Ўзбекистон Республикаси Президентининг 26.07.1995 й. ПФ-1207-сон "Хусусий тадбиркорлик ва кичик бизнесни суғурта йўли билан ҳимоя қилувчи Агентликни ташкил қилиш тўғрисида"ги Фармони

Функция недоступна

ЎЗБFКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

26.07.1995 й.

N ПФ-1207

ХУСУСИЙ ТАДБИРКОРЛИК ВА КИЧИК

БИЗНЕСНИ СУҒУРТА ЙЎЛИ БИЛАН

ҲИМОЯ ҚИЛУВЧИ АГЕНТЛИКНИ

ТАШКИЛ ҚИЛИШ ТЎҒРИСИДА

Хусусан тадбиркорликни ва кичик бизнесни жадал рнвожлантириш, тадбиркорлик ҳаракатининг давлат томонидан қўллаб-қувватланишини ҳамда кредиторларга қарз капитали эвазига кафолатлар берилишини кўзда тутувчи дастурларни рўёбга чиқариш учун қулай шарт-шароитларни вужудга келтириш мақсадида:

1. Ташқи иқтисодий фаолият Миллий банкининг, "Ўзсаноатқурилишбанк", "Ўздеҳқончиликсаноатбанк", "Тадбиркорбанк", "Савдогарбанк", "Мевасабзавотбанк"нинг, Тадбиркорлар уюшмасининг, Шахсий ёрдамчи хўжаликлар уюшмасинииг, Ишбилармон хотин қизлар уюшмасининг "Мадад" суғурта агентлигини ташкил этиш тўғрисидаги таклифи қабул қилинсин.

"Мадад" агентлиги муассисларининг агентлик устав жамғармасини 10 миллион сўм миқдорида шакллантириш ҳақидаги таклифи маъқуллансин.

2. Белгилаб қўйилсинки, "Мадад" суғурта агентлиги:

юридик шахс ҳуқуқига  бўлган очиқ турдаги ҳиссад.орлик жамияти ҳисобланади ва ўз фаолиятини Уставга мувофиқ тўла ҳўжалик ҳисоби принциплари асосида ташкил қилади, Қорақалпоғистон Республикасида ва вилоятларда ўз бўлинмаларига эга бўлади;

3. Қуйидагилар "Мадад" суғурта агентлиги фаолиятнинг асосий йўналишлари этиб белгилансин:

- ҳусусий тадбиркорлар ва кичик бизнесга кредитлар, шу жумладан имтиёзли кредитлар олиш учун тақдим этиладиган инвестиция лойиҳаларини баҳолаш ва экспертиза қилиш;

- тадбиркорлик таваккалчиликларидан имтиёзли шартлар асосида суғурта йўли билан ҳимоя этиш, кредитлар қопланмаганлиги учун қарздорнинг масъулиятини суғурталаш;

- республикада хусусий тадбиркорликни ва кичик бизнесни ривожлантиришга йўналтириладиган хорижий сармояларини суғурта йўли билан ҳимоя қилинишни таъминлаш.

4. "Мадад" агентлигининг муваффақиятли фаолият кўрсатиши учун Ўзбекистон Республикасининг Молия вазирлиги унинг суғурта жамғармасини шакллантиришга 100 миллион сўм миқдорида фоизсиз ссуда ажратиб берсин.

5. "Мадад" суғурта агентлиги қонунда белгиланган солиқлар, шунингдек мажбурий тўловлар тўлашдан уч йилга озод қилишсин, маблағларнииг шу қисми суғурта жамғармасини тўлдиришга ва уни техника билан  жиҳозлашга сарфланиши белгилаб қўйилсин.

6. Вазирлар Маҳкаманинг бир ҳафта муддат ичида "Мадад" суғурта агентлигининг фаолиятини ташкил этиш масалалари юзасидан қарор қабул қилсин.

Ўзбекистон Рсспубликасининг Президенти                             И. Каримов