчиларнинг бюджет ва смета-штат интизомига риоя қилинишини таъминловчи буйруқлар чиқарилади. Буйруқларда қуйидагилар тартибга солинади:

бюджет ва смета-штат интизомига риоя қилиш, харажатларни тасдиқланган бюджетдан ажратиладиган маблағлар доирасида амалга ошириш;

улар бўйсунувидаги бюджет ташкилотлари ва бюджет маблағлари олувчилар раҳбарларининг қуйидагилар бўйича мажбуриятлари:

бюджет ва смета-штат интизомига риоя қилиниши назоратини ташкил қилиш ва амалга ошириш;

бюджетга келтирилган зарарни қоплаш бўйича чораларни қабул қилиш;

бюджет ва смета-штат интизомини бузган шахсларни жавобгарликка тортиш.

83. Коммунал хизматлар (иссиқлик ва электр энергияси, газ, иссиқ ва совуқ сув, канализация) бўйича ташкилотлар учун белгиланган пул ва натурадаги лимитларга риоя қилишни таъминлаш мақсадида буйруқларда, шунингдек қуйидагиларга жавобгар бўлган мансабдор шахслар кўрсатилади:

коммунал хизматлар истеъмол қилиш лимитларини бўйсунувларидаги бюджет ташкилотлари ва бюджет маблағлари олувчиларга етказиш;

белгиланган лимитлар доирасида коммунал хизматлар етказиб берувчилари билан шартномалар тузишни таъминлаш;

коммунал хизматлар истеъмоли ҳисобини ўлчаш асбобларини ўрнатиш ва уларнинг ишлаши устидан назорат ўрнатиш;

белгиланган лимитлардан ортиқча харажатга йўл қўйган ўз бўйсунувидаги бюджет ташкилотлари ва бюджет маблағлари олувчиларнинг раҳбарлари ҳамда бош бухгалтерларини (бухгалтерларини) жавобгарликка тортиш юзасидан чоралар кўриш;

коммунал хизматлар етказиб берувчиларини шартномаларда ўрнатилган ҳажмлардан ва бюджет маблағлари лимитларидан ортиқча кўрсатаётган хизматлар учун ҳақ тўланмаслиги тўғрисида огоҳлантириш;

буйруқда кўрсатилган кўрсатмаларни бажариш.

84. Буйруқ чиқарилгандан сўнг уч кун муддат ичида унинг бир нусхаси Ўзбекистон Республикаси Иқтисодиёт ва молия вазирлигига тақдим этилади.

85. Буйруқлар билан қуйидагилар бир ҳафталик муддат ичида имзо қўйдириб таништириладилар:

бюджетдан молиялаштириладиган вазирликлар, қўмиталар ва идоралар раҳбарларининг ўринбосарлари;

бюджетдан молиялаштириладиган вазирликлар, қўмиталар ва идораларнинг молия режа-иқтисод хизматлари ходимлари;

бюджетдан ажратиладиган маблағларнинг сарфланишига масъул бўлган бошқа ходимлар;

ўз бўйсунувидаги бюджет ташкилотлари ва бюджет маблағлари олувчиларнинг раҳбарлари ҳамда бош бухгалтерлари (бухгалтерлари).

86. Ҳар йили иқтисодиёт ва молия органлари молия йилининг биринчи чорак охири ва иккинчи чорак бошида барча бюджет ташкилотлари ва бюджет маблағлари олувчиларнинг харажатлар сметаси (даромадлар ва харажатлар сметаси, вақтинчалик харажатлар сметаси), бюджет маблағларини тақсимловчининг ва марказлаштирилган молия-бухгалтерия хизматларининг жамланма харажатлар сметаси тузилиши, тасдиқланишининг тўғрилигини ва ўз вақтида етказилишини текширишдан ўтказиши, ҳудудий иқтисодиёт ва молия органлари томонидан мазкур ишларнинг ўз вақтида ва сифатли олиб борилганлигини тизимли назорат қилиши, текширувларни ташкиллаштиришда ва ўтказишда уларга зарур ёрдамни кўрсатиши лозим.

87. Мазкур Низомнинг 86-бандида кўрсатилган текширишларни ўтказишда:

смета-молия ҳужжатларини чуқур таҳлил қилишни ва ҳар томонлама ўрганишни амалга ошириш;

Ўзбекистон Республикаси ва Қорақалпоғистон Республикаси вазирликлар, қўмиталари ва идоралари, ҳокимиятларининг тегишли бошқармалари ва бўлимларида харажатлар сметасини кўриб чиқиш, тасдиқлаш, рўйхатдан ўтказиш ва ўз вақтида ташкилотларга етказиш бўйича ишларни тўғри ташкиллаштиришга эришиш;

даромадларнинг тўлиқ ҳисоби, пул маблағларининг ўтувчи қолдиқлари, бу маблағлардан тежамли ва мақсадли фойдаланилишини инобатга олган ҳолда, даромадлар ва харажатлар сметасининг даромадлар шаклланишининг қонунийлиги ва харажатлар режалаштирилишининг асосланганлигини эътиборга олиш;

харажатларни режалаштиришда аниқланган камчиликларни бартараф этишда тезкор ҳолда чора-тадбирларни қўллаш, харажатлар сметаси бўйича аниқланган ортиқча бюджетдан ажратиладиган маблағлар суммасини бу ҳақда бюджет ташкилотлари ва бюджет маблағлари олувчилар, шунингдек бюджет маблағларини тақсимловчилар раҳбарларига хабар берган ҳолда ўз вақтида бюджетдан молиялаштириш миқдорини қисқартириш зарур.

88. Бюджет ташкилотлари, бюджет маблағлари олувчилар, Ўзбекистон Республикаси ва Қорақалпоғистон Республикаси вазирликлари, қўмиталари ва идоралари, ҳокимиятнинг бошқармалари ва бўлимларида харажатларни режалаштириш ҳолатини текшириш натижалари бўйича зарур ҳолларда Ўзбекистон Республикаси Вазирлар Маҳкамасига, Қорақалпоғистон Республикаси Вазирлар Кенгашига, тегишли ҳокимиятларга қоида бузилишларни бартараф этиш ва аниқланган ортиқча бюджетдан ажратилган маблағлар суммасини харажатлар сметасидан камайтириш тўғрисида таклифлар киритиш билан ахборот берилиши мумкин.

Ташкилотларнинг харажатлар сметасининг тўғри тузилиши, тасдиқланиши ва ўз вақтида етказилиши бўйича текшириш натижалари Ўзбекистон Республикаси Иқтисодиёт ва молия вазирлиги ва ҳудудий иқтисодиёт ва молия органларида, шунингдек, Ўзбекистон Республикаси вазирликлари, қўмиталари, идораларида мунтазам умумлаштирилади ва кўриб чиқилади ҳамда мазкур ишларни янада такомиллаштириш бўйича чора-тадбирлар қабул қилинади.

89. Бюджет ташкилотлари, марказлаштирилган молия-бухгалтерия хизматлари ва бюджет маблағлари олувчиларнинг (жамланма) смета ижроси бевосита мазкур ташкилот раҳбарлари томонидан амалга оширилади. Бюджет маблағларидан тасдиқланмаган харажатлар сметаси, бюджет ташкилотлари, марказлаштирилган молия-бухгалтерия хизматлари ва бюджет маблағлари олувчиларнинг (жамланма) харажатлар сметасида назарда тутилмаган тадбирлар, шунингдек даромадлар ва харажатлар сметаси бўйича сметада ёки жамланма харажатлар сметаси ва алоҳида харажатлар сметасида тасдиқлангандан ортиқ суммаларда харажат қилиш тақиқланади.

90. Вазирликлар, қўмиталар ва идоралар, бюджет ташкилотлари ҳамда бюджет маблағлари олувчилар раҳбарлари, шунингдек улар бўйсунувидаги ташкилотлар смета-штат интизомига ва смета-штат ҳужжатларининг тақдим этиш муддатига риоя қилиниши учун шахсан жавоб берадилар.

Рўйхатдан ўтказиш учун тақдим қилинган харажатлар сметасига келтирилган ҳисоб-китобларда кўрсатилган бюджет ташкилотлари ва бюджет маблағлари олувчиларнинг иқтисодий ва ишлаб чиқариш кўрсаткичлари (тарификация рўйхати, майдони, ҳажми, сарфланаётган коммунал хизматлари бўйича табиий кўрсаткичлар ҳажми ҳамда улар бўйича харажатларнинг тасдиқланган харажатлар сметасига ва паспорт маълумотига, шартномалар ва бошқаларга мослиги)нинг тўғрилиги ва асосланганлиги учун ташкилотларининг раҳбарлари ва бош бухгалтерлари (бухгалтерлари), молия-иқтисод бўлими бошлиқлари (штат жадвалларига мувофиқ молия-иқтисод масалалари бўйича мутахассис) шахсан жавобгар бўлади.

Рўйхатдан ўтказиш учун тақдим қилинган жамланма харажатлар сметасига келтирилган ҳисоб-китобларда кўрсатилган бюджет маблағларини тақсимловчиларнинг ва марказлаштирилган молия-бухгалтерия хизматларининг иқтисодий ва ишлаб чиқариш кўрсаткичларининг тўғрилиги ва асосланганлиги учун бюджет маблағларини тақсимловчилар раҳбарлари ва бош бухгалтерлари (бухгалтерлари), молия-иқтисод бўлими бошлиқлари шахсан жавобгар бўлади.

Иқтисодиёт ва молия органлари ва бюджет маблағларини тақсимловчиларнинг масъул ходимлари ташкилотларнинг харажатлар сметаси ва штат жадвалларининг, шунингдек уларга киритилган ўзгартиришларнинг рўйхатдан ўтказилиши тўғрилиги учун жавобгар бўладилар.

91. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.

Низомга

1-ИЛОВА

______ ЙИЛ УЧУН ХАРАЖАТЛАР СМЕТАСИ

Ташкилотнинг тўлиқ номи: ________________________________________

Тўлиқ манзили: ____________________________________________________

Бюджет даражаси: ________________________________________________

Бўлим: __________________________________________________________

Кичик бўлим: ____________________________________________________

Боб: ____________________________________________________________

Ўлчов бирлиги: __________________________________________________

            

      

       

        

Харажатлар сметасига

1-ИЛОВА

       

      

"Бошқа харажатлар" бўйича IV гуруҳ харажатлари

ЁЙИЛМАСИ

        

      

      

Низомга

1а-ИЛОВА

______ йил учун харажатлар

СМЕТАСИ

    

*) Авиачипталарни сотиб олиш учун Ўзбекистон Республикаси Марказий банки томонидан харид кунида белгиланган курс бўйича миллий валютада ажратиладиган маблағлар.

       

Харажатлар сметасига

ИЛОВА

"Бошқа харажатлар" бўйича IV гуруҳ харажатлари

ЁЙИЛМАСИ

       

*) Авиачипталарни сотиб олиш учун Ўзбекистон Республикаси Марказий банки томонидан харид кунида белгиланган курс бўйича миллий валютада ажратиладиган маблағлар.

      

      

         

         

Низомга

2-ИЛОВА

________ йил учун капитал қурилишлар бўйича харажатлар

СМЕТАСИ

Ташкилотнинг тўлиқ номи: _______________________________________

Тўлиқ манзили: ___________________________________________________

Индивидуал (умумий):

Бюджет даражаси: _______________________________________________

Бўлим: __________________________________________________________

Кичик бўлим: ____________________________________________________

Боб: ____________________________________________________________

Ўлчов бирлиги: __________________________________________________

             

      

Низомга

3-ИЛОВА

ШТАТ ЖАДВАЛИ

______ йил учун

Ташкилотнинг тўлиқ номи: ______________________________________

Тўлиқ манзили: _________________________________________________

Бюджет даражаси: ______________________________________________

Бўлим: _________________________________________________________

Кичик бўлим: ___________________________________________________

Боб: ____________________________________________________________

         

    

    

      

Низомга

4-ИЛОВА

______ йил учун вақтинчалик харажатлар

СМЕТАСИ

Ташкилотнинг тўлиқ номи: ______________________________________

Тўлиқ манзили: _________________________________________________

Бюджет даражаси: ______________________________________________

Бўлим: ________________________________________

Кичик бўлим: __________________________________

Боб: __________________________________________

           

     

     

        

Низомга

4а-ИЛОВА

______ йил учун жамланма вақтинчалик харажатлар

СМЕТАСИ

Ташкилот шаклининг тўлиқ номи: ______

Тўлиқ манзил: _______________________

Бюджет даражаси: ____________________

Бўлим: ______________________________

Кичик бўлим:_________________________

Боб: _________________________________

Ўлчов бирлиги: ________________________

     

Низомга

5-ИЛОВА

______ йил учун бюджет ташкилотларининг бюджетдан

ташқари маблағлар бўйича даромадлар ва харажатлар

СМЕТАСИ

Ташкилотнинг тўлиқ номи: ____________________________________

Тўлиқ манзили: _______________________________________________

Бюджет даражаси: ____________________________________________

Бўлим: ________________________________________

Кичик бўлим: __________________________________

Боб: __________________________________________

Ўлчов бирлиги: ________________

         

     

    

           

Харажатлар сметасига

ИЛОВА

___-сон рўйхатдан ўтказиш карточкаси

______ йил учун бюджет ташкилотларининг

бюджетдан ташқари маблағлари бўйича даромадлар

ва харажатлар сметасига IV гуруҳ бўйича харажатлар

ЁЙИЛМАСИ

       

   

    

     

Низомга

6-ИЛОВА

______-сон рўйхатдан ўтказиш

КАРТОЧКАСИ