Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Ўз кучини йўқотган ҳужжатлар / Қишлоқ ва сув хўжалиги /

Қайта ташкил этилаётган қишлоқ хўжалиги корхонаси негизида фермер хўжалиги ташкил этишда танлов ғолибларини аниқлаш тўғрисида Низом (АВ томонидан 04.01.2005 й. 1439-сон билан рўйхатга олинган Қишлоқ ва сув хўжалиги вазирининг 04.01.2005 й. 1-сон буйруғи билан тасдиқланган)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Ўзбекистон Республикаси

Адлия вазирлигида

2005 йил 4 январда 1439-сон

билан рўйхатга олинган

Ўзбекистон Республикаси

Қишлоқ ва сув хўжалиги вазирининг

2005 йил 4 январдаги

1-сон буйруғи билан

ТАСДИҚЛАНГАН



Қайта ташкил этилаётган қишлоқ хўжалиги

корхонаси негизида фермер хўжалиги ташкил

этишда танлов ғолибларини аниқлаш тўғрисида

НИЗОМ


I. УМУМИЙ ҚОИДАЛАР


1. Мазкур Низом Ўзбекистон Республикаси Вазирлар Маҳкамасининг 2004 йил 24 декабрдаги 607-сонли "2005-2007 йилларда фермер хўжаликларини жадал ривожлантириш чора-тадбирлари тўғрисида"ги қарорига мувофиқ ишлаб чиқилган бўлиб, қайта ташкил этилаётган қишлоқ хўжалиги корхонаси негизида фермер хўжаликларини ташкил этиш жараёнида танлов ғолибларини аниқлаш мезонлари ва тартибини белгилайди.

Қайта ташкил этилаётган қишлоқ хўжалиги корхонаси негизида фермер хўжаликларини ташкил этиш бўйича танлов ўтказишда танлов ўтказишга тайёргарлик қилиш ва уни эълон қилиш, танловда иштирок этиш шартлари, танловни ўтказиш тартиби ҳамда ер участкасини ижарага олиш шартномасини ва танлов ғолибининг мулкка бўлган ҳуқуқини расмийлаштириш масалалари Ўзбекистон Республикаси Вазирлар Маҳкамасининг 2002 йил 5 январдаги 8-сонли қарори билан тартибга солинади.


2. Қишлоқ хўжалик корхонасини фермер хўжаликларига айлантириш бўйича комиссия танлов ўтказилишидан бир ой олдин маҳаллий оммавий ахборот воситаларида ёки бошқа қулай шаклда қишлоқ хўжалик корхонасининг қайта ташкил этилиши ва танлов ўтказилиши тўғрисида эълон беради ва танловда иштирок этиш хоҳишини билдирган фуқароларнинг аризаларини қабул қилиш муддатларини белгилайди.

Танловда иштирок этиш учун аризаларни қабул қилиш танлов ўтказилишидан ўн кун олдин тўхтатилади.


3. Танловда иштирок этиш ҳуқуқига қайта ташкил этилаётган қишлоқ хўжалиги корхонасининг аъзолари, фаолият кўрсатаётган фермер хўжаликларининг бошлиқлари ва ходимлари ҳамда Ўзбекистон Республикасининг бошқа фуқаролари эгадир.

Комиссия раиси ва котиби тегишли танловда талабгор сифатида иштирок этишлари мумкин эмас.

Комиссия аъзолари тегишли танловда комиссия раисининг розилиги билан фақат битта контур бўйича талабгор сифатида қатнашиши мумкин. Ўзи ариза берган контур бўйича танлов ўтказилганда ушбу комиссия аъзоси овоз бериш ҳуқуқига эга эмас. Бу тўғрисида комиссия йиғилиши баённомасига тегишли ёзув киритилади.


4. Етарли техника ва пул маблағларига эга бўлган шахслар бир неча контурларга талабгор сифатида ариза беришлари мумкин.


5. Ариза ва ҳужжатларни комиссиянинг котиби қабул қилади. Комиссиянинг котиби талабгорга танловда юқори балл олиши учун имкон берадиган барча ҳолатларни тушунтириб, лозим бўлганда унинг ҳужжатларидаги камчиликларни ишчи тартибда бартараф этиш чораларини кўради. Комиссия котиби танловда иштирок этиш учун қатнашувчиларни танлаш кунигача талабгорнинг баҳоланадиган имкониятларини асослантирувчи ҳужжатларнинг тўлиқ тақдим қилинишини, уларнинг тўғри расмийлаштирилишини таъминлашга кўмаклашиши лозим.

Қайта ташкил этилаётган қишлоқ ҳўжалиги корхонаси негизида фермер хўжаликларини ташкил этиш учун талабгорларни танлаш ва уларнинг танловини ўтказиш мазкур Низомнинг 1-иловасида кўрсатилган схема асосида амалга оширилади.



II. ТАНЛОВДА ИШТИРОК ЭТИШ УЧУН

ҚАТНАШУВЧИЛАРНИ ТАНЛАШ ТАРТИБИ


6. Танловда иштирок этиш учун қатнашувчиларни танлаш икки босқичдан иборат бўлади:

биринчи босқичда ҳужжатларнинг тўлиқлиги ва мазмуни текширилади;

иккинчи босқичда талабгорларнинг аризаларида баён қилинган таклифларнинг иқтисодий асосланганлиги ўрганиб чиқилади.


7. Танловда иштирок этиш учун қатнашувчиларни танлашда комиссия муайян ер участкасида фермер хўжалиги ташкил этиш тўғрисида ариза тақдим этган талабгорларнинг хужжатлари асосида уларнинг таклифларини пухта ўрганиб чиқади. Ҳар бир иштирокчининг лойиҳаси алоҳида баҳоланади. Бунда ариза берувчининг ўз зиммасига олган мажбуриятларнинг тўлиқлиги ва ҳақиқатга яқинлиги ҳамда уларни бажариш имкониятлари ҳисобга олинади.


8. Танловда иштирок этувчи қатнашувчиларни танлашнинг биринчи босқичида талабгорларнинг имкониятлари қуйидаги кўрсатгичлар асосида баҳоланади:

мутахассислиги;

маълумоти;

қишлоқ хўжалигидаги иш стажи;

мажбуриятлардан ҳоли бўлган пул маблағлари;

мавжуд яроқли техникаси;

сўнгги йилларда шартномавий мажбуриятларини қай даражада бажарилиши (фермер хўжаликлари ва оилавий пудратчилар учун).


9. Талабгорларнинг имкониятлари 10 баллик рейтинг шкаласида қуйидагиларни инобатга олган ҳолда баҳоланади:

а) талабгорнинг мутахассислиги ва маълумоти маълумот тўғрисидаги ҳужжат (шаҳодатнома, диплом, сертификат, гувоҳнома)га асосан 5 баллдан 10 баллгача баҳоланади. Бунда комиссияга маълумот тўғрисидаги ҳужжатнинг асли ёки белгиланган тартибда тасдиқланган нусхаси тақдим этилади.

Хорижий давлатлар, шу жумладан МДҲ давлатлари таълим муассасалари томонидан 1992 йил 1 январдан сўнг берилган маълумот тўғрисидаги ҳужжатлар белгиланган тартибда нострификацияланган бўлиши лозим;

Талабгорнинг мутахассислигини баҳолашда талабгорнинг маълумоти (олий ёки ўрта махсус)дан қатьий назар фақатгина мутахассислик инобатга олинади. Мутахассислик учун энг юқори балл фермер хўжалиги бўйича махсус мутахассисликка эга бўлган талабгорларга берилади. Бунда, фермер хўжалиги бўйича махсус мутахассислик деганда фермерлик фаолиятини юритишга доир махсус мутахассисликка эга шахслар, шу жумладан айнан шу соҳада касб-ҳунар коллежини тамомлаган ёки шу соҳада бакалавр (магистр) даражасини олган ёҳуд бошқа илмий даражага эга бўлган шахслар ҳисобланади.

Бир неча мутахассислик бўйича маълумот тўғрисидаги ҳужжатга бўлган талабгорларнинг фақатгина битта энг юқори балли муттахассислиги инобатга олинади.

б) талабгорнинг қишлоқ хўжалигидаги иш стажини аниқлашда меҳнат дафтарчасига асосан фақат шу соҳада ўталган иш стажи инобатга олинади ва 6 баллдан 10 баллгача баҳоланади.

Бунда комиссияга меҳнат дафтарчасининг асли ёки белгиланган тартибда тасдиқланган нусхаси тақдим этилади;

в) талабгорнинг пул маблағлари мавжудлиги банк томонидан берилган маълумотномада тасдиқланган бўлиши лозим. Банк маълумотномаси банк бошқаруви раиси ёки унинг вазифасини бажарувчи шахс томонидан имзоланган ва банк муҳри билан тасдиқланган бўлиши лозим.

Талабгор танловга таклиф этилган пул маблағларини бўлажак фермер хўжалигининг устав фондига киритиш мажбуриятини олиши лозим. Ушбу мажбурият талабгорнинг аризасида кўрсатилади.

Айрим ҳолларда талабгор танловга пул маблағлари ўрнига ўз мол-мулкини таклиф этиши мумкин. Бунда мол-мулк талабгорнинг ўзига мулк ҳуқуқи асосида тегишли бўлиши лозим. Агар таклиф этилаётган мол-мулк талабгорга биргаликдаги мулк ҳуқуқи асосида тегишли бўлса, бу ҳолда тегишли оила аъзосининг нотариал тасдиқланган розилиги бўлиши лозим.

Танловда таклиф этилган мол-мулклар қиймати қуйидаги шартлар асосида инобатга олинади:

1) мол-мулк баҳоланган ва уларга бўлган (чорва молларидан ташқари) мулк ҳуқуқини тасдиқловчи ҳужжатларга эга бўлиши лозим. Чорва молларининг талабгорга тегишлилиги қишлоқ фуқаролар йиғини томонидан берилган, фуқаролар йиғини раиси томонидан имзоланиб, муҳри билан тасдиқланган маълумотнома асосида аниқланади. Уларнинг нархи чорва бозори маъмурияти томонидан берилган маълумотнома асосида аниқланиши мумкин;

2) талабгор танловга юқори ликвидли мол-мулкни (чорва моллари, товар-моддий бойликлар ёки бошқа тез сотиладиган мол-мулклар) тақдим этиши ва танловда ютган тақдирда, ушбу мол-мулкларни сотиб, пул маблағларини бўлажак фермер хўжалигининг устав фондига киритиш мажбуриятини олиши лозим. Фермер хўжалиги фаолиятини юритиш жараёнида бевосита фойдаланилиши мумкин бўлган мол-мулклар бўйича сотиш мажбуриятини олиш талаб этилмайди, бундай мол-мулкларни бўлажак фермер хўжалигининг устав фондига киритиш мажбуриятини олиш кифоя.

Таклиф этилган мол-мулкни сотишдан тушган пул маблағларини ёки фойдаланиш мумкин бўлган мол-мулкларини бўлажак фермер хўжалигининг уставига киритиш мажбурияти талабгорнинг аризасида кўрсатилади.

3) танловга талабгорнинг шахсий уй-жойи, уй буюмлари ва шу кабиларни, шунингдек суд қарорига кўра ёки бошқа асосларга кўра хатланган мол-мулкларни таклиф этишга йўл қўйилмайди;

4) мол-мулк қийматини аниқлашда танловда қатнашиш учун таклиф этаётган техника воситалари қиймати ҳисобга олинмайди.

Бир неча контурларга ариза берган талабгорларнинг бир контурга танловда инобатга олинган пул маблағлари (мол мулки) бошқа контурга танловда инобатга олинмайди. Бундай талабгор ўз пул маблағлари (мол-мулки)ни контурлар ўртасида ўз ҳохишига кўра тақсимлаши мумкин.

г) талабгор томонидан танловга таклиф этилаётган техника воситалари уларнинг тури ва техник имкониятларидан келиб чиқиб 4 баллдан 10 баллгача баҳоланади.

Бунда комиссияга техника воситалари техника паспортларининг асл нусхалари тақдим этилади.

Техника воситалари талабгорнинг ўзига мулк ҳуқуқи асосида тегишли бўлиши лозим. Таклиф этилаётган техника воситалари талабгорнинг оила аъзоларига тегишли бўлиши мумкин ва бу ҳолда талабгорга эгалик қилиш ва фойдаланишга бериш тўғрисида тегишли оила аъзосининг нотариал тасдиқланган розилиги бўлиши лозим.

Танловда иштирок этаётган фаолият юритаётган фермер хўжалиги бошлиғи ушбу фермер хўжалигига мулк ҳуқуқи асосида тегишли бўлган техник воситаларни танловга таклиф этиши мумкин. Бу ҳолда, техника воситаларининг имкониятлари фермернинг мавжуд ер майдонини ҳам инобатга олган ҳолда баҳоланади.

Талабгор томонидан танловга таклиф этилаётган техника воситаларининг яроқлилиги уларнинг техник паспортидаги техник созлиги тўғрисидаги белгига асосан аниқланади.

Бир неча контурларга ариза берган талабгорларнинг бир контурга танловда инобатга олинган техника воситалари бошқа контурга танловда инобатга олинмайди. Бироқ, агар талабгор таклиф этаётган техника воситасининг имкониятлари (қуввати) бир контурдаги ер майдонига нисбатан юқорироқ бўлса, бундай техника воситаси истисно тариқасида бошқа контурга танловда ҳам инобатга олиниши мумкин.

д) агар талабгор фермер ёки оилавий пудратчи бўлса, у томонидан иш фаолиятининг сўнгги уч йилдаги ишлаб чиқариш ва шартномаларнинг бажарилиши тўғрисидаги туман статистика бўлими (оилавий пудратчи бўйича эса - туман қишлоқ ва сув хўжалиги бўлими) томонидан берилган маълумотнома асосида қўшимча 4 баллдан 10 баллгача баҳоланади.


10. Танловда иштирок этиш учун қатнашувчиларни танлашнинг иккинчи босқичида комиссия томонидан талабгорлар таклифларининг иқтисодий асосланганлиги баҳоланади.

Таклифларнинг иқтисодий асосланганлиги талабгорнинг аризаси ва бизнес-режасини, зарур ҳолларда эса, тавсиянома хатларини таҳлил этиш асосида 5 баллдан 10 баллгача баҳоланади.

Таклифларнинг иқтисодий асосланганлигини баҳолашда ариза ва бизнес-режада назарда тутилган мақсадларга эришиш қанчалик ҳақиқатга яқинлиги, шунингдек талабгорнинг ер майдонидан кўп йиллик ўртача кўрсаткичдан кам бўлмаган ҳосилдорликни таъминлаш, қишлоқ хўжалик экинларини жойлаштириш схемасига риоя этган ҳолда 10 йил муддат мобайнида ишлаб чиқариш ихтисослашувини ўзгартирмаслик, алмашлаб экишга риоя этган ҳолда давлат эҳтиёжлари учун маҳсулот сотиш, тупроқ унумдорлигини ошириш, кредиторлик қарзларни белгиланган муддатларда тўлаш каби мажбуриятларининг тўлиқлиги ва уларни бажариш имкониятлари ҳисобга олинади.


11. Танловда иштирок этиш учун қатнашувчиларни танлашнинг биринчи ва иккинчи босқичлари бир вақтнинг ўзида ўтказилади. Бунинг учун танлов эълон қилинган кундан бошлаб 21 кундан кейин, лекин 25 кундан кечиктирмай, комиссия аъзоларининг йиғилиши ўтказилади. Йиғилиш унда комиссия аъзолари умумий сонининг камида учдан икки қисми иштирок этгандагина ҳақиқий ҳисобланади.

Йиғилишда талабгорнинг ҳар бир кўрсатгичи бўйича тегишли баллни бериш масаласи комиссия аъзолари томонидан мазкур Низомнинг 2-иловасида назарда тутилган кўрсатгичлар асосида кўпчилик овоз билан ҳал этилади ва ҳар бир кўрсатгич бўйича битта балл берилади.

Йиғилишда комиссия аъзоларининг кўпчилик овозига кўра қўйилган рейтинг баллари Танловда иштирок этиш учун қатнашувчиларни танлаш варақасига қўйилади. Ушбу варақа танлаш ўтказилган куниёқ мазкур Низомнинг 3-иловасига мувофиқ шаклда тўлдирилиб, комиссия раиси ва аъзолари томонидан имзоланади.


12. Танловда иштирок этиш учун қатнашувчиларни танлаш босқичларида энг юқори рейтинг баллари тўплаган талабгорлар Комиссия қарорига кўра танловда иштирок этиш учун тавсия қилинади.

Бунда олган бали энг юқори балл олган талабгордан 10 баллгача ёки 10 баллга фарқ қилган талабгорлар энг юқори балл олган талабгорлар ҳисобланади ва танловда иштирок этиш учун тавсия этилади.

Қолган талабгорлар танловда иштирок этиш учун тавсия этилмайди ва бундай талабгорларга танловдан олинганлиги тўғрисида ёзма равишда рад жавоби берилади.

Бир контурга талабгорларнинг сони учтадан кам бўлса, олган баллари миқдоридан қатьий назар уларнинг ҳаммаси танловда иштирок этиш учун тавсия қилинади.


13. Танловда иштирок этишга тавсия этиш тўғрисидаги қарор мазкур Низомга 4-иловага мувофиқ шаклда қабул қилинади, комиссия раиси, аъзолари ва котиби томонидан имзоланади ҳамда кейинги кундан кечиктирмай танловда иштирок этишга тавсия этилган талабгорлар рўйхатини эълон қилади.

Комиссия томонидан танловда иштирок этишга тавсия этиш тўғрисидаги қарор билан биргаликда танловни ўтказиш шартлари ҳам эълон қилинади.


14. Танловни ўтказиш қоидалари ва талабларига риоя этмаган, қонун ҳужжатларига асосан талабгорлар деб эътироф этилмаган, танловда иштирок этиш учун аризаларни ўз вақтида тақдим этмаган шахслар танловда иштирок этишга қўйилмайди.

Танловда иштирок этиш учун ёлғон маълумотлар ва сохта ҳужжатлар тақдим этган шахслар ҳам танловда иштирок этишга қўйилмайди.


15. Комиссия танловда иштирок этишга қўйилган шахслар тўғрисидаги тўлиқ ахборотни танлов ўтказиладиган бинода манфаатдор шахслар эътиборига етказилишини таъминлайдиган тарзда ёзма шаклда эълон қилиши, шунингдек танловда иштирок этишга қўйилмаган шахсларга ёзма шаклда асосли рад жавобларини йўллаши шарт.


16. Танловда иштирок этиш учун қатнашувчини танлашда талабгор сифатида эътироф этилган, бироқ йиққан балларига асосан тегишли контурга танловда иштирок этиш учун қўйилмаган талабгорлар йиққан балларини сақлаб қолган ҳолда шу хўжаликдаги бошқа контурлар (ариза тушмаган ёки аризалар сони кам бўлган контурлар) бўйича ўтказиладиган танловда қатнашиш ҳуқуқини сақлаб қоладилар. Бундай талабгор бошқа контурга танловда ўтказилгунга қадар комиссияга ариза билан мурожаат қилиши ва аризага фақатгина Танловда иштирок этиш учун қатнашувчиларни танлаш варақасини илова қилиши кифоя.


17. Танловда иштирок этиш учун танлаб олинган қатнашувчи ўз аризасини бир контурдан олиб, танлов ўтказилганга қадар аввал йиққан балларини сақлаб қолган ҳолда шу хўжаликдаги бошқа контурдаги ер майдонига бериш ҳуқуқига эга. Бундай талабгор бошқа контурга танловда ўтказилгунга қадар комиссияга ариза билан мурожаат қилиши ва аризага фақатгина Танловда иштирок этишга тавсия этиш тўғрисидаги комиссия қарорини илова қилиши кифоя.



III. ТАНЛОВ ЎТКАЗИШ ВА

ҒОЛИБНИ АНИҚЛАШ ТАРТИБИ


18. Танлов уни ўтказиш тўғрисида эълон қилинган кундан сўнг бир ойдан кейин ўтказилади ва унда комиссия аъзолари умумий сонининг камида учдан икки қисми иштирок этгандагина ҳақиқий ҳисобланади.


19. Қайта ташкил этилаётган қишлоқ хўжалиги корхоналари доирасида, танлов энг кўп ариза тушган контурлар бўйича бошланиб, аризаларнинг сони камайишига қараб навбатма-навбат кўриб борилиши керак.


20. Комиссия аъзолари томонидан ҳар бир талабгорнинг қобилияти, тегишли билими, ишбилармонлиги ва савияси фермер хўжалиги фаолиятини юритиш ва бошқариш бўйича берилган савол-жавоблар асосида 10 балли шкала билан баҳоланади. Танлов варақаси ушбу Низомнинг 5-иловасига мувофиқ ҳар бир комиссия аъзоси томонидан шахсан тўлдириб имзоланади ва комиссия раисига топширилади.


21. Танловда ҳар бир комиссия аъзоси томонидан талабгорга қўйилган баллар йиғиндиси комиссияда балл қўйган аъзолари сонига бўлинади ва талабгорга қўйилган ўртача балл ҳисоблаб чиқарилади.


22. Танловга қатнашиш учун танлаш босқичида тўпланган балл ва танловда олинган ўртача балл йиғиндиси талабгорнинг якуний бали ҳисобланади.

Талабгорнинг якуний бали мазкур Низомнинг 6-иловасида назарда тутилган хисоб-китоб асосида аниқланади.


23. Энг кўп якуний балл тўплаган талабгор танлов ғолиби деб комиссия раиси томонидан эълон қилинади. Бунда бошқа барча шартлар бўйича тенг балл тўпланган ҳолларда қайта ташкил этилаётган қишлоқ хўжалиги корхонаси аъзосига имтиёз берилади.


24. Комиссия якуний йиғилишининг баёни (7-илова) икки нусхада тузилиб, комиссия раиси, аъзолари ва котиби томонидан имзоланади ҳамда қайта ташкил этилаётган қишлоқ хўжалиги корхонасининг юқори бошқарув органи томонидан тасдиқланади.


25. Агар битта контурга фақат битта талабгордан ариза келиб тушган бўлса, у ҳолда танлов муддати тугагандан сўнг ушбу контурга белгиланган тартибда қайта танлов ўтказилади. Қайта танловда ҳам ушбу контурга бошқа талабгорлардан ариза келиб тушмаса комиссиянинг бир овоздан қабул қилган қарори билан талабгорга ушбу контурдаги ер участкаси берилиши мумкин. Бунда, талабгорнинг тақдим этган ҳужжатлари ва ўтказилган суҳбат натижасида олган бали ушбу қишлоқ хўжалик корхонасини қайта ташкил этишда қатнашган ва энг юқори балл олган талабгор балининг ярмидан кам бўлмаслиги лозим. Бу тўғрисида комиссия йиғилиши баённомасига тегишли ёзув киритилади.


26. Комиссиянинг якуний йиғилиши баёни ва унга илова қилинган ҳужжатлар туман ҳокимига юборилади.



IV. ҚАЙТА ТАШКИЛ ЭТИЛАЁТГАН ҚИШЛОҚ

ХЎЖАЛИГИ КОРХОНАСИ НЕГИЗИДА ФЕРМЕР

ХЎЖАЛИГИ ТАШКИЛ ЭТИШДА ТАЛАБГОРЛАРНИ

ТАНЛАШ ВА ТАНЛОВ ЎТКАЗИШ ИШЛАРИ

БЎЙИЧА ҲУЖЖАТЛАРНИ ЮРИТИШ


27. Қишлоқ хўжалиги корхонасини фермер хўжаликларига айлантириш бўйича комиссиянинг талабгорларни танлаш ва танлов ўтказиш бўйича ҳужжатлари комиссия котиби томонидан юритилади. Комиссия котиби, қоида тариқасида, туман ҳокимлиги ходими бўлади.


28. Комиссиянинг талабгорларни танлаш ва танлов ўтказиш билан боғлиқ барча ҳужжатлари туман ҳокимлигида қайта ташкил этилаётган ҳар бир қишлоқ хўжалиги корхонаси бўйича алоҳида йиғма жилдларда сақланади. Мазкур ҳужжатлар Ўзбекистон Республикаси Вазирлар Маҳкамасининг 2002 йил 5 январдаги 8-сонли қарорига мувофиқ, қайта ташкил этилаётган қишлоқ хўжалиги корхонаси негизида фермер хўжаликларининг барчаси рўйхатдан ўтказилгандан сўнг 2 ҳафта мобайнида туман ҳокимлигининг идоравий архивига топширилади.


29. Ҳар бир йиғма жилдда қўйидаги ҳужжатлар тикилиши лозим:

а) контурлар бўйича барча танловларга талабгорлар томонидан тақдим этилган аризалари ва унга илова қилинган ҳужжатлар;

б) комиссиянинг танлов ўтказиш тўғрисидаги эълонлари нусхалари;

в) танловда иштирок этиш учун қатнашувчиларни танлаш варақаси нусхалари;

г) комиссиянинг ҳар бир контур бўйича талабгорларни танловда иштирок этишга тавсия этиш тўғрисидаги қарорлари;

д) ҳар бир комиссия аъзоси томонидан тўлдирилган танлов варақалари;

е) танлов якуни бўйича қўйилган баллар ҳисоб-китоби;

ж) танлов ўтказиш якунлари юзасидан комиссия томонидан қабул қилинган баённомалар нусхалари;

з) талабгорларни танлаш ва танлов ўтказиш билан боғлиқ бошқа ҳужжатлар.

Жилдга рейтинг баллари беришга асос бўлган барча ҳужжатлар (шу жумладан асли тақдим этилган ҳужжатларнинг нусхалари) тикилиши шарт.

Шунингдек, йиғма жилдларда мажбурий тартибда қайта ташкил этилаётган қишлоқ хўжалиги корхонаси активлари ва пассивларини, қишлоқ хўжалиги кооперативи (ширкат хўжалиги) аъзолари мулкий пайларини хатловдан ўтказиш ва баҳолаш бўйича, ортиқча асосий ва айланма маблағларни, шунингдек фойдаланиш муддати тугаган воситаларни ким ошди савдосида ёки очиқ савдода сотиш бўйича, қайта ташкил этилаётган қишлоқ хўжалиги корхонаси балансида бўлган ижтимоий ва бошқа инфратузилмаларни маҳаллий ҳокимликлар ёки бошқа ташкилотлар балансига бериш бўйича ҳамда мол-мулкларни ҳисобдан чиқариш бўйича барча ҳужжатлар тикилиши лозим.


30. Комиссиянинг фаолиятига доир ҳужжатларни тўлиқ юритилиши, сақланиши ва белгиланган муддатларда архивга топширилишига комиссия раиси ва котиби шахсан жавобгар ҳисобланади.



V. ЯКУНИЙ ҚОИДАЛАР


31. Ушбу Низомда тартибга солинмаган масалалар Комиссия томонидан амалдаги қонунчиликка зид бўлмаган тартибда ҳал этилади.


32. Мазкур Низом Ўзбекистон Республикаси Иқтисодиёт вазирлиги ҳамда Ўзбекистон Республикаси Деҳқон ва фермер хўжаликлари уюшмаси билан келишилган.


Иқтисодиёт вазирининг биринчи ўринбосари                     Г. Саидова


Деҳқон ва фермер хўжаликлари уюшмаси раиси                 С. Қобилов





Низомга

1-ИЛОВА



Қайта ташкил этилаётган қишлоқ хўжалиги корхонаси

негизида фермер хўжаликларини ташкил этиш учун

талабгорларни танлаш ва уларнинг танловини ўтказиш

СХЕМАСИ

Босқичлар



Субъект




Амалга ошириладиган ишлар


Муддат












1. Маҳаллий оммавий ахборот воситаларида ёки бошқа қулай шаклда қишлоқ хўжалиги корхонасининг қайта ташкил этилиши ва танлов ўтказилиши тўғрисида эълон беради.

2. Ушбу эълон билан биргаликда аризаларни қабул қилиш муддатини белгилайди.






I. босқич



Комиссия




Танлов ўтказилишидан бир ой олдин

























































1. Ариза ва унга илова қилинган ҳужжатларни топширади.






II. босқич



Талабгорлар




Танлов кунига 10 кун қолгунга қадар







































Комиссия котиби













1. Ариза ва ҳужжатларни қабул қилади.

Лозим бўлганда камчиликларни ишчи тартибда бартараф этиш чораларини кўради.


Танловда иштирок этиш учун қатнашувчиларни танлаш кунига 1 кун қолгунга қадар









  






Комиссия



Танловда иштирок этиш учун қатнашувчиларни танлайди, бунда:

1. Ҳужжатларнинг тўлиқлиги ва мазмунини текширади.

2. Аризаларда баён қилинган таклифларнинг иқтисодий асосланганлигини ўрганади.

3. Комиссия йиғилишида талабгорларга рейтинг баллари қўйилади.

4. Энг юқори балл олган талабгорларни танловда иштирок этиш учун тавсия этиш тўғрисида қарор қабул қилади.


Танлов эълон қилинган кундан сўнг 20-кундан 25-кунгача

III. босқич





























Танловда эштирок этишга тавсия этилган ёки зарур балл ололмаганлиги сабабли танловга тавсия этилмаган талабгорлар














Бошқа контурга танловда иштирок этиш ҳуқуқидан фойдаланишлари мумкин


Бошқа контурга танлов ўтказилгунга қадар



















  












1. Танлов ўтказади:

а) Талабгорларнинг билими ва қобилиятини аниқлаш мақсадида савол-жавоб ўтказади;

б) Талабгорларга ҳар бир комиссия аъзоси танлов варақасида балл қўяди ва танловда ўртача балл аниқланади;

в) Аввалги танлаш босқичида берилган баллар ва танловнинг ўртача бали йиғиндиси натижасида энг юқори якуний балл олган ғолиб аниқланади;

г) Танлов якуни бўйича комиссия баённомаси расмийлаштирилади.

2. Комиссия баённомаси қишлоқ хўжалиги корхонасининг юқори бошқарув органи томонидан тасдиқланади ва туман ҳокимига юборилади.





IV. босқич



Комиссия



1. Танлов куни.

2. Танлов кунидан кейинги кундан кечиктирмай.






























Низомга

2-ИЛОВА



Танловда иштирок этиш учун қатнашувчиларни танлашда

талабгорларнинг имкониятларини баҳолайдиган

РЕЙТИНГ БАЛЛАРИ

Т/р

Баҳолаш

меъзонлари

Рейтинг

Кўрсаткичлари

Рейтинг баллари

Тақдим этиладиган ҳужжатлар

1.

Мутахассислиги

Фермер хўжалиги бўйича

махсус мутахассисликка эга

Агроном, иқтисодчи, юрист

Инженер, ҳисобчи,

Механик, зоотехник

Бошқа мутахассис

10 балл

9 балл

8 балл

7 балл

5 балл

Маълумот тўғрисидаги ҳужжат ёки унинг белгиланган тартибда тасдиқланган нусхаси

2.

Қишлоқ хўжалигидаги

иш стажи

15 йилдан юқори

11-15 йилгача

6-10 йилгача

3-5 йилгача

1-3 йилгача

10 балл

9 балл

8 балл

7 балл

6 балл

Меҳнат дафтарчаси ёки унинг белгиланган тартибда тасдиқланган нусхаси

3.

Маълумоти

Олий

Ўрта махсус

Ўрта

10 балл

8 балл

6 балл

Маълумот тўғрисидаги ҳужжат ёки унинг белгиланган тартибда тасдиқланган нусхаси

4.

Фермерликка талабгор юридик ва жисмоний шахснинг ҳисоб варағидаги мажбуриятлардан озод бўлган мавжуд пул маблағи ёки мол-мулки

10 млн. сўмдан юқори

5 млн.- 10 млн. сўмгача

1 млн. - 5 млн. сўмгача

500 мингдан - 1 млн. сўмгача

10 балл

8 балл

6 балл

4 балл

Банк маълумотномаси.

Танловга мол-мулк таклиф этилган тақдирда, унинг баҳосини ва унга эгалик ҳуқуқини тасдиқловчи ҳужжат.

5.

Талабгорга ёки унинг оила аъзоларига (оила аъзоларининг нотариал тасдиқлаган розилиги билан) тегишли яроқли техника (1 донаси учун)

Ҳайдов трактори

Ишлов бериш трактори

Транспорт трактори

Юк машинаси

Енгил машинаси

8-10 балл*

6-8 балл*

6-8 балл*

6-8 балл*

4-6 балл*

Техник паспорт

6.

Оилавий пудратчи ёки фермер томонидан сўнги уч йил давомида шартномаларнинг бажарилиши

3 йил сурункали бажарганда

3 йилдан 2 йил бажарганда

3 йилдан 1 йил бажарганда


10 балл

7 балл

4 балл


туман статистика бўлими ёки қишлоқ ва сув хўжалиги бўлими томонидан берилган маълумотнома

7.

Аризада ва бизнес режада баён қилинган таклифларнинг иқтисодий асосланганлиги

Аризадаги таклифлар ва бизнес режанинг асосий кўрсаткичларидан келиб чиқилади

5 баллдан 10 баллгача

Ариза, бизнес режа ва зарур ҳолларда тавсиянома хатлар


*) Техник воситанинг имкониятларидан келиб чиқиб балл берилади.





Низомга

3-ИЛОВА



Танловда иштирок этиш учун қатнашувчиларни танлаш

ВАРАҚАСИ

Т/р

Талабгорнинг Ф.И.Ш.

Мутахассислиги учун балл

Маълумоти учун балл

Иш стажи учун балл

Мол-мулки ва маблағи учун балл

Техник воситаси учун балл

Шартнома мажбуриятларини бажарганлик учун балл

Иқтисодий асосланганлиги учун балл

Жами

балл

1.










2.










3.










4.










5.











Комиссия раиси:

  

Имзолар


___________________________________

______________


Комиссия аъзолари


1.

___________________________________

______________

2.

___________________________________

______________

3.

___________________________________

______________

4.

___________________________________

______________

5.

___________________________________

______________




Низомга

4-ИЛОВА


Талабгорларни ____-сонли контур бўйича ер участкасига

танловда иштирок этишга тавсия этиш тўғрисида


__________ тумани____________ қишлоқ хўжалик корхонасини фермер хўжаликларига айлантириш бўйича комиссияси ____-сонли контур бўйича ер участкасига танловда иштирок этишга ариза берган талабгорларнинг ариза ва ҳужжатларини ўрганиб, уларнинг имкониятларини баҳолаш асосида қуйидаги талабгорларни танловда иштирок этишга тавсия қилади:

Т/р

Талабгорнинг Ф.И.Ш.

Рейтинг балли

1.

________________________________

______________

2.

________________________________

______________

3.

________________________________

______________

4.

________________________________

______________

5.

________________________________

______________

Танлов 20___ йил "____" ____________ соат ________ да қуйидаги манзилда ўтказилади:

_________________________________________________________________


Комиссия раиси:


Комиссия аъзолари:


Котиб





Низомга

5-ИЛОВА


Танлов варақаси


____________ туманидаги ______________ қишлоқ хўжалиги корхонасини фермер хўжалигига айлантириш бўйича туман ҳокимининг 2004 йил "__" _____ даги "__" сонли қарори билан ташкил этилган Қишлоқ хўжалик корхонасини фермер хўжаликларига айлантириш бўйича комиссиянинг аъзоси ___________________________________________________________________

( исми, шарифи, насаби )


200__ йил "__" __________ да №___ контур бўйича танловга қатнашган талабгорларга балл қўйиш варағи

Талабгорларнинг

исми, шарифи, насаби

Талабгорларга қўйилган балл

(10 балли шкала бўйича баҳоланади ва сўз билан ёзилади)

1.


2.


3.


4.


5.


6. в.б.


_________________ _____________________

                (имзо)                          (исми, шарифи)





Низомга

6-ИЛОВА



Фермер хўжалигини ташкил этиш бўйича талибгорларга

танлов якуни бўйича қўйилган баллар

ҲИСОБ-КИТОБИ


Комиссия аъзоларини

Талабгорлар


исми ва шарифи

Б.Ёқубов

Н.Болтаев

В.Эгамов

П.Сотимов

I

Танловда иштирок этиш учун қатнашувчиларни аниқлашда тўпланган балл

45

46

51

51

Танловда комиссия аъзолари томонидан қўйилган баллар

1

Й.Аршабоев

7

8

10

10

2

Р.Ахмедов

6

7

10

8

3

А.Абдусаматов

4

6

10

7

4

А.Эргашев

7

4

10

9


. . .





10

Ш.Эрназаров

9

9

10

5


жами балл

68

70

90

80

II

Танловдаги ўртача балл

(жами тўплаган баллни танловда қатнашган комиссия аъзолари сонига(10га) бўлиб топилади).

6,8

7

9

8

III

Умумий балл (I + II)

51,8

53

60

59

Комиссияси раиси


____________________


Комиссия аъзолари:

1. ____________________

2. ____________________

3. ____________________

. . . ________________

10. ___________________

Имзолар


_________



_________

_________

_________

_________

_________




Низомга

7-ИЛОВА


"ТАСДИҚЛАНДИ"

_________________________________

(қишлоқ хўжалиги корхонасини номи)

_________________________________

қори бошқарув органи номи)


20__ йил "____" _____________

_______-сон


__________тумани____________ қишлоқ хўжалик корхонасини фермер хўжаликларига айлантириш бўйича комиссияси йиғилишининг


____-сонли баённомаси


______________ қишлоғи                                        "___" _________ 2004йил.

Раислик қилди:

_____________ ____________ ширкат хўжалигини фермер хўжаликларига айлантириш бўйича қайта ташкил этиш комиссияси раиси.


Қатнашдилар:

(туман рахбарлари, комиссия аъзолари)

________________________________

________________________________

________________________________


Кун тартиби


__________ қишлоқ хўжалиги корхонаси негизида фермер хўжаликларини ташкил этиш учун ўтказилган танлов якунлари тўғрисида.

Кун тартибидаги масала юзасидан қайта ташкил этиш комиссиясининг раиси ___________ ахбороти эшитилди. (қайта ташкил этиш комиссиясининг иш режаси, хўжалик мол-мулкини ва ер участкаларини комплекс хатловдан ўтказиш, ишчи гуруҳлари томонидан бажарилган ишлар ва танлов якунлари тўғрисида)


Кун тартибидаги масалани муҳокама қилиб, комиссия


ҚАРОР ҚИЛАДИ:


_________ қишлоқ хўжалиги корхонаси негизида фермер хўжаликларини ташкил этиш учун ўтказилган танлов якунлари қуйидагича тасдиқлансин.

Т/р

Танлов ғолибининг (И.Ш.Н)

Ер контури

Майдони,

га

Тўплаган, бали

1.





2





3





4





5






Комиссия раиси:


Комиссия аъзолари:


Котиб



"Ўзбекистон Республикаси қонун ҳужжатлари тўплами", 2005 йил, 1-сон, 6-модда.





























Время: 0.0054
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск