Ўзбекистон Республикаси Вазирлар Маҳкамасининг 03.04.1995 й. 112-сон "Ал Ҳаким Ат-Термизий хотирасига бағишланган миллий кураш бўйича 11 ҳалқаро турнирни ташкил этиш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

03.04.1995 й.

N 112

АЛ ҲАКИМ АТ-ТЕРМИЗИЙ ХОТИРАСИГА

БАҒИШЛАНГАН МИЛЛИЙ КУРАШ

БЎЙИЧА 11 ҲАЛҚАРО ТУРНИРНИ

ТАШКИЛ ЭТИШ ТЎҒРИСИДА

Ёш авлодни миллий анъаналар ва қадриятларимиз асосида ҳар томонлама баркамол тарбиялаш ҳамда миллий курашнинг турларини ривожлантириш мақсадида Вазирлар Маҳкамаси ҚАРОР ҚИЛАДИ:

1. Ўзбекистон Республикаси Давлат жисмоний тарбия ва спорт қўмитаси ҳамда Сурхондарё вилояти ҳокимлигининг Ал Ҳаким Ат-Термизий хотирасига бағишлаб ҳар икки йилда бир маротаба миллий кураш бўйича халқаро турнир ўтказиш тўғрисидаги таклифи қабул қилинсин.

2. Халқаро турнирнинг мутлақ ғолибига Ўзбекистон Республикаси Президентининг махсус соврини таъсис этилган.

3. Халқаро турнирни ўтказиш билан боғлиқ сарф-харажатлар Сурхандарё вилояти маҳаллий бюджетидан қопланиши маълумот учун  қабул қилинсин.

4. Оммавий ахборот воситалари миллий курашни аҳоли, айниқса, ёшлар ўртасида кенг тарғиб этишга эътиборни кучайтирсин.

5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари С. Саидқосимов зиммасига юклансин.

Вазирлар Маҳкамасининг Раиси                                               И. Каримов