Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Ўз кучини йўқотган ҳужжатлар / Ёқилғи-энергетика комплекси /

Ўзбекистон Республикаси Вазирлар Маҳкамасининг 31.05.1994 й. 277-сон "Тошкент шаҳар автоёнилғи қуйиш шохобчалари ишини яхшилаш чора-тадбирлари тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

31.05.1994 й.

N 277



ТОШКЕНТ ШАҲАР АВТОЁНИЛҒИ ҚУЙИШ

ШОХОБЧАЛАРИ ИШИНИ ЯХШИЛАШ

ЧОРА-ТАДБИРЛАРИ ТЎҒРИСИДА


Тошкент шаҳар аҳолисига ва хорижий давлатларнинг ваколатхоналарига хизмат кўрсатишни, транзит автотранспорти ҳаракатини тубдан яхшилаш, автоёнилғи қуйиш шохобчаларини реконструкция қилиш ва техник қайта жиҳозлаш, янгиларини қуриш, шунингдек, автотранспорт воситалари эгалари учун сервис хизматлари кўрсатишни кенгайтириш мақсадида Вазирлар Маҳкамаси ҚАРОР ҚИЛАДИ:


1. "Ўздавнефтмаҳсулот" бирлашмаси томонидан ишлаб чиқилган автоёнилғи қуйиш шохобчалари ишини яхшилаш, эскиларини реконструкция қилиш, ҳозирги замон талабларига жавоб берадиган янги АЁҚШларни қуриш, шахсий автотранспорт эгаларига ва хорижий ваколатхоналарга сервис хизмати кўрсатишни кенгайтиришга оид чора-тадбирлар (илова қилинади)* маъқуллансин.


2. "Ўздавнефтмаҳсулот" бирлашмаси (Тожиев) Тошкент шаҳар ҳокимлиги (Фозилбеков) билан биргаликда шу йилнинг 15 июнигача сервис хизмати кўрсатиш, автомашиналар туриш жойлари бўлган, ҳозирги замон талабларига жавоб берадиган янги автоёнилғи шохобчалари қуриш, шунингдек, эски АЁҚШларни реконструкция қилиш учун лойиҳа-смета ҳужжатларини тайёрласин.


3. Тошкент шаҳар ҳокими А. Фозилбеков тугатиладиган автоёнилғи қуйиш шохобчалари ўрнига янгиларини қуриш учун ер майдонлари ажратсин.


4. Янги автоёнилғи қуйиш шохобчаларини қуриш ва эскиларини реконструкция қилиш вазифаси қуйидаги қурилиш ташкилотларига топширилсин:

"Ўзсаноатхўжаликқурилиш" давлат корпорацияси тегишлича - 2 ва 8 та, "Тошкентқурилиш" давлат корпорацияси - 2 ва 8 та, "Ўзсувқурилиш" давлат концерни, "Ўзнефтгаз қурилиш", "Ўздеҳқончиликқурилиш", "Ўзколхозқурилиш" бирлашмалари биттадан АЁҚШлари, "Ўзбектрансқурилиш" давлат уюшмаси эса битта АЁҚШ ва техник мойларни қадоқлаш корхонаси қуриб берсин.

Ишлар "Ўздавнефтмаҳсулот" бирлашмаси билан тузилган шартномага кўра амалга оширилсин, янги автоёнилғи қуйиш шохобчалари қурилиши шу йилнинг октябрь ойида, эски АЁҚШларни реконструкция қилиш шу йилнинг ноябрь ойида тугаллансин.


5. "Ўзулгуржибиржасавдо" уюшмаси (Шаропов), "Ўзқурилишматериаллари" давлат концерн и (Ибобеков) "Ўздавнефтмаҳсулот", "Ўздеҳқончиликқурилиш", "Ўзнефтгазқурилиш", "Ўзколхозқурилиш" бирлашмаларини, "Тошкентқурилиш", "Ўзсаноатхўжаликқурилиш" давлат корпорацияларини, "Ўзбектрансқурилиш" уюшмаси ва "Ўзсувқурилиш" давлат концернини уларнинг талабномалари ва ишларни амалга ошириш муддатларига мувофиқ зарур материаллар билан таъминласинлар.

7. "Ўздавнефтмаҳсулот" бирлашмаси раҳбарияти икки ҳафта муддатда янги автоёнилғи қуйиш шохобчалари қурилишида, ишлаб турганларини реконструкция қилишда иштирок этган ходимларни ишлар юксак сифат билан бажарилган объектларни муддатидан илгари топширганлик учун мукофотлаш шартларини ишлаб чиқсин.


8. "Ўзсаноатқурилишбанк" "Ўздавнефтмаҳсулот" бирлашмасига 9 та замонавий автоёнилғи қуйиш шохобчалари қурилиши ва 16 та АЁҚШни реконструкция қилиниши учун белгиланган тартибда 6 ой муддат билан 15 млрд сўм-купон кредит ажратсин.


9. Мазкур қарорнинг бажарилишини назорат қилиш Бош вазир ўринбосари Қ. Ҳаққулов зиммасига юклансин.



Вазирлар Маҳкамасининг Раиси                                                       И. Каримов



*) Илова рус тилидаги матнда берилган.










































Время: 0.0042
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск