Ўзбекистон Республикаси Вазирлар Маҳкамасининг 10.01.1995 й. 10-сон "Ўзбекистон Республикаси Давлат солиқ қўмитасининг фаолияти масалалари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

10.01.1995 й.

N 10

ЎЗБЕКИСТОН РЕСПУБЛИКАСИ

ДАВЛАТ СОЛИҚ ҚЎМИТАСИНИНГ

ФАОЛИЯТИ МАСАЛАЛАРИ ТЎҒРИСИДА

Республика солиқ органларининг тузилмасини янада такомиллаштириш ҳамда уларнинг солиққа доир ҳуқуқ бузишларни аниқлаш, уларга барҳам бериш ва олдини олишга оид фаолияти самарадорлигини ошириш мақсадида Вазирлар Маҳкамаси ҚАРОР ҚИЛАДИ:

1. Ўзбекистон Республикаси Давлат солиқ қўмитасининг Махсус тафтиш-назорат бошқармаси Давлат солиқ қўмитасининг тафтиш-назорат ишлари Бош бошқармасига айлантирилсин ҳамда унинг тузилмаси тасдиқлансин (1-илова*).

2. Давлат солиқ қўмитасининг тузилмаси ўзгарганлиги ва навбатчи қисмлари тузилганлиги муносабати билан унинг ходимлари сони 210 нафарга, шу жумладан, марказий аппарати ходимлари сони 16 нафарга кўпайтирилсин (1а-илова).

3. Техника воситалари сотиб олиш учун Давлат солиқ қўмитасига Республика валюта фондидан 46390 АҚШ доллари, 250 млн. Россия рубли ва республика бюджети маблағлари ҳисобидан 750 минг сўм ажратилсин (2-илова).

4. Ўзбекистон Республикаси Молия вазирлиги Давлат солиқ қўмитасининг штатдаги ходимлари сони кўпайтирилиши муносабати билан уни маблағ билан таъминлашни назарда тутсин.

5. Қорақалпоғитон Республикаси Вазирлар Кенгаши, вилоятлар ва Тошкент шаҳар ҳокимликлари, Ўзбекистои Республикаси Давлат солиқ қўмитасининг янги ташкил этилган бўлинмаларини ҳисобга олган ҳолда, солиқ органларини зарур хизмат хоналари билан таъминласинлар.

6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б.С. Ҳамидов зиммасига юклансин.

Вазирлар Маҳкамасининг Раиси                                            И. Каримов

*) 1-илова рус тилидаги матнда берилган.

Вазирлар Махкамасининг

1995 йил 10 январдаги

10-сон карорига

1а-ИЛОВА

Ўзбекистон Республикаси Давлат солиқ

қўмитаси навбатчилик қисмларининг

ШТАТЛАР СОНИ

Вазирлар Махкамасининг

1995 йил 10 январдаги

10-сон карорига

2-ИЛОВА

Ўзбекистон Республикаси Давлат солиқ қўмитаси

учун техник воситаларга бўлган эҳтиёжлар

ҲИСОБ-КИТОБИ