Олий ва ўрта махсус таълим вазирлиги ўрта махсус, касб-ҳунар таълим марказининг 05/ҚҚ-сон, Вазирлар Маҳкамаси ҳузуридаги Давлат тест марказининг 01-77-сон, Меҳнат ва аҳолини ижтимоий муҳофаза қилиш вазирлигининг 01/1185-сон "Академик лицей ва касб-ҳунар коллежлари директор ўринбосарлари, педагог ва муҳандис-педагог кадрлари аттестацияси тўғрисида"ги низомнинг янги таҳририни тасдиқлаш ҳақида"ги 24.03.2005 й. Қарори (АВ томонидан 28.03.2005 й. 1462-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

28.03.2005 й.

N 1462

ҚАРОРИ

“Академик лицей ва касб-ҳунар коллежлари директор

ўринбосарлари, педагог ва муҳандис-педагог кадрлари

аттестацияси тўғрисида”ги низомнинг янги таҳририни

тасдиқлаш ҳақида

(2005 йил 7 апрелдан кучга киради)

Ўзбекистон Республикаси Президентининг 2005 йил 28 февралдаги Р-2146-сонли Фармойишининг 8-бандига мувофиқ, Ўзбекистон Республикаси Олий ва ўрта махсус таълим вазирлиги Ўрта махсус, касб-ҳунар таълим маркази, Вазирлар Маҳкамаси ҳузуридаги Давлат тест маркази ва Меҳнат ва аҳолини ижтимоий муҳофаза қилиш вазирлиги ҚАРОР ҚИЛАДИ:

1. "Академик лицей ва касб-ҳунар коллежлари директор ўринбосарлари, педагог ва муҳандис-педагог кадрлари аттестацияси тўғрисида"ги низомнинг янги таҳрири иловага мувофиқ тасдиқлансин.

2. Мазкур қарор кучга кирган кундан эътиборан Ўзбекистон Республикаси Олий ва ўрта махсус таълим вазирлиги Ўрта махсус, касб-ҳунар таълим маркази, Вазирлар Маҳкамаси ҳузуридаги Давлат тест маркази ва Меҳнат ва аҳолини ижтимоий муҳофаза қилиш вазирлигининг 2002 йил 3 январдаги 4,18 ва 18-сон қарори билан тасдиқланган (2002 йил 4 январь, рўйхат рақами 1094) "Ўрта махсус, касб-ҳунар таълими тизими раҳбарлар таркибини, педагог ва муҳандис-педагог кадрларини аттестациядан ўтказиш тўғрисида"ги низом ва Ўзбекистон Республикаси Олий ва ўрта махсус таълим вазирлиги Ўрта махсус, касб-ҳунар таълим маркази, Вазирлар Маҳкамаси ҳузуридаги Давлат тест маркази ва Меҳнат ва аҳолини ижтимоий муҳофаза қилиш вазирлигининг 2002 йил 24 апрелдаги 10, 293 ва 22-сон қарори билан тасдиқланган (2002 йил 14 май, рўйхат рақами 1094-1) низомга киритилган қўшимча ва ўзгартиришлар ўз кучини йўқотган деб ҳисоблансин.

3. Ушбу қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кундан кейин кучга киритилсин.

Олий ва ўрта махсус таълим вазирлиги

Ўрта махсус, касб-ҳунар

таълим маркази директори в.в.б.                                   Х. Масудов

Вазирлар Маҳкамаси ҳузуридаги

Давлат тест маркази директори                                     Б. Исмаилов

Меҳнат ва аҳолини ижтимоий

муҳофаза қилиш вазири                                                  О. Обидов

"Ўзбекистон Республикаси қонун ҳужжатлари тўплами", 2005 йил, 12-13-сон, 97-модда.