Ўзбекистон Республикаси Президентининг 06.08.2008 й. ПҚ-937-сон "Қўнғирот компрессор станциясида газ намини қочириш қурилмасини барпо этиш" инвестиция лойиҳасини амалга ошириш чора-тадбирлари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

06.08.2008 й.

N ПҚ-937

"ҚЎНҒИРОТ КОМПРЕССОР СТАНЦИЯСИДА

ГАЗ  НАМИНИ  ҚОЧИРИШ  ҚУРИЛМАСИНИ

БАРПО ЭТИШ" ИНВЕСТИЦИЯ ЛОЙИҲАСИНИ

АМАЛГА ОШИРИШ ЧОРА-ТАДБИРЛАРИ

ТЎҒРИСИДА

[Кўчирма]

Замонавий технологияларни газнинг намини қочириш жараёнига тадбиқ этган ҳолда экспортга сотиладиган табиий газ сифатини халқаро талаблар даражасига етказиш мақсадида:

1. Қуйидагилар маълумот учун қабул қилинсин:

"Ўзтрансгаз" АК томонидан ҳисоблаб қўйилган қиймати эквиваленти 43,41 млн. долларга тенг миқдорда "Қўнғирот компрессор станциясида газ намини қочириш қурилмасини барпо этиш" инвестиция лойиҳасининг техник-иқтисодий асослари ишлаб чиқилган ва газнинг намини қочириш қурилмасини лойиҳалаштириш ҳамда технологик ускуналарни етказиб бериш учун "CW Singapore PTE LTD" (Сингапур) компанияси билан жами 27,8 млн. долларга тенг миқдорда контракт тузилган;

"CW Singapore PTE LTD" компанияси томонидан ускуналар тайёрлашнинг узоқ муддатли буюртмалари жойлаштирилган ва "Ўзбекнефтгаз" МХКнинг "Ўзбеккимёмаш" заводи" ОАЖ билан 8 дона адсорбер (қурилманинг асосий аппарати)ни тайёрлаш тўғрисида аҳдлашувга эришилган.

2. Белгилансинки, "Қўнғирот компрессор станциясида газ намини қочириш қурилмасини барпо этиш" лойиҳасини молиялаштириш:

"Ўзбекнефтгаз" МХКнинг эквиваленти 18,41 млн. долларга тенг шахсий маблағлари ҳисобидан;

Ўзбекистон Республикаси Тикланиш ва тараққиёт жамғармасининг 1,5 йил имтиёзли даврни ҳисобга олган ҳолда, муддати 6 йил бўлган, қайта молиялаштирувчи банкнинг 0,5%ли маржасини қўшганда йиллик 4,0%ли ставка билан Ўзбекистон Республикаси Ташқи иқтисодий фаолият миллий банки орқали қайта молиялаштириладиган 25,0 млн. доллар миқдоридаги кредити ҳисобидан амалга оширилади.

"Ўзтрансгаз" акциядорлик компанияси қарз маблағларидан мақсадли ва самарали фойдаланишга ҳамда лойиҳани амалга оширишга масъул бўлган қарз олувчи ва ижро этувчи орган ҳисобланади ҳамда кредитларни узиш ва уларга фоизларни тўлаш билан боғлиқ сарф-харажатлар компаниянинг ўз валюта маблағлари ҳисобидан амалга оширилади.

3. Қуйидагилар:

"Қўнғирот компрессор станциясида газ намини қочириш қурилмасини барпо этиш" лойиҳасининг ТИАси асосий техник-иқтисодий параметрлари билан 1-иловага* мувофиқ;

Ўзбекистон Республикаси Тикланиш ва тараққиёт жамғармасининг кредитлари бўйича асосий қарзни узиш ва фоизлар тўлашнинг прогноз жадвали 2-иловага* мувофиқ тасдиқлансин.

4. Ўзбекистон Республикаси Ташқи иқтисодий алоқалар, инвестициялар ва савдо вазирлиги ўн кун муддатда "Ўзтрансгаз" АК ва "Ўзбеккимёмаш" заводи" ОАЖнинг "CW Singapore PTE LTD" компанияси билан тузилган шартномаларини белгиланган тартибда экспертизадан ўтказилишини таъминласин.

5. Ўзбекистон Республикаси Ташқи иқтисодий фаолият миллий банки бир ҳафта муддатда "Ўзтрансгаз" АК ва "Ўзбеккимёмаш" заводи" ОАЖнинг "CW Singapore PTE LTD" компанияси билан тузган шартномалари рўйхатга олиниши (ҳисобга қўйилиши)ни таъминласин.

6. Қуйидагилар лойиҳани амалга ошириш доирасида:

"Ўзбеккимёмаш" заводи" ОАЖ томонидан 2008 йилда олиб келинадиган, 8 дона адсорбер тайёрлашда ишлатиладиган 464,8 тонна миқдордаги металл прокати божхона тўловлари (божхона расмийлаштируви йиғимларидан ташқари) тўлашдан;

"Ўзбеккимёмаш" заводи" ОАЖ 8 дона адсорберни "CW Singapore PTE LTD" компаниясига сотишда қўшилган қиймат солиғи тўлашдан озод этилсин.

7. Ўзбекистон Республикаси Иқтисодиёт вазирлиги "Қўнғирот компрессор станциясида газ намини қочириш қурилмасини барпо этиш" лойиҳасини белгиланган тартибда Ўзбекистон Республикасининг 2008 йилги Инвестиция дастурига киритсин.

9. Мазкур Қарорнинг ижросини назорат қилиш Ўзбекистон Республикаси Бош вазирининг ўринбосари Э.Р. Шоисматов зиммасига юклансин.

Ўзбекистон Республикасининг Президенти                         И. Каримов

*) Иловалар рус тилидаги матнда берилган.

"Ўзбекистон Республикаси Олий Мажлиси палаталарининг Ахборотномаси", 2008 йил, 8-сон, 461-модда.