язык интерфейса

ЎзР Конунчилиги

ЎзР Конунчилиги/ Банклар. Кредитлаш. Валютани тартибга солиш/ Қўшимчалар ва ўзгартиришлар киритилган ҳужжатлар/ Банклар ва бошқа кредит ташкилотлари/ Марказий банк Бошқарувининг 02.10.2004 й. 21/10-сон "Ўзбекистон Республикаси ҳудудида банкларда Электрон ахборотларни муҳофазалашни ташкил этиш тўғрисидаги Йўриқномага қўшимчалар киритилиши тўғрисида"ги Қарори (АВ томонидан 22.10.2004 й. 1047-1-сон билан рўйхатга олинган)

Вы можете получить доступ на один день к продукту Законодательство Руз.

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

22.10.2004 й.

N 1047-1




ЎЗБЕКИСТОН РЕСПУБЛИКАСИ

МАРКАЗИЙ БАНКИ БОШҚАРУВИНИНГ

02.10.2004 й.

N 21/10


ҚАРОРИ



Ўзбекистон Республикаси ҳудудида банкларда

Электрон ахборотларни муҳофазалашни ташкил

этиш тўғрисидаги йўриқномага қўшимчалар

киритилиши тўғрисида


(2004 йил 1 ноябрдан кучга киради)



Ўзбекистон Республикасининг "Ўзбекистон Республикасининг Марказий банки тўғриcида"ги Қонуни 7 ва 51-моддаларига мувофиқ ва Ўзбекистон Республикаси банк тизимини ягона вакиллик ҳисоб рақами режимига ўтиб ишлаши ва банк телекоммуникация тармоғи муҳофазасини таъминлаш муносабати билан Ўзбекистон Республикаси Марказий банк Бошқаруви ҚАРОР ҚИЛАДИ:


Марказий банк Бошқаруви томонидан 2001 йил 23 июнда тасдиқланган 492-сонли "Ўзбекистон Республикаси ҳудудида банкларда электрон ахборотларни муҳофазалашни ташкил этиш тўғрисида"ги Йўриқномага (2001 йил 9 июль, рўйхат рақами 1047 - Меъёрий ҳужжатлар ахборотномаси, 2001 йил 13 сон) иловага мувофиқ қўшимчалар киритилсин.

Ушбу қарор Ўзбекистон Республикаси Адлия вазирлигида давлат рўйхатидан ўтказилган кундан 10 кун ўтгач кучга киритилсин.



Марказий банк Бошқаруви раиси                                       Ф. Муллажонов






Қарорга

ИЛОВА



Ўзбекистон Республикаси ҳудудида банкларда

электрон ахборотларни муҳофазалашни ташкил

этиш тўғрисидаги йўриқномага киритилаётган

қўшимчалар


Йўриқнома қуйидаги таҳрирдаги янги бандлар билан тўлдирилсин:

"11-1. Банк телекоммуникация тармоғи орқали давлат сири тоифасига кирувчи маълумотлар узатилиши қатъиян ман этилади.

11-2. Марказий банк фармойиши ва мувофиқлаштирилган режа-жадвали асосида тижорат банкларида амалга оширилаётган текширишлар ва ўрганишлар вақтида, текширувчиларга қоғоз ҳужжатлар билан бир қаторда электрон маълумотлардан (электрон ҳужжатлар, электрон база, электрон архив) ҳам банк биносидан олиб чиқиб кетмаслик шарти билан фойдаланишга рухсат этилади".



"Ўзбекистон Республикаси қонун ҳужжатлари тўплами", 2004 йил, 42-сон, 450-модда.