Ўзбекистон Республикаси Вазирлар Маҳкамасининг 03.04.1995 й. 109-сон "Ўзбекистон Республикаси Фанлар академиясининг Низоми тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

03.04.1995 й.

N 109

ЎЗБЕКИСТОН РЕСПУБЛИКАСИ

ФАНЛАР АКАДЕМИЯСИНИНГ

НИЗОМИ ТЎFРИСИДА

Вазирлар Маҳкамаси ҚАРОР ҚИЛАДИ:

1. Фанлар академиясининг Умумий мажлисида қабул қилинган Ўзбекистон Республикаси Фанлар академиясининг Низоми тасдиқлансин.

2. Ўзбекистон Республикаси Фанлар академияси Президиуми Академиянинг барча тузилмаларида Устав талабларини бажаришга доир зарур ташкилий чора-тадбирларни 10 кун муддатда амалга оширсин.

3. Ўзбекистоннинг илмий салоҳиятини сақлаш ва мустаҳкамлаш мақсадида Ўзбекистон Республикаси Фанлар академияси, Фан ва техника давлат қўмитаси, "Ўзистиқболстат" давлат қўмитаси, Молия вазирлиги, Давлат солиқ қўмитаси манфаатдор вазирликлар ва идоралар билан биргаликда бир ой муддатда:

Фанлар академиясида амалга ошириладиган фундаментал илмий тадқиқотларни ушбу тадқиқотларга бюджет томонидан йўналтириладиган маблағларни бевосита Академияга ажратиш йўли билан қўллаб-қувватлаш тўғрисида;

Ўзбекистон Республикасининг Академик фондини, асосан бюджетдан ташқари тушумларни унинг маблағларини шакллантириш манбалари этиб белгилаган ҳолда, ташкил қилиш тўғрисида;

академик фаннинг моддий-техника базасини мустаҳкамлаш тўғрисида;

Фанлар акедемиясининг илмий-тадқиқот ва инновация фаолиятидан солиқ олиш тизимини такомиллаштириш тўғрисида таклифлар тайёрласинлар ва Вазирлар Маҳкамасига киритсинлар.

4. Вазирлар Маҳкамасининг "Ўзбекистон Республикаси Фанлар академиясининг Устави тўғрисида" 1992 йил 14 августдаги 382-сон қарори ўз кучини йўқотган деб ҳисоблансин.

Ўзбекистон Республикасининг Бош вазири                     А. Муталов

"Ўзбекистон Республикаси Ҳукумати қарорлари тўплами", 1995 й., N 4, 12-модда.