Молия вазирлигининг 2-сон, Давлат солиқ қўмитасининг 2004-02-сон "Жисмоний шахсларнинг даромадига солинадиган солиқни ҳисоблаб чиқариш ва бюджетга тўлаш тартиби тўғрисидаги йўриқномага ўзгартириш ва қўшимчалар киритиш ҳақида"ги 06.01.2004 й. Қарори (АВ томонидан 12.03.2004 й. 1110-3-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

12.03.2004 й.

N 1110-3

ҚАРОРИ

Жисмоний шахсларнинг даромадига солинадиган солиқни

ҳисоблаб чиқариш ва бюджетга тўлаш тартиби тўғрисидаги

йўриқномага ўзгартириш ва қўшимчалар киритиш ҳақида

(2004 йил 22 мартдан кучга киради)

Ўзбекистон Республикаси Солиқ кодекси, Ўзбекистон Республикаси "Давлат солиқ хизмати тўғрисида"ги Қонунининг 7-моддаси ва Ўзбекистон Республикаси Вазирлар Маҳкамасининг 2003 йил 25 декабрдаги "Ўзбекистон Республикасининг 2004 йилги Давлат бюджети параметрлари тўғрисида"ги 567-сонли қарорига асосан ҚАРОР ҚИЛАМИЗ:

1. Ўзбекистон Республикаси Молия вазирлиги ва Давлат солиқ қўмитаси томонидан 2002 йил 14 январдаги 10-сон ва 2002-16-сон қарор билан тасдиқланган Жисмоний шахсларнинг даромадига солинадиган солиқни ҳисоблаб чиқариш ва бюджетга тўлаш тартиби тўғрисидаги йўриқномага (2002 йил 14 март, рўйхат рақами 1110-сон - Меъёрий ҳужжатлар ахборотномаси, 2002 й., 5, 17-18-сон; 2003 й., 5-6-сон) иловага* мувофиқ ўзгартириш ва қўшимчалар киритилсин.

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

Молия вазири                                             М. Нурмуратов

Давлат солиқ қўмитаси раиси                     Ж. Сайфиддинов

"Ўзбекистон Республикаси қонун ҳужжатлари тўплами" 2004 йил, 10-сон, 125-модда.

Қарорга

ИЛОВА

Мазкур Илова рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Жисмоний шахсларнинг даромадига солинадиган

солиқни ҳисоблаб чиқариш ва бюджетга тўлаш тартиби

тўғрисидаги йўриқномага киритиладиган

ўзгартириш ва қўшимчалар

1. 13-банддаги жадвал қуйидаги таҳрирда баён этилсин:

2. 20-банд бўйича:

а) “т” кичик банди қуйидаги таҳрирда баён этилсин:

“т) патент эгаси бўлган жисмоний шахснинг (лицензиарнинг) саноат мулки объектларидан ўз ишлаб чиқаришида фойдаланишдан ёки фойдаланиш бошланган санадан эътиборан амал қилиш муддати доирасида уларга лицензиялар сотишдан, шунингдек лицензиат саноат мулки объектларидан фойдалана бошлаган санадан эътиборан ушбу фойдаланишдан олган даромади суммаси: