Ўзбекистон Республикаси Вазирлар Маҳкамасининг 15.03.1999 й. 111-сон "Республикада целлюлоза ва қоғоз маҳсулотлари ишлаб чиқариш бўйича қўшимча қувватлар ташкил этиш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

15.03.1999 й.

N 111

РЕСПУБЛИКАДА ЦЕЛЛЮЛОЗА ВА

ҚОҒОЗ МАҲСУЛОТЛАРИ ИШЛАБ

ЧИҚАРИШ БЎЙИЧА ҚЎШИМЧА

ҚУВВАТЛАР ТАШКИЛ ЭТИШ

ТЎҒРИСИДА

Республика иқтисодиёти ва аҳолисининг целлюлоза, қоғоз ва ўқувчилар дафтарларига бўлган эҳтиёжини тўлиқроқ қондириш, маҳаллий хом ашё ва меҳнат ресурсларидан оқилона фойдаланиш, “Ўзбекқоғоз” акциядорлик жамияти ва қурилаётган Янгийўл целлюлоза-қоғоз фабрикасининг ишлаб чиқариш қувватларидан фойдаланиш самарадорлигини ошириш мақсадида Вазирлар Маҳкамаси ҚАРОР ҚИЛАДИ:

1. “Ўзбекмебель” давлат-акциядорлик бирлашмасининг “Ўзбекқоғоз” акциядорлик жамиятининг Янгийўл целлюлоза-қоғоз фабрикасида уни реконструкция қилиш ҳисобига пахта линтидан хом ашё сифатида фойдаланган ҳолда 2000 йилда йилига 20 минг тонна целлюлоза ва 12 минг тонна қоғоз ишлаб чиқариш қувватларини барпо этиш тўғрисидаги таклифига розилик берилсин.

2. Лойиҳани амалга ошириш бўйича бош буюртмачи этиб “Ўзбекқоғоз” акциядорлик жамияти, бош лойиҳалаштирувчи этиб - “Ўзенгсанлойиҳа” лойиҳалаштириш институти (4-ДЛИ) белгилансин.

3. “Ўзбекқоғоз” акциядорлик жамиятини реконструкция қилишнинг лойиҳанинг 1-иловага* мувофиқ техник-иқтисодий кўрсаткичларига эга бўлган техник-иқтисодий асосланиши тасдиқлансин.

“Ўзенгсанлойиҳа” институти “Ўзбекқоғоз” акциядорлик жамиятининг Янгийўл участкасини реконструкция қилишнинг лойиҳа-смета ҳужжатларини ишлаб чиқишни икки ой муддатда тугалласин.

4. Қуйидагилар:

“Ўзбекқоғоз” акциядорлик жамияти томонидан 20 минг тонна целлюлоза ишлаб чиқариш бўйича асбоб-ускуналар етказиб беришга “Клекстарль” (Франция) фирмаси билан 75 млн Франция франкига контракт тузилганлиги;

асбоб-ускуналар контракт қийматининг 85 фоизи “Кофас” (Франция) жамиятининг суғурта қопламаси остида Франциянинг “Сосьете Женераль” банки кредита ҳисобига, контракт қийматининг 15 фоизи эса - “Ўзбекқоғоз” акциядорлик жамияти маблағлари ҳисобига молияланиши;

хорижий банк кредитини, у бўйича фоизларни тўлаш ва унга хизмат кўрсатиш харажатларини қоплаш янгидан ишга туширилаётган целлюлоза-ғоғоз фабрикасининг ишлаб чиқариш фаолияти ҳисобига 2-иловага мувофиқ амалга оширилиши;

“Ўзбекқоғоз” акциядорлик жамияти линтдан ишлаб чиқариладиган камида 10 минг тонна целлюлозани ҳар йили белгиланган тартибда экспортга етказиб бериши маълумот учун қабул қилинсин.

5. Ўзбекистон Республикаси Ташқи иқтисодий фаолият миллий банки суғурта мукофоти қўшилган контракт қийматининг 85 фоизини “Клекстраль” фирмаси томонидан маблағ билан таъминлашга “Кофас” (Франция) жамиятининг суғурта қопламаси остида хорижий банк билан кредит битимлари тузилишини белгиланган тартибда таъминласин ва олинган маблағларни “Ўзбекқоғоз” акциядорлик жамиятига қайта молиялансин.

6. Молия вазири Ташқи иқтисодий фаолият миллий банкининг хорижий банк олдидаги мажбуриятлари ва “Ўзбекқоғоз” акциядорлик жамиятининг Ташқи иқтисодий фаолият миллий банки олдидаги мажбуриятлари бўйича Ўзбекистон Республикаси Ҳукумати номидан белгиланган тартибда кафолат беришга вакил қилинсин.

7. Ўзбекистон Республикаси Адлия вазирлиги хорижий банкка берилган Ўзбекистон Республикаси Ҳукумати кафолати бўйича юридик хулосани кредит битимига иловада белгиланган шакл бўйича белгиланган тартибда расмийлаштирсин.

8. “Ўзбекқоғоз” акциядорлик жамиятига ажратилган кредитларни ва улар бўйича фоизларни ўз вақтида тўлашни таъминлаш учун:

“Ўзбекқоғоз” акциядорлик жамияти кредитларни қайтариш даврида мулк солиғи, ер солиғи, келтириладиган асбоб-ускуналарга, шунингдек қоғоз ишлаб чиқариш учун материаллар, хом ашё ва кимёвий моддаларга (божхонада расмийлаштириш учун йиғимлар бундан мустасно) божхона тўловлари тўлашдан озод қилинсин;

“Ўзбекқоғоз” акциядорлик жамиятига акцияларнинг давлат пакетига тўланадиган дивидендларнинг эллик фоизини, ушбу маблағларни кейинчалик акциядорлик жамияти устав фондидаги давлат улушига қўшган ҳолда, кредитларни тўлашга йўналтиришга рухсат берилсин.

9-12. Махфий.

13. Ўзбекистон Республикаси Макроиқтисодиёт ва статистика вазирлиги 2000 йилнинг иккинчи ярим йиллигидан бошлаб пахта линти ишлаб чиқариш ва ундан фойдаланиш балансларида “Ўзбекқоғоз” акциядорлик жамияти учун Ўзбекистон Республикаси Молия вазирлиги томонидан тасдиқланган пахта линти прейскурантига мувофиқ целлюлоза ишлаб чиқариш учун зарур бўлган ҳажмда ва турда пахта линти ажратишни назарда тутсин.

“Ўздавпахтасаноатсотиш” уюшмаси 2000 йилнинг иккинчи ярим йиллигидан бошлаб ҳар йили “Ўзбекқоғоз” акциядорлик жамияти эҳтиёжлари учун линт тегишли стандартда тозаланиши ва белгиланган ҳажмда берилишини таъминласин.

14. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари М.З. Усмонов ва А.Н. Исаев зиммасига юклансин.

Вазирлар Маҳкамасининг Раиси                                               И. Каримов

*) Иловалар рус тилидаги матнда берилган.