ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Қишлоқ ва сув хўжалиги / Қишлоқ ва сув хўжалигининг давлат томонидан тартибга солиниши ва қўллаб-қувватланиши /

Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалиги техникаси ва технологияларини сертификатлаш ва синаш маркази томонидан, қишлоқ хўжалиги ва мелиорация техникасининг янги турларини қўллаган ҳолда, қишлоқхўжалиги ва мелиорация техникаси ҳамда қишлоқ хўжалиги экинларини етиштириш технологиялари синовларини ўтказиш тартиби тўғрисида Низом (ЎзР ВМ 01.08.2013 й. 214-сон қарорига 2-илова)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Вазирлар Маҳкамасининг

2013 йил 1 августдаги

214-сон қарорига

2-ИЛОВА



Ўзбекистон Республикаси

Қишлоқ хўжалиги вазирлиги ҳузуридаги

Қишлоқ хўжалиги техникаси ва технологияларини

сертификатлаш ва синаш маркази томонидан, қишлоқ

хўжалиги ва мелиорация техникасининг янги турларини

қўллаган ҳолда, қишлоқхўжалиги ва мелиорация техникаси

ҳамда қишлоқ хўжалиги экинларини етиштириш технологиялари

синовларини ўтказиш тартиби тўғрисида

НИЗОМ


I. УМУМИЙ ҚОИДАЛАР


1. Ушбу Низом Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалиги техникаси ва технологияларини сертификатлаш ва синаш маркази (кейинги ўринларда Марказ деб аталади) ўтказадиган синов турларини, синов ўтказиш режаларини шакллантириш қоидаларини, маҳсулотларни синаш ва уларни истеъмолчиларга етказиб бериш жараёнида синовдан ўтказилган маҳсулот ҳолатининг амалдаги техник жиҳатдан тартибга солиш соҳасидаги норматив ҳужжатлар талабларига мувофиқлигини назорат қилиш тартибини белгилайди.

2. Мазкур Низом ўз эҳтиёжлари учун ишлаб чиқарилган ёки импорт қилинадиган якка қишлоқ хўжалик ва мелиорация техникаларидан ташқари, республика корхоналари томонидан ишлаб чиқарилаётган ва импорт қилинаётган қишлоқ хўжалиги ва мелиорация техникасининг, улар агрегати ва узелларининг барча намуналарига, қишлоқ хўжалиги ва мелиорация техникасининг янги турлари қўлланган ҳолда қишлоқ хўжалиги экинлари етиштиришнинг ресурсларни тежайдиган замонавий технологияларига татбиқ этилади.

3. Марказда 1-иловага мувофиқ рўйхат бўйича республика корхоналари томонидан ишлаб чиқариладиган ва импорт қилинадиган қишлоқ хўжалиги ва мелиорация техникасининг, улар агрегати ва узелларининг барча намуналари, шунингдек қишлоқ хўжалиги ва мелиорация техникасининг янги турларини қўллаган ҳолда қишлоқ хўжалиги экинлари етиштиришнинг ресурсларни тежайдиган замонавий технологиялари мажбурий синовдан ўтказилиши керак.


4. Маҳсулотларни синовдан ўтказиш шартлари, шу жумладан, уларни етказиб бериш муддатлари, уларга илова қилинадиган зарур ҳужжатлар рўйхати ва таркиби халқаро ва давлат стандартларига мувофиқ синовларнинг буюртмачиси ва Марказ томонидан тузиладиган шартномада белгиланади.



II. СИНОВЛАР ТУРЛАРИ


5. Синовдан ўтказилаётган маҳсулот ўз вазифасига кўра синовларнинг қуйидаги турларидан бирида синовдан ўтказилади:


давлат синовлари - импорт қилинадиган ёки бюджет маблағлари ҳисобига ишлаб чиқариладиган қишлоқ хўжалиги ва мелиорация техникаси намуналарининг давлат комиссияси (маҳсулотларнинг энг муҳим турларини алоҳида синаш учун махсус ташкил этиладиган) ёки Марказ томонидан ўтказиладиган синовлар;


дастлабки синовлар - маҳсулотларнинг тажриба намуналарини ва/ёки тажриба туркумларини қабул қилиш синовларига тақдим этиш имкониятини аниқлаш мақсадида уларнинг назорат синовлари;


қабул қилиш синовлари - ишлаб чиқаришга қўйиш ёки импорт қилишнинг мақсадга мувофиқлиги, ёхуд вазифасига кўра фойдаланиш тўғрисидаги масалани ҳал этиш мақсадида ўтказиладиган республикада ишлаб чиқариладиган ёки импорт қилинадиган тажриба намунасини синаш;


даврий синовлар - маҳсулот сифатининг барқарорлигини ва уни ишлаб чиқаришни давом эттиришнинг мақсадга мувофиқлигини назорат қилиш мақсадида техник жиҳатдан тартибга солиш соҳасидаги норматив ҳужжатларда белгиланган ҳажмда ва муддатларда ўтказиладиган серияли ишлаб чиқариладиган маҳсулотларнинг назорат синовлари;

малака синовлари - корхонанинг ушбу турдаги маҳсулотни белгиланган ҳажмда ишлаб чиқаришга тайёрлигини баҳолаш мақсадида ўтказиладиган белгиланадиган сериянинг ёки биринчи саноат туркумининг назорат синовлари;


тур синовлари - серияли намуналар конструкцияси ёки технологик жараёнга киритилган ўзгартиришларни самарадорлигини ва мақсадга мувофиқлигини баҳолаш мақсадида у билан тўғридан-тўғри тузилган шартномалар бўйича бажариладиган синовлар;

сертификация синовлари - маҳсулотга хос бўлган хоссаларнинг техник жиҳатдан тартибга солиш соҳасида норматив ҳужжатларга мувофиқлигини аниқлаш мақсадида ўтказиладиган маҳсулотларнинг назорат синовлари;

такрорий синовлар (ҳакамлик синовлари) - тез-тез такрорланадиган - фойдаланиш ёки ишлаб чиқариш билан боғлиқ носозликларнинг сабаблари ва хусусиятини аниқлаш мақсадида махсус дастур бўйича амалга ошириладиган тайёрловчи завод томонидан ишлаб чиқарилган маҳсулотларнинг охирги туркумидан танлаб олинган техника намуналарини синаш;


янги қишлоқ хўжалиги ва мелиорация техникасини қўллаган ҳолда қишлоқ хўжалиги экинлари етиштиришнинг ресурсларни тежайдиган замонавий технологияларини синовдан ўтказиш.


6. Қишлоқ хўжалиги ва мелиорация техникасини синовдан ўтказиш муддатлари норматив ҳужжатларга мувофиқ белгиланади.



III. ҚИШЛОҚ ХЎЖАЛИГИ ВА МЕЛИОРАЦИЯ

ТЕХНИКАСИ ВА ТЕХНОЛОГИЯЛАРИНИ СИНОВДАН

ЎТКАЗИШ ИШЛАРИНИ АМАЛГА ОШИРИШ ТАРТИБИ


7. Келгуси йилда қишлоқ хўжалиги ва мелиорация техникаси ҳамда технологияларини синовдан ўтказиш ишларини бажариш учун ҳар йили ноябрь ойидан кечикмай уларни синовдан ўтказиш режаси тузилади.


8. Қишлоқ хўжалиги ва мелиорация техникаси ҳамда технологияларини синовдан ўтказиш режаси Ўзбекистон Республикаси Сув хўжалиги вазирлиги, Ўзбекистон Республикаси Инновацион ривожланиш вазирлиги, маҳсулотларни тайёрловчи корхоналар ва қишлоқ хўжалиги техникасини ишлаб чиқарувчи ҳамда импорт қилувчи ташкилотларнинг (кейинги ўринларда - Буюртмачи) таклифлари асосида шакллантирилади.

Қишлоқ хўжалиги ва мелиорация техникаси ҳамда технологияларини синовдан ўтказиш режаси Ўзбекистон Республикаси қишлоқ хўжалиги вазири томонидан тасдиқланади.

9. Синовларни ўтказиш режасига мувофиқ буюртмачилар билан шартномалар тузилади. Шартномаларда маҳсулотларни синовдан ўтказиш шартлари ва муддатлари, уларни етказиб бериш муддатлари, молиялаштириш тартиби, уларга илова қилинадиган зарур ҳужжатлар белгиланади.


10. Синов ўтказиш учун тақдим этилаётган маҳсулотлар намуналари Марказда қабул қилиш-топшириш далолатномаси бўйича қабул қилинади.


11. Маҳсулот синаш учун қабул қилиб олингандан кейин унинг сақланиши учун синов тамом бўлгунга қадар Марказ жавоб беради.


12. Синов 2 ва 3-иловаларга биноан техник жиҳатдан тартибга солиш соҳасидаги норматив ҳужжатларнинг белгиланган талабларига қатъий мувофиқ равишда ўтказилади.

Синов икки босқичда ўтказилади:

биринчи босқич - қишлоқ хўжалик техникаларини функционал ва фойдаланиш-технологик кўрсаткичларини Марказда аниқлаш;

иккинчи босқич - хўжалик шароитлари фойдаланишда пухталик кўрсаткичларини аниқлашдан иборат.

12-1. Қабул қилиш синовлари ва даврий синовлар қишлоқ хўжалиги ва мелиорация техникаларини ишлаб чиқарувчи ва импорт қилувчилар билан келишилган ҳолда, қишлоқ хўжалиги маҳсулотлари етиштирувчиларнинг экин майдонларида ҳамкорлик шартномаси асосида ўтказилади.

13. Синовлар натижалари баённома билан расмийлаштирилади ва уларнинг нусхалари буюртмачига ҳамда кўриб чиқиш ва улар бўйича тегишли қарор қабул қилиш учун Ўзбекистон Республикаси Қишлоқ хўжалиги вазирлигига, Сув хўжалиги вазирлигига юборилади.

Марказ ўрнатилган тартибда синовдан ижобий ўтган қишлоқ хўжалик ва мелиорация техникаларини Ўзбекистон Республикаси қишлоқ хўжалиги ишлаб чиқаришида қўллаш учун қишлоқ хўжалик ва мелиоратив техникалар реестрини юритади.

14. Синов тамом бўлгандан кейин барча маҳсулот қабул қилиш-топшириш далолатномаси бўйича буюртмачига қайтарилади.



IV. ДАВРИЙ СИНОВЛАРНИ ЎТКАЗИШНИНГ

АЛОҲИДА ШАРТЛАРИ


15. Ўзбекистон Республикасида ишлаб чиқарилган қишлоқ хўжалиги ва мелиорация техникасининг даврий синовлари қуйидаги муддатларда ўтказилиши керак:

тракторлар ва ўзиюрар машиналар - ҳар икки йилда бир марта;

қишлоқ хўжалиги ва мелиорация машиналари - ҳар уч йилда бир марта.


16. Мунтазам равишда туркумлаб импорт қилинадиган (бир йилда 5 та ва ундан ортиқ) маҳсулотлар модели улар сифатининг барқарорлигини назорат қилиш мақсадида даврий синовларни ўтказиш учун тақдим этилиши керак, бунда:

даврий синовлар маҳсулотни республикага етказиб бериш бошлангандан кейин ҳар икки йилда ўтказилади;

маҳсулотларни синаш учун етказиб бериш маҳсулотлар импортини амалга оширувчи ташкилотлар томонидан таъминланади.


17. Бартараф этиш учун маҳсулотларни бўлакларга ажратиш талаб қилинадиган носозликнинг ҳар бир ҳолати, шунингдек хизмат кўрсатувчи ходимларнинг хавфсизлигига хавф туғдирувчи йўл-транспорт ҳодисалари юз бериши мумкинлигига олиб келувчи, экологик муҳитга салбий таъсир кўрсатувчи носозликлар тўғрисида Марказ улар аниқланган кундан бошлаб бир ой муддатда синовларнинг буюртмачисига, "Ўзстандарт" агентлигига уларни бартараф этиш юзасидан шошилинч чоралар кўриш учун маълумот юбориши шарт.


V. ҚИШЛОҚ ХЎЖАЛИГИ ВА МЕЛИОРАЦИЯ ТЕХНИКАСИ

ҲАМДА ТЕХНОЛОГИЯЛАРИНИ СИНОВДАН ЎТКАЗИШДА

МАРКАЗНИНГ ЖАВОБГАРЛИГИ


18. Қишлоқ хўжалиги ва мелиорация техникаси ҳамда технологияларини синовдан ўтказишда Марказ:

қишлоқ хўжалиги ва мелиорация техникаси ҳамда технологияларини синовдан ўтказишнинг ҳақиқийлиги ва тўлиқлиги ҳамда унинг натижаларининг ишончлилиги;

синовларнинг халқаро ва техник жиҳатдан тартибга солиш соҳасидаги норматив ҳужжатлар талабларига мувофиқ ўз вақтида ва сифатли ўтказилиши;

қишлоқ хўжалиги ва мелиорация техникаси ҳамда технологияларини синовдан ўтказишда бюджет ва бюджетдан ташқари маблағлардан мақсадли фойдаланилиши учун жавоб беради.



VI. ЯКУНЛОВЧИ ҚОИДАЛАР


19. Синовларни ўтказиш (даврий синовлардан ташқари) бўйича бажарилган ишлар учун тўлов Марказ билан буюртмачи ўртасида тузиладиган шартнома асосида амалга оширилади.


20. Ўзбекистон Республикаси корхоналари томонидан ишлаб чиқариладиган қишлоқ хўжалиги ва мелиорация техникасининг даврий синовлари учун тўлов бюджет маблағлари ҳисобига амалга оширилади.


21. Ушбу Низомнинг бузилишида айбдор бўлган шахслар қонун ҳужжатларида белгиланган тартибда жавоб берадилар.






Низомга

1-ИЛОВА



Марказда синовдан ўтиши мажбурий бўлган

республика корхоналарида ишлаб чиқарилаётган

ва импорт қилинаётган қишлоқ хўжалиги ва мелиорация

техникаси, уларнинг агрегат ва узеллари, шунингдек

қишлоқ хўжалиги ва мелиорация техникасининг янги

турларини қўллаган ҳолда қишлоқ хўжалиги экинлари

етиштиришнинг ресурсларни тежайдиган замонавий

технологиялари намуналари

РЎЙХАТИ


1. Тракторлар (қуввати 18 кВт гача бўлган кичик ўлчамлилардан ташқари):

ғилдиракли тракторлар;

занжирли тракторлар;

қишлоқ хўжалиги ишлари учун тракторлар;

уларнинг агрегат ва узеллари.


2. Кичик ўлчамли тракторлар, мотоблок ва мотокультиваторлар (қуввати 18 кВт гача).


3. Экиш ва кўчат ўтқазиш машиналари:

трактор сеялкалари, қадагич ва кўчат ўтқазиш машиналари;

уларнинг агрегат ва узеллари.


4. Ўғитлар солиш машиналари:

минерал ва органик ўғитлар сочгич ва тақсимлагичлар;

минерал ва кимёвий ўғитлар тарқатиш машиналари;

уларнинг агрегат ва узеллари.


5. Ўсимликларни кимёвий ҳимоя қилиш машиналари:

суюқлик ва кукунларни пуркагич ва чанглатгичлар, ранецли, пневматик ва тракторларга ўрнатишга ёки тракторлар билан шатакка олишга мўлжалланган пуркагич ва чанглатгичлар;

ўзиюрар машиналар;

уларнинг агрегат ва узеллари.


6. Ҳосилни йиғиштириш машиналари:

ҳосилни йиғиштириш машиналари, шу жумладан ғалла ўриш ва пахта териш комбайнлари, майдалаш машинаси ёки механизмлари, кўсак йиғиш машиналари, кўсак чувийдиган машиналар, ғўза пояларини йиғиштиргич ва майдалагичлар, экинларни ўриш машиналари (мева ва бошқа қишлоқ хўжалиги маҳсулотларини тозалаш, саралаш учун ўзиюрар машиналар).

7. Юклаш-тушириш воситалари:

қишлоқ хўжалигида фойдаланиш учун махсус мўлжалланган кўтариш, кўчириш, юклаш ёки тушириш машиналари ва қурилмалари;

бир ковшли юклагичлар;

қишлоқ хўжалиги тракторларига осиб ишлатиладиган юклагичлар;

уларнинг агрегат ва узеллари.


8. Ўт ўриш, пичан ва похол тайёрлаш машиналари:

тракторларга осиладиган, тиркаладиган ва ўрнатиладиган ўроқ машиналари;

пичан тайёрлаш машиналари: айлантиргич, ён хаскашлар ва пичан ағдаргичлар;

пичан ва похолни тойлаш учун пресслар, шу жумладан, йиғиштирувчи пресслагичлар;

озуқани бўлаклагичлар, озуқани майдалагичлар, озуқани аралаштиргичлар;

уларнинг агрегат ва узеллари.


9. Тракторлар ва қишлоқ хўжалиги машиналари дизеллари:

кичик ўлчамли тракторлар ва кичик механизация воситаларининг қуввати 16 кВт гача бўлган дизелларидан ташқари;

уларнинг агрегат ва узеллари.


10. Тиркамалар ва ярим тиркамалар:

тракторлар тиркамалари;

цистерна тиркамалари;

уларнинг агрегат ва узеллари.


11. Тиркамали, осиладиган ва ўрнатиладиган тупроққа ишлов бериш машиналари:

плуглар, бороналар, юмшатгичлар, культиваторлар, тупроқ кесгичлар, мотигалар, пололгичлар;

уларнинг агрегат ва узеллари.


12. Қишлоқ хўжалиги ишларини бажарадиган кичик механизация воситалари:

тиркамали, ярим тиркамали, осиладиган, ярим осиладиган, ўрнатиладиган, кичик ўлчамли тракторлар ва мотоблокларга агрегатланадиган машиналар;

уларнинг агрегат ва узеллари.


13. Мелиоратив, суғориш, қуритиш машиналари:

сув таъминоти учун насослар ва насос агрегатлари;

буриладиган ва бурилмайдиган отвалли занжирли бульдозерлар;

ғилдиракли бульдозерлар;

грейдер ва дала текислагичлар;

уларнинг агрегат ва узеллари.


14. Ғилдиракли ва занжирли экскаваторлар:

уларнинг агрегат ва узеллари.


15. Қишлоқ хўжалиги ва мелиорация техникасининг янги турлари қўлланилган ҳолда қишлоқ хўжалиги экинлари етиштиришнинг ресурсларни тежайдиган замонавий технологиялари.






Низомга

2-ИЛОВА


Қишлоқ хўжалиги ва мелиорация техникасини

синовдан ўтказиш (давлат синови, дастлабки синов,

қабул қилиш синови, даврий синов, малака синови,

турга оид синов, такрорий синов)

МЕХАНИЗМИ

Босқич

Тадбирлар


Масъуллар


Муддатлар





























1-босқич


Маҳсулотни синовдан ўтказиш учун буюртмачи билан шартнома (контракт) тузиш ва имзолаш


Синов буюртмачиси ва Марказ


Буюртмачи мурожаат этган кундан бошлаб 2 кун мобайнида



























Маҳсулот намунасини синаш учун қабул қилиш


Синов буюртмачиси ва Марказ


3 кун мобайнида



























Маҳсулотни бирламчи техник экспертизадан ўтказиш


Марказ


5 кун мобайнида



























Маҳсулотни пишитиш ва лаборатория-стенд синовларини ўтказиш


Марказ


10 кун мобайнида



























Далада агрофон танлаш, дала шароитларида агрозоотехник ва фойдаланиш-технологик кўрсаткичларни аниқлаш


Буюртмачи вакили иштирокида Марказ


10 кун мобайнида































2-босқич

Пухталикни ва меҳнат шароитларини аниқлаш мақсадида маҳсулотлардан хўжалик шароитларида фойдаланиш


Марказ


Тракторлар учун 1000 соат, ўзиюрар машиналар ва қолган машиналар учун бир агротехника мавсуми давомида






















Заруриятга қараб маҳсулотнинг пухталигини аниқлаш мақсадида Марказда юклаш стендларида жадаллаштирилган синовлар ўтказиш



Тракторлар учун 500 соат, ўзиюрар машиналар ва қолган машиналар учун 200 соат



























Маҳсулотни узел ва деталларга бўлаклаб якуний техник экспертиза ўтказиш


Марказ


5 кун мобайнида



























Синов натижаларини пухта ишлаш ва тавсиялар берган ҳолда синов баённомасини расмийлаштириш


Марказ


3 кун мобайнида



        





Низомга

3-ИЛОВА



Қишлоқ хўжалиги ва мелиорация техникасининг

янги турларини қўллаган ҳолда қишлоқ хўжалиги

экинларини етиштиришнинг ресурсларни тежайдиган

замонавий технологиялари синовларини ўтказиш

МЕХАНИЗМИ

      

Босқичлар

Тадбирлар


Масъуллар


Муддатлар





























1-босқич

Технологияларни синовдан ўтказиш учун буюртмачи билан шартнома (контракт)лар тузиш ва имзолаш.


Синовлар буюртмачиси ва Марказ


Синовлар буюртмачиси мурожаат этган кундан бошлаб 5 кун мобайнида































2-босқич

Технологиялар ҳужжатларини ва технологияни бажаришда қатнашадиган қишлоқ хўжалиги ва мелиорация техникасини қабул қилиш.


Синовлар буюртмачиси ва Марказ


Тегишли агротехника муддати бошлангунгача 15 кундан кечикмай































3-босқич

Далада агрофонни ва технологияда ишлатиладиган қишлоқ хўжалиги ва мелиорация техникаси таркибини танлаш.


Буюртмачи вакили иштирокида Марказ


Синовларнинг ишчи дастурига мувофиқ































4-босқич

Агрозоотехник ва технологияда қатнашадиган техника намуналарининг фойдаланиш-технологик кўрсаткичларини аниқлаган ҳолда тажрибалар ўтказиш.


Буюртмачи вакили иштирокида Марказ


Синовларнинг ишчи дастурига мувофиқ































5-босқич

Қишлоқ хўжалиги экинининг ўсишини ҳисобга олиш ва кузатиш.


Марказ


Қишлоқ хўжалиги экини вегетацияси даврида































6-босқич

Технологияларнинг самарадорлигини аниқлаш.


Марказ


Синовларнинг ишчи дастурига мувофиқ































7-босқич

Синов натижаларини пухта ишлаш ва тавсиялар берган ҳолда синов баённомасини расмийлаштириш.


Марказ


Синовлар тугагандан кейин 10 кун мобайнида



       

       

"Ўзбекистон Республикаси қонун ҳужжатлари тўплами",

2013 йил 12 август, 32-сон, 426-модда


"Ўзбекистон Республикаси Ҳукуматининг қарорлари тўплами",

2013 йил, 8-сон, 49-модда









































Время: 0.0279
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск