ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Ёқилғи-энергетика комплекси / Нефть ва газни қазиб олиш ва қайта ишлаш. Нефть ва газ қувурлари /

Ўзбекистон Республикаси Вазирлар Маҳкамасининг 25.04.1997 й. 213-сон "Андижон вилоятидаги "Хўжаобод" конида ер ости газ омбори қурилишини таъминлаш тўfрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

25.04.1997 й.

N 213



АНДИЖОН ВИЛОЯТИДАГИ

"ХЎЖАОБОД" КОНИДА ЕР ОСТИ

ГАЗ ОМБОРИ ҚУРИЛИШИНИ

ТАЪМИНЛАШ ТЎFРИСИДА


Қиш даврида Фарғона водийси аҳолисини ва халқ хўжалиги объектларини табиий газ билан янада тўлароқ ва ишончли таъминлаш мақсадида Андижон вилоятидаги "Хўжаобод" конида ер ости газ омбори қурилишини жадаллаштириш учун Вазирлар Маҳкамаси ҚАРОР ҚИЛАДИ:


1. "Ўзбекнефтгаз" Миллий корпорациясининг "BSI Industries, Inc." (АҚШ) фирмаси билан ушбу лойиҳа бўйича инжиниринг, асбоб-ускуналар етказиб бериш, шеф-монтаж ва қурилиш устидан назорат юзасидан, маблағ билан таъминлаш харажатларидан ташқари, 69136 млн. АҚШ долларига тенг суммага контракт тузиш тўғрисидаги таклифига розилик берилсин.

Хўжаобод ер ости газ омбори қурилиши лойиҳаси бўйича "Ўзтрансгаз" давлат бирлашмаси буюртмачи этиб белгилансин, унга "Ўзбекнефтгаз" Миллий корпорацияси ва “BSI Industries, Inc.” фирмаси ўртасидаги контрактни бажаришга оид мажбуриятлар юклансин.


2. Ушбу лойиҳани молиявий таъминлаш:

контракт баҳосининг 85 фоизини - 58,7 млн. АҚШ долларини ва АҚШ Экспорт-импорт банкининг суғурта мукофотини - 4,5 млн. АҚШ долларини ўз ичига олувчи АҚШ Экспорт-импорт банкининг 63,2 млн. АҚШ доллари суммасидаги кредити;

"Ўзтрансгаз" давлат бирлашмасининг 15,79 млн. АҚШ доллари суммасидаги ўз маблағлари ҳисобига амалга оширилиши маълумот учун қабул килинсин.

Кредитни тўлаш "Ўзтрансгаз" давлат бирлашмаси маблағлари ҳисобидан иловага мувофиқ амалга оширилади.


3. "Ўзбекнефтгаз" корпорацияси АҚШ Экспорт-импорт банки кредити бўйича қарз олувчи этиб белгилансин, кейинчалик кредит "Ўзтрансгаз" давлат бирлашмасига қайта молиялаштирилади.


4. "Ўзбекнефтгаз" Миллий корпорацияси Молия вазирлиги билан биргаликда икки ой муддатда АҚШ Экспорт-импорт банки билан кредит битимини ишлаб чиқишни тугалласин ва битим тузсин.


5. Ўзбекистон Республикаси Молия вазирига АҚШ Экспорт-импорт банкига ушбу лойиҳа учун жалб қилинаётган кредит бўйича Ўзбекистон Республикаси Ҳукумати кафолатини бериш ваколати берилсин.


6. Ўзбекистон Республикаси Адлия вазирлиги Ўзбекистон Республикаси Ҳукумати кафолати юзасидан юридик хулосани белгиланган тартибда расмийлаштирсин.


7. Ташқи иқтисодий алоқалар вазирлиги, "Ўзсаноатқурилишбанк", Давлат солиқ қўмитаси бир ҳафта муддатда контрактни рўйхатдан ўтказсин.


8. Махфий.


9. "BSI Industries, Inc." фирмаси ва унинг ушбу лойиҳа бўйича хорижий субпудратчилари контрактни амалга оширишнинг бутун даврида:

божхона пошлиналаридан, шу жумладан, контрактни амалга ошириш билан боғлиқ қурилиш учун асбоб-ускуналар ва материалларни олиб келиш ва қайта олиб кетиш пошлиналаридан;

"Ўзбекнефтгаз" корпорацияси буюртманомалари бўйича якка тартибда ва гуруҳ бўлиб келувчи ходимлар учун виза ҳужжатларини расмийлаштирганлик учун консуллик йиғимларидан;

Ўзбекистон Республикасида яшаш жойида рўйхатдан ўтказганлик учун йиғимлар тўлашдан озод қилинсин.


10. Давлат солиқ қўмитаси, "Ўзбекистон темир йўллари" компанияси ва "Ўзавтотранс" давлат корпорацияси "Ўзбекнефтгаз" корпорацияси, "BSI Industries, Inc." фирмаси ёки унинг ушбу лойиҳа бўйича субпудратчиларининг буюртманомалари бўйича келаётган асбоб-ускуналар ва материалларга, шу жумладан, қурилиш учун асбоб-ускуналар ва материалларга божхона ҳужжатлари ўз вақтида (кўпи билан уч кунда) расмийлаштирилиши ва уларнинг белгиланган жойга тўсиқларсиз етказиб берилишини таъминласинлар.


11. Ўзбекистон Республикаси резидентлари томонидан "BSI Industries, Inc." фирмаси, ушбу лойиҳа бўйича унинг хорижий пудратчилари ва субпудратчилари билан тўғридан-тўғри контрактлар бўйича эркин алмаштириладиган валютада ҳақ тўланадиган маҳсулот етказиб бериш, бажариладиган ишлар ва кўрсатиладиган хизматларни, қўшимча қиймат солиғига тортишдан озод этган ҳолда, экспортга маҳсулот етказиб бериш, ишлар бажариш ва хизматлар кўрсатиш сифатида ҳисобга олинсин.


12. "Ўзбекнефтгаз" Миллий корпорацияси суғурта компаниясини тендер асосида танлаган ҳолда объектни суғурталашни таъминласин.


13. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари И.Ҳ. Жўрабеков зиммасига юклансин.



Вазирлар Маҳкамасининг Раиси                                       И. Каримов






Вазирлар Маҳкамасининг

1997 йил 25 апрелдаги

213-сон қарорига

ИЛОВА



Хўжаобод ер ости газ омбори қурилиши лойиҳаси

бўйича АҚШ Эксим-банки кредитини тўлаш

ЖАДВАЛИ

Контракт қиймати


69136000 АҚШ доллари


Кредит суммаси


63226000 АҚШ доллари*


Кредит фоиз ставкаси; Йилига


7,41%**


Кредит бериш муддати 7,5 йил, шу жумладан, имтиёзли давр 2 йил


(минг АҚШ доллари)


Йиллар


Ҳам

маси


1997


1998


1999


2000


2001


2002


2003


2004


Асосий қарз


0


0

6323

12646

12645

12645

12645

6322

63226

Кредит учун фоизлар ва мажбурият учун комиссия


0

1601

4085

3957

3565

2614

1665

716

18203

Жами:


0

1601

10408

16603

16210

15259

14310

7038

81429

-------------------------

Эслатма: *) Шу жумладан, контракт қийматининг 85% - 58765600 АҚШ доллари ва АҚШ Эксим-банкининг суғурта мукофоти - 4460400 АҚШ доллари.

**) АҚШ казначейлик ставкаси қарз берувчи банк билан кредит битимини тасдиқлашда аниқланилиши керак.





































Время: 0.0359
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск