Ўзбекистон Республикаси Вазирлар Маҳкамасининг 13.02.1996 й. 58-сон "Адабиёт, санъат ва меъморчилик соҳасида Ўзбекистон Республикаси Давлат мукофотлари бериш тартибини такомиллаштириш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

13.02.1996 й.

N 58

АДАБИЁТ, САНЪАТ ВА

МЕЪМОРЧИЛИК СОҲАСИДА

ЎЗБЕКИСТОН РЕСПУБЛИКАСИ

ДАВЛАТ МУКОФОТЛАРИ БЕРИШ

ТАРТИБИНИ ТАКОМИЛЛАШТИРИШ

ТЎҒРИСИДА

Ўзбек адабиёти, санъати ва меъморчилиги ривожидаги улкан ютуқларни рағбатлантириш тартибини такомиллаштириш мақсадида Вазирлар Маҳкамаси ҚАРОР ҚИЛАДИ:

1. Адабиёт санъат ва меъморчилик соҳасида Алишер Навоий номидаги Давлат мукофотларини 1996 йилдан бошлаб, Ўзбекистон Республикаси Президентининг Фармони билан,. ҳар уч йилда бир марча Мустақиллик байрами арафасида бериш тартиби жорий қилинсин.

Алишер Навоий номидаги учта Давлат мукофотларининг ҳар бири 200 та энг кам ойлик иш ҳақи миқдорида белгилансин.

2. Адабиёт,санъат ва меъморчилик сохасида Абдулла Қодирий номидаги Давлат мукофотларини 1997 йилдан бошлаб. Ўзбекистон Республикаси Президентининг Фармони билан, хар уч йилда бир марта наврўз байрами арафасида бериш тартиби жорий қилинсин.

Абдулла Кодирий номидаги учта Давлат мукофотларининг ҳар бири 80 та энг кам ойлик иш ҳақи миқдорида белгилансин.

3. Қуйидагилар белгилансин.

а) Алишер Навоий ва Абдулла Қодирий номидаги Давлат мукофотларини бериш тўғрисидаги Ўзбекистон Республикаси Президентининг Фармони, оммавий ахборот воситаларида эълон қилинади;

б) Давлат мукофотлари қўмитасининг мақоми, таркиби, ваколат муддати ва вазифалари Ўзбекистон Республикаси Вазирлар Маҳкамаси томонидан таадиқланган Низом билан белгиланади.

4. Янги таҳрирда илова қилинаётган.

Ўзбекистон Республикасининг адабиёт санъат сохасида Алишер Навоий номидаги Давлат мукофоти тўғрисидаги Низом (1-илова).

Ўзбекистон Республикасининг адабиёт, саньат ва меъморчилик сохасида Абдулла Қодирий номидаги Давлат мукофоти тўғрисидаги Низом (2-илова);

Ўзбекистон Республикаси Вазирлар Маҳкамаси хузуридаги Адабиёт, санъат ва меъморчилик соҳасида Давлат мукофотлари қўмитаси таркиби (3-илова) тасдиқлансин.

4. Ўзбекистон Республикаси Вазирлар Маҳкамаси хузуридаги Адабиёт, санъат ва меъморчилик соҳасида Давлат мукофотлари қўмитасининг таркиби (4-илова) тасдиқлансин.

5. Ўзбекистон Республикаси Молия вазирлиги қўмита ишчи гурухининг фаолияти учун ҳар йили республика бюджетидан тегишли маблағ ажратсин.

6. Ўзбекистон Республикаси Вазирлар Маҳкамасининг 1991 йил 6 февралдаги 33-сон ва 1994 йил 10 майдаги 215 сон қарорлари ўз кучини йуқотган деб ҳисоблансин.

7. Мазкур қарорнинг бажарилишини назорат қилиш Вазирлар Маҳкамасининг Ижтимоий масалалар ва маданият бўлимига юклансин.

Вазирлар Маҳкамасининг Раиси                             И. Каримов

Вазирлар Маҳкамасининг

1996 йил 13 февралдаги

58-сон қарорига

4-ИЛОВА

Ўзбекистон Республикаси Вазирлар

Маҳкамаси ҳузуридаги Давлат

мукофотлари қўмитаси

аъзолари рўйхати