ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Божхона қонунчилиги / Божхона тўловлари / Божхона тўловлари бўйича имтиёзлар /

Ўзбекистон Республикаси Вазирлар Маҳкамасининг 20.02.2004 й. 79-сон "Тошкент шаҳрининг Юнусобод туманида Универсал спорт саройи қуриш тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

20.02.2004 й.

N 79



ТОШКЕНТ ШАҲРИНИНГ ЮНУСОБОД

ТУМАНИДА УНИВЕРСАЛ СПОРТ

САРОЙИ ҚУРИШ ТЎҒРИСИДА



Ўзбекистон Республикаси Президентининг "Ўзбекистон Болалар спортини ривожлантириш жамғармасини тузиш тўғрисида" 2002 йил 24 октябрдаги ПФ-3154-сон Фармонини бажариш юзасидан ҳамда ўсиб келаётган авлоднинг жисмоний тарбия ва спорт билан оммавий шуғулланишини кенгайтириш мақсадида Вазирлар Маҳкамаси ҚАРОР ҚИЛАДИ:


1. "Ўзбексавдо" акциядорлик компанияси ва Тошкент шаҳар ҳокимлигининг Тошкент шаҳрининг Юнусобод туманида Универсал спорт саройи қуриш тўғрисидаги таклифи маъқуллансин.


2. Қуйидагилар:

"Ўзбексавдо" акциядорлик компанияси "Универсал спорт саройи" қурилишининг буюртмачиси;

"ТошкентбошпланЛИТИ" давлат корхонаси бош лойиҳалаштирувчи;

"ГАБУС" қурилиш-инвестиция фирмаси бош пудратчи қурилиш ташкилоти;

2004 йилнинг IV чораги қурилиш тамомланадиган муддат этиб белгилансин.


3. Универсал спорт саройини лойиҳалаштириш ва қуришга субпудратчи ташкилотларни аниқлаш, қурилиш материаллари, конструкциялар ва асбоб-ускуналар, шу жумладан хорижий шерикларнинг қурилиш материаллари, конструкциялари ва асбоб-ускуналарини сотиб олиш "Ўзбексавдо" акциядорлик компанияси томонидан Ўзбекистон Республикаси Давлат архитектура ва қурилиш қўмитаси, бош лойиҳалаштирувчи ва бош пудратчи қурилиш ташкилоти билан биргаликда ўтказиладиган танлов савдолари асосида амалга оширилиши маълумот учун қабул қилинсин.


4. "Ўзбексавдо" акциядорлик компанияси бош лойиҳалаштирувчи билан биргаликда икки ой муддатда техник-иқтисодий ҳисоб-китоб ишлаб чиқилиши ва белгиланган тартибда тасдиқланишини таъминласин.

Объектнинг муҳимлигини ва қурилишнинг муддати қисқа эканлигини ҳисобга олиб "Универсал спорт саройи" объекти қурилиши техник-иқтисодий ҳисоб-китобнинг белгиланган тартибда экспертизадан ўтказилиши таъминланган ҳолда техник-иқтисодий ҳисоб-китоб ишлаб чиқилиши билан бир вақтда амалга оширилишига рухсат берилсин.


5. Тошкент шаҳар ҳокимлиги "Ўзбексавдо" акциядорлик компаниясига кўрсатиб ўтилган объект қурилиши зонасига туташган бир гектар ер майдонини бириктирсин.


6. Махфий.


7. "Ўзбексавдо" акциядорлик компанияси ва "Ўзмонтажмахсус-қурилиш" уюшмасининг "Ўзтаъминотбутлаш" очиқ акциядорлик жамияти истисно тариқасида:

"Универсал спорт саройи" объекти қурилиши учун фойдаланишга мўлжалланган республикага олиб келинадиган 1-иловага* мувофиқ металл маҳсулотлар ва материаллар учун божхона тўловлари тўлашдан (божхона расмийлаштируви йиғимларидан ташқари);

Универсал спорт саройини жиҳозлаш учун олиб келинадиган 2-иловага* мувофиқ спорт инвентари, электрон табло ва алмаштириб ишлатиладиган асбоб-ускуналар бўйича божхона божлари тўлашдан (божхона расмийлаштируви йиғимларидан ташқари) озод қилинсин.


8. Белгилансинки, Универсал спорт саройини қуриш ва уни жиҳозлашда фойдаланишга мўлжалланган импорт бўйича олинадиган (1 ва 2-иловаларга* мувофиқ) металл маҳсулотлари, материаллар, спорт инвентари, электрон табло ва алмаштириб ишлатиладиган асбоб-ускуналар ўзгага берилган ва бошқа мақсадларда фойдаланилган тақдирда улар бўйича божхона тўловларининг ҳисобланган суммаси ундириб олинади ва амалдаги қонун ҳужжатларига мувофиқ жарима жазолари қўлланган ҳолда республика бюджетига йўналтирилади.


9. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари Р.Ф. Файзуллаев ва М.З. Усмонов зиммасига юклансин.



Вазирлар Маҳкамасининг Раиси                                                   И. Каримов



*) Иловалар рус тилидаги матнда берилган.


















































Время: 0.0055
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск