Ўзбекистон Республикаси Президенти ҳузуридаги Вазирлар Маҳкамасининг 20.07.1992 й. 334-сон "Ўзбекистон ёшларини чет мамлакатларга ўқишга юбориш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИ ҲУЗУРИДАГИ

ВАЗИРЛАР МАҲКАМАСИНИНГ

ҚАРОРИ

20.07.1992 й.

N 334

ЎЗБЕКИСТОН ЁШЛАРИНИ ЧЕТ

МАМЛАКАТЛАРГА ЎҚИШГА

ЮБОРИШ ТЎFРИСИДА

Бозор иқтисодиётига ўтиш шароитида кадрлар ва илмий ходимлар тайёрлаш соҳасидаги давлатлараро битимларни бажариш, халқ хўжалиги тармоқларини юқори малакали мутахассислар билан таъминлаш, фан ва таълим соҳаларида ўзаро муносабатларни рағбатлантириш, маданият, тил ва адабиётни ривожлантириш ва ўзаро бойитиш, ёшларнинг дунёқарашини кенгайтириш, шунингдек чет мамлакатларнинг ўқув юртларида Ўзбекистон вакилларининг таълим олишлари учун қулай шароитлар яратиш мақсадида Вазирлар Маҳкамаси ҚАРОР ҚИЛАДИ:

1. Белгилаб қўйилсинки, давлат идоралари томонидан тузилган битим ва шартномаларга мувофиқ, чет мамлакатларга ўқишга юборилаётган шахсларга ўқишга бориш ва ватанига қайтиб келиш, шунингдек, таътил вақтида, аммо бир йилда кўпи билан бир марта келиб-кетиш харажатлари тегишли вазирликлар ва идоралар томонидан тўланади.

2. Ўзбекистон Республикаси Ташқи иктисодий фаолият миллий банки Туркия Республикасига ўқишга бораётган ҳар бир кишининг тижорат курси бўйича АҚШнинг 50 долларигача миқдорда валюта сотиб олишига ёрдам берсин.

3. Вазирликлар ва идоралар чет мамлакатларга ўқишга юборилаётган етим талабалар ва ўқувчиларни АҚШнинг 50 долларигача миқдорда валюта сотиб олиш учун бир йўла кўрсатиладиган ёрдам билан таъминласинлар.

4. Ўзбекистон Республикаси Молия вазирлиги вазирликлар ва идораларнинг талабномалари бўйича ҳар йили ушбу қарорнинг 1 ва 3-бандларида назарда тутилган маблағларни ажратсин.

5. Ушбу қарорнинг бажарилишини назорат қилиш Бош вазир ўринбосари ўртоқ М.Қ. Қорабоев зиммасига юклансин.

Ўзбекистон Республикасининг Бош вазири                             А. Муталов