Ўзбекистон Республикаси Вазирлар Маҳкамасининг 16.06.1995 й. 223-сон "Ўзбекистон Республикасида ерларнинг қишлоқ хўжалиги ва ўрмон хўжалигини юритиш билан боғлиқ бўлмаган эҳтиёжлар учун олиб қўйилиши муносабати билан қишлоқ хўжалиги ва ўрмон хўжалиги ишлаб чиқариши кўрган зарарнинг ўрнини қоплаш миқдорларини тасдиқлаш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

16.06.1995 й.

N 223

ЎЗБЕКИСТОН РЕСПУБЛИКАСИДА ЕРЛАРНИНГ

ҚИШЛОҚ ХЎЖАЛИГИ ВА ЎРМОН ХЎЖАЛИГИНИ

ЮРИТИШ БИЛАН БОҒЛИҚ БЎЛМАГАН ЭҲТИЁЖЛАР

УЧУН ОЛИБ ҚЎЙИЛИШИ МУНОСАБАТИ БИЛАН

ҚИШЛОҚ ХЎЖАЛИГИ ВА ЎРМОН ХЎЖАЛИГИ

ИШЛАБ ЧИҚАРИШИ КЎРГАН ЗАРАРНИНГ

ЎРНИНИ ҚОПЛАШ МИҚДОРЛАРИНИ

ТАСДИҚЛАШ ТЎҒРИСИДА

Ерларнинг қишлоқ хўжалиги ва ўрмон хўжалигини юритиш билан боғлиқ бўлмаган эҳтиёжлар учун олиб қўйилиши муносабати билан қишлоқ хўжалиги кўрган зарарнинг ўрнини тўлиқ қоплаш мақсадида Вазирлар Маҳкамаси ҚАРОР ҚИЛАДИ:

1. Ўзбекистон Республикасида ерларнинг қишлоқ хўжалиги ва ўрмон хўжалигини юритиш билан боғлиқ бўлмаган эҳтиёжлар учун олиб қўйилиши муносабати билан қишлоқ хўжалиги ва ўрмон хўжалиги ишлаб чиқариши кўрган зарарнинг ўрнини қоплаш миқдорлари 1 ва 2-иловаларга* мувофиқ тасдиқлансин.

2. Вазирлар Маҳкамасининг 1992 йил 15 июндаги 282-сон қарори билан тасдиқланган Ўзбекистон Республикасида ерларнинг қишлоқ хўжалиги ва ўрмон хўжалигини юритиш билан боғлиқ бўлмаган эҳтиёжлар учун олиниши муносабати билан қишлоқ хўжалиги ва ўрмон хўжалиги ишлаб чиқариши нобудгарчилиги ҳажмларини аниқлаш ҳамда уларнинг ўрнини қоплаш тартиби тўғрисидаги Низомнинг 20-банди қуйидаги таҳрирда баён қилинсин:

"Олиб қўйилган лалми ерларнинг 1 гектари ўрнига тенг баҳодаги янги ерларни суғориш ва ўзлаштириш қиймати қуйидаги миқдорларда белгиланади:

текисликдаги (ёғингарчилик кам бўладиган) зонада - ҳайдаладиган лалми ерлар учун 7,5 ва бўз лалми ерлар учун 2,4 минг сўм;

текислик-паст-баландликдаги (ёғингарчилик ўртача бўладиган) зонада - ҳайдаладиган лалми ерлар учун 11,1 ва бўз лалми ерлар учун 3,6 минг сўм;

тоғ олди ва тоғ (ёғингарчилик етарли бўладиган) зонада - ҳайдаладиган лалми ерлар ва кўп йиллик дарахтзорлар учун 13,8 ва бўз лалми ерлар учун 4,4 минг сўм".

Кўрсатиб ўтилган Низомнинг 1 ва 2-жадваллари ва Вазирлар Маҳкамасининг 1993 йил 11 декабрдаги 595-сон қарори ўз кучини йўқотган деб ҳисоблансин.

Ўзбекистон Республикасининг Бош вазири                                           А. Муталов

-------------------------

* Иловалар берилмайди.