Ўзбекистон Республикаси Вазирлар Маҳкамасининг 15.09.1993 й. 460-сон "Маҳалий саноат" корпорацияси ва Ўзбекбирлашувнинг республикада ош тузи ишлаб чиқаришни ташкил этиш ва кўпайтиришга доир таклифлари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

15.09.1993 й.

N 460

"МАҲАЛИЙ САНОАТ" КОРПОРАЦИЯСИ ВА

ЎЗБЕКБИРЛАШУВНИНГ РЕСПУБЛИКАДА

ОШ ТУЗИ ИШЛАБ ЧИҚАРИШНИ ТАШКИЛ

ЭТИШ ВА КЎПАЙТИРИШГА ДОИР

ТАКЛИФЛАРИ ТЎҒРИСИДА

Ўзбекистон Республикаснинг МДҲ бошқа минтақалридан ош тузи етказиб беришига боғлиқлигини бартараф этиш ҳамда ҳалқ ҳўжалигининг ош тузи ва техник тузга бўлаган эҳтиёжларини (тегишли равишда 300 ва 500 минг тонна), уларни истеъмол қилиш ва экспортга чиқариш истиқболларини ҳисобга олган ҳолда республиканинг ўзида ишлаб чиқариладиган тузлар ҳисобига тўлиқ ҳажмда таъминлаш мақсадида Вазирлар Маҳкамаси ҚАРОР ҚИЛАДИ:

1. "Маҳаллий саноат" корпорацияси ва Ўзбекбирлашувнинг қуйидаги таклифлари қабул қилнсин:

1993 йилда "Маҳаллий саноат" корпорациясининг Хўжаикон туз конида 40 минг тонна ҳамда матлубот кооперацияси тизимида - Караумбет (Қўнғирот тумани) конида 20 минг тонна тузи ишлаб чиқариш тўғрисида.

Хўжаикон туз конида 1993-1994 йилларда йилига 150-200 минг тоннага ҳамда Караумбет конида 1994-1995 йилларда 120 минг тоннагача ош тузи ишлаб чиқарадиган қувватларни барпо этиш тўғрисида.

2. "Маҳаллий саноат" корпорацияси (ўртоқ Чжен), Сурхондарё вилояти ҳокимлиги (ўртоқ Норалиев), республик вазирликлари, идоралари ва хўжалик ташкилотлари йилига 150-200 минг тонна ош тузи ишлаб чиқарадиган қувватларни барпо этиш учун 1-2 иловаларга* мувофиқ тегишли тадбирларнинг бажарилишини таъминласинлар.

3. Маълумот учун қабул қилинсинки, "Маҳаллий саноат" корпорацияси бу йил Хўжаикон туз конидан 500 минг тонна техник туз қазиб чиқаришни кўзда тутади, уларнинг 100 минг тоннаси эркин алмаштирилган валюта ҳисобига экспортга етказиб берилади. Корпорацияга техник тузни четга чиқариш бўйича қўшимча контрактлар тузиш тўғрисидаги масалаларни ишлаб чиқишни давом эттириш юклатилсин.

4. Давлат геология қўмитаси (ўртоқ Шоёқубов) 1993 йилда туз конини туз захиралари саноат асосида қазиб олинадиган Хўжаикон туз кони балансига белгиланган тартибда беришни таъминласин ҳамда "Маҳаллий саноат" корпорацияси билан шартнома тузган ҳолда фойдаланиш-қидирув ишларни мунтазам ташкил қилсин.

5. "Ўзагроқурилиш" (ўртоқ Юсупов) 1993 йилнинг III чорагида импорт технологик линялар учун ишлаб чиқариш корпуси қурилишини, шунингдек, 1994 йилнинг I ярим йилида тегишли ижтимоий-маиший объектлар қурилишини тугаллансин.

6. Буюртмачи - Сурхондарё вилояти ҳокимлиги (ўртоқ Норалиев) "Ўзбектрансқурилиш" уюшмаси (ўртоқ Омельницкий) билан биргаликда 1993-1994 йилларда Болдир-Хўжаикон темир йўлини қайта қуришни амалга оширсин.

7. Болдир-Хўжаикон темир йўлига хизмат кўрсатиш ундан фойдаланишнинг техникавий даражасини ошириш мақсадида йўлнинг ушбу участкаси "Учқун" кичик корхонаси балансидан "Ўзбектрансқурилиш" уюшмасини ВФБ (вақтинчалик фойдаланиш бўлими) балансига белгиланган тартибда ўтказилсин.

8. "Ўзшартномасавдо" (ўртоқ Шарипов), республиканинг ресерс имкониятларидан фойдаланган ҳолда, вазирликлар, идоралар корпорациялар ва бошқа хўжалик ташкилотларнинг ош тузи ишлаб чиқаришни ташкил этиш ва кўпайтиришга доир ишлани бажариш учун зарур бўлган моддий-техника ресурслари бўйича буюртмаларини таъминлашни назарда тутсин.

9.Марказий банк (ўртоқ Муллажонов)га:

оштузи ишлаб чиқариш қувватларини барпо этиш учун бир йил муддатга, 5 фоизли ставка билан Хўжаикон туз конига 1993 йилда 500 млн. сўм Ўзбекбирлашувга 1993 йилда 200 млн. сўм ва 1994 йилда 500 млн сўм, темир йўлнинг Болдир станциясидан Хўжикон конигача бўлган тармоғини қайта қуриш учун Сурхандарё вилояти ҳокимлигига 1993-1994 йилларда 340 млн. сўм мақсадли кредит ажратиш, "Ўздеҳқончиликсаноатбанк" (ўртоқ Аҳадов)га эса уни маблағ билан белгиланган тартибда таъминлаш;

Хўжаикон туз конидан юклаб жўнатилган маҳсулот учун счётларни акциясиз тўлашни амалга ошириш тавсия қилинсин.

10. Ўрта Осиё Темир йўл бошқармаси (ўртоқ Желтоухов) экспортга ва бошқа истеъмолчиларга туз етказиб бериш учун, Ўзбекистон ҳудудида мумкин бўлган энг кам тариф ставкаларини қўллаган ҳолда, туз кони талабномасига биноан Хўжаикон туз конига вагонларни ўз вақтида етказиб беришни таъминласин, шунингдек, юклаб жўнатилган вагонларнинг МДҲ ҳудуди бўйлаб ўтишига кўмаклашсин.

11. "Ўзбектрансқурилиш" уюшмаси (ўртоқ Омельницкий) тузни Хўжаикон станциясидан Болдир станциясигача ташишда Ўрта Осиё темир йўлининг бош йўлларидаги тарифларнинг республикада амалда бўлганидан юқори бўлмаган миқдорини қўлласин.

12. Ўзбекистон Республикаси Молия вазирлиги (ўртоқ Боқибoeв):

1993 йилда Хўжаикон туз конига ўзининг айланма мaблaғлapи камоматини тўлдириш учун 3 йил муддат билан 500 млн сум миқдорида имтиёзли кредит ажратсин;

тузнинг юқори даражада агрессивлиги муносабати билан туз конидаги машиналар, механизлллар ва асбоб-ускуналарни тиклашга амортизация ажратмалари нормативларини қайта куриб чиқсин.

13. Ўзбекистон Республикаси Меҳнат вазирлиги (ўртоқ Обидов) Хўжаикон туз конидаги меҳнат шароитларини курикдан ўтказсин, тузнинг инсон организмига зарарли таъсири даражасини аниқласин ҳамда ушбу конни у ерда ишлаганлик ёши (қарилик) бўйича имтиёзли тартибларда пенсия олиш ҳуқуқини берадиган ишлаб чиқаришлар рўйхатига киритсин.

14. Хўжаикон туз кони ходимлари учун сувсизлик ва чўл шароитида ишлаганлик учун иш ҳақига 1,35 миқдорида коэффициент белгилансин.

15. "Ўзистиқболстат" давлат қўмитаси (ўртоқ Сааков), Ўзбекбирлашув (ўртоқ Волков), Давлат геология қўмитаси (ўртоқ. Шоёқубов), "Ўзқурилишматериаллар" давлат концерни (ўртоқ Искандаров) Қорақолпоғистон Республикаси Вазирлар Кенгаши билан биргаликда Караумбет (Қўнғирот тумани) конларида 120 минг тонна ош тузи қазиб чиқариш бўйича қувватларни барпо этиш билан бoғлиқ барча техникавий ва иқтисодий масалаларни ишлаб чиқсинлар ҳамда 2 ой муддатда тегишли таклифлар киритсинлар.

16. Ош тузи ишлаб чиқариш бўйича кувватларни барпо этиш аҳолининг ош тузига бўлган эхтиёжларини тўлиқ таъминлашни ҳисобга олган ҳолда уни қазиб олишни қисқа муддатларда ташкил қилиш билан бoғлиқ харажатларни мaблaғ билан таъминлаш учун қўшимча равишда зарур маблагларни жалб этиш мақсадида Хўжаикон конига ҳамда Ўзбекбирлашув корхоналарига қувватларни қуриш, ўзлаштириш ва 3 йил мобайнида туз ишлаб чиқариш даврида қуйидаги имтиёзлар берилсин:

даромад сoлиғи 12 фоиз даражасида белгилансин;

амортизация ажратмалари суммаси корхоналар ихтиёрида қолдирилсин;

тузни республикадан четга чиқариш божхона божларидан озод қилинсин.

17. Эркин алмаштириладиган валюта эвазига экспортга туз етказиб беришдан манфаатдорликни ошириш мақсадида Хўжаикон туз кони чет эл валютасидаги тушумдан солиқ тўловидан бир йил мобайнида озод қилинсин.

18. Ушбу қарорнинг бажарилишини назорат қилиш Бош вазир ўринбосари ўртоқ Т.М. Мирёқубов зиммасига юклатилсин.

Вазирлар Маҳкамасининг Раиси                                                                 И. Каримов

*) Иловалар рус тилида берилган.