Ўзбекистон Республикаси Вазирлар Маҳкамасининг 12.08.1993 й. 407-сон "Ўзбексувқурилиш" концерннинг Жиззах политехникуми тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

12.08.1993 й.

N 407

"ЎЗБЕКСУВҚУРИЛИШ" КОНЦЕРННИНГ

ЖИЗЗАХ ПОЛИТЕХНИКУМИ

ТЎҒРИСИДА

Янги ташкил қилинган Жиззах политехника институтининг ўқув-моддий негизини яхшилаш мақсадида Ўзбекистон Республикаси Президенти ҳузуридаги Вазирлар Маҳкамаси ҚАРОР ҚИЛАДИ:

1. "Ўзбексувқурилиш" концерни, Жиззах политехника институтининг ўқув-моддий негизини яхшилаш мақсадида Ўзбекистон Республикаси Олий ва ўрта махсустаълим вазирлиги ва Жиззах вилояти хокимининг Жиззах политехникумининг бинолари, асосий ва ёрдамчи фондлари, транспорт воситалари, ўқув-лаборатория ва бошқа ускуналарини Жиззах политехника институти тасарруфига бериш тўғрисидаги таклифи маъқуллансин.

2. Жиззах политехникумида ҳозирги кунда таълим олаёган ўқувчилар Жиззах индустриал техникумига ўтказилиб, улрнинг эгаллаётган мутахассисликлари бўйича ўқишни тамомлашлари таъминлансин.

3. Ўзбекистон Республикаси Олий ва ўрта махсус таълим вазирлиги (Ж. Абдуллаева) ва "Ўзбексувқурилиш" концерни (F.Б. Хасанов) Жиззах вилояти хокими (А. Тошкенбоев) билан биргаликда шу йилнинг 15 августига қадар техникумга тегишли бино ва ускуналарни институтга бериш юзасидан тегишли тадбирларни амалга оширсинлар;

техникумнинг тугатилиши муносабати билан бўшаб қоладиган ўқитувчи ва ходимлари ўз мутахассисликлари бўйича ишга жойлаштириш чорасини кўрсинлар.

4. Ўзбекистон Республикаси Молия вазирлиги Ўзбекистон Республикаси Олий ва ўрта махсус таълим вазирлигининг бюджетига тегишли ўзгартиришлар киритилсин.

5. Мазкур қарорнинг бажарилишини назорат қилиш Вазирлар Маҳкамасининг Ижтимоий масалалар, фан ва маданият бўлимига юклатилсин.

Ўзбекистон Республикаси Бош вазири                                      А. Муталов