Ўзбекистон Республикаси Президентининг 02.05.2008 й. ПҚ-854-сон "PETRONAS" (Малайзия) корпорацияси билан геология қидирув ишлари, конларни қазиб чиқариш ва обод қилиш ҳамда нефтгазкимёни ривожлантириш соҳасида ҳамкорликни янада давом эттириш чора-тадбирлари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

02.05.2008 й.

N ПҚ-854

"PETRONAS" (МАЛАЙЗИЯ) КОРПОРАЦИЯСИ БИЛАН

ГЕОЛОГИЯ  ҚИДИРУВ  ИШЛАРИ,  КОНЛАРНИ ҚАЗИБ

ЧИҚАРИШ ВА ОБОД ҚИЛИШ ҲАМДА НЕФТГАЗКИМЁНИ

РИВОЖЛАНТИРИШ  СОҲАСИДА  ҲАМКОРЛИКНИ

ЯНАДА ДАВОМ ЭТТИРИШ ЧОРА-ТАДБИРЛАРИ

ТЎҒРИСИДА

[Кўчирма]

"Petroliam Nasional Berhad" ("PETRONAS") Малайзия корпорациясининг тўғридан-тўғри инвестицияларини жалб этиш ҳисобидан қазиб олинган углеводород хом ашё захираси ҳажмларини кўпайтириш, нефтгаз конларини обод қилишга махсус илғор технологияларни татбиқ этиш, нефтгазкимё маҳсулотлари ва синтетик ёнилғи ишлаб чиқаришни кенгайтириш мақсадида:

1. Қуйидагилар маълумот учун қабул қилинсин:

"Ўзбекнефтгаз" МХК билан "PETRONAS Carigali Overseas Sdn. Bhd." (Малайзия) компанияси ўртасида тузилган Бойсун инвестиция блокини биргаликда ўрганиш тўғрисидаги Битимга мувофиқ 2D ва 3D майдонида сейсмоқидирув ишлари якунланди, Гажак конидаги қудуқлар синовдан ўтказилмоқда ҳамда олинган маълумотлар 2008 йил I ярим йиллигининг охиригача умумий миқдори 80 млн. долларга тенг тўғридан-тўғри инвестицияларни ўзлаштирган ҳолда таҳлил қилинмоқда;

Ўзбекистон Республикаси билан ушбу хорижий инвестор ўртасида Ўзбекистон Республикаси Сурхондарё минтақасининг Бойсун инвестиция блокида геология қидирув ишлари, конларни қазиб чиқариш ва углеводородларни қазиб олиш бўйича маҳсулотни тақсимлаш тўғрисидаги битимнинг вазифалари, асосий принциплари ва қоидалари тўғрисида Битим тузилган;

"Ўзбекнефтгаз" МХК билан хорижий инвестор ўртасида 5 йил давомида 20 млн. доллар, жумладан 2D усулида 1200 п. км сейсмоқидирув ишларини ўтказиш, гравиметрик ва магнитометрик суратга олиш ҳамда битта қидирув қудуғини бурғулаш, учун дастлабки уч йилда 15 млн. доллар миқдорида тўғридан-тўғри инвестициялар ҳисобидан ишларнинг Минимал Дастури амалга оширилишини, шунингдек геофизикавий ва геологик баҳолаш ҳамда ҳисоботлар тақдим этилишини назарда тутувчи Ўзбекистон Республикаси Сурхондарё минтақасининг Сурхон инвестиция блокида ер ости бойликларини геологик ўрганишни олиб бориш бўйича Битим тузилган;

мазкур лойиҳаларни амалга ошириш учун бир ой муддатда хорижий инвесторларга Ўзбекистон Республикаси ҳудудида даромадсиз/камомадсиз асосда фаолият юритувчи юридик шахс - "PETRONAS Operating Company LLC" ва "PETRONAS Carigali (Surkhanski) Operating Company LLC" шаклида операторлар таъсис этилади ва рўйхатга олинади;

хорижий инвестор ҳар бир Битим бўйича барча мажбуриятларни бажарганидан сўнг белгиланган тартибда маҳсулотни тақсимлаш бўйича тегишли Битимлар тузиш бўйича музокаралар олиб борилади.

2. Белгилаб қўйилсинки:

хорижий инвестор - "PETRONAS Carigali Overseas Sdn.Bhd." (Малайзия) компанияси, у таъсис этган операторлар, шунингдек ушбу Битимларни амалга ошириш доирасида улар томонидан жалб этилган углеводород конларида қидирув ишларини амалга оширувчи хорижий пудратчилар ва субпудратчиларга Ўзбекистон Республикаси Президентининг "Нефть ва газ конларини разведка қилиш ҳамда уларни қазиб чиқаришга бевосита хорижий сармояларни жалб этиш чора-тадбирлари тўғрисида" 2000 йил 28 апрелдаги ПФ-2598-сонли Фармони 3 ва 4-бандлари билан берилган тегишли имтиёз ва преференциялар татбиқ этилади;

корхона ва ташкилотлар - мазкур Битимларни амалга ошириш доирасида материаллар етказиб бериш, ишларни бажариш ва операторларга хизмат кўрсатишни амалга оширувчи Ўзбекистон Республикаси резидентлари қўшилган қиймат солиғи тўлашдан озод этилади.

3. Ўзбекистон Республикаси Давлат геология ва минерал ресурслар қўмитаси белгиланган тартибда Ўзбекистон Республикаси Сурхондарё минтақасининг Сурхон инвестиция блоки бўйича ер ости бойликларининг геологик қидирувини ўтказиш бўйича Битим доирасида ер қаъри участкаларидан геология қидирув ишларида фойдаланиш ҳуқуқига лицензия берсин.

7. "Ўзбекнефтгаз" МХК "PETRONAS Carigali Overseas Sdn. Bhd." (Малайзия) компанияси билан биргаликда ушбу Битим бўйича ишлар якунлангандан сўнг Ўзбекистон Республикаси Вазирлар Маҳкамаси ҳузуридаги фойдали қазилмалар захираси бўйича Давлат комиссиясига конлар бўйича саноат захираларини тасдиқлаш учун углеводород хом ашё захирасини ҳисобга олиш билан ҳисобот тақдим этсин.

"Ўзбекнефтгаз" МХК раҳбарияти инвесторлар зиммасидаги Битимда назарда тутилган мажбуриятларни қонун ҳужжатларида белгиланган тартибда ўз вақтида амалга оширилиши ҳамда лойиҳаларнинг амалга оширилиши тўғрисида ҳар ойда Вазирлар Маҳкамасига ахборот тақдим этилиши устидан тизимли назоратни таъминласин.

Ўзбекистон Республикаси Президентининг "Устюрт минтақаси конларини ишлатиш, жиҳозлаш ва фойдаланишга тайёрлаш соҳасида "Газпром" ОАЖ билан ҳамкорликни янада давом эттириш чора-тадбирлари тўғрисида" 2006 йил 23 январдаги Ф-2427-сонли Фармойиши ўз кучини йўқотган деб ҳисоблансин.

8. Қуйидагилар маълумот учун қабул қилинсин:

"Ўзбекнефтгаз" МХК билан "Petroliam Nasional Berhad" ("PETRONAS") ўртасида нефтгазкимё саноати соҳасида ўзаро ҳамкорлик қилиш тўғрисида Меморандум имзоланган, унинг доирасида биргаликда ишчи гуруҳлар ташкил этилган, технологик жараёнлар лицензиатлари ва ихтисослаштирилган инжиниринг компаниялари билан иш бошланган;

"Шўртан газкимё комплексида этилен ва полиэтилен ишлаб чиқаришни кенгайтириш" ва "Шўртан газкимё комплексидан олинган, тозаланганметандан синтетик ёқилғи (GTL) ишлаб чиқариш заводининг қурилиши" лойиҳаларининг ДТИАсини ишлаб чиқиш "Ўзбекнефтгаз" МХК билан "PETRONAS" корпорацияси, шунингдек улар жалб этган халқаро инжиниринг компаниялари томонидан, белгиланган тартибда Ўзбекистон Республикасининг ихтисослаштирилган институтлари иштирокида амалга оширилади;

юқоридаги инвестиция лойиҳаларнинг ТИАсини лойиҳавий молиялашни ташкил этиш ва йирик қарз маблағларини жалб этиш учун Ўзбекистон Республикасининг амалдаги қонун ҳужжатларига, инвестиция компаниялари ва молия институтлари томонидан қўйиладиган халқаро талабларга мувофиқ ишлаб чиқилади ҳамда белгиланган тартибда тасдиқланади.

"Ўзбекнефтгаз" МХКга "PETRONAS" корпорациясига махфийлик тўғрисидаги битимга кўра фақат мазкур инвестиция лойиҳаларини амалга ошириш учун фойдаланиладиган зарур ахборотларни беришга рухсат этилсин.

9. Ўзбекистон Республикаси Ташқи ишлар вазирлиги "PETRONAS Carigali Overseas Sdn. Bhd." (Малайзия) компанияси ва "Ўзбекнефтгаз" МХК томонидан тасдиқланган, у таъсис этган операторлар талабномаларига кўра, Битимларни амалга оширишда иштирок этаётган хорижий мутахассисларнинг кириш визалари, жумладан кўп марталик визалар белгиланган тартибда расмийлаштирилишини таъминласин.

10. Ўзбекистон Республикаси Ички ишлар вазирлиги "PETRONAS Carigali Overseas Sdn. Bhd." (Малайзия) компанияси ва "Ўзбекнефтгаз" МХК томонидан тасдиқланган, у таъсис этган операторлар талабномаларига кўра, Битимларни амалга оширишда иштирок этаётган хорижий компаниялар ходимларига кўп марталик визалар бериш ва уларнинг муддатини узайтириш, шунингдек вақтинча рўйхатда туриш ва унинг муддатини узайтиришни таъминласин.

11. Ўзбекистон Республикаси Меҳнат ва аҳолини ижтимоий муҳофаза қилиш вазирлиги "Ўзбекнефтгаз" МХК билан келишилган ҳолда, операторларга ушбу Битимларни амалга оширишда иштирок этиш учун профилли ихтисослик бўйича хорижий мутахассисларни Ўзбекистон Республикасига жалб этишга белгиланган тартибда рухсатнома берилишини таъминласин.

12. Мазкур Қарорнинг ижросини назорат қилиш Ўзбекистон Республикаси Бош вазирининг биринчи ўринбосари Р.С. Азимов ва Ўзбекистон Республикаси Бош вазирининг ўринбосари Э.Р. Шоисматов зиммаларига юклансин.

Ўзбекистон Республикасининг Президенти                           И. Каримов