Таълим муассасаларида стипендиялар тайинлаш ва тўлаш тартиби тўғрисида Йўриқнома (АВ томонидан 06.03.2002 й. 1104-сон билан рўйхатга олинган Олий ва ўрта махсус таълим вазирлиги 1-П-сон, МВ 13-сон қарори билан тасдиқланган)

Функция недоступна

Ўзбекистон Республикаси

Адлия вазирлигида

2002 йил 6 мартда 1104-сон

билан рўйхатга олинган

Ўзбекистон Республикаси

Олий ва ўрта махсус таълим

вазирлиги, Молия вазирлиги

2002 йил 14 январдаги

1-П, 13-сон қарори билан

ТАСДИҚЛАНГАН

Мазкур Йўриқнома рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Таълим муассасаларида стипендиялар

тайинлаш ва тўлаш тартиби тўғрисида

ЙЎРИҚНОМА

Мазкур Йўриқнома Ўзбекистон Республикаси Вазирлар Маҳкамасининг 2001 йил 17 августдаги "Олий ўқув юртлари талабаларига стипендиялар тўлаш тартиби ва миқдорлари тўғрисида" 344-сон қарорининг 3-бандини бажариш мақсадида ишлаб чиқилган ҳамда олий таълим муассасалари талабалари, шунингдек 2001/2002 ўқув йилигача ўқишга кирган ўрта махсус, касб-таълим муассасалари ўқувчилари ва техникумлар ва ҳунар-техника ўқув юртлари дастурлари бўйича таълим олишни тугаллаётган ўқувчиларга стипендия-лар тайинлаш ва тўлаш тартибини бошқаради.

1. Мазкур Йўриқномада қуйидаги тушунчалар қўлланилади:

Стипендия - давлат грантлари бўйича ва тўлов-контракт асосида кундузги шаклда таълим оладиган таълим муассасаларининг яхши ўзлаштирувчи талабалари (ўқувчилари)га, Ўзбекистон Республикаси қонун ҳужжатлари томонидан назарда тутилган бошқа тўловлардан қатъи назар, тўланадиган ҳар ойлик пулли тўлов (нафақа).

Стипендия талабалар (ўқувчилар)ни чуқур касбий билимларни эгаллаш ва ўзлаштириш даражасини оширишни рағбатлантириш, мутахассислар тайёрлаш сифатини янада ошириш учун зарур шароитларни яратиш мақсадида тўланади.

Стипендия тайинлаш комиссияси - факультетлар деканлари (бўлим мудирлари), касаба уюшмаси ва ёшлар ташкилотлари, академик гуруҳлар, бухгалтерия вакиллари орасидан ўқув ишлари бўйича проректор (директор ўринбосари) раислигида талабалар (ўқувчилар)га стипендиялар тайинлаш учун таълим муассасаларида бир ўқув йили муддатига ташкил