Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Банклар. Кредитлаш. Валютани тартибга солиш / Ўз кучини йўқотган ҳужжатлар / Кредитлаш /

Лойиҳаларни танлаб олиш ҳамда кичик ва ўрта тадбиркорликни ривожлантириш учун жалб қилинаётган хорижий кредит линиялари ҳисобига кичик ва ўрта корхоналарга кредитлар бериш Тартиби (ЎзР ВМ 07.02.1997 й. 67-сон қарорига 1-илова)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Вазирлар Маҳкамасининг

1997 йил 7 февралдаги

67-сон қарорига

1-ИЛОВА



Лойиҳаларни танлаб олиш ҳамда кичик ва ўрта

тадбиркорликни ривожлантириш учун жалб

қилинаётган хорижий кредит линиялари

ҳисобига кичик ва ўрта корхоналарга

кредитлар бериш

ТАРТИБИ


1. УМУМИЙ ҚОИДАЛАР


1.1. Мазкур Тартиб кичик ва ўрта тадбиркорлик субъектлари томонидан тақдим этилган (инвестиция таклифларини танлаб олишнинг ҳамда ишлаб чиқиш, маблағ билан таъминлаш ва амалга оширишнинг изчил механизмини белгилайди.


1.2. Хорижий кредит линиялари ҳисобига маблағ билан таъминлашнинг устувор ҳуқуқи:

фаолият кўрсатаётган кичик ва ўрта қўшма корхоналарни ривожлантириш ва янгиларини тузиш;

экспортга йўналтирилган маҳсулотлар ишлаб чиқариш, қишлоқ хўжалиги маҳсулотларини чуқур қайта ишлаш бўйича ишлаб чиқаришларни ривожлантириш;

асосан қишлоқ жойларда қўшимча ишлаб чиқариш ва ноишлаб чиқариш инфраструктурани яратишни назарда тутувчи инвестиция лойиҳаларига берилади.



2. ИНВЕСТИЦИЯ ЛОЙИҲАЛАРИНИ ТАНЛАБ ОЛИШ


2.1 Инвестиция таклифларининг ташаббускорлари лойиҳа ғояси кўрсатилган белгиланган намунадаги буюртманома-анкетани расмийлаштирадилар ва уни "Ўзинвестлойиҳа" бўлинмаларига ёки Ўзбекистон Банклари уюшмасининг "Банкинвестлойиҳа" ташкилотига тақдим этадилар.


2.2 Инвестиция таклифларининг ташаббускорлари республика тармоқлари ва минтақаларини ривожлантиришнинг устувор йўналишлари, ишлаб чиқариш кучларини жойлаштириш схемалари, хом ашё ресурсларининг мавжудлиги, ишлаб чиқариш ва ижтимоий инфраструктуранинг ривожланганлиги, шунингдек, префенциялар тизими тўғрисидаги маълумотларни "Ўзистиқболстат" давлат қўмитасининг Кичик ва ўрта тадбиркорликни маблағ билан таъминлашга кўмаклашиш марказидан ва "Ўзистиқболстат" давлат қўмитасининг минтақавий бўлинмаларидан олишлари мумкин.


2.3. "Ўзинвестлойиҳа" бўлинмалари ёки "Банкинвестлойиҳа" ташкилоти хизматларга ҳақ олмаган ҳолда, 10 кун муддатда тақдим этилган ҳужжатларни кўриб чиқадилар, ишлаб чиқариш базасини текширишдан ўтказадилар ҳамда кичик ва ўрта бизнесни ривожлантиришнинг белгиланган устуворликлари, шунингдек, жалб этилган хорижий кредит линиялари мезонларига мувофиқ маблағ билан таъминлаш учун тижорат банклари томонидан талаб этиладиган ҳужжатлар пакетини тайёрлашнинг мақсадга мувофиқлиги тўғрисида хулоса тайёрлайдилар.


2.4. Хорижий кредит линиялари доирасида маблағ билан таъминлаш чоғида лойиҳа ташаббускорининг ўз сармояси тижорат банкларининг тегишли талабларига етарли бўлмаган ҳолда инвестиция ташкилотлари (Ўзбекистон Банклари уюшмаси "Банкинвесттраст" ва бошқалар) лойиҳа ташаббускорининг устав фондини етарли миқдорда шакллантиришда қатнашишлари мумкин.



3. БИЗНЕС РЕЖАЛАРНИ ВА ИНВЕСТИЦИЯ

ЛОЙИҲАЛАРИНИНГ ТЕХНИК ИҚТИСОДИЙ

АСОСЛАШЛАРИНИ ИШЛАБ ЧИҚИШ


3.1. Инвестиция таклифларининг ташаббускорлари зарур ҳолларда инжиниринг ва консалтинг компанияларини жалб этган ҳолда инвестиция олди текширувларини амалга оширадилар, шу жумладан:

талаб ва таклифлар прогнозини ҳисобга олган ҳолда маҳсулот бозорини баҳолаш;

прогнозлаштириладиган хом ашё ва фойдаланиладиган ресурсларнинг захираларини бахолаш;

объект, инфраструктуранинг жойлашган ўрнини баҳолаш;

лойиҳанинг атроф-муҳитга таъсирини баҳолаш;

ишлаб чиқариш миқёсларини оптималлаштириш;

оқилона технологик ечимни танлаш;

лойиҳанинг иқтисодий самарадорлиги ва ҳаётийлигини баҳолаш;

лойиҳанинг ҳуқуқий, ташкилий ва молиявий асосларини шакллантириш.


3.2. "Ўзинвестлойиҳа" томонидан тасдиқланган тавсияларга мувофиқ тайёрланган лойиҳанинг Техник-иқтисодий асослашлари лойиҳа ташаббускори томонидан тижорат банки (лизинг компанияси)га тақдим этилади.



4. ИНВЕСТИЦИЯ ЛОЙИҲАЛАРИНИ

ЭКСПЕРТИЗА ҚИЛИШ


4.1. Тижорат банки (лизинг компанияси) зарур бўлганда Ўзбекистон Банклари уюшмаси ("Банкинвестлойиҳа", "Банкҳуқуқхизмат", "Банкахборотрейтинг", "Банкконсалтаудит") консалтинг фирмаларини жалб этган ҳолда лойиҳа бизнес-режасини ва техник-иқтисодий асослашини, лойиҳа ташаббускорининг кредитга лаёқатлилигини баҳолаш, лойиҳанинг ҳуқуқий, ташкилий ва молиявий тузилмаларини, шунингдек, кредитни таъминлашнинг етарлилигини экспертизадан ўтказади.

Тижорат банки (лизинг компанияси) 30 кун муддатда лойиҳа ташаббускорини лойиҳани маблағ билан таъминлаш мумкинлиги тўғрисида хабардор қилади.


4.2. Тижорат банки (лизинг компанияси)нинг кредит қўмитаси ижобий қарори кабул қилганда лойиҳа ташаббускори белгиланган тартибда контрактларни расмийлаштиради ва Ташқи иқтисодий алоқалар вазирлигида рўйхатдан ўтказади, гаров шартномасини расмийлаштиради ва Адлия вазирлигида рўйхатдан ўтказади, "Ўзистиқболстат" давлат қўмитаси билан Инвестиция дастурига киритиш имкониятини келишиб олади, мулкни суғурталаш ва тадбиркорлик таваккалчиликларини суғурталашнинг бошқа шаклларини ва қарз олувчининг тижорат банки (лизинг компанияси) талабларига мувофиқ жавобгарлигини расмийлаштиради.



5. ИНВЕСТИЦИЯ ЛОЙИҲАЛАРИНИ МАБЛАҒ

БИЛАН ТАЪМИНЛАШ


5.1 Лойиҳа ташаббускори томонидан тижорат банки (лизинг компанияси)га белгиланган талабларга мувофиқ кредитни таъминлаш бўйича ҳужжатларнинг тўла пакетини тақдим этиш якунига кўра тижорат банки (лизинг компанияси) 10 кун муддатда лойиҳани амалга оширишни таъминловчи харажатлар моддалари бўйича маблағ билан таъминлашни бошлайди.


5.2 Лойиҳа ташаббускорида техник-иқтисодий асослашларни ишлаб чиқиш ва суғурталаш бўйича хизматларга ҳақ тўлаш учун етарли маблағлар бўлмаган ҳолларда ушбу харажатлар бу хизматлар қийматининг кўпи билан 50 фоизи доирасида кредит суммасига киритилиши мумкин.


5.3 Лойиҳа ташаббускори қарз маблағларидан белгиланган мақсадларда фойдаланилиши, ишлаб чиқариш қувватларининг ўз вақтида ўзлаштирилиши ва кредит белгиланган муддатларда тўланиши учун амалдаги қонунчиликка мувофиқ жавоб беради.


5.4 Тижорат банки (лизинг компанияси ажратилган маблағлардан белгиланган мақсадларда фойдаланилишини назорат қилади ва банк амалиётида қабул қилинган қоидалар ва тартибларга мувофиқ кредитнинг ўз вақтида тўланиши мониторингини амалга оширади.


5.5 Ажратилган кредит маблағларидан белгиланган мақсадларда фойдаланилмаган ҳолларда, шунингдек. кредит ўз вақтида тўланмаган ҳолларда тижорат банки (лизинг компанияси) томонидан қуйидаги чоралар қўлланилади:

лойиҳа ташаббускорининг счётида маблағ бўлганда:

лойиҳа ташаббускори счётидан ҳар қандай валютадаги маблағни сўзсиз ундириб олиш;

лойиҳа ташаббускорининг счётида етарли миқдорда маблағ бўлмаганда:

гаровга кўйилган мол-мулк ҳисобидан ундириб олиш ва кредитни тўламаслик таваккалчилигининг лойиҳа ташаббускори томонидан тақдим этилган бошқа таьминоти бўйича ундириб олиш;

лойиҳа ташаббускорининг мансабдор шахслари суиистеъмолчиликларга йўл қўйганда ва қонунчиликда назарда тутилган бошқа шунга ўхшаш ҳолларда:

бу мансабдор шахсларни жиноий жавобгарликка тортиш.






























Время: 0.0083
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск