ЎзССР Президентининг 31.05.1991 й. ПФ-215-сон "Республика қишлоқ хўжалиги аҳолисини овқат учун дон (буғдой) билан таъминлашга доир қўшимча чоралар тўғрисида"ги Фармони

Функция недоступна

ЎЗБЕКИСТОН СОВЕТ

СОЦИАЛИСТИК РЕСПУБЛИКАСИ

ПРЕЗИДЕНТИНИНГ

ФАРМОНИ

31.05.1991 й.

N ПФ-215

РЕСПУБЛИКА ҚИШЛОҚ АҲОЛИСИНИ ОВҚАТ

УЧУН ДОН (БУҒДОЙ) БИЛАН ТАЪМИНЛАШГА

ДОИР ҚЎШИМЧА ЧОРАЛАР ТЎҒРИСИДА

Республика қишлоқ аҳолисини овқат учун дон (буғдой) билан таъминлашни янада яхшилаш ва шахсий ёрдамчи хўжаликларда ғалла етиштиришни кўпайтиришни рағбатлантириш мақсадида:

1. Республика жамоа хўжаликлари ва давлат хўжаликларига 1991 йилда етиштирилган дон (буғдой) ҳосилининг ортиқчасини ғалла ўрими учун натура ҳолида тўловга қўшимча равишда ҳар бир қишлоқ оиласига, жумладан, пенсионерлар, врачлар, ўқитувчилар ва аҳолининг бошқа тоифалари оилаларига камида 100 килограмм дон (буғдой) сотишга рухсат этилсин.

2. Ўзбекистон ССР Президенти ҳузуридаги Вазирлар Маҳкамаси ушбу Фармонни амалга оширишга доир қарорни қабул қилсин, унда:

- шахсий ёрдамчи хўжаликларда ғалла етиштиришни кўпайтиришни рағбатлантириш чоралари тизмаси;

- ортиқча дон(буғдой) ни вилоятлар ўртасида қайта тақсимлаш;

- Қорақалпоғистон МССР Вазирлар Кенгашига ва вилоят ижроия қўмиталарига ортиқча дон (буғдой)ни районлар ўртасида тақсимлаш ҳуқуқини бериш кўзда тутилсин.

Ўзбекистон Совет Социалистик

Республикасининг Президенти                                              И. Каримов

"Ўзбекистон Республикаси Олий Кенгашининг Ахборотномаси", 1991 й., 7-сон, 136-модда