Хўжалик юритувчи субъектларда текширишлар ўтказиш ва Текширишларни рўйхатга олиш китобини юритиш тартиби тўғрисида Низом (АВ томонидан 06.04.2000 й. 917-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

06.04.2000 й.

N 917

ЎЗБЕКИСТОН РЕСПУБЛКАСИ

АДЛИЯ ВАЗИРЛИГИ ТОМОНИДАН

06.04.2000 й.

N 20-314/10

ТАСДИҚЛАНГАН

КИЧИК ВА ХУСУСИЙ ТАДБИРКОРЛИКНИ

РИВОЖЛАНТИРИШНИ РАҒБАТЛАНТИРИШ

БЎЙИЧА РЕСПУБЛИКА МУВОФИҚЛАШТИРУВЧИ

КЕНГАШ

КЕЛИШИЛГАН

Мазкур Низом рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Хўжалик юритувчи субъектларда текширишлар

ўтказиш ва Текширишларни рўйхатга олиш

китобини юритиш тартиби тўғрисида

НИЗОМ

Ушбу Низом Ўзбекистон Республикасининг "Хўжалик юритувчи субъектлар фаолиятини давлат томонидан назорат қилиш тўғрисида"ги, "Тадбиркорлик ва тадбиркорлар фаолиятининг кафолатлари тўғрисида"ги Қонунлари, Ўзбекистон Республикаси Президентининг 1996 йил 8 августдаги ПФ-1503-сон "Текширишларни тартибга солиш ва назорат қилувчи органлар фаолиятини мувофиқлаштиришни такомиллаштириш тўғрисида"ги ва 1998 йил 19 ноябрдаги ПФ-2114-сон "Хўжалик юритувчи субъектларни текширишни ташкил қилишни тартибга солиш тўғрисида"ги фармонларига, Ўзбекистон Республикаси Вазирлар Маҳкамасининг 1998 йил 27 ноябрдаги 496-сон ва 2000 йил 17 февралдаги 57-сон қарорларига мувофиқ тадбиркорлар ҳуқуқларини ҳимоя қилиш мақсадида ишлаб чиқилган.

I. УМУМИЙ ҚОИДАЛАР

1. Мазкур Низомда қуйидаги асосий тушунчалар ва уларнинг таърифлари қўлланилади:

текширишларни рўйхатга олиш китоби - текширишлар тўғрисидаги маълумотларни ўз ичига олувчи махсус рўйхатга олиш Китоби;

хўжалик юритувчи субъект - мулк шаклидан қатъи назар, корхона ёки мустақил тадбиркорлик фаолияти билан шуғулланувчи якка тадбиркор;

назорат органлари - хўжалик юритувчи субъектлар фаолиятини давлат томонидан назорат қилишга қонун ҳ