Молия вазирлигининг 39-сон, Давлат солиқ қўмитасининг 2015-16-сон, Марказий банк Бошқарувининг 320-В-3-сон “Ягона ижтимоий тўловни тақсимлаш, шунингдек харажатларни қоплаш бўйича суммаларнинг тўланишини ва юридик шахсларнинг давлат ижтимоий суғуртаси харажатлари бўйича тўловларни амалга ошириш тартиби тўғрисидаги низомга ўзгартиришлар киритиш ҳақида”ги 07.05.2015 й. Қарори (АВ томонидан 26.05.2015 й. 2262-3-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

26.05.2015 й.

N 2262-3

ҚАРОРИ

Ягона ижтимоий тўловни тақсимлаш,

шунингдек харажатларни қоплаш бўйича суммаларнинг

тўланишини ва юридик шахсларнинг давлат ижтимоий

суғуртаси харажатлари бўйича тўловларни амалга

ошириш тартиби тўғрисидаги низомга

ўзгартиришлар киритиш ҳақида

Ўзбекистон Республикасининг "Фуқароларнинг давлат пенсия таъминоти тўғрисида"ги Қонуни, Ўзбекистон Республикаси Солиқ кодекси, Ўзбекистон Республикаси Президентининг 2014 йил 4 декабрдаги ПҚ-2270-сон "Ўзбекистон Республикасининг 2015 йилги асосий макроиқтисодий кўрсаткичлари ва Давлат бюджети параметрлари тўғрисида"ги қарорига ва Ўзбекистон Республикаси Вазирлар Маҳкамасининг 2014 йил 23 декабрдаги 357-сон "Фуқароларнинг давлат пенсия таъминоти тўғрисида"ги Ўзбекистон Республикасининг Қонунига мувофиқ пенсияларни тўлашга харажатларни қоплаш тартиби тўғрисида низомни тасдиқлаш ҳақида"ги қарорига мувофиқ, Ўзбекистон Республикаси Молия вазирлиги, Давлат солиқ қўмитаси ва Марказий банк Бошқаруви ҚАРОР ҚИЛАДИ:

1. Ўзбекистон Республикаси Молия вазирлиги, Давлат солиқ қўмитаси ва Марказий банк Бошқарувининг 2011 йил 9 августдаги 47, 2011-25 ва 23/2-сон қарори (рўйхат рақами 2262, 2011 йил 9 сентябрь) (Ўзбекистон Республикаси қонун ҳужжатлари тўплами, 2011 й., 37-сон, 383-модда) билан тасдиқланган Ягона ижтимоий тўловни тақсимлаш, шунингдек харажатларни қоплаш бўйича суммаларнинг тўланишини ва юридик шахсларнинг давлат ижтимоий суғуртаси харажатлари бўйича тўловларни амалга ошириш тартиби тўғрисидаги низомга иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

          

Қарорга

ИЛОВА

Ягона ижтимоий тўловни тақсимлаш,

шунингдек харажатларни қоплаш бўйича суммаларнинг

тўланишини ва юридик шахсларнинг давлат ижтимоий

суғуртаси харажатлари бўйича тўловларни амалга

ошириш тартиби тўғрисидаги низомга

киритилаётган ўзгартиришлар

1. 5-банд қуйидаги таҳрирда баён этилсин:

"5. Ягона ижтимоий тўловни тўлаш учун маблағлар тўловчилар томонидан тегишли туман (шаҳар) давлат солиқ инспекцияларига хизмат кўрсатувчи банкларда очилган 20205 баланс ҳисобварағининг қуйидаги шартли ҳисобварақлар рақамларига (кейинги ўринларда ШҲР деб юритилади) ўтказилади:

600 - фермер хўжаликлари учун;

700 - микрофирмалар ва кичик корхоналар учун;

777 - мазкур банднинг иккинчи ва учинчи хатбошиларида кўзда тутилмаган бошқа тўловчилар учун.".

2. 6-бандда:

биринчи хатбошидаги "777 ШҲРга" деган сўзлар "600, 700 ва 777 ШҲРга" деган сўзлар билан алмаштирилсин;

"а" кичик банддаги "881 ШҲРга" деган сўзлар "601, 701 ва 881 ШҲРга" деган сўзлар билан алмаштирилсин;

"б" кичик банднинг биринчи ва иккинчи хатбошиларидаги "779 ШҲРга" деган сўзлар "602, 702 ва 779 ШҲРга" деган сўзлар билан алмаштирилсин;

"в" кичик банднинг биринчи ва иккинчи хатбошиларидаги "780 ШҲРга" деган сўзлар "603, 703 ва 780 ШҲРга" деган сўзлар билан алмаштирилсин.

3. 7-банддаги "777 ШҲР" деган сўзлар "600, 700 ва 777 ШҲР" деган сўзлар билан алмаштирилсин.

4. 10-банд қуйидаги таҳрирда баён этилсин:

"10. Қонуннинг 12-моддаси "б" бандига асосан тайинланган пенсияларни тўлашга харажатларни қоплаш қуйидаги тартибда амалга оширилади:

юридик шахслар Пенсия жамғармасининг харажатларини қоплашга зарур бўлган суммаларнинг минимал миқдорини ҳар йили ҳисобот йилининг 15 январига қадар ўтказадилар;

юридик шахслар томонидан ходим Қонуннинг 7-моддасида назарда тутилган пенсия ёшига етгунига қадар Қонуннинг 12-моддаси "б" бандига мувофиқ тайинланган пенсияларни тўлашга кетган олдинги йил учун Пенсия жамғармасининг ҳақиқий харажатларини тўлиқ қоплаш, Пенсия жамғармасига ўтказилган қоплашга зарур бўлган суммаларнинг минимал миқдорини чегириб қолган ҳолда, ҳисобот йилининг 1 февралига қадар амалга оширилади.

Юридик шахслар ҳисоб-китобни мазкур Низомнинг 1-иловасига мувофиқ шакл бўйича ҳисобот йилининг 1 февралидан кечиктирмасдан туман (шаҳар) давлат солиқ инспекцияларига тақдим этади.

Юридик шахслар томонидан Пенсия жамғармасига ўтказилган қоплашга зарур бўлган суммаларнинг минимал миқдорини чегириб қолган ҳолда аниқланган Қонуннинг 12-моддаси "б" бандига мувофиқ тайинланган пенсияларни тўлашга кетган олдинги йил учун Пенсия жамғармасининг ҳақиқий харажатларини қопланиши лозим бўлган сумма ҳисоб-китобнинг 041-қаторида кўрсатилади.

Қонуннинг 12-моддаси "в" - "ж" бандларига мувофиқ тайинланган пенсиялар бўйича харажатларни қоплаш мазкур бандда кўрсатилган тартибда амалга оширилади.".

5. 11-банднинг рус тилидаги матнида "социального обеспечения" деган сўзлар "социальной защиты населения" деган сўзлар билан алмаштирилсин.

6. 12-банд қуйидаги таҳрирда баён этилсин:

"12. Қонуннинг 14-моддасига мувофиқ муддатидан олдин тайинланган пенсияларни тўлашга бўлган харажатларни қоплаш бўйича ҳисоб-китоб Ўзбекистон Республикаси Меҳнат ва аҳолини ижтимоий муҳофаза қилиш вазирлигининг туман (шаҳар) бандликка кўмаклашиш ва аҳолини ижтимоий муҳофаза қилиш марказлари томонидан мазкур Низомнинг 2-иловасига мувофиқ шакл бўйича ҳисобот давридан кейинги ойнинг 15-санасидан кечиктирмасдан тақдим этилади.

Маблағлар тўлови ҳар ойда, кейинги ойнинг 15-санасидан кечиктирмасдан амалга оширилади.".

7. 14-банд қуйидаги таҳрирда баён этилсин:

"14. Қонуннинг 15-моддасига мувофиқ меҳнатда шикастланиш ёки касб касалликлари оқибатида тайинланган пенсиялар тўлови бўйича харажатларни қоплаш ҳисоб-китоблари туман (шаҳар) давлат солиқ хизмати органига ўсиб борувчи якун бўйича, мазкур Низомнинг 3-иловасига мувофиқ шаклда юридик шахслар томонидан ҳар чоракда ҳисобот давридан кейинги ойнинг 25-санасидан кечиктирмасдан тақдим этилади.

Маблағлар тўлови ҳар ойда, кейинги ойнинг 10-санасидан кечиктирмасдан амалга оширилади.".

8. 19-банднинг биринчи хатбошиси қуйидаги таҳрирда баён этилсин:

"19. Юридик шахслар кейинги ойнинг 10-санасидан кечиктирмасдан юридик шахс солиқ ҳисобига қўйилган жойдаги Пенсия жамғармасининг туман (шаҳар) бўлимларига юридик шахслар харажатларини тўлашга Пенсия жамғармасидан маблағларни олиш учун ойлик талабномаларни мазкур Низомнинг 4-иловасидаги шакл бўйича (кейинги ўринларда - талабнома деб юритилади) тақдим этадилар. Тугалланмаган бухгалтерия балансига эга ташкилотлар бўйича талабномалар бош ташкилотлар томонидан улар солиқ ҳисобига қўйилган жойдаги Пенсия жамғармасининг туман (шаҳар) бўлимларига тақдим этади.".

9. 29-банд қуйидаги таҳрирда баён этилсин:

"29. Туман (шаҳар) давлат солиқ инспекциялари белгиланган тартибда ўзларининг юқори турувчи органларига чораклик ҳисоботлар тақдим этадилар.

Пенсия жамғармаси ҳудудий бўлинмалари белгиланган тартибда Пенсия жамғармаси ижро этувчи аппаратига ойлик йиғма ҳисоб-китоблар ва ҳисоботларни тақдим этадилар.".

10. 1 ва 3-иловалар мазкур ўзгартиришларнинг 1 ва 2-иловаларига мувофиқ таҳрирда баён этилсин.

11. 4, 4г ва 5-иловалардаги "18" рақами "25" рақами билан ўзгартирилсин.

12. Мазкур ўзгартиришлар Ўзбекистон Республикаси Меҳнат ва аҳолини ижтимоий муҳофаза қилиш вазирлиги ҳамда Ўзбекистон Касаба уюшмалари Федерацияси Кенгаши билан келишилган.

Ўзгартиришларга

1-ИЛОВА

"Ягона ижтимоий тўловни тақсимлаш,

шунингдек харажатларни қоплаш бўйича

суммаларнинг тўланишини ва юридик  шахсларнинг

давлат ижтимоий суғуртаси харажатлари

бўйича тўловларни амалга ошириш

тартиби тўғрисидаги низомга

1-ИЛОВА

       

                        

     

Ҳужжат тури: 1 - ҳисоб-китоб, 2 - қайта ҳисоб-китоб (каср орқали қайта ҳисоб-китобнинг рақами)

    

Ўзбекистон Республикаси "Фуқароларнинг

давлат пенсия таъминоти тўғрисида"ги Қонунининг

12-моддаси "б" - "ж" бандларига мувофиқ тайинланган

пенсиялар тўлови харажатларини қоплаш бўйича

маблағ тўлаган тўловчи тўғрисида

МАЪЛУМОТ

         

                               

М.Ў.

Ўзбекистон Республикаси "Фуқароларнинг

давлат пенсия таъминоти тўғрисида"ги Қонунининг

12-моддаси "б" - "ж" бандларига мувофиқ тайинланган

пенсиялар тўлови харажатларини қоплаш бўйича

ҲИСОБ-КИТОБ

       

*) Ҳисобот йилида бир маротаба, 20___ йилнинг 1 февралига қадар тақдим этилади.

**) Ижобий фарқ мавжуд бўлганда тўлдирилади.

М.Ў.".

Ўзгартиришларга

2-ИЛОВА

"Ягона ижтимоий тўловни тақсимлаш,

шунингдек харажатларни қоплаш бўйича

суммаларнинг тўланишини ва юридик  шахсларнинг

давлат ижтимоий суғуртаси харажатлари

бўйича тўловларни амалга ошириш

тартиби тўғрисидаги низомга

3-ИЛОВА

                        

     

Ҳужжат тури: 1 - ҳисоб-китоб, 2 - қайта ҳисоб-китоб (каср орқали қайта ҳисоб-китобнинг рақами)

Ўзбекистон Республикаси "Фуқароларнинг

давлат пенсия таъминоти тўғрисида"ги Қонуннинг

15-моддасига мувофиқ меҳнатда майибланганлик ёки

касб касалликлари бўйича тайинланган пенсиялар

тўлови харажатларини қоплаш бўйича

маблағ тўлаган тўловчи тўғрисида

МАЪЛУМОТ

                               

М.Ў.

Ўзбекистон Республикаси "Фуқароларнинг

давлат пенсия таъминоти тўғрисида"ги Қонунининг

15-моддасига мувофиқ меҳнатда майибланганлик ёки

касб касалликлари бўйича тайинланган пенсиялар тўлови

харажатларини қоплаш учун тўланган маблағ бўйича

ҲИСОБ-КИТОБ

М.Ў.".

"Ўзбекистон Республикаси қонун ҳужжатлари тўплами",

2015 йил 1 июнь, 21-сон, 280-модда