Ўзбекистон Республикаси Президентининг 21.02.1994 й. Ф-360-сон "Ўзбекистон Республикаси Президенти ҳузуридаги Иқтисодий ислоҳот, тадбиркорлик ва хорижий сармоялар бўйича идоралараро кенгашни ташкил қилиш тўғрисида"ги Фармойиши

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОЙИШИ

21.02.1994 й.

N Ф-360

ЎЗБЕКИСТОН РЕСПУБЛИКАСИ ПРЕЗИДЕНТИ

ҲУЗУРИДАГИ ИҚТИСОДИЙ ИСЛОҲОТ,

ТАДБИРКОРЛИК ВА ХОРИЖИЙ САРМОЯЛАР

БЎЙИЧА ИДОРАЛАРАРО КЕНГАШНИ

ТАШКИЛ ҚИЛИШ ТЎҒРИСИДА

"Иқтисодий ислоҳотларни янада чуқурлаштириш, хусусий мулк манфаатларини ҳимоя қилиш ва тадбиркорликни ривожлантириш чора-тадбирлари тўғрисида" 1994 йил 21 январдаги Фармонни ижро этиш юзасидан, шунингдек иқтисодий сиёсатнинг илмий асосларини ишлаб чиқиш ҳамда республика ҳаётининг барча соҳаларнда иқтисодий ислоҳотларни амалга оширишни жадаллаштириш борасидаги ишларни мувофиқлаштириш мақсадида:

1. Ўзбекистон Республикаси Президенти ҳузуридаги Иқтисодий ислоҳот, тадбиркорлик ва хорижий сармоялар бўйича идоралараро кенгашнинг таркиби 1-иловага мувофиқ;

Кенгаш ижроия аппаратининг тузилмаси 2-иловага мувофиқ тасдиқлансин.

2. Ў.Т. Султонов, В.А. Голишев, Д.Т. Камолов, Р. Каримов, А.М. Мардиев, В.И. Бронштейн, А.Э. Шайхов ўртоқлардан иборат Кенгаш аъзоларининг ишчи гуруҳига 10 кун муддат ичида Кенгаш тўғрисидаги Низом лойиҳасини тайёрлаш ва уни тасдиқлаш учун тақдим қилиш вазифаси топширилсин. Низом лойиҳасини ишлаб чиқиш чоғида қуйидагилар Кенгаш фаолиятининг асосий йўналишлари эканлиги назарда тутилсин:

иқтисодий сиёсатнинг илмий асосларини, бозор муносабатлари ишлаши учун самарали воситани ишлаб чиқиш;

республикада иқтисодий ўзгартишларнинг аниқ андозалари ва дастурларини ишлаб чиқиш ҳамда уларнинг амалга оширилишини назорат қилиш;

иқтисодий ислоҳотларнинг ҳуқуқий негизини такомиллаштиришга оид тавсияларни тайёрлаш;

кўп укладли иқтисодиётни шакллантириш, давлат тасарруфидан чиқариш ва хусусийлаштириш, хусусий мулкчиликни ривожлантириш соҳасидаги ишларни мувофиқлаштириш ва бу жараёнларнинг жадаллаштирилишини назорат қилиш;

республикада тадбиркорликни ривожлантиришнинг аҳволини, бу соҳада амалдаги қонунлар қандай бажарилаётганини мунтазам таҳлил қилиш, кичик ва ўртача бизнесни кенгайтириш учун қулай шарт-шароитларни вужудга келтиришга доир амалий тавсияларни ишлаб чиқиш;

республика иқтисодиётининг устувор тармоқларига хорижий сармояларни фаол жалб қилиш ва ташқи иқтисодий фаолият самарадорлигини ошириш бўйича чора-тадбирлар мажмуи тизимини ишлаб чиқиш.

Ўзбекистон Республикасининг Молия вазирлиги 2-иловага мувофиқ Кенгаш ижроия аппарати ходимларининг меҳнатига ҳақ тўлаш ва уни техника билан жиҳозлаш учун зарур маблағларни ажратсин.

Ушбу фармойишнинг бажарилишини назорат қилиш вазифаси Кенгаш Раисининг ўринбосари ўртоқ Ў.Т. Султонов зиммасига юклатилсин.

Ўзбекистон Республикасининг Президенти                                   И. Каримов

Ўзбекистон Республикаси

Президентининг

1994 йил 21 февралдаги

Ф-360-сон фармойишига

1-ИЛОВА

Ўзбекистон Республикаси Президенти ҳузуридаги

И?тисодий ислоҳот, тадбиркорлик ва хорижий

сармоялар бўйича идоралараро кенгаш

ТАРКИБИ

Ўзбекистон Республикаси

Президентининг

1994 йил 21 февралдаги

Ф-360-сон фармойишига

2-ИЛОВА

Кенгаш ижроия аппарати

ТУЗИЛМАСИ