Қўшилган қиймат солиғи бўйича солиқ ҳисоботи шакллари (АВ томонидан 22.03.2013 й. 2439-сон билан рўйхатга олинган 04.03.2013 й. Молия вазирлигининг 23-сон, Давлат солиқ қўмитасининг 2013-8-сон қарорига 3-илова)

Функция недоступна

Ўзбекистон Республикаси

Адлия вазирлигида

2013 йил 22 мартда 2439-сон

билан рўйхатга олинган

Ўзбекистон Республикаси

Молия вазирлиги ва

Давлат солиқ қўмитасининг

2013 йил 4 мартдаги

23, 2013-8-сон қарорига

3-ИЛОВА

Қўшилган қиймат солиғи бўйича

СОЛИҚ ҲИСОБОТИ ШАКЛЛАРИ

         

Ҳужжат тури: 1 - ҳисоб-китоб, 2 - аниқлаштирувчи (каср орқали аниқлаштирув рақами)

Қўшилган қиймат солиғи тўловчиси тўғрисида

МАЪЛУМОТ

       

  

М.Ў. (муҳр мавжуд бўлган тақдирда)

     

        

Қўшилган қиймат солиғи

ҲИСОБ-КИТОБИ

М.Ў. (муҳр мавжуд бўлган тақдирда)

*) Алоҳида бўлинмага тўғри келадиган қўшилган қиймат солиғи суммасини ҳисоб-китобининг кўчирма нусхалари ушбу Ҳисоб-китобга илова қилинади.

Қўшилган қиймат солиғи

ҳисоб-китобига

1-ИЛОВА

           

Ҳисобга олинадиган ҚҚС ҳисоб-китоби учун

фойдаланиладиган олинган товарлар

(ишлар, хизматлар) бўйича ҚҚС суммаси

                            

Изоҳ: 040-сатр аҳолига иссиқлик энергиясини реализация қилувчи корхоналар томонидан тўлдирилади.

                 

Раҳбар                     ________________________

                                                   (имзо)

Бош бухгалтер       ________________________

                                                   (имзо)

М.Ў. (муҳр мавжуд бўлган тақдирда)

Қўшилган қиймат солиғи

ҳисоб-китобига

2-ИЛОВА

          

Ҳисобга олинадиган қўшилган қиймат солиғи суммаси

ҲИСОБ-КИТОБИ

           

Изоҳ:

*) 3-устуннинг 0102, 01021, 0103, 01042, 0105-сатрлар қиймати ушбу сатрларнинг 4-устундаги суммасини 4-устуннинг 0101-сатридаги суммасига бўлиш орқали ҳисоблаб чиқарилади.

**) Товарлар воситачилик, топшириқ шартномаси бўйича воситачи, ишончли шахс орқали экспортга реализация қилинган ҳолларда, қўшилган қиймат солиғи воситачининг, ишончли шахснинг ёки солиқ тўловчининг ҳисобварағига келиб тушган валюта тушуми суммаси улушида ҳисобга олинади.

Агар товарларни экспортга жўнатиш ва жўнатилган товар учун валюта тушуми турли чет эл валютасида амалга оширилса, 01041 ва 01043-сатрлардаги барча чет эл валютаси юкни жўнатиш амалга оширилган ойнинг сўнгги кунидаги Марказий банк белгилаган курс бўйича миллий валютада қайта ҳисобланади.

Пахта тозалаш заводлари 4-устуннинг 01041 ва 01043-сатрларини, шунингдек 3-устуннинг 01044-сатрини тўлдирмайди. 5-устуннинг 05031-сатрида 5-устуннинг 0503-сатридаги қийматини такрорлайдилар.

Бунда пахта толасининг экспортга реализация қилинганлигини тасдиқлаш мақсадида пахта тозалаш заводлари "Пахтасаноат" ҲАБ нарядини ва ушбу наряд асосида ёзилган ҳисобварақ-фактурани тақдим этади.

М.Ў. (муҳр мавжуд бўлган тақдирда)

                               

Қўшилган қиймат солиғи

ҳисоб-китобига

3-ИЛОВА

Аввалги солиқ даврида экспортга реализация

қилинган товарлар бўйича тушум жорий солиқ

даврида келиб тушиши муносабати билан

ҳисобга олинадиган ҚҚС ҳисоб-китоби

*) Жорий солиқ даврида валюта тушуми тўлиқ келиб тушмаган экспорт маҳсулотларини реализация қилиш бўйича оборотлар учун ҳисобга олиниши лозим бўлган ҚҚС суммаси бюджетга бўнак тўловлари ҳисобининг алоҳида ҳисобварағи - 4400 да йиғиб борилади ва валюта тушумининг тушиб бориши билан ҳисобга олиниб борилади.

Раҳбар                     ________________________

                                                   (имзо)

Бош бухгалтер       ________________________

                                                   (имзо)

М.Ў. (муҳр мавжуд бўлган тақдирда)

Қўшилган қиймат солиғи

ҳисоб-китобига

4-ИЛОВА

          

Товарларни (ишларни, хизматларни)

реализация қилиш бўйича

ОБОРОТЛАР

                    

                      

Изоҳ:

0104-сатр импорт қилинган товарларни сотиш бўйича савдо фаолиятини юритувчи импорт билан шуғулланувчи корхоналар томонидан тўлдирилади.

Қийматига ҚҚС суммасини ҳам ўз ичига оладиган товарлар (ишлар, хизматлар) реализацияси бўйича оборотлар бўйича ҚҚС суммаси (оборот х 20 / 120) формуласи бўйича аниқланади.

*) Дон ва донни дастлабки қайта ишловдан кейинги қўшимча маҳсулотлар ва чиқиндиларнинг реализациясини амалга оширувчи "Ўздонмаҳсулот" АК корхоналари учун соф тушум солиқ солинадиган обороти устама нарх ҳисобланувчи тизим ичидаги корхоналарга давлат ресурсидаги донни саноат йўли билан қайта ишлаш учун реализация қилиш бўйича оборотига камайтирилади.

Ун реализациясини амалга оширувчи "Ўздонмаҳсулот" АК корхоналари учун соф тушум қонун ҳужжатларида назарда тутилган ўзига хос хусусиятларни инобатга олган ҳолда аниқланади.

Давлат резервидан олинган нархлари давлат томонидан тартибга солинадиган товарларни реализация қилишда 0102-сатрда реализация қилиш нархи ва давлат резервидан олиш нархи ўртасидаги ижобий фарқ кўрсатилади.

Республика ички истеъмолчиларига пахта толасини жаҳон баҳосида қўшилган қиймат солиғи билан тасдиқланган прейскурант нархларидан паст нархда реализация қилинган тақдирда, ушбу ҳажм бўйича соф тушум жаҳон баҳосидан келиб чиқиб қуйидаги формула бўйича ҳисобланади: чегирмани ҳисобга олган ҳолда жаҳон баҳоси - (чегирмани ҳисобга олган ҳолда жаҳон баҳоси х 20/120).

**) 01023-сатр "Ўздонмаҳсулот" АК корхоналари томонидан қуйидаги ҳолларда:

солиқ солинадиган обороти, ҚҚСни чегириб ташлаган ҳолда устама ҳисобланувчи дон ва донни дастлабки қайта ишловдан кейинги қўшимча маҳсулотлар ва чиқиндилар реализациясида;

солиқ солинадиган обороти, қонун ҳужжатларида назарда тутилган ўзига хос хусусиятларни инобатга олган ҳолда аниқланадиган ун реализациясида тўлдирилади.

Раҳбар                     ________________________

                                                   (имзо)

Бош бухгалтер       ________________________

                                                   (имзо)

М.Ў. (муҳр мавжуд бўлган тақдирда)

Қўшилган қиймат солиғи

ҳисоб-китобига

5-ИЛОВА

Қўшилган қиймат солиғидан озод қилинадиган товарларни

(ишларни, хизматларни) реализация қилиш

ОБОРОТЛАРИ

Изоҳ: Қўшимча имтиёзлар (030 ва кейинги сатрлар) норматив-ҳуқуқий ҳужжатнинг тури, рақами, санаси, номи ва бандини кўрсатган ҳолда тўлдирилади.

Раҳбар                     ________________________

                                                   (имзо)

Бош бухгалтер       ________________________

                                                   (имзо)

М.Ў. (муҳр мавжуд бўлган тақдирда)

Қўшилган қиймат солиғи

ҳисоб-китобига

6-ИЛОВА

               

              

           

Ноль даражали ставка бўйича қўшилган қиймат солиғи

солинадиган товарлар (ишлар, хизматлар) реализацияси

ҲИСОБ-КИТОБИ

                                  

                  

                

Раҳбар                     ________________________

                                                   (имзо)

Бош бухгалтер       ________________________

                                                   (имзо)

М.Ў. (муҳр мавжуд бўлган тақдирда)

Қўшилган қиймат солиғи

ҳисоб-китобига

7-ИЛОВА

               

               

           

          

Харид қилинган товарлар (ишлар, хизматлар) бўйича

ҳисобварақ-фактуралар (ҳисобварақ-фактура

ўрнини босадиган ҳужжатлар)

РЕЕСТРИ

                             

                  

Изоҳ: Реестр қўшилган қиймат солиғи ажратиб кўрсатилган ҳисобварақ-фактуралар (ҳисобварақ-фактура ўрнини босадиган ҳужжатлар) бўйича тўлдирилади.

Импорт қилинган товарлар бўйича, шунингдек реализация қилиш жойи Ўзбекистон Республикаси ҳисобланган норезидентлардан олинган ишлар (хизматлар) бўйича бюджетга ҳақиқатда тўланган ҚҚС суммаси кўрсатилади.

*) Аввалги ҳисобот даври учун реестр (6 ва 7-устунларининг) якуний маълумотлари асосида тўлдирилади.

              

                

М.Ў. (муҳр мавжуд бўлган тақдирда)

Қўшилган қиймат солиғи

ҳисоб-китобига

8-ИЛОВА

               

                

           

          

Реализация қилинган товарлар (ишлар, хизматлар)

бўйича ҳисобварақ-фактуралар (ҳисобварақ-фактура

ўрнини босадиган ҳужжатлар)

РЕЕСТРИ

                                                        

         

       

                

М.Ў. (муҳр мавжуд бўлган тақдирда)

Қўшилган қиймат солиғи

ҳисоб-китобига

9-ИЛОВА

Иссиқ сув таъминоти (ҳисобга олиш асбоблари

мавжуд бўлмаган тақдирда) ва марказий иситиш учун

тасдиқланган истеъмол нормаларидан ортиқ миқдорда

аҳолига етказиб бериладиган иссиқлик энергияси

бўйича ҳисобга олишдан чиқариб ташланадиган

ҚҚС суммасига тузатиш киритиш

           

М.Ў. (муҳр мавжуд бўлган тақдирда)

* * *

           

         

         

Ҳужжат тури: 1 - ҳисоб-китоб, 2 - аниқлаштирувчи (каср орқали аниқлаштирув рақами)

Ўзбекистон Республикаси норезидентларидан

олинган ишлар, хизматлар бўйича қўшилган

қиймат солиғи тўловчиси тўғрисида

МАЪЛУМОТЛАР

          

               

              

           

      

          

           

           

       

       

М.Ў. (муҳр мавжуд бўлган тақдирда)

           

                 

Ўзбекистон Республикаси норезидентларидан олинган

ишлар, хизматлар бўйича қўшилган қиймат солиғи

ҲИСОБ-КИТОБИ

   

   

  

Раҳбар                     ________________________

                                                   (имзо)

Бош бухгалтер       ________________________

                                                   (имзо)

М.Ў. (муҳр мавжуд бўлган тақдирда)

Ҳисобварақ-фактураларни ҳисобга

олиш ва расмийлаштириш

ТАРТИБИ

I. УМУМИЙ ҚИСМ

1. Ҳисобварақ-фактура қатъий ҳисобот ҳужжати бўлиб ҳисобланади.

2. Ҳисобварақ-фактураларнинг намунавий шакллари ушбу Тартибнинг иловасида келтирилган.

3. Қўшилган қиймат солиғи (кейинги ўринларда ҚҚС деб юритилади) солинадиган оборотларни ҳамда ҚҚСдан озод қилинган оборотларни амалга ошираётган юридик шахслар, бундан кредит ва суғурта ташкилотлари мустасно, шунингдек ҚҚС тўловчиси ҳисобланмайдиган юридик шахслар товарларни (ишларни, хизматларни) олувчи шахсга ушбу Тартиб иловасига мувофиқ ҳисобварақ-фактура тақдим этиши шарт, бундан қуйидаги ҳужжатлар ҳисобварақ-фактура ўрнини босадиган ҳоллар мустасно:

1) йўловчилар ташишни йўл чипталари билан расмийлаштириш;

2) товарлар (ишлар, хизматлар) аҳолига нақд ҳисоб-китоб билан реализация қилинган ҳолларда сотиб олувчига фискал хотирали назорат-касса машинаси чекини, терминал чекини, квитанцияни бериш;

3) товарларнинг экспорт-импорт тарзида етказиб берилишини расмийлаштириш;

4) қабул қилиб олиш-топшириш далолатномаси расмийлаштириладиган молиявий ижара (шу жумладан, лизинг) шартномаси бўйича мол-мулкни топшириш, Ўзбекистон Республикаси Солиқ кодексининг 204-моддаси саккизинчи қисмига мувофиқ ҚҚС тўлаш мажбуриятлари юзага келадиган ҳоллар бундан мустасно. Бунда тегишли ҳужжатлар (молиявий ижара шартномасининг таркибий қисми бўлган ижара (лизинг) тўловлари жадвали; ҳисобварақ; ижарага (лизингга) олувчига ижара (лизинг) тўловларини тўлаш учун юборилган ёзма билдириш ва шу кабилар) билан расмийлаштирилган ҳар бир ижара (лизинг) тўловига ҳам ҳисобварақ-фактура ёзилмайди;

5) банк операцияларини мижознинг шахсий ҳисобварағидан кўчирма ҳужжат бериш билан расмийлаштириш;

6) суғурта хизматларини топшириқ шартномаси ва (ёки) суғурта полиси билан расмийлаштириш;

7) ҳисобварақ-фактурага қўйилган талаблар бўйича барча маълумотлар бўлган тақдирда, ишлар бажарилганлигини (хизматлар кўрсатилганлигини) тасдиқловчи ҳужжатларни расмийлаштириш.

4. Келгусида товарларни етказиб бериш, ишларни бажариш, хизматларни кўрсатиш учун олдиндан тўланган ҳақ (бўнак) ёзилган ҳисобварақ ҳисобварақ-фактура ҳисобланмайди.

5. ҚҚС тўловчиси ҳисобланмайдиган, шунингдек ҚҚС тўлашдан озод қилинган оборотларни амалга ошираётган юридик шахслар ҳисобварақ-фактурада ҚҚС суммасини кўрсатмайдилар ҳамда "қўшилган қиймат солиғисиз" деган штамп босади (ёки ёзиб қўяди).

6. ҚҚС тўловчиси учун ҳисобварақ-фактура ҚҚСни Ўзбекистон Республикаси Солиқ кодексининг 218-моддасига мувофиқ ҳисобга олиш учун асос бўлади.

7. Кўрсатиб ўтилган моддада бошқача қоидалар назарда тутилмаган бўлса, ҳисобварақ-фактура товарларни (ишларни, хизматларни) реализация қилиш обороти содир этилган санада ёзилади.

8. ҚҚС солинадиган электр энергиясини, сув, газ, алоқа хизматлари, коммунал хизматларни, темир йўлда ташиш, транспорт-экспедиторлик хизматини, банк операцияларини, шунингдек узлуксиз товарларни етказиб беришни, ишларни бажаришни ва бошқа хизматларни реализация қилишни амалга ошираётган солиқ тўловчилар ойнинг охирги кунида бир марта ҳисобварақ-фактура ёзадилар.

9. Ҳисобварақ-фактурада товарларнинг (ишларнинг, хизматларнинг) қиймати ва ҚҚС суммаси миллий валютада кўрсатилади.

10. Тузилган шартномаларнинг шартларига биноан товарларига, ишлари ва хизматларига нархлар (тарифлар) чет эл валютасида белгиланадиган юридик шахслар ҳисобварақ-фактураларни чет эл валютасида ёзиб, айни бир вақтда уни Ўзбекистон Республикаси Марказий банки ҳисобварақ-фактура ёзилган санада белгилаган курси бўйича қайта ҳисоблаган ҳолда миллий валютада ифодалайдилар.

11. Товарларни (ишларни, хизматларни) етказиб берувчиси томонидан солиқ солинадиган базага уни кўпайтиришга (камайтиришга) қаратилган тузатиш киритган тақдирда, ушбу товарлар (ишлар, хизматлар) олувчиси томонидан тасдиқланадиган қўшимча ҳисобварақ-фактура тузилади.

12. Товарларни (ишларни, хизматларни) етказиб берувчи қўшимча ҳисобварақ-фактурада қуйидагиларни кўрсатиши шарт:

1) қўшимча ҳисобварақ-фактуранинг тартиб рақами ва ёзиб берилган санаси;

2) Ўзбекистон Республикаси Солиқ кодекси 222-моддасининг биринчи қисмида назарда тутилган ҳисобварақ-фактурани тўлдириш учун зарур бўлган реквизитлар;

3) тузатиш киритилаётган ҳисобварақ-фактуранинг рақами ва санаси;

4) ҚҚСни ҳисобга олмаган ҳолда солиқ солинадиган базага тузатиш киритиш миқдори (ижобий ёки салбий);

5) ҚҚС суммасига тузатиш киритиш миқдори (ижобий ёки салбий).

13. ҚҚС тўловчилари Олинган товарлар (ишлар, хизматлар) бўйича ҳисобварақ-фактуралар (ҳисобварақ-фактура ўрнини босадиган ҳужжатлар) реестрини (кейинги ўринларда Сотиб олиш реестри деб юритилади), шунингдек Реализация қилинган товарлар (ишлар, хизматлар) бўйича ҳисобварақ-фактуралар (ҳисобварақ-фактура ўрнини босадиган ҳужжатлар) реестрини (кейинги ўринларда Сотиш реестри деб юритилади) юритишлари шарт. Бунда Сотиб олиш реестрига фақат ҚҚС ажратиб кўрсатилган ҳисобварақ-фактуралар киритилади.

14. Ҳисобварақ-фактурада қуйидагилар кўрсатилиши шарт:

1) ҳисобварақ-фактуранинг тартиб рақами ва ёзиб берилган санаси;

2) ҳисобварақ-фактура илова қилинадиган товар жўнатиш ҳужжатларининг ёки шартномаларнинг рақами ва санаси;

3) солиқ тўловчининг ва товарларни (ишларни, хизматларни) сотиб олувчининг номи, жойлашган ери (почта манзили) ҳамда идентификация рақами.

15. Жадвал шаклни тўлдиришда қуйидагиларни қайд этиш керак:

1-устунда - реализация қилинган товарлар, бажарилган ишлар, кўрсатилган хизматлар номи;

2-устунда - ўлчов бирликлари (уларни кўрсатишнинг имконияти бўлса);

3-устунда - ўлчов бирлигидан (уларни кўрсатишнинг имконияти бўлса) келиб чиқиб ҳисобварақ-фактура бўйича реализация қилинган товарлар миқдори (ҳажми);

4-устунда - шартнома (контракт) бўйича ҚҚСни ҳисобга олмаган ҳолда, ҚҚСни ўз ичига оладиган давлат томонидан тартибга солинадиган нархлар (тарифлар) қўлланилган тақдирда эса, солиқ суммасини ҳисобга олган ҳолда товар ўлчов бирлигига тўғри келадиган нархи (тарифи);

5-устунда - реализация қилинган товарлар, бажарилган ишлар ва кўрсатилган хизматлар жами сонининг (ҳажмининг) акциз солиғи ва ҚҚСсиз қиймати;

6-устунда - акциз тўланадиган товарлар бўйича акциз солиғи ставкаси;

7-устунда - акциз тўланадиган товарлар бўйича акциз солиғи суммаси. Акциз солиғи тўловчилари ҳисобланмайдиган юридик шахслар 6 ва 7-устунларда акциз солиғини кўрсатмайдилар ва "Акциз солиғисиз" штампини қўядилар (ёки ёзиб қўядилар);

8-устунда - ҚҚС ставкаси;

9-устунда - товарлар (ишлар, хизматлар) сотиб олувчисига тақдим этиладиган ҚҚС суммаси. ҚҚС тўловчилари ҳисобланмаган, шунингдек ҚҚСдан озод этиладиган товарларни (ишларни, хизматларни) реализация қилувчи юридик шахслар 8 ва 9-устунларда ҚҚС суммаларини кўрсатмайдилар ва "Қўшилган қиймат солиғисиз" штампини қўядилар (ёки ёзиб қўядилар);

10-устунда - товарлар реализацияси, бажариладиган ишлар, кўрсатиладиган хизматларнинг, акциз тўланадиган товарлар бўйича акциз солиғини ва ҚҚСни қўшган ҳолда жами қиймати. Акциз солиғи ва ҚҚС тўловчиси ҳисобланмайдиган корхоналар 10-устунни тўлдирмайдилар.

Ҳисобварақ-фактуранинг якунловчи сатрида 5, 7, 9 ва 10-устунлар бўйича суммалар жамланади.

Ҳисобварақ-фактура раҳбар ва бош бухгалтер томонидан имзоланади ва корхона муҳри билан (муҳр мавжуд бўлган тақдирда) тасдиқланади.

15-1. Жадвал шаклини тўлдиришда транспорт воситаларига бензин, дизель ёқилғиси ва газ ишлатганлик учун олинадиган солиқ тўловчилари қуйидагиларни кўрсатиб ўтишлари лозим бўлади:

1-устунда - реализация қилинган товарлар, бажарилган ишлар, кўрсатилган хизматларнинг номи;

2-устунда - ўлчов бирликлари (уларни кўрсатишнинг имконияти бўлса);

3-устунда - ўлчов бирлигидан (уларни кўрсатишнинг имконияти бўлса) келиб чиқиб ҳисобварақ-фактура бўйича реализация қилинган товарлар миқдори (ҳажми);

4-устунда - шартнома (контракт) бўйича ҚҚСни ҳисобга олмаган ҳолда, ҚҚСни ўз ичига оладиган давлат томонидан тартибга солинадиган нархлар (тарифлар) қўлланилган тақдирда эса, ҚҚС суммасини ҳисобга олган ҳолда товар ўлчов бирлигига тўғри келадиган нархи (тарифи);

5-устунда - реализация қилинган товарлар, бажарилган ишлар ва кўрсатилган хизматлар жами сонининг (ҳажмининг) акциз солиғи ва ҚҚСсиз қиймати;

6-устунда - акциз тўланадиган товарлар бўйича акциз солиғи ставкаси;

7-устунда - акциз тўланадиган товарлар бўйича акциз солиғи суммаси. Акциз солиғи тўловчилари ҳисобланмайдиган юридик шахслар 6 ва 7-устунларда "Акциз солиғисиз" деган штампни қўядилар (ёки ёзув киритадилар);

8-устунда - ҚҚС ставкаси;

9-устунда - товарлар (ишлар, хизматлар) сотиб олувчисига тақдим этиладиган ҚҚС суммаси. ҚҚС тўловчилари ҳисобланмаган, шунингдек ҚҚСдан озод этиладиган товарларни (ишларни, хизматларни) реализация қилувчи юридик шахслар 8 ва 9-устунларда "Қўшилган қиймат солиғисиз" деган штампни қўядилар (ёки ёзув киритадилар);

10-устунда - жами реализация қилинган товарларнинг, бажарилган ишларнинг, кўрсатилган хизматларнинг акциз тўланадиган товарлар бўйича акциз солиғини ва ҚҚСни қўшган ҳолда қиймати. Акциз солиғи ва ҚҚС тўловчиси ҳисобланмайдиган корхоналар 10-устунни тўлдирмайдилар;

11-устунда - транспорт воситаларига бензин, дизель ёқилғиси ва газ ишлатганлик учун олинадиган солиқ ставкаси;

12-устунда - транспорт воситаларига бензин, дизель ёқилғиси ва газ ишлатганлик учун олинадиган солиқ суммаси;

13-устунда - жами реализация қилинган товарларнинг, бажарилган ишларнинг, кўрсатилган хизматларнинг акциз тўланадиган товарлар бўйича акциз солиғини, ҚҚСни ҳамда транспорт воситаларига бензин, дизель ёқилғиси ва газ ишлатганлик учун олинадиган солиқни қўшган ҳолда қиймати.

Ҳисобварақ-фактуранинг якунловчи сатрида 5, 7, 9, 10, 12 ва 13-устунлар бўйича суммалар жамланади.

16. "Ишончнома бўйича товар олиш" тўғрисида белги уларнинг ҳақиқатда олинганлиги далолатномалар, маълумотномалар ёки бошқа шундай ҳужжатлар билан тасдиқланадиган бажариладиган ишлар, кўрсатиладиган хизматлар бўйича тўлдирилмайди.

II. АСОСИЙ ВОСИТАЛАР, НОМОДДИЙ АКТИВЛАР

ВА ТУГАЛЛАНМАГАН ҚУРИЛИШ ОБЪЕКТЛАРИ

РЕАЛИЗАЦИЯ ҚИЛИНГАНДА ҲИСОБВАРАҚ-

ФАКТУРАЛАРНИ РАСМИЙЛАШТИРИШ

17. Асосий воситалар, номоддий активлар ва тугалланмаган қурилиш объектлари реализация қилинганда ҳисобварақ-фактурада қуйидагилар кўрсатилиши шарт:

1-устун "товарлар (ишлар, хизматлар) номи"да - асосий воситалар, номоддий активлар ёки тугалланмаган қурилиш объектларининг номи кўрсатилади;

2-устун "ўлчов бирлиги"да - ўлчов бирлиги кўрсатилади;

3-устун "миқдори" - тўлдирилмайди;

4-устун "нархи"да - асосий воситалар ёки номоддий активларнинг қолдиқ қиймати кўрсатилади. Тугалланмаган қурилиш объектлари учун уларнинг ҳақиқий таннархи кўрсатилади;

5-устун "етказиб бериш қиймати"да - Ўзбекистон Республикаси Солиқ кодексининг 204-моддасига биноан белгиланган солиқ солинадиган оборот миқдоридан ҳисоблаб чиқилган ҚҚС суммасини унга киритган ҳолда реализация қилиш нархи кўрсатилади;

6 ва 7-устунларда акциз солиғи суммаси кўрсатилмайди ва "Акциз солиғисиз" штампи қўйилади (ёки ёзиб қўйилади).

8-устунда - қўшилган қиймат солиғи ставкаси;

9-устунда - Ўзбекистон Республикаси Солиқ кодексининг 204-моддасига биноан аниқланадиган солиқ солинадиган базадан ҳисоблаб чиқарилган солиқ суммаси кўрсатилади. Бунда, агар солиқ солинадиган база нолдан кичик ёки унга тенг бўлса, яъни 4-устун суммаси 5-устунда кўрсатилган суммадан катта ёки унга тенг бўлса, 9-устун тўлдирилмайди;

10-устун - "Етказиб беришнинг ҚҚСни ҳисобга олган ҳолда қиймати"да - Ўзбекистон Республикаси Солиқ кодексининг 204-моддасига биноан аниқланадиган солиқ солинадиган базадан ҳисоблаб чиқарилган ҚҚСни унга киритган ҳолда реализация қилиш нархи кўрсатилади. Бунда 10-устун, агар 5-устунда кўрсатилган нарх 4-устунда кўрсатилган суммадан катта бўлган тақдирда тўлдирилади.

18. Асосий воситалар, номоддий активлар ва тугалланмаган ишлаб чиқариш объектлари текинга берилганда ҳисобварақ-фактураларни тўлдириш юқорида баён этилган тартибга айнан ўхшаш тарзда амалга оширилади.

III. ИШЛАР БАЖАРИШ, ХИЗМАТЛАР КЎРСАТИШ ЧОҒИДА

ҲИСОБВАРАҚ-ФАКТУРАЛАРНИ РАСМИЙЛАШТИРИШ

19. Ишлар (қурилиш, таъмирлаш-қурилиш, лойиҳа-қидирув, илмий-тадқиқот ва бошқа ишлар ва бошқалар) бажариш ёки хизматлар (транспортга доир, мол-мулкни ижарага бериш, алоқа хизматлари ва бошқалар) кўрсатиш билан шуғулланадиган корхоналар белгиланган шаклга мувофиқ ҳисобварақ-фактура ёзиш чоғида, ҳам ишлар (хизматлар) ижрочисининг, ҳам буюртмачининг барча реквизитларини тўлдиришлари керак.

20. Жадвал шакли тўлдирилганда қуйидагилар акс эттирилиши керак:

1-устунда: товарлар (ишлар, хизматлар) номи - бажарилган ишлар (кўрсатилган хизматлар) номи кўрсатилади;

2-устунда - пул ифодасида ўлчов бирлиги кўрсатилади;

3 - "Миқдори" ва 4 - "Нархи" устунлари тўлдирилмайди;

5-устун - "Етказиб бериш қиймати"да бажарилган ишларнинг (кўрсатилган хизматларнинг) ҳажми пул ифодасида акциз солиғи ва ҚҚСсиз кўрсатилади;

6 ва 7-устунларда қайта ишлаш асосида хом ашё ва материаллардан акциз тўланадиган товарлар тайёрланганда акциз солиғи ставкаси ва Ўзбекистон Республикаси Солиқ кодексининг 232-моддасига мувофиқ ҳисобланган акциз солиғи суммаси кўрсатилади. 6 ва 7-устунлар фақатгина қайта ишлаш асосида хом ашё ва материаллардан акциз тўланадиган товарлар тайёрланганда тўлдирилади, бошқа ҳолатларда 6 ва 7-устунлар тўлдирилмайди.

8 ва 9-устунларда ҚҚС ставкаси ва суммаси кўрсатилади. Агар ишлар бажараётган, хизматлар кўрсатаётган корхоналар ҚҚС тўловчиси бўлиб ҳисобланмаса, 8 ва 9-устунларда ҚҚС суммасини кўрсатмайдилар ҳамда "Қўшилган қиймат солиғисиз" штампини қўядилар (ёки ёзиб қўядилар);

10-устунда бажарилган ишларнинг (кўрсатилган хизматларнинг) қиймати акциз солиғи ва ҚҚСни ҳисобга олган ҳолда кўрсатилади.

21. Агар ишлар бажараётган корхоналарда буюртмачига имзо чекиш учун тақдим этилган, бажарилган ишлар (қилинган харажатлар) қиймати тўғрисидаги маълумотнома-ҳисобварақ-фактурада ҳисобварақ-фактуранинг белгиланган шаклида акс эттирилган барча мажбурий реквизитлар (ушбу ҳужжатни ёзишга асос бўлган шартноманинг рўйхат рақами ва санаси, номланишлар, манзиллар, СТИР, ИФУТ коди) мавжуд бўлса, ҚҚС ставкаси ва суммаси алоҳида ажратилган, ҚҚС тўламайдиганлар бўйича "ҚҚСсиз" белгиси қайд этилган бўлса, бундай корхоналар қўшимча равишда ҳисобварақ-фактура ёзмаслиги керак. Бунда "Бажарилган ишлар (қилинган харажатлар) қиймати тўғрисидаги маълумотнома-ҳисобварақ-фактура" ҳисобварақ-фактура бўлиб ҳисобланади.

IV. ТОПШИРИҚ, ВОСИТАЧИЛИК ШАРТНОМАЛАРИ

ВА ВОСИТАЧИЛИК ХИЗМАТЛАРИНИ КЎРСАТИШ

БЎЙИЧА БОШҚА ШАРТНОМАЛАР АСОСИДА

ТАДБИРКОРЛИК ФАОЛИЯТИНИ АМАЛГА

ОШИРИШДА ҲИСОБВАРАҚ-ФАКТУРАЛАРНИ

ҲИСОБГА ОЛИШ ВА РАСМИЙЛАШТИРИШ

22. Топшириқ, воситачилик шартномалари ёки воситачилик хизматларини кўрсатиш бўйича бошқа шартнома асосида иш юритувчи юридик шахс ёки якка тартибдаги тадбиркор комитентнинг ёки бошқа топшириқ берувчининг товарларини (ишларини, хизматларини) реализация қилишни амалга ошириши ёки комитент учун ёки бошқа топшириқ берувчи учун товарларни (ишларни, хизматларни) ўзининг номидан ёки комитентнинг (топшириқ берувчининг) номидан олиши мумкин.

23. Воситачи (ишончли вакил) комитентнинг (топшириқ берувчининг) манфаатида воситачилик хизматларини кўрсатиш билан боғлиқ шартнома асосида амалга ошириладиган товарларни (ишларни, хизматларни) реализация қилиш ва (ёки) сотиб олиш операциялари бўйича унга бирламчи ҳужжатлар учун қонун ҳужжатлари билан белгиланган воситачи (ишончли вакил) ва комитентнинг (топшириқ берувчининг) барча реквизитларига эга бўлган ҳисобот тақдим этади. Воситачининг (ишончли вакилнинг) ҳисоботига қуйидаги маълумотлар киритилган бўлиши лозим:

тегишли ҚҚС суммаси ажратилган ҳолда воситачи (ишончли вакил) томонидан реализация қилинган (сотиб олинган) товарлар (ишлар, хизматлар) миқдори ва қиймати. Бунда ҳисоботга воситачи (ишончли вакил) томонидан товарлар (ишлар, хизматлар) комитентнинг (топшириқ берувчининг) манфаатида реализация қилинганлигини (сотиб олинганлигини) тасдиқловчи шартномалар, ҳисобварақ-фактуралар, далолатномалар ва бошқа ҳужжатларнинг нусхалари илова қилинган бўлиши лозим;

комитент (топшириқ берувчи) томонидан қопланиши лозим бўлган харажатларга воситачи (ишончли вакил) томонидан амалга ошириладиган ҳаракатларни (операцияларни) комитент (топшириқ берувчи) ўзи бажарган тақдирда юзага келиши мумкин бўлган, воситачи (ишончли вакил) томонидан учинчи шахсларга воситачилик хизматларини кўрсатиш шартномаси бўйича топшириқни бажариш муносабати билан (товарлар (ишлар, хизматлар) учун ҳақ тўлаш, солиқлар ва бошқа мажбурий тўловларни тўлаш) тўланган маблағлар тааллуқли. Бунда воситачи (ишончли вакил) агар қонун ҳужжатларида ёки воситачилик (топшириқ) шартномасида бошқача қоида белгиланган бўлмаса комитентнинг (топшириқ берувчининг) мол-мулкини ўзида сақлаш бўйича харажатларни қоплатишга ҳақли эмас. Ҳисоботга ушбу харажатларни юзага келиши ва тўланганлигини тасдиқловчи бирламчи ҳужжатлар илова қилинган бўлиши шарт. Воситачи (ишончли вакил) томонидан комитент (топшириқ берувчи) учун амалга оширилган харажатларни тасдиқловчи ҳужжатлар мавжуд бўлса, комитент (топшириқ берувчи) ушбу суммаларни ўз харажатлари таркибига киритишга ва ҚҚСни ҳисоблаб чиқариш пайтида тегишли ҚҚС суммасини ҳисобга олиш ҳуқуқига эга;

шартнома шартларига мувофиқ воситачининг (ишончли вакилнинг) (агар воситачи (ишончли вакил) ҚҚС тўловчиси бўлса) ҚҚСни ўз ичига олувчи ҳақи суммаси;

комитентдан (топшириқ берувчидан) олинган аванслар суммаси;

воситачилик (топшириқ) шартномасини бажариш билан боғлиқ воситачига (ишончли вакилга) тўланиши лозим бўлган сумма.

Воситачининг ҳисоботига шартномада назарда тутилган бошқа маълумотлар ҳам киритилиши мумкин.

24. Ҳисоботни тақдим этиш муддати воситачи (ишончли вакил) томонидан комитентнинг (топшириқ берувчининг) манфаатида товарлар (ишлар, хизматлар) реализация қилинган (сотиб олинган) ой тугаганидан сўнг 5 банк иш кунидан ошмаслиги лозим. Бунда воситачилик хизматларини кўрсатиш шартномасида ҳисоботни топширишнинг бундан кам бўлган муддат кўрсатилиши мумкин.

25. Товарларни (ишларни, хизматларни) топшириқ шартномаси бўйича реализация қилишда ишончли вакил сотиб олувчи номига топшириқ берувчи номидан ҳисобварақ-фактура тақдим этади. Ҳисобварақ-фактурада топшириқ берувчи ва сотиб олувчининг реквизитларидан ташқари ишончли вакилнинг реквизитлари ҳам кўрсатилиши лозим. Ҳисобварақ-фактура уч нусхада тақдим этилади. Биринчи нусха сотиб олувчига, иккинчиси топшириқ берувчига берилади, учинчиси ишончли вакилда сақланади.

26. Комитентнинг товарларини (ишларини, хизматларини) воситачилик шартномаси бўйича реализация қилишда воситачи ўзининг номидан икки нусхада ҳисобварақ-фактура тақдим этади. Бунда "Етказиб берувчи" сатрида қўшимча равишда "Воситачи" кўрсатилади. Ҳисобварақ-фактурада воситачи ва сотиб олувчининг реквизитларидан ташқари комитентнинг реквизитлари ҳам кўрсатилиши мумкин.

27. Комитентга (топшириқ берувчига) тегишли товарлар (ишлар, хизматлар) реализациясини амалга оширувчи воситачи (ишончли вакил), ушбу товарлар (ишлар, хизматлар) сотиб олувчисига тақдим этилган ҳисобварақ-фактураларни Тақдим этилган ҳисобварақ-фактуралар ҳисоби журналида сақлайди. Кўрсатиб ўтилган ҳисобварақ-фактураларга тартиб рақамлар воситачи (ишончли вакил) томонидан тақдим этиладиган ҳисобварақ-фактуралар хронологиясига мувофиқ берилади. Бунда мазкур ҳисобварақ-фактуралар Сотиш реестрида рўйхатдан ўтказилмайди ва воситачи (ишончли вакил) томонидан тақдим этилган ҳисобварақ-фактурада кўрсатилган ҚҚС суммаси ҳисоблаб чиқарилмайди.

28. Воситачи (ишончли вакил) комитентга тегишли бўлган товарларни (ишларни, хизматларни) реализация қилиш бўйича операцияларни амалга оширишда комитент (топшириқ берувчи) воситачидан (ишончли вакилдан) олинган ҳисобот асосида 5 банк иш куни давомида воситачининг (ишончли вакилнинг) номига санаси, шунингдек воситачи (ишончли вакил) томонидан сотиб олувчига тақдим этилган ҳисобварақ-фактуранинг кўрсаткичлари акс эттирилган ҳисобварақ-фактура тақдим этади. Бунда "Етказиб берувчи" сатрига қўшимча равишда "Комитент" ("Топшириқ берувчи") номи кўрсатилади.

29. Комитент (топшириқ берувчи) томонидан воситачига (ишончли вакилга) тақдим этилган ҳисобварақ-фактура комитент (топшириқ берувчи) томонидан тақдим этиладиган ҳисобварақ-фактуралар хронологиясига мувофиқ рақамланади. Комитент (топшириқ берувчи) томонидан воситачига (ишончли вакилга) тақдим этилган ҳисобварақ-фактура комитентнинг (топшириқ берувчининг) Сотиш реестрида рўйхатдан ўтказилади.

30. Воситачи (ишончли вакил) номидан реализация қилинган товарлар (ишлар, хизматлар) бўйича комитентдан (топшириқ берувчидан) олинган ҳисобварақ-фактуралар (топшириқ берувчининг номидан ишончли вакил томонидан) воситачининг (ишончли вакилнинг) Олинган ҳисобварақ-фактуралар ҳисоби журналида сақланади. Бунда ушбу ҳисобварақ-фактуралар воситачининг (ишончли вакилнинг) Сотиб олиш реестрида рўйхатдан ўтказилмайди ва ушбу ҳисобварақ-фактураларда ажратиб кўрсатилган ҚҚС суммаси воситачи (ишончли вакил) томонидан ҳисобга олинмайди.

31. Товарларни (ишларни, хизматларни) топшириқ шартномаси бўйича ишончли вакил орқали олишда топшириқ берувчи учун сотиб олинган товарлар (ишлар, хизматлар) бўйича ҚҚСни ҳисобга олиш учун асос бўлиб топшириқ берувчи номига сотувчи томонидан тақдим этилган ҳисобварақ-фактура ҳисобланади.

32. Воситачилик шартномаси бўйича комитент учун товарлар (ишлар, хизматлар) олинаётганда сотувчи ҳисобварақ-фактурани воситачининг номига тақдим этади.

33. Воситачи комитент учун сотиб олинган товарлар (ишлар, хизматлар) бўйича комитентга сотувчидан олинган ҳисобварақ-фактурадаги кўрсаткичларни акс эттирилган ҳолда у томонидан тақдим этиладиган ҳисобварақ-фактуралар хронологиясига мувофиқ ҳисобварақ-фактура тақдим этади (сотувчидан олинган ҳисобварақ-фактурани ўз номидан комитент номига қайта тақдим этади). Бунда "Етказиб берувчи" сатрида қўшимча равишда "Воситачи" номи кўрсатилади. Воситачидан комитент томонидан олинган ушбу ҳисобварақ-фактура комитент томонидан Ўзбекистон Республикаси Солиқ кодексининг 39-бобига мувофиқ ҚҚСни ҳисобга олиш учун асос бўлиб ҳисобланади.

34. Комитентга тақдим этилган ҳисобварақ-фактура воситачининг Тақдим этилган ҳисобварақ-фактуралар ҳисоби журналида сақланади. Кўрсатиб ўтилган ҳисобварақ-фактураларга тартиб рақамлар воситачи томонидан тақдим этиладиган ҳисобварақ-фактуралар хронологиясига мувофиқ қўйилади. Бунда ушбу ҳисобварақ-фактуралар воситачининг Сотиш реестрида рўйхатдан ўтказилмайди ва воситачи томонидан тақдим этилган ҳисобварақ-фактурада кўрсатилган ҚҚС суммаси ҳисоблаб чиқарилмайди.

35. Товарлар (ишлар, хизматлар) сотувчисидан олинган комитент учун мўлжалланган ҳисобварақ-фактуралар воситачининг Олинган ҳисобварақ-фактуралар ҳисоби журналида сақланади. Бунда ушбу ҳисобварақ-фактуралар воситачининг Сотиб олиш реестрида рўйхатдан ўтказилмайди ва ушбу ҳисобварақ-фактурада ажратилган ҚҚС суммаси воситачи томонидан ҳисобга олинмайди.

36. Ушбу тартибнинг 27, 30, 34, 35-бандларида кўрсатиб ўтилган ҳисобварақ-фактуралар ҳисоби воситачи томонидан Олинган ва тақдим этилган ҳисобварақ-фактуралар ҳисоби алоҳида журналларида юритишга йўл қўйилади.

37. Воситачи (ишончли вакил) комитентга (топшириқ берувчига) воситачилик (топшириқ) шартномасини бажариш бўйича ўзининг ҳақи суммасига алоҳида ҳисобварақ-фактура тақдим этади. Ушбу ҳисобварақ-фактура воситачи (ишончли вакил) томонидан Сотиш реестрида, комитент (топшириқ берувчи) томонидан эса Сотиб олиш реестрида рўйхатдан ўтказилади. Воситачи (ишончли вакил) ҳисобварақ-фактурага қўшимча равишда комитент (топшириқ берувчи) томонидан имзоланган хизмат кўрсатиш тўғрисидаги далолатномани расмийлаштириши лозим.

38. Агар воситачилик (топшириқ) шартномасига асосан комитент (топшириқ берувчи) воситачи (ишончли вакил) томонидан унинг топшириғини бажариш билан боғлиқ харажат қилинган маблағларни қоплаши лозим бўлса, ушбу харажатлар бўйича ҳисобварақ-фактуралар ҳисоби ушбу Тартибнинг 31 - 35-бандларига мувофиқ амалга оширилиши лозим.

39. Воситачининг (ишончли шахснинг) ҳисоботига асосан комитент (топшириқ берувчи) томонидан қопланиши лозим бўлган маблағлар, воситачи (ишончли вакил) томонидан ўзининг ҳақи суммасига тақдим этиладиган ҳисобварақ-фактурага илова қилинадиган хизматлар кўрсатиш тўғрисидаги далолатномада кўрсатилади. Бунда воситачи (ишончли вакил) томонидан ўзининг ҳақи суммасига тақдим этиладиган ҳисобварақ-фактурада комитент (топшириқ берувчи) томонидан қопланиши лозим бўлган сумма кўрсатилмайди.

40. Транспорт-экспедиторлик хизматларини кўрсатиш шартномасига мувофиқ мижознинг экспедиторлик топшириғини бажараётган юридик шахс, ҳисобварақ-фактурани расмийлаштириш ва ҳисобини юритишда агар мазкур юридик шахс мижоз номидан иш юритаётган бўлса, топшириқ шартномаси бўйича ҳисобварақ-фактура ҳисобини юритиш қоидаларини қўллайди ёки агар ўз номидан иш юритаётган бўлса, воситачилик шартномаси бўйича ҳисобварақ-фактура ҳисобини юритиш қоидаларини қўллайди.

41. Мижознинг экспедиторлик топшириғини бажараётган экспедитор транспорт-экспедиторлик хизматларини кўрсатиш шартномасини бажариш бўйича ташувчилардан ва бошқа контрагентлардан олинган ҳисобварақ-фактураларни мижозга ўзининг номидан қайта тақдим этади. Бунда у ташувчилар ва контрагентларнинг ҳисобварақ-фактураларида кўрсатилган кўрсаткичларни акс эттиради. Экспедитор ушбу ҳисобварақ-фактураларни Сотиб олиш реестри ва Сотиш реестрларида рўйхатдан ўтказмайди.

42. ҚҚС тўловчиси бўлмаган, бироқ ҚҚС тўловчиси бўлган комитентнинг ҚҚС солинадиган товарларини (ишларини, хизматларини) реализация қилишда ўз номидан ҳисобварақ-фактура тақдим этувчи воситачи, сотиб олувчи номига тақдим этилаётган ҳисобварақ-фактурада комитентнинг товарлар (ишлар, хизматлар)ни реализация қилиш оборотидан ҳисоблаб чиқарилган ҚҚС суммасини ажратиб кўрсатади.

43. ҚҚС тўловчиси бўлиб ҚҚС тўловчиси бўлмаган комитентнинг товарларини (ишлари, хизматларини) реализация қилишда ўз номидан ҳисобварақ-фактура тақдим этувчи воситачи, сотиб олувчи номига тақдим этилаётган ҳисобварақ-фактурада ҚҚС суммасини кўрсатмайди ва "Қўшилган қиймат солиғисиз" деган штамп босади (ёзиб қўяди).

44. Комитент (топшириқ берувчи) учун реализация қилиш жойи Ўзбекистон Республикаси ҳудуди бўлган норезидент томонидан бажариладиган (кўрсатиладиган) ишлар (хизматлар) олинганда, комитентнинг (топшириқ берувчининг) номига ҳисобварақ-фактура ушбу Тартибнинг 31 - 35-бандларида назарда тутилган тартибда расмийлаштиради.

45. Норезидент томонидан бажарилган ишлар (хизматлар) бўйича Ўзбекистон Республикаси ҳудудида тўланиши лозим бўлган ҚҚС суммаси, бюджетга комитент (топшириқ берувчи) томонидан, агар воситачилик (топшириқ) шартномасида ушбу мажбурият бевосита воситачига (ишончли вакилга) юклатилган бўлса, у томонидан тўланиши мумкин.

46. Комитент (топшириқ берувчи) воситачига (ишончли вакилга) тақдим этилган тўлов ҳужжатлари асосида тўланган ҚҚС суммасини қоплаб беради. Норезидент томонидан бажарилган ишлар (хизматлар) бўйича тўланган ҚҚС суммаси бюджетга тўланиши лозим бўлган ҚҚС ҳисоб-китобида комитент (топшириқ берувчи) томонидан Ўзбекистон Республикаси Солиқ кодексининг 39-бобида назарда тутилган тартибда ҳисобга олинади.

V. ЭЛЕКТР ЭНЕРГИЯСИНИ, КОММУНАЛ

ХИЗМАТЛАРИНИ, АЛОҚА ХИЗМАТЛАРНИ

ИЖАРАГА БЕРУВЧИДАН ИЖАРАГА ОЛУВЧИГА

БЕРИШДА ҲИСОБВАРАҚ-ФАКТУРАЛАРНИ

РАСМИЙЛАШТИРИШНИНГ ХУСУСИЯТЛАРИ

47. Коммунал хизматлар, электр энергияси, алоқа хизматларини, ушбу хизматлар етказиб берувчиларидан олувчи ижарага берувчи, ушбу хизматларни ижарага олувчиларга беради.

48. Агар ижара шартномасига мувофиқ коммунал хизматлар, электр энергияси, алоқа хизматларининг қиймати ижара ҳақи суммасига киритилмаган ҳолда ижарага олувчи томонидан истеъмол қилинган хизматлар миқдорида қопланиши лозим бўлса, ижарага берувчи томонидан ижарага олувчи номига тақдим этиладиган ҳисобварақ-фактурада алоҳида қаторларда қуйидагилар акс эттирилади:

ижара шартномасига мувофиқ ҚҚС суммаси ажратиб кўрсатилган ҳолда (агар ижарага берувчи Ўзбекистон Республикаси Солиқ кодексининг 197-моддасига мувофиқ ҚҚС тўловчиси бўлса) ижара ҳақи суммаси;

ижарага олувчи томонидан истеъмол қилинган коммунал хизматлар, электр энергияси, алоқа хизматлари учун ушбу хизматлар қийматига тўғри келувчи ҚҚС суммаси ажратилган ҳолда қопланиши лозим бўлган сумма.

49. Ижара шартномасига мувофиқ қиймати ижарага олувчи томонидан қопланиши лозим бўлган коммунал хизматлар, электр энергияси, алоқа хизматлари учун ижарага берувчи томонидан тўланган (тўланиши лозим бўлган) суммалар ижарага берувчининг харажатлари ҳисобланмайди ва ушбу хизматлар бўйича ҚҚС суммаси ижарага берувчи томонидан ҳисобга олинмайди. Ижарага олувчидан коммунал хизматлар, электр энергияси, алоқа хизматлари истеъмоли учун олинган қоплаш суммаси ижарага берувчининг даромади ҳисобланмайди.

50. Коммунал хизматлар, электр энергияси, алоқа хизматларининг ижарага олувчи томонидан ижарага берувчига қоплаб бериладиган қиймати ижарага олувчининг харажатлари ҳисобланади ва улар бўйича ҚҚС суммаси ижарага олувчи томонидан Ўзбекистон Республикаси Солиқ кодексининг 39-бобида назарда тутилган тартибда ҳисобга олинади. Ижарага олувчига коммунал хизматлар, электр энергияси, алоқа хизматлари бўйича ҚҚС суммасини ҳисобга олиш учун ижарага берувчидан олинган ижарага олувчи томонидан истеъмол қилинган хизматларнинг ҚҚСни ҳисобга олган ҳолда қоплаш суммаси алоҳида қаторда кўрсатиб ўтилган ҳисобварақ-фактура асос бўлиб ҳисобланади.

Ҳисобварақ-фактураларни

ҳисобга олиш ва расмийлаштириш тартибига

ИЛОВА

20__ йил "___" ____________даги

____-сонли товар юклаб жўнатиш ҳужжатига

20__ йил "___" ____________даги

____-сонли

ҲИСОБВАРАҚ-ФАКТУРА

            

            

        

              

                 

            

20__ йил "___" ____________ даги

____-сонли товар юклаб жўнатиш ҳужжатига

20__ йил "___" ____________ даги

____-сонли

ҲИСОБВАРАҚ-ФАКТУРА

(транспорт воситаларига бензин, дизель

ёқилғиси ва газ ишлатганлик учун олинадиган

солиқ тўловчилари учун)

            

            

             

      

     

            

Олинган ва реализация қилинган товарлар

(ишлар, хизматлар) бўйича ҳисобварақ-фактуралар

(ҳисобварақ-фактура ўрнини босадиган

ҳужжатлар) реестрини юритиш

ТАРТИБИ

I. ОЛИНГАН ВА ТАҚДИМ ЭТИЛГАН

ҲИСОБВАРАҚ-ФАКТУРАЛАР ҲИСОБИ

1. Етказиб берувчилардан келиб тушган ҳисобварақ-фактуралар (ёки уларнинг ўрнини босувчи ҳужжатлар) олувчининг Келиб тушган ҳисобварақ-фактуралар ҳисоби журналида уларнинг келиб тушишига кўра сақланади ва Олинган товарлар (ишлар, хизматлар) бўйича ҳисобварақ-фактуралар (ҳисобварақ-фактура ўрнини босадиган ҳужжатлар) реестрида (кейинги ўринларда Сотиб олиш реестри деб юритилади) рўйхатдан ўтказилади.

2. Сотиб олувчиларга тақдим этилган ҳисобварақ-фактуралар Тақдим этилган ҳисобварақ-фактуралар ҳисоби журналида хронологик тартибда сақланади ва Реализация қилинган товарлар (ишлар, хизматлар) бўйича ҳисобварақ-фактуралар (ҳисобварақ-фактура ўрнини босадиган ҳужжатлар) реестрида (кейинги ўринларда Сотиш реестри деб юритилади) рўйхатдан ўтказилади.

3. Ўзбекистон Республикаси ҳудудига импорт қилинадиган товарларни олиб киришда божхона юк декларациялари ёки уларнинг нусхалари, шунингдек товарлар импортидаги қўшилган қиймат солиғини (кейинги ўринларда ҚҚС деб юритилади) тўланганлигини тасдиқловчи ҳужжатлар сотиб олувчида (олувчида) Олинган ҳисобварақ-фактуралар ҳисоби журналида сақланади.

4. Мол-мулкни (ишларни, хизматларни) устав капиталига қўйилма сифатида олишда ушбу қўйилмани ўтказилишини расмийлаштириладиган, ушбу операция бўйича берувчи томонидан ҳисобланган ҚҚС суммаси кўрсатилган ҳужжатлар ёки уларнинг нотариал тасдиқланган нусхалари қабул қилувчи ташкилотда Олинган ҳисобварақ-фактуралар ҳисоб-китоби журналида сақланади.

5. Олинган ва тақдим этилган ҳисобварақ-фактуралар ҳисоб-китоби журналига тикиладиган ҳисобварақ-фактуралар рақамланган бўлиши керак.

II. СОТИБ ОЛИШ РЕЕСТРИНИ ЮРИТИШ

6. Сотиб олувчилар Ўзбекистон Республикаси Солиқ кодексининг 39-бобида белгиланган тартибда ҳисобга олиниши лозим бўлган ҚҚС суммасини аниқлаш мақсадида товар етказиб берувчилар томонидан тақдим этилган ҳисобварақ-фактураларни рўйхатдан ўтказиш учун мўлжалланган Сотиб олиш реестрини юритадилар.

7. Сотиб олиш реестрига ўзгартириш киритишда бирор-бир ҳисобварақ-фактурани бекор қилиш ёки унга ўзгартириш киритиш Сотиб олиш реестрининг қўшимча варағида ушбу ўзгартириш киритилган ҳисобот (солиқ) даврида амалга оширилади.

Сотиб олиш реестрининг қўшимча варақлари унинг ажралмас қисми ҳисобланади.

8. Сотиб олиш реестрининг шакли Қўшилган қиймат солиғи ҳисоб-китобининг 7-иловасида келтирилган.

9. Ўзбекистон Республикаси божхона ҳудудига товарлар олиб киришда олиб кирилган товарлар учун божхона юк декларациялари ва божхона органига ҚҚС тўланганлигини тасдиқловчи тўлов ҳужжатлари (ёки воситачилик ташкилотлари орқали товарлар олувчи комитентлар (бошқа топшириқ берувчилар) учун уларнинг нусхалари) импорт қилинган товар бўйича ҚҚС тўланганидан кейин Сотиб олиш реестрида рўйхатдан ўтказилиши лозим.

10. Норезидентдан олинган ва бажарилган ишларнинг (кўрсатилган хизматларнинг) реализация қилиш жойи Ўзбекистон Республикаси ҳудуди эканлигини тасдиқловчи ҳисобварақ-фактуралар, бажарилган ишлар (кўрсатилган хизматлар) далолатномаси, бошқа ҳужжатлар, шунингдек ҚҚС тўланганлигини тасдиқловчи тўлов ҳужжатлари ушбу ишлар (хизматлар) бўйича ҚҚС тўланганидан кейин Сотиб олиш реестрида рўйхатдан ўтказилиши лозим.

11. Устав капиталига қўйилма сифатида мол-мулкни, ишлар ёки хизматларни топшириш расмийлаштириладиган ва қўйилмани устав капиталига топширувчи томонидан Ўзбекистон Республикаси Солиқ кодекси 199-моддасининг биринчи қисмида белгиланган тартибда тўланган ҚҚС суммаси кўрсатилган ҳужжатлар қабул қилувчи юридик шахснинг Сотиб олиш реестрида рўйхатдан ўтказилиши лозим.

12. Комитентга (топшириқ берувчига) ўз фаолиятини воситачилик ёки топшириқ шартномасига асосан юритувчи шахс томонидан ўзининг ҳақи суммасига тақдим этган ҳисобварақ-фактуралар комитентнинг (топшириқ берувчининг) Сотиб олиш реестрида рўйхатдан ўтказилади.

13. Ходимларнинг хизмат сафари вақтида уй-жойни ижарага олиш бўйича хизматларни ҳамда ходимларни хизмат сафари жойигача ташиш ва қайтариб олиб келиш бўйича хизматларни олишда Сотиб олиш реестрида ушбу хизматлар кўрсатилганлигини тасдиқловчи, ҚҚС алоҳида қаторда ажратиб кўрсатилган, ходимга берилган ва у томонидан хизмат сафари тўғрисида ҳисоботга киритилган ҳужжатлар (ёки уларнинг нусхалари) рўйхатдан ўтказилади.

14. Сотиб олиш реестрида қуйидагилардан олинган ҳисобварақ-фактуралар (ёки уларнинг ўрнини босувчи ҳужжатлар) рўйхатдан ўтказилмайди:

ҚҚС тўловчиси бўлмаган етказиб берувчилардан ёки ҚҚС тўлашдан озод этилган оборотлар бўйича;

товарларни бепул бериш (ишларни бепул бажариш, хизматларни бепул кўрсатиш), жумладан асосий восита ва номоддий активларни бепул бериш, бундан олувчи улар бўйича Ўзбекистон Республикаси Солиқ кодекси 218-моддасининг 3 ва 4-бандларида белгиланган тартибга мувофиқ ҳисобга олиниши лозим бўлган ҚҚС тўлаган ҳоллар мустасно;

биржа иштирокчиси (брокер) томонидан чет эл валютаси, қимматбаҳо қоғозлар олди-сотди операцияларини амалга оширишда;

комиссионер (ишончли вакил) томонидан комитентдан (топшириқ берувчидан) реализация қилиш учун берилган товарлар (ишлар, хизматлар) бўйича;

комиссионер (ишончли вакил) томонидан комитент (бошқа топшириқ берувчи) учун олинган товарлар (ишлар, хизматлар) бўйича.

15. Қисман компьютер ёрдамида, қисман қўл билан тўлдирилган, бироқ тўлдиришнинг белгиланган қоидаларига мувофиқ бўлган ҳисобварақ-фактуралар Сотиб олиш реестрида рўйхатдан ўтказилиши мумкин.

16. Сотиб олиш реестрининг тўғри юритилиши устидан назорат ташкилот раҳбари ёки у томонидан ваколатли этиб тайинланган шахс томонидан амалга оширилади.

Сотиб олиш реестри сотиб олувчида охирги ёзув санасидан бошлаб тўлиқ 5 йил давомида сақланади.

III. СОТИШ РЕЕСТРИНИ ЮРИТИШ

17. Товарлар (ишлар, хизматлар) етказиб берувчилар сотиб олувчиларга тақдим этилган ҳисобварақ-фактураларни (ёки уларнинг ўрнини босувчи ҳужжатларни) рўйхатдан ўтказиш учун мўлжалланган Сотиш реестрини юритадилар.

18. Сотиш реестрида ҳисобварақ-фактураларни (ёки унинг ўрнини босувчи ҳужжатларни) ҳақиқатда товарлар реализация қилинган, ишлар бажарилган, хизматлар кўрсатилган ҳисобот (солиқ) даврида хронологик тартибда рўйхатдан ўтказилади.

19. Сотиш реестрига Ўзбекистон Республикаси Солиқ кодексининг 205-моддасида белгиланган ҳолларда ўзгартириш киритишда, бирон-бир янги ҳисобварақ-фактурани рўйхатдан ўтказиш тўғрисида ёзув киритиш ёки аввал рўйхатдан ўтказилганига тузатиш киритиш, Сотиш реестрининг қўшимча варағида ушбу ўзгартириш амалга оширилган ҳисобот (солиқ) даврида амалга оширилади.

Сотиш реестрининг қўшимча варақлари унинг ажралмас қисми бўлиб ҳисобланади.

20. Сотиш реестрининг шакли Қўшилган қиймат солиғи ҳисоб-китобининг 8-иловасида келтирилган.

21. Аҳолига бевосита назорат-касса машинасида (терминалда) фойдаланмаган, бироқ қатъий ҳисоботдаги ҳужжатлар берган ҳолда ишларни бажарувчи ва (ёки) пуллик хизматларни кўрсатувчи етказиб берувчилар, Ўзбекистон Республикаси қонун ҳужжатларида назарда тутилган ҳолларда Сотиш реестрида ҳисобварақ-фактуралар ўрнига сотиб олувчиларга тақдим этилган қатъий ҳисоботдаги ҳужжатларини ёки календарь ойи учун жами реализация бўйича тузилган рўйхат асосида қатъий ҳисоботдаги ҳужжатларнинг суммавий маълумотларини рўйхатдан ўтказадилар.

22. Топшириқ, воситачилик шартномалари бўйича бошқа шахс манфаатини кўзлаб тадбиркорлик фаолияти билан шуғулланувчи шахслар Сотиш реестрида топшириқ берувчига, комитентга ўзининг ҳақи суммасига тақдим этилган ҳисобварақ-фактураларни рўйхатдан ўтказади.

23. Сотиш реестрининг тўғри юритилиши устидан назорат ташкилот раҳбари ёки у томонидан ваколатли этиб тайинланган шахс томонидан амалга оширилади.

Сотиш реестри етказиб берувчида охирги ёзув санасидан бошлаб тўлиқ 5 йил давомида сақланади.

IV. ЯКУНЛОВЧИ ҚОИДАЛАР

24. Сотиб олиш реестри ва Сотиш реестри электрон кўринишда юритилиши мумкин. Бу ҳолатда ҳисобот (солиқ) даври тугаши билан, бироқ тугаган солиқ давридан кейинги ойнинг 20-кунидан кечиктирмасдан Сотиб олиш реестри ва Сотиш реестри принтердан чиқарилади, варақлари рақамланади, ип билан тикилади ва муҳр билан "(муҳр мавжуд бўлган тақдирда) тасдиқланади.

Сотиб олиш реестрининг қўшимча варақлари ва Сотиш реестрининг қўшимча варақлари электрон кўринишда юритилиши мумкин. Бу ҳолатда кўрсатиб ўтилган қўшимча варақлар принтердан чиқарилиб, мос равишда Сотиб олиш реестри ёки Сотиш реестрига ўзгартириш киритилган ҳисобот (солиқ) даврида илова қилинади.

"Ўзбекистон Республикаси қонун ҳужжатлари тўплами",

2013 йил 1 апрель, 12-1-сон, 162-модда