Ўзбекистон Республикаси Вазирлар Маҳкамасининг 21.05.1996 й. 186-сон "Кейс корпорейшн" Америка фирмасининг ҳайдов тракторларини харид қилиш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

21.05.1996 й.

N 186

"КЕЙС КОРПОРЕЙШН" АМЕРИКА

ФИРМАСИНИНГ ҲАЙДОВ ТРАКТОРЛАРИНИ

ХАРИД ҚИЛИШ ТЎҒРИСИДА

Республика хўжаликларини жаҳон даражасидаги юқори унумли ҳайдов техникаси билан таъминлаш мақсадида Вазирлар Маҳкамаси ҚАРОР ҚИЛАДИ:

1. "Ўзқишлоқхўжаликтаъминоттузатиш" давлат-кооператив қўмитаси ва Ўзбекистон Республикаси Ташқи иқтисодий фаолият миллий банкининг 19,2 млн АҚШ долларига осма ускуналари билан бирга 150 та "Магнум-7240" тракторини, уларни қисман республикада йиfишни ҳисобга олган ҳолда, харид қилиш;

валюта ҳаражатларини контракт қийматининг 85 фоиз миқдорини АҚШнинг Эксимбанки суғуртаси остида хорижий банкларнинг кредитлари ҳисобига маблағ билан таъминлаш;

кредитларни 1997-2002 йиллар давомида "Ўзқишлоқхўжалик-таъминоттузатиш" давлат-кооператив қўмитаси машина-трактор паркларининг ўз маблағлари ҳисобидан тўлаш ҳақидаги таклифлари қабул қилинсин.

2. Ўзбекистон Республикаси Ташқи иқтисодий фаолият миллий банки -икки ой муддатда АҚШнинг Эксимбанки суғуртаси остида хорижий банклар билан кредит битимини ишлаб чиқишни ва тузишни тугалласин;

олинадиган кредитларнинг "Ўзқишлоқхўжаликтаъминоттузатиш" давлат-кооператив қўмитасига ўз вақтида қайта молияланишини таъминласин.

3. Ўзбекистон Республикаси Молия вазирига "Магнум-7240" моделидаги 150 та хайдов тракторини харид қилищ учун олинадиган кредитлар бўйича Ўзбекистон Республикаси Ҳукумати кафолатини имзолаш ваколати берилсин.

4. Махфий.

5. "Ўзқишлоқхўжаликмаш-холдинг" компанияси етказиб бериладиган ҳайдов тракторларини бутлаш учун деталлар ишлаб чиқарилишини таъминласин.

6. "Ўзқишлоқхўжаликтаъминоттузатиш" давлат-кооператив қўмитаси контрактни амалга ошириш билан шуғулланувчи хорижий мутахассислар учун визалар ва бошқа ҳужжатлар расмийлаштирилганлиги учун консуллик йиғимлари тўлашдан озод қилинсин.

7. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.

Вазирлар Маҳкамасининг Раиси                                              И. Каримов