Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Ўз кучини йўқотган ҳужжатлар / Қурилиш ва архитектура /

Ўзбекистон Республикаси Вазирлар Маҳкамасининг 04.05.1998 й. 188-сон "Фарғона "Азот" ишлаб чиқариш бирлашмасида аммиак, карбамид ва меламин ишлаб чиқариш бўйича янги қувватларни барпо этиш чора-тадбирлари тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

04.05.1998 й.

N 188



ФАРҒОНА "АЗОТ" ИШЛАБ ЧИҚАРИШ

БИРЛАШМАСИДА АММИАК, КАРБАМИД

ВА МЕЛАМИН ИШЛАБ ЧИҚАРИШ БЎЙИЧА

ЯНГИ ҚУВВАТЛАРНИ БАРПО ЭТИШ

ЧОРА-ТАДБИРЛАРИ ТЎҒРИСИДА

Вазирлар Маҳкамасининг "1998-2002 йилларда Ўзбекистон кимё саноати корхоналарини комплекс ривожлантириш Дастури тўғрисида" 1998 йил 25 мартдаги 129-сон қарорини бажариш юзасидан Фарғона "Азот" ишлаб чиқариш бирлашмасида экспортга мўлжалланган ишлаб чиқаришларни барпо этиш мақсадида Вазирлар Маҳкамаси ҚАРОР ҚИЛАДИ:


1. Қуйидагилар:

"Бектел Интернейшнл Инки компанияси Фарғона "Азот" ишлаб чиқариш бирлашмасида йилига 200 минг тонна карбамид, 20 минг тонна меламин ишлаб чиқарадиган қувватларни ташкил этиш ва карбамид ишлаб чиқариш бўйича қувватларни йилига 330 минг тоннадан 495 минг тоннагача кўпайтириш лойиҳаси бўйича бош контрактор сифатида белгиланганлиги;

"Бектел Интернейшнл Инк" компанияси томонидан лойиҳа, инжинирингдан бошлаб қурилмаларни лойиҳа қувватига чиқарган ҳолда, фойдаланишга тайёр қилиб ишга туширишгача бўлган барча ишлар комплексини ўз ичига олувчи шартларда амалга оширилиши;

"Бектел Интернейшнл Инк" компанияси мазкур лойиҳани амалга ошириш учун жалб қилинадиган кредит ресурсларининг АҚШ Эксимбанки ва бошқа экспорт-суғурта агентликларида суғурталаш масалаларини ҳал этишни ўз зиммасига олиши;

"Ўзкимёсаноат" уюшмаси, Фарғона "Азот" ишлаб чиқариш бирлашмаси ва "Бектел Интернейшнл Инк" компанияси ўртасида лойиҳанинг техник-иқтисодий асосланишини ишлаб чиқиш компания маблағлари ҳисобига 1998 йилнинг 1 июлигача тугалланишини назарда тутувчи битим имзоланганлиги;

Фарғона "Азот" ишлаб чиқариш бирлашмаси томонидан "Бектел Интернейшнл Инк" компанияси билан дастлабки инжинирингни, лойиҳа бўйича капитал харажатларни баҳолаш ва маблағ билан таъминлашни ташкил этишни ўз ичига олувчи базавий лойиҳани ишлаб чиқиш юзасидан контракт имзоланганлиги;

базавий лойиҳанинг ишлаб чиқилишини маблағ билан таъминлашга "Дойч Морган Гренфел" банки розилиги мавжудлиги маълумот учун қабул қилинсин.


2. Вазирлар Маҳкамасининг Инвестиция дастурлари департаменти "Ўзкимёсаноат" уюшмаси, Ўзбекистон Республикаси Макроиқтисодиёт ва статистика вазирлиги, Молия вазирлиги, Ташқи иқтисодий алоқалар вазирлиги ва Ташқи иқтисодий фаолият миллий банкини жалб қилган ҳолда лойиҳанинг техник-иқтисодий асосланиши олингандан сўнг уни икки ҳафта муддатда кўриб чиқсин ва Ўзбекистон Республикаси Вазирлар Маҳкамаси тасдиқлаши юзасидан таклиф киритсин.


3. Лойиҳани амалга ошириш жадвали иловага* мувофиқ тасдиқлансин.


4. Макроиқтисодиёт ва статистика вазирлиги мазкур лойиҳани Ўзбекистон Республикасининг 1999 йилги ва кейинги йиллардаги Инвестиция дастурига киритишни назарда тутсин.


5. "Ўзкимёсаноат" уюшмаси:

бир ҳафта муддатда Фарғона "Азот" ишлаб чиқариш бирлашмаси томонидан "Бектел Интернейшнл Инк" компанияси билан имзоланган базавий лойиҳани ишлаб чиқиш юзасидан контрактга, контракт қийматини 6 млн АҚШ долларигача камайтирган ҳолда, ишлар ҳажмидан техник-иқтисодий асослашни чиқариб ташлаб тегишли тузатишлар киритсин;

лойиҳани амалга ошириш муддатини қисқартириш мақсадида "Бектел Интернейшнл Инк" компанияси билан узил-кесил контрактнинг кучга киришига кўра тайёрлаш жараёни узоқ бўлган асбоб-ускуналарга буюртманомаларни биринчи навбатда жойлаштириш, аммиак ишлаб чиқариш қурилмаларини 2000 йил охирида, карбамид ва меламин ишлаб чиқариш қурилмаларини 2001 йилнинг биринчи чорагида ишга туширган ҳолда объектларда қурилиш-монтаж ишларини 1999 йилнинг иккинчи чорагида бошлаш имкониятлари ва шартларини келишиб олсин.


6. Ўзбекистон Республикаси Ташқи иқтисодий алоқалар вазирлиги базавий лойиҳани ишлаб чиқиш юзасидан контрактни белгиланган тартибда рўйхатдан ўтказсин.


7. Ўзбекистон Республикаси Ташқи иқтисодий фаолият миллий банки:

"Дойч Морган Гренфел" банки билан базавий лойиҳани ишлаб чиқиш юзасидан контрактни маблағ билан таъминлаш юзасидан бир ой муддатда кредит битимини тузсин ва "Ўзкимёсаноат" уюшмаси маблағларини қайта молиялаштирсин;

"Ўзкимёсаноат" уюшмаси ва "Бектел Интернейшнл Инк" компанияси билан биргаликда импорт бўйича технологик асбоб-ускуналарни ва материалларни етказиб беришни, инжиниринг ишларини ўтказиш ва объектларни қуриш харажатларини АҚШ Эксим-банки ва бошқа мамлакатлар экспорт-суғурта агентликлари орқали маблағ билан таъминлашни ишлаб чиқсин.


8. Белгилаб қўйилсинки, базавий лойиҳани ишлаб чиқиш юзасидан кредитни қайтариш кимё саноатини ривожлантириш дастурини амалга ошириш учун 1999 йилда Ўзбекистон Республикаси Инвестиция дастурида "Ўзкимёсаноат" уюшмасига назарда тутиладиган маблағлар ҳисобидан амалга оширилади.


9. Молия вазири базавий лойиҳани ишлаб чиқиш учун жалб қилинадиган валюта кредити бўйича "Дойч Морган Гренфел" банкига ва Ўзбекистон Республикаси Ташқи иқтисодий фаолият миллий банкига Ўзбекистон Республикаси Ҳукумати кафолатини белгиланган тартибда беришга вакил қилинсин.


10. Адлия вазирлиги амалдаги қонун ҳужжатларига мувофиқ Ўзбекистон Республикаси Ҳукумати кафолатлари бўйича юридик хулосаларни расмийлаштирсин.


11. Ўзбекистон Республикаси Ташқи ишлар вазирлиги "Ўзкимёсаноат" уюшмаси буюртманомалари бўйича компания ва унинг субпудратчилари ходимларига, визаларни расмийлаштириш учун консуллик йиғимлари тўлашдан озод этган ҳолда, кўп марталик келиш-кетиш визалари белгиланган тартибда берилишини таъминласин.


12. Вазирлар Маҳкамасининг 1996 йил 26 июлдаги 264-сон қарори ўз кучини йўқотган деб ҳисоблансин.


13. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.



Вазирлар Маҳкамасининг Раиси                                             И. Каримов



*) Илова рус тилидаги матнда берилган.











































Время: 0.0304
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск