Автомобиль йўллари орқали ташиладиган товарларнинг божхона кузатуви тартиби тўғрисида Низом (АВ томонидан 27.09.2003 й. 1278-сон билан рўйхатга олинган 04.09.2003 й. Давлат божхона қўмитасининг 01-02/12-35-сон, Ички ишлар вазирлигининг 5-сон қарори билан тасдиқланган)

Функция недоступна

Ўзбекистон Республикаси

Адлия вазирлигида

2003 йил 27 сентябрда 1278-сон

билан рўйхатга олинган

Ўзбекистон Республикаси

Давлат божхона қўмитаси ва

Ички ишлар вазирлигининг

2003 йил 4 сентябрдаги

01-02/12-35, 5-сонли қарори билан

ТАСДИҚЛАНГАН

Мазкур Низом рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Автомобиль йўллари орқали

ташиладиган товарларнинг божхона

кузатуви тартиби тўғрисида

НИЗОМ

Мазкур Автомобиль йўллари бўйича ташиладиган товарларни божхона кузатуви тартиби тўғрисидаги Низом (кейинчалик - Низом) Ўзбекистон Республикасининг Божхона кодексига мувофиқ ишлаб чиқилган ва божхона органлари ўртасида божхона назорати остида етказиб бериш қоидаларига мувофиқ автомобил йўллари бўйича ташиладиган транспорт воситалари, товарларни божхона кузатуви, ҳамда транзит божхона режими остида жойлаштирилган товарларни божхона кузатуви тартибини белгилайди.

Мазкур Низом божхона назорати остида ташишини амалга оширадиган божхона ташувчиларига тааллуқли эмас.

1. УМУМИЙ ҚОИДАЛАР

1. Мазкур Низомда қуйидаги асосий тушунчалардан фойдаланилади:

а) божхона кузатуви гуруҳи - мазкур Низомга мувофиқ битта йўналишдаги транспорт воситаларини, товарларни кузатиш учун тайинланган бир ва ундан ортиқ мансабдор шахс;

б) транспорт воситалари - йўловчиларни ва товарларни ташиш учун фойдаланиладиган, барча воситалар, шу қаторда контейнерлар ва бошқа транспорт жиҳозлари;

г) кузатиладиган товарлар ва транспорт воситалари - божхона кузатувини махсус гуруҳи томонидан божхона кузатуви остида ташиладиган товарлар ва транспорт воситалари;

д) жўнатиш божхона пости - товарларни барча туркуми учун ёки унинг бир қисми учун божхона кузатуви бошланадиган божхона пости;

е) белгиланган божхона пости - товарларни барча туркуми учун ёки унинг бир қисми учун божхона кузатуви тугайдиган божхона пости;

ж) қабул қилиш-бериш пункти - божхона кузатуви гуруҳлари томонидан кузатилаётган товарлар, транспорт воситалари ва уларнинг олиб ўтиш ҳужжатларини қабул қилиш-топшириш амалга ошириладиган божхона пости ёки белгиланган жой;

з) товарларни ва транспорт воситаларини олиб ўтувчи - ҳ