Ўзбекистон Республикаси Президенти ҳузуридаги Вазирлар Маҳкамасининг 13.05.1992 й. 234-сон "Ўзбекистон Республикаси ва Қирғизистон Республикаси хўжаликлари томонидан яйловлардан фойдаланиш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИ ҲУЗУРИДАГИ

ВАЗИРЛАР МАҲКАМАСИНИНГ

ҚАРОРИ

13.05.1992 й.

N 234

ЎЗБЕКИСТОН РЕСПУБЛИКАСИ ВА

ҚИРFИЗИСТОН РЕСПУБЛИКАСИ

ХЎЖАЛИКЛАРИ ТОМОНИДАН

ЯЙЛОВЛАРДАН ФОЙДАЛАНИШ

ТЎFРИСИДА

Ўзбекистон Республикаси билан Қирғизистон Республикаси ўртасида дўстлик ва ҳамкорлик тўғрисидаги Шартномага мувофиқ Вазирлар Маҳкамаси ҚАРОР ҚИЛАДИ:

1. Ўзбекистон Республикаси хўжаликлари томонидан Қирғизистон Республикаси ҳудудидаги ва Қирғизистон Республикаси хўжаликлари томонидан Ўзбекистон Республикаси ҳудудидаги яйловлардан ижара шартлари бўйича фойдаланиш тўғрисида Ўзбекистон Республикаси ва Қирғизистон Республикаси қишлоқ хўжалиги вазирлари томонидан 1992 йил 11 апрелда имзоланган Битим тасдиқлансин (илова қилинади).

2. Андижон, Наманган, Фарғона ва Тошкент вилоятларининг, шунингдек, тегишли ноҳияларнинг ҳокимлари Қирғизистон Республикасининг ноҳия ва вилоят ҳокимият ва бошқарув органлари билан биргаликда фойдаланишга берилган яйловлар майдонларини, улардан фойдаланиш тартиби, муддатлари ва шартларини, ижара ҳақи миқдорларини келишиб олсинлар ва мазкур масалалар юзасидан шартномалар тузсинлар.

3. Мазкур қарорнинг бажарилишини назорат қилиш Андижон, Наманган, Фарғона ва Тошкент вилоятларининг ҳокимлари зиммасига юклансин.

Ўзбекистон Республикасининг Бош вазири                                   А. Муталов