Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Давлат ҳуқуқий тизими асослари / Ўз кучини йўқотган ҳужжатлар / Ўзбекистон Республикаси Олий Мажлиси (Парламент) /

Ўзбекистон Республикаси Олий Мажлиси Кенгашининг 18.04.2000 й. 51-II-сон "Ўзбекистон Республикаси Олий Мажлиси депутатининг гувоҳномаси ва кўкрак нишони тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ОЛИЙ МАЖЛИСИ КЕНГАШИНИНГ

ҚАРОРИ

18.04.2000 й.

N 51-II




ЎЗБЕКИСТОН РЕСПУБЛИКАСИ

ОЛИЙ МАЖЛИСИ ДЕПУТАТИНИНГ

ГУВОҲНОМАСИ ВА КЎКРАК НИШОНИ

ТЎҒРИСИДА


Ўзбекистон Республикаси Олий Мажлисининг Кенгаши ҚАРОР ҚИЛАДИ:


1. "Ўзбекистон Республикаси Олий Мажлиси депутатининг гувоҳномаси тўғрисидаги Низом" тасдиқлансин (илова қилинади).


2. Ўзбекистон Республикаси Олий Мажлиси депутати гувоҳномасининг тавсифи тасдиқлансин (илова қилинади).


3. Ўзбекистон Республикаси Олий Мажлиси депутати гувоҳномасининг транспортда бепул юриш ҳуқуқини берадиган илова варақасининг тавсифи тасдиқлансин (илова қилинади).


4. "ОЛИЙ МАЖЛИС ДЕПУТАТИ" кўкрак нишони тўғрисидаги Низом тасдиқлансин (илова қилинади).


5. "ОЛИЙ МАЖЛИС ДЕПУТАТИ" кўкрак нишонининг тавсифи тасдиқлансин (илова қилинади).

"ОЛИЙ МАЖЛИС ДЕПУТАТИ" кўкрак нишонига ташқи кўриниши билан ўхшаш бўлган кўкрак нишонлари тайёрланишига йўл қўйилмайди.



Ўзбекистон Республикаси

Олий Мажлисининг Раиси                                                 Э. Халилов




Ўзбекистон Республикаси

Олий Мажлиси Кенгашининг

2000 йил 18 апрелдаги

51-II-сон Қарори билан

ТАСДИҚЛАНГАН



ЎЗБЕКИСТОН РЕСПУБЛИКАСИ

ОЛИЙ МАЖЛИСИ ДЕПУТАТИНИНГ

ГУВОҲНОМАСИ ТЎҒРИСИДА

НИЗОМ


1. Ўзбекистон Республикаси Олий Мажлиси депутатининг гувоҳномаси Олий Мажлис депутатининг Ўзбекистон Республикаси Конституцияси ва бошқа қонунлар билан белгилаб қўйилган ваколатларини тасдиқловчи ҳужжатдир.


2. Гувоҳнома Олий Мажлис депутатига Ўзбекистон Республикаси Марказий сайлов комиссиясининг Раиси ёки унинг ўринбосари томонидан депутат Ўзбекистон Республикаси Марказий сайлов комиссияси томонидан рўйхатга олинганидан кейин берилади.

Олий Мажлис депутатига гувоҳнома билан бир вақтда давлат йўловчилар транспортининг барча турларида қонун ҳужжатларида белгиланган тартибда бепул юриш ҳуқуқини берувчи гувоҳноманинг илова варақаси ҳам берилади.


3. Ўзбекистон Республикаси Олий Мажлиси депутати унга берилган гувоҳномадан ўз ваколатлари муддати давомида фойдаланади.

Ўзбекистон Республикаси Олий Мажлисининг ваколат муддати тугаганидан кейин гувоҳнома депутат этиб сайланган шахсда қолади. Олий Мажлис депутатининг ваколатлари муддатдан илгари тўхтатилган тақдирда, гувоҳнома Ўзбекистон Республикаси Олий Мажлиси Котибиятининг Умумий бўлимига қайтарилиши керак.




Ўзбекистон Республикаси

Олий Мажлиси Кенгашининг

2000 йил 18 апрелдаги

51-II-сон Қарори билан

ТАСДИҚЛАНГАН



ЎЗБЕКИСТОН РЕСПУБЛИКАСИ ОЛИЙ

МАЖЛИСИ ДЕПУТАТИ ГУВОҲНОМАСИНИНГ

ТАВСИФИ


Ўзбекистон Республикаси Олий Мажлиси депутатининг гувоҳномаси 95Х65 миллиметр катталикдаги тўқ қизил рангли қаттиқ чарм муқовали китобча кўринишига эга. Гувоҳноманинг олд томон чап қисмининг юқорисига Ўзбекистон Республикаси Давлат байроғининг металдан тайёрланган ўхшаш тасвири ўрнатилган бўлиб, пастда эса ўнгроқда уч сатрда "ЎЗБЕКИСТОН ОЛИЙ МАЖЛИСИНИНГ ДЕПУТАТИ" деган матн жойлашган.

Гувоҳнома ички сўл томонининг чапдаги юқори қисмига Ўзбекистон Республикаси Давлат гербининг тасвири туширилган, пастроқда эса беш сатрда - Олий Мажлис чақириғини ифодаловчи рақам, "CHAQIRIQ", "ЧАҚИРИҚ" сўзлари, шунингдек Олий Мажлис сайланган йилни ва ваколати тугайдиган йилни кўрсатувчи рақамлар жойлашган.

Гувоҳнома сўл томонининг ўнгдаги юқори қисмига бир сатрда "O`ZBEKISTON RESPUBLIKASI", сўзлари, пастроқда "GUVOHNOMA" сўзи ёзилган бўлиб, унда ўнгроқда гувоҳноманинг тартиб рақами қўйилади.

Ушбу матндан пастроқда алоҳида сатрда депутатнинг фамилияси, исми ва отасининг исми, шунингдек икки сатрда "O`zbekiston Respublikasi Oliy Majlisining deputatidir" деган матн жойлашган.

Гувоҳнома ички сўл томонидаги матнлар лотин ҳарфида ёзилади. "Чақириқ" сўзи лотин ҳарфларида ёзилиб, кириллицада такрорланади.

Гувоҳнома ички ўнг томонининг чап қисмида депутатнинг 30Х40 миллиметр катталикдаги рангли фотосурати жойлаштирилади. Фотосурат ўнг томонининг патски бурчагига Ўзбекистон Республикаси Марказий сайлов комиссиясининг гербли муҳри босилади.

Гувоҳнома ўнг томонининг юқори қисмида бир сатрда: "ЎЗБЕКИСТОН РЕСПУБЛИКАСИ" сўзлари, пастроқда бир сатрда "ГУВОҲНОМА" сўзи жойлаштирилган бўлиб, ундан ўнгроқда гувоҳноманинг тартиб рақами қўйилади.

Ушбу матндан пастроқда алоҳида сатрда депутатнинг фамилияси, исми ва отасининг исми, шунингдек икки сатрда: "Ўзбекистон Республикаси Олий Мажлисининг депутатидир" деган матн жойлаштирилади.

Депутатнинг фотосурати тагига "Ўзбекистон Республикаси Марказий сайлов комиссиясининг Раиси" деган матн жойлаштирилади. Марказий сайлов комиссиясининг Раиси имзоси, исмининг бош ҳарфи ва фамилияси қўйилади.

Гувоҳноманинг ўнг томонидаги матн кириллицада ёзилади.

Гувоҳноманинг ички томонлари оч сарғиш рангдаги махсус қоғоздан тайёрланган ва шаффоф плёнка билан қопланган.

Ўзбекистон Республикаси Давлат герби рангли тасвирда босилади. Олий Мажлис чақириғини, сайланган йилини ҳамда ваколати тугайдиган йилни кўрсатувчи рақамлар, лотин ҳарфларида ва кириллицада ёзилган "ЎЗБЕКИСТОН РЕСПУБЛИКАСИ" ва "ЧАҚИРИҚ" сўзлари, гербли кичик муҳр қизил рангда, қолган матн эса қора рангда берилади.

Гувоҳноманинг ўнг томонида Олий Мажлис депутатига транспортда бепул юриш ҳуқуқини берувчи гувоҳноманинг илова варақаси учун махсус қинча бор.




Ўзбекистон Республикаси

Олий Мажлиси Кенгашининг

2000 йил 18 апрелдаги

51-II-сон Қарори билан

ТАСДИҚЛАНГАН



ЎЗБЕКИСТОН РЕСПУБЛИКАСИ ОЛИЙ

МАЖЛИСИ ДЕПУТАТИ ГУВОҲНОМАСИНИНГ

ТРАНСПОРТДА БЕПУЛ ЮРИШ ҲУҚУҚИНИ

БЕРАДИГАН ИЛОВА ВАРАҚАСИНИНГ

ТАВСИФИ


Ўзбекистон Республикаси Олий Мажлиси депутати гувоҳномасининг транспортда бепул юриш ҳуқуқини берадиган илова варақаси 80Х55 миллиметр катталикдаги оқ рангдаги қаттиқ қоғоздан тайёрланади.

Илова варақаси олд томонининг юқориқисмида қизил рангда Ўзбекистон Республикаси Давлат герби тасвири туширилган, гербнинг ўнг томонида икки сатрда: "ЎЗБЕКИСТОН РЕСПУБЛИКАСИ ОЛИЙ МАЖЛИСИ ДЕПУТАТИ" сўзлари бор.

Гувоҳнома илова варақасининг қолган матни қора рангда босилади.

Илова варақасининг марказида гувоҳноманинг тартиб рақами ва "ГУВОҲНОМАГА" деган ёзув жойлашади. Мазкур матннинг тагида депутатнинг исми ва отаси исмининг бош ҳарфлари ҳамда фамилияси қўйилади. Ундан сўнг ҳамда илова варақасининг орқа томонида қуйидаги мазмундаги матн жойлаштирилади: "Ўзбекистон Республикаси қонун ҳужжатларига биноан Олий Мажлис депутати Ўзбекистон Республикаси ҳудудидаги барча турдаги давлат пассажир транспортида (такси, бошқа транспорт турларининг буюртма йўналишлари, шунингдек шаҳар йўловчилар транспорти бундан мустасно) текин юриш ҳуқуқидан фойдаланади.

Олий Мажлис депутати ўз гувоҳномасини кўрсатганидан кейин темир йўл вокзаллари ва станцияларининг чипта сотадиган кассалари, фуқаролик авиацияси агентлиги ёки аэропортлар Олий Мажлис депутатига поезднинг ётоқли ёки юмшоқ ўриндиқли вагонидан, самолёт салонидан навбатсиз жой беришлари шарт. Депутат Олий Мажлис сессиясига бораётганида унга самолёт чипталари учишдан камида икки соат олдин, бошқа ҳолларда эса камида бир сутка олдин берилади.

Чиптасида ўриндиқнинг тартиб рақами ҳам кўрсатиладиган шаҳарлараро, шунингдек шаҳар атрофига қатновчи автобусларда Олий Мажлис депутати автовокзаллар ва автостанцияларнинг кассаларидан навбатсиз олинадиган бепул чипта билан юради.

Бошқа барча ҳолларда Олий Мажлис депутати давлат пассажир транспортида (таксидан ва транспорт бошқа турларининг буюртма йўналишлари, шунингдек шаҳар йўловчилар транспорти бундан мустасно) Олий Мажлис депутатининг гувоҳномасини кўрсатиш орқали қатнайди.

Олий Мажлис депутати транспортнинг ҳар бир турида амалда бўлган нормаларга мос оғирликдаги қўл юкини бепул олиб юриш ҳуқуқига эга".




Ўзбекистон Республикаси

Олий Мажлиси Кенгашининг

2000 йил 18 апрелдаги

51-II-сон Қарори билан

ТАСДИҚЛАНГАН



"ОЛИЙ МАЖЛИСИ ДЕПУТАТИ"

КЎКРАК НИШОНИ ТЎҒРИСИДА

НИЗОМ


1. "ОЛИЙ МАЖЛИС ДЕПУТАТИ" кўкрак нишони Олий Мажлис депутатига Ўзбекистон Республикаси Марказий сайлов комиссиясининг Раиси ёки унинг ўринбосари томонидан депутат Ўзбекистон Республикаси Марказий сайлов комиссияси томонидан рўйхатга олинганидан кейин берилади.


2. Кўкрак нишони кўкракнинг чап томонига тақилади.


3. Депутатнинг ваколат муддати тугаганида ёки унинг ваколатлари муддатидан илгари тўхтатилганда кўкрак нишонини тақиб юриш ҳуқуқи тўхтатилади.

Олий Мажлиснинг ваколат муддати тугаганидан кейин кўкрак нишони депутат этиб сайланган шахсда қолади. Депутатнинг ваколати муддатдан илгари тўхтатилган тақдирда кўкрак нишони Ўзбекистон Республикаси Олий Мажлиси Котибиятининг Умумий бўлимига қайтарилиши керак.




Ўзбекистон Республикаси

Олий Мажлиси Кенгашининг

2000 йил 18 апрелдаги

51-II-сон Қарори билан

ТАСДИҚЛАНГАН



"ОЛИЙ МАЖЛИСИ ДЕПУТАТИ"

КЎКРАК НИШОНИНИНГ

ТАВСИФИ


"ОЛИЙ МАЖЛИС ДЕПУТАТИ" кўкрак нишони Ўзбекистон Республикаси Давлат байроғи тасвирига ўхшаш кўринишда бўлади.

Депутат кўкрак нишонининг асоси мис қотишмадан тайёрланади. Нишоннинг сирт томони мовий, оқ ва яшил рангдаги эмаль билан қопланган. Оқ йўл мовий ва яшил йўллардан қизил рангдаги эмаль қопланган ҳошия билан ажралиб туради. Нишондаги тасвирлар, "ДЕПУТАТИ" деган ёзув, нишон қираллари ҳамда орқа томони зарҳал қилиб, "ОЛИЙ МАЖЛИС" деган ёзув эса қилзил рангдаги эмаль билан ишланган.

Нишоннинг чапдаги юқори бурчагида мовий фонда ярим ой ва ундан ўнгроқда ўн иккита беш қиррали юлдуз тасвирланган. Ярим ой вертикал ҳолатда жойлаштирилган, юлдузлар вертикал ва горизонтал бўйича қуйидаги тартибда жойлаштирилган: юқори қаторда - учта юлдуз, ўрта қаторда - тўртта юлдуз, қуйи қаторда - бешта юлдуз.

"ОЛИЙ МАЖЛИС" ёзуви нишоннинг оқ ҳошиясида, "ДЕПУТАТИ" ёзуви яшил ҳошиясида битилган.

Нишоннинг орқа томнида сайлов округи ва депутат гувоҳномасининг тартиб рақамига мос келадиган рақам кўрсатилади.

Нишон тўғноғич билан тақилади.

Нишоннинг катталиги 32Х21 миллиметр.

"Ўзбекистон Республикаси Олий Мажлисининг Ахборотномаси",

2000 йил, 4-сон, 127-модда


































Время: 0.0195
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск