Ўзбекистон Республикаси Вазирлар Маҳкамасининг 19.03.1994 й. 148-сон "Муҳаммад Рахимхон - Феруз таваллудининг 150 йиллигини ўтказиш ҳақида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

19.03.1994 й.

N 148

МУҲАММАД РАХИМХОН - ФЕРУЗ

ТАВАЛЛУДИНИНГ 150 ЙИЛЛИГИНИ

ЎТКАЗИШ ҲАҚИДА

Ўзбек миллий маданияти ривожига ўлкан ҳисса қўшган мутафаккир шоир ва бастакор, атоқли давлат арбоби Муҳаммад Раҳимхон - Феруз таваллудига 150 йил тўлиши муносабати билан ҳамда миллий қадриятларимизни авайлаб асраш мақсадида Вазирлар Маҳкамаси ҚАРОР ҚИЛАДИ:

1. 1994 йилда Муҳаммад Раҳимхон - Феруз таваллудининг 150 йиллиги республикамизда кенг нишонлансин ҳамда бу санага тайёргарлик кўриш ва уни ўтказиш ташкилий қўмитасининг таркибий 1-иловага мувофиқ тасдиқлансин.

2. Ташкилий қўмита бир ҳафта муддат ичида Муҳаммад Рахимхон -Феруз таваллудининг 150 йиллигига тайёргарлик кўриш ва уни ўтказиш тадбирларини ишлаб чиқсин ва уни амалга оширишга киришсин.

3. Ўзбекистон Республикаси Маданият ишлари вазирлигига:

Хива шаҳридаги Муҳаммад Рахимхон - Феруз номи билан боғлиқ қадамжоларни таъмирлаш;

Муҳаммад Рахимхон - Феруз номи билан боғлиқ асарларни республика театрларида саҳналаштиришни ташкил этиш топширилсин.

4. Ўзбекистон Республикаси Фанлар академиясига Хоразм вилояти ҳокимлиги, Маданият ишлари вазирлиги ҳамда ижодий уюшмалар билан биргаликда 1994 йилнинг сентябрь ойида:

Тошкентдаги "Туркистон" саройида илмий-адабий анжуман ва Ўзбекистон санъат усталарининг Феруз ғазаллари ва куйлари билан ижро этилувчи концертни;

Хива шахрида Муҳаммад Рахимхон - Феруз таваллудининг 150 йиллигига бағишланган маърифий конференцияни;

Муҳаммад Рахимхон - Феруз асарлари кўллиётини нашрга тайерлаш ва уни ҳомийлар билан ҳамкорликда чоп этишни ташкил этиш топширилсин.

5. Ўзбекистон Республикаси Давлат матбуот қўмитаси Феруз ижодиётидан намуналарни, унинг ҳаёти ва ижодини тарғиб этувчи асарларни нашр этишга киришсин.

6. Ўзбекистон Республикаси Давлат телерадиоэшиттириш комапнияисга Феруз ижоди ва ҳаёти ҳақида видеофильм яратиш, юксак маърифий кўрсаттувлар дастурини тайёрлаш топширилсин.

7. Ўзбекистон Республикаси Молия вазирлиги Хива шаҳридаги  Муҳаммад Рахимхон-Феруз қадамжоларини юбилейга қадар таъмирлаш, қуриш ва ободонлаштириш ишлари учун тегишли вазириликлар тақдим этган сметалар бўйича 2-иловага мувофиқ умумий сарф-ҳаражатларнинг 50 фоизи (ярми) ни республика бюджетидан қопласин.

8. Республика оммавий ахборот воситалари Муҳаммад Рахимхон-Феруз ҳаёти ва ижодини ҳамда таваллудининг 150 йиллигига тайёргарликнинг боришини кенг ёритсин.

9. Мазкур қарорнинг бажарилишини назорат қилиш Вазирлар Маҳкамасининг ижтимоий масалалар, фан ва маданиятт бўлими зиммасига юклатилсин.

Вазирлар Маҳкамасининг Раиси                                          И. Каримов

Вазирлар  Маҳкамасининг

1994 йил 19 мартдаги

148-сон қарорига

1-ИЛОВА

Муҳаммад Рахимхон - Феруз таваллудининг

150 йиллигига тайёргарлик кўриш ва уни

ўтказиш ташкилий қўмитасининг

ТАРКИБИ

Вазирлар  Маҳкамасининг

1994 йил 19 мартдаги

148-сон қарорига

2-ИЛОВА

Мухаммад Раҳимхон - Феруз таваллудининг

150 йиллиги муносабати билан Хива шаҳридаги

тарихий обидаларни таъмирлаш ва консервациялаш,

ободонлаштириш ишларини амалга оширишнинг

сарф-ҳаражатларни республика бюджети ва Хоразм

вилояти бюджетидан маблағ билан таъминлашнинг

СМЕТАСИ