ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Давлат ҳуқуқий тизими асослари / Маҳаллий давлат ҳокимият органлари / Хоким. Жойлардаги ижро органлари (ҳокимиятлар) /Ўзбекистон Республикаси Президентининг 26.11.1996 й. ПФ-1651-сон "Туманга бўйсунувчи шаҳарлар ҳокимликлари бошқарув органларининг тузилмасини такомиллаштириш тўғрисида"ги Фармони
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ПРЕЗИДЕНТИНИНГ
ФАРМОНИ
26.11.1996 й.
N ПФ-1651
ТУМАНГА БЎЙСУНУВЧИ ШАҲАРЛАР
ҲОКИМЛИКЛАРИ БОШҚАРУВ ОРГАНЛАРИНИНГ
ТУЗИЛМАСИНИ ТАКОМИЛЛАШТИРИШ ТЎҒРИСИДА
Ўзбекистон Республикасининг "Маҳаллий давлат ҳокимияти тўғрисида"ги Қонунига мувофиқ ва ҳудудий бошқарув органлари тузилмасини такомиллаштириш, маъмурий-бошқарув ходимлари фаолияти самарадорлигини ошириш; уларни сақлашга харажатларни камайтириш мақсадида:
1. Туманга бўйсунувчи шаҳарлар ҳокимликларининг аппаратларини тугатиш ва уларнинг вазифаларини тегишли туманлар ҳокимликларининг аппаратларига топшириш борасида Қорақалпоғистон Республикаси Жўқорғи Кенгеси ва вилоятлар ҳокимларининг таклифи қабул қилинсин.
2. Туманга бўйсунувчи шаҳарларга эга бўлган туманлар ҳокимликларининг штат жадвалига туман ҳокимининг биринчи ўринбосари - шаҳар ҳокими қўшимча лавозими киритилсин.
3. Қорақалпоғистон Республикаси Жўқорғи Кенгесининг раиси, вилоятларнинг ҳокимлари тегишли ташкилий тадбирларни амалга оширсинлар ҳамда бўшайдиган ходимларни ишга жойлаштириш ва ижтимоий муҳофаза қилиш масалаларини қонунчиликда белгиланган тартибда ҳал этсинлар.
4. Ушбу Фармоннинг ижро этилишини назорат қилиш Президентнинг Давлат маслаҳатчиси Т. Алимов зиммасига юклансин.
Ўзбекистон Республикасининг Президенти И. Каримов
"Ўзбекистон Республикаси Олий Мажлисининг Ахборотномаси", 1997 йил, 1-сон, 1-модда