Ўзбекистон Республикаси Банк-молия академияси магистратурасига кириш тест синовларини ташкил этиш ва ўтказиш тартиби тўғрисидаги Низом (АВ томонидан 14.07.2015 й. 2698-сон билан рўйхатга олинган Вазирлар Маҳкамаси ҳузуридаги Давлат тест маркази директорининг 29.06.2015 й. 01-176-сон буйруғи билан тасдиқланган)

Функция недоступна

Ўзбекистон Республикаси

Адлия вазирлигида

2015 йил 14 июлда 2698-сон

билан рўйхатга олинган

Ўзбекистон Республикаси

Вазирлар Маҳкамаси ҳузуридаги

Давлат тест маркази директорининг

2015 йил 29 июндаги

01-176-сон буйруғига

ИЛОВА

Ўзбекистон Республикаси Банк-молия академияси

магистратурасига кириш тест синовларини ташкил

этиш ва ўтказиш тартиби тўғрисидаги

НИЗОМ

Мазкур Низом Вазирлар Маҳкамасининг 2013 йил 16 сентябрдаги 255-сон қарори билан тасдиқланган Ўзбекистон Республикаси Банк-молия академияси магистратурасига қабул қилиш тартиби тўғрисида низомга мувофиқ Ўзбекистон Республикаси Банк-молия академияси (бундан буён матнда Банк-молия академияси деб юритилади) магистратурасига кириш тест синовларини ташкил этиш ва ўтказиш тартибини белгилайди.

1-БОБ. УМУМИЙ ҚОИДАЛАР

1. Банк-молия академияси магистратурасига кириш имтиҳонлари тест синовлари шаклида амалга оширилади.

Тест синовлари "Демократик давлат ва фуқаролик жамияти қуриш назарияси ва амалиёти асослари", "Мутахассислик фани" ҳамда "Инглиз тили" фанларидан ўтказилади.

2. Тест синовлари 10 сентябрь куни Ўзбекистон Республикаси Вазирлар Маҳкамаси ҳузуридаги Давлат тест маркази (бундан буён матнда Давлат тест маркази деб юритилади) томонидан ўтказилади.

3. Тест синовлари ўтказиладиган куни Давлат тест марказининг тегишли рухсатномасига эга бўлмаган шахсларнинг тест синовлари ўтказиладиган биноларга кириши тақиқланади.

4. Тест синовларини ташкил этиш ва уларни жойларда адолатли ўтказиш масъулияти Давлат тест маркази вакиллари, тегишли ўқув йили учун ташкил этилган Банк-молия академияси қабул комиссияси (бундан буён матнда қабул комиссияси деб юритилади) раиси, маҳаллий давлат ҳокимияти органлари ва тайинланган аудитория раҳбарлари зиммасига юкланади.

2-БОБ. ТЕСТ СИНОВЛАРИНИ ЎТКАЗИШГА

ТАЙЁРГАРЛИК КЎРИШ ВА ЎТКАЗИШ

1-§. Қабул комиссияси ишини ташкил этиш

5. Қабул комиссияси ташкил этиш, унинг таркиби ва раисини тасдиқлаш Банк-молия академияси ректорининг буйруғи билан амалга оширилади.

6. Тест синовларини ўтказиш билан боғлиқ ишларни амалга ошириш бўйича қабул комиссиясининг иш режаси ишлаб чиқилади ва қабул комиссияси раиси томонидан тасдиқланади.

7. Қабул жараёнини юқори даражада уюшқоқлик билан, тартибли равишда ташкил этиш, номзодларга (бундан буён матнда абитуриент деб юритилади) уларнинг тест синовлари жараёнидаги вазифалари, ҳуқуқ ва мажбуриятларини тушунтириш, тест синовларини ўтказиш билан боғлиқ барча зарур шароитларни яратиш ҳамда тест синовлари натижалари бўйича абитуриентларга тўлиқ маълумотлар бериш қабул комиссиясининг асосий вазифалари ҳисобланади.

8. Қабул комиссияси тест синовлари бошланишидан бир ой олдин Вазирлар Маҳкамасининг 2013 йил 16 сентябрдаги 255-сон "Ўзбекистон Республикаси Банк-молия академияси магистратурасига қабул қилиш тартиби тўғрисидаги низомни тасдиқлаш ҳақида"ги қарори ва мазкур Низом нусхасини, шунингдек қабул жараёнига оид зарур маълумотларни Банк-молия академияси расмий веб-сайтига ва қабул комиссияси эълонлар тахтасига жойлаштиради.

9. Қабул комиссияси:

20 августгача - тегишли бинолар ва аудиторияларни тест синовларини ўтказиш учун тайёрлайди;

31 августгача - тест синовларини ўтказиш режалаштирилган бинолар ва аудиториялар ҳақидаги маълумотларни мазкур Низомнинг 1-иловаси 1 - 7-шаклларига мувофиқ Давлат тест марказига тақдим этади, ушбу маълумотларга кейинчалик ўзгартириш ва қўшимчалар киритиш тақиқланади;

2 сентябрда - абитуриентларнинг қайд рақами, таълим муассасасининг номи, фуқаролиги, фамилияси, исми, отасининг исми, миллати, жинси, паспорт серияси ва рақами, яшаш жойи, туғилган йили ва жойи, тугатган олий таълим муассасасининг номи, манзили ҳамда уни тугатган йили, диплом серияси ва рақами, дипломдаги умумий рейтинг бали, таълим тили, мутахассислиги ва тест синови топширадиган чет тили ҳақидаги маълумотлар базасини мутахассислик бўйича махсус дастурга хатосиз киритади ва абитуриентларнинг электрон сурати билан Давлат тест марказига юборади;

2 сентябрда - мазкур Низомнинг 2-иловаси 1-шаклига мувофиқ абитуриентлардан тушган аризалар ҳақида маълумотни, мазкур Низомнинг 2-иловаси 2-шаклига мувофиқ халқаро (TOEFL, IELTS ёки GMAT) сертификатга эга бўлган абитуриентлар рўйхатини тасдиқланган ҳолда Давлат тест марказига тақдим этади, ушбу рўйхатларга кейинчалик ўзгартириш ва қўшимчалар киритиш тақиқланади;

3 сентябргача мазкур Низомнинг 3-иловасига мувофиқ шаклдаги титул варақаси, мазкур Низомнинг 4-иловасига мувофиқ шаклдаги абитуриент рухсатномаси, мазкур Низомнинг 5-иловаси 1-шаклига мувофиқ абитуриентларнинг умумий рўйхати ҳамда мазкур Низомнинг 5-иловаси 2-шаклига мувофиқ абитуриентларга рухсатномаларни тарқатиш қайдномасини чоп этиш бўйича Давлат тест маркази билан шартнома тузади;

4 сентябрда - Давлат тест марказидан абитуриентларнинг умумий рўйхатини тасдиқланган ҳолда қабул қилади ва уни шу куннинг ўзида Банк-молия академияси расмий веб-сайтига ва қабул комиссияси эълонлар тахтасига жойлаштиради;

7 сентябрда - Давлат тест марказидан абитуриентлар рухсатномалари ва абитуриентларга рухсатномаларни тарқатиш қайдномаларини қабул қилиб олади;

8 сентябрда - тест синовлари ўтказиладиган биноларда абитуриентларни тест синови ўтказиш тартиби билан яна бир бор таништириш мақсадида маслаҳат пунктлари ташкил қилади ва абитуриентларга абитуриент рухсатномасини тарқатади;

8 сентябрда - тест синови ўтказиш учун тайёрланган биноларни Давлат тест марказининг бино вакилига топширади ва бу ҳақда мазкур Низомнинг 6-иловаси 1-шаклига мувофиқ бинонинг тест синовларига тайёрлиги тўғрисидаги баённомани расмийлаштиради;

9 сентябрда - абитуриентлар учун репетиция ташкил этади ва ўтказади ҳамда шу куни соат 7.30 га қадар Давлат тест маркази директори томонидан тасдиқланган мазкур Низомнинг 6-иловаси 2-шаклига мувофиқ бино ҳудудига киришга рухсат берилган Давлат тест маркази вакиллари (муассаса, бино, ҳудуд ва қават вакиллари), видеооператорлари, аудитория раҳбарлари ва кузатувчилари рўйхатини олади ҳамда назорат хизмати постларига топширади;

10 сентябрда - маҳаллий давлат ҳокимияти органлари билан ҳамкорликда абитуриентларни бино ҳудуди ва бинога ўз вақтида тартибли киритиш учун ҳар бир бино эшигида назорат хизмати постларини, Банк-молия академиясида ташкил этилган Бош штабда, биноларнинг кириш эшигида ва тест материалларини тарқатиш-қабул қилиш хонасида (штабда) видеотасвир ўрнатилишини таъминлайди;

репетиция ўтказилгандан сўнг, мазкур Низомнинг 6-иловаси 3-шаклига мувофиқ бинода репетиция ўтказиш баённомасини расмийлаштиришда иштирок этади;

компьютер техникалари, нусха кўчириш ва алоқа воситалари сақланадиган хоналар, тест синовлари ўтказилмайдиган аудиториялар, хоналар ва қаватларнинг кириш-чиқиш эшиклари ҳамда тест синовлари ўтказиладиган аудитория ва хоналарнинг муҳрланишида иштирок этади;

Давлат тест марказидан тест синови натижалари қайдномаси ҳамда абитуриент томонидан тўлдирилган титул варақаларининг асл нусхаларини ва тўлдирилмаган титул варақаларининг нусхаларини текшириб, мазкур Низомнинг 7-иловасига мувофиқ шаклдаги титул варақалари солинган пакетни очиш ҳақида далолатнома асосида қабул қилиб олади ва белгиланган тартибда тўлдирилмаган титул варақаларининг асл нусхалари Давлат тест марказида қолдирилади;

тест синови натижаларини Давлат тест марказидан олган куни эълон қилади.

10. Қабул комиссиясига юклатилган барча вазифаларнинг сифатли бажарилишини таъминлаш бўйича жавобгарлик қабул комиссиясининг раиси ва масъул котиби зиммасига юклатилади.

2-§. Тест синовини ташкил этиш ва ўтказишда

Давлат тест марказининг асосий вазифалари

11. Қуйидагилар тест синовини ташкил этиш ва ўтказишда Давлат тест марказининг асосий вазифалари ҳисобланади:

тест саволларини тузади ва уларни экспертиза қилади;

тест материалларининг сифатли, нуқсонсиз тайёрланишини таъминлайди ҳамда маҳфийликни сақлаган ҳолда тайёрлайди ва чоп этади;

Банк-молия академиясидан мазкур Низомда назарда тутилган тегишли маълумотларни тасдиқланган ҳолда олади ва уларга ишлов беради;

Давлат тест маркази вакиллари, аудитория раҳбарлари ва кузатувчиларини қуръа ташлаш йўли билан тақсимлайди;

аудиториялар бўйича абитуриентлар рўйхатларини шакллантиради;

тест материалларининг тест синови ўтказиладиган бинога ва тест синови тугагандан сўнг, Давлат тест марказига етказилишини таъминлайди;

қабул комиссиясига тест синови натижалари ва тўлдирилган титул варақаларини топширади;

тест синови натижаларини 2 кун ичида текширади ва чиқаради.

12. Давлат тест маркази тест синовларини ташкил этиш ва ўтказишда:

аудитория раҳбарлари ва кузатувчилари учун ўтказиладиган семинар машғулотлари бўйича дастур ишлаб чиқади ва Банк-молия академиясига тақдим этади;

Банк-молия академиясидан тест синовларини ўтказиш режалаштирилган бинолар ва аудиториялар ҳақидаги маълумотларни қабул қилади, таҳлил қилади, уларнинг режа-чизмаларини тасдиқлайди;

2 сентябрда - аудитория раҳбарлари ва кузатувчилари учун ўтказиладиган семинар машғулотларининг ташкил этилиши ва ўтказилишини назорат қилади ҳамда тасдиқланган Давлат тест маркази вакиллари, аудитория раҳбарлари ва кузатувчилари ҳақидаги маълумотларни қабул қилади;

7 сентябрда - абитуриентлар рухсатномалари ва абитуриентларга рухсатномаларни тарқатиш қайдномасини тасдиқланган ҳолда қабул комиссиясига топширади;

9 сентябрда - Давлат тест маркази вакиллари, аудитория раҳбарлари ва кузатувчиларининг бинолар бўйича тақсимотини тасдиқланган ҳолда қабул комиссиясига тақдим этади;

Давлат тест маркази вакилларининг ўз вазифаларини аниқ билишини таъминлайди.

3-§. Тест синовини ташкил этиш ва ўтказишда

Давлат тест маркази вакилларининг вазифалари

13. Давлат тест маркази вакиллари маҳаллий давлат ҳокимияти органларининг тавсияси асосида давлат ва жамоат ташкилотлари ходимлари орасидан келишув асосида танлаб олинади.

14. Давлат тест марказининг вакиллари тест синовлари жараёнига шартнома асосида жалб этилади.

15. Давлат тест марказининг Банк-молия академияси бўйича вакили (бундан буён матнда муассаса вакили деб юритилади) Давлат тест марказининг бино бўйича вакили (бундан буён матнда бино вакили деб юритилади), Давлат тест марказининг бино ҳудуди бўйича вакили (бундан буён матнда ҳудуд вакили деб юритилади) ва Давлат тест марказининг қават бўйича вакилига (бундан буён матнда қават вакили деб юритилади) умумий раҳбарлик қилади ҳамда улар фаолиятини назорат қилади.

Бино вакили қават вакилларининг фаолиятига умумий раҳбарлик қилади. Қават вакили аудитория раҳбарлари фаолиятини бошқаради.

Қават вакили бино вакилининг, бино вакили муассаса вакилининг, муассаса вакили Давлат тест марказининг масъул ходими раҳбарлигида фаолият юритади.

16. Давлат тест маркази вакиллари:

тест синовини ўтказиш тартибини мукаммал билиши;

маҳаллий давлат ҳокимияти органлари ва қабул комиссияси билан ҳамкорликда аудитория раҳбарлари ва кузатувчилари сифатида жалб этиладиган шахслар учун тест синовини ўтказиш бўйича амалий машғулотлар олиб бориши;

тест синови ўтказиш тартибига қатъий риоя қилиниши, тест синовларининг холисона ва адолатли ўтказилишини таъминлаши;

тест синови жараёнида аудитория раҳбарига амалий ёрдам бериши;

тест синови ўтказиладиган бино ҳудудига кириш жойидаги назорат постида микрокалькулятор, луғат, жадвал, китоб, уяли телефон, компьютер, телекоммуникация воситалари ва шпаргалкалар олиб киришга ҳаракат қилган абитуриентларни тест синовидан четлаштириш бўйича далолатнома тузиши лозим.

17. Давлат тест маркази вакилларининг тест синови ўтказиладиган бино ҳудудига ён дафтарча, сумка, уяли алоқа воситалари ва шунга ўхшаш буюмлар билан кириши тақиқланади.

18. Муассаса вакили:

8 сентябрда - қабул комиссияси масъул котиби билан биргаликда тегишли бино, қават ва аудиторияларнинг тест синовларига тайёрлигини текширади, аниқланган камчиликларни бартараф этади. Қабул комиссияси масъул котибидан дислокация ҳужжатлари асосида бинони қабул қилади ва бинонинг тест синовларига тайёрлиги тўғрисида баённома расмийлаштиради;

9 сентябрда - соат 8.00 дан бошлаб маҳаллий давлат ҳокимияти органлари, қабул комиссияси, аудитория раҳбарлари ва кузатувчилари иштирокида тест синовларига тайёргарлик кўриш учун репетиция ўтказади ҳамда бинода репетиция ўтказиш баённомасини расмийлаштиради ва шу куни Давлат тест марказига тақдим этади.

19. Муассаса вакили тест синовлари ўтказиладиган куни:

соат 12.00 гача - Банк-молия академиясига етиб келади ва паспорти билан назорат хизмати постлари орқали бинога киради;

соат 12.15 гача - Бош штабда бино вакиллари иштирокида Давлат тест марказининг тест синовини ўтказишга масъул ходимидан тест материалларини уларнинг муҳри бузилмаганлигини текшириб, қабул қилади;

мазкур Низомнинг 8-иловасига мувофиқ шаклдаги бино вакилларининг бинолар бўйича тақсимотини эълон қилади;

келмаган бино вакили ўрнига захирадаги вакиллардан бирини тайинлайди;

соат 12.30 гача - мазкур Низомнинг 9-иловасига мувофиқ шаклда бинолар бўйича тест материалларини тарқатиш ва қабул қилиш баённомасининг тегишли устунини расмийлаштиради;

Банк-молия академиясида тест синовларининг ўз вақтида бошланиши ва тугашини назорат қилади;

вужудга келган муаммоларни ўз ваколатлари доирасида бартараф этиш чораларини кўради;

соат 17.20 гача - бинолар бўйича тест материалларини тарқатиш ва қабул қилиш баённомаси асосида бино вакилидан тест материалларини қабул қилади ва тегишли устунни расмийлаштиради;

ўз вақтида топширилган тест материалларини бино вакиллари иштирокида Давлат тест марказининг тест синовларини ўтказишга масъул ходимига топширади ва бу ҳақда Давлат тест марказига телефон орқали хабар беради. Узрли сабабларсиз ўз вақтида олиб келинмаган тест материалларини қабул қилмайди ва ҳисобот шаклининг бошқа муаммолар қисмига бу ҳақда батафсил маълумот киритади;

соат 17.30 гача - мазкур Низомнинг 10-иловаси 1-2-шаклларига мувофиқ қават вакили ҳисоботи, бино вакили ҳисоботи, шунингдек бино бўйича тўлдирилган барча шакллар, расмийлаштирилган далолатномалар, тестга келмаган Давлат тест маркази вакиллари, аудитория раҳбарлари ва кузатувчилари рухсатномалари, тест материалларини тарқатиш ва йиғиб олиш баённомалари, абитуриентларнинг бинога кириш жараёни видеотасвири солинган ва муҳрланган махсус пакетларни қабул қилиб олади ҳамда мазкур Низомнинг 10-иловаси 3-шаклига мувофиқ муассаса вакили ҳисоботи билан биргаликда тест синови ўтказилган куни соат 18.00 гача Давлат тест марказига топширади;

муассаса вакили тест синовини ўтказиш тартибини бузган тақдирда, Давлат тест маркази масъул ходими томонидан далолатнома тузилиб, тест синовидан четлаштирилади ҳамда унинг ўрнига захирадан бошқа вакил тайинланади.

20. Бино вакили тест синовлари ўтказиладиган куни:

соат 12.20 гача - Бош штабда муассаса вакилидан бино бўйича қават вакиллари, аудитория раҳбарлари, кузатувчилари рўйхатларини, уларнинг ва видеооператорлар рухсатномаларини, тест материалларини қабул қилиб олади ҳамда соат 12.40 гача бинога етиб боради;

захира тест материаллари солинган қутиларни сейфга жойлаштиради ва муҳрлайди;

соат 13.00 гача - қават вакиллари орқали мазкур Низомнинг 11-иловаси 1-шаклига мувофиқ қават вакили, аудитория раҳбарлари ва кузатувчилари тақсимотини эълон қилиб, уларга ва видеооператорларга рухсатномаларни тарқатади. Келмаган қават вакиллари, аудитория раҳбарлари ва кузатувчилари ўрнига захирадан тайинлайди ва бу ҳақда мазкур Низомнинг 11-иловаси 2-шаклига мувофиқ тест синовларига келмаган Давлат тест маркази вакиллари, аудитория раҳбарлари ва кузатувчилари тўғрисида далолатнома расмийлаштиради;

соат 13.00 да - ҳудуд вакилига мазкур Низомнинг 12-иловасига мувофиқ шаклдаги абитуриентларнинг бино ва гуруҳлар бўйича умумий рўйхатини, аудитория раҳбарларига абитуриентларнинг аудиториялар бўйича рўйхатини ва абитуриентларнинг гуруҳлар бўйича титул варақалари солинган пакетларни беради;

соат 13.00 гача - бино бўйича тўлдирилган барча шакллар, расмийлаштирилган далолатномалар ҳамда тест синови жараёнига келмаган Давлат тест маркази вакиллари, аудитория раҳбарлари, кузатувчилари рухсатномаларини махсус пакетга солиб муҳрлайди;

соат 13.15 гача - қават вакиллари орқали мазкур Низомнинг 13-иловаси 1-шаклига мувофиқ бинода тест материалларини тарқатиш ва қабул қилиш баённомаси асосида тест материаллари қутиларини аудитория раҳбарларига топширади ва бу ҳақда баённоманинг тегишли устунларини расмийлаштиради;

соат 14.00 гача - қават вакилларининг абитуриентлар томонидан тест материалида типографик нуқсон борлиги ҳақидаги мурожаати юзасидан зудлик билан захира қутисидан таълим йўналиши ва тилига мос тест материалларини олиб қават вакилига беради ва бу ҳақда мазкур Низомнинг 13-иловаси 2-шаклига мувофиқ захира тест материалларини тарқатиш баённомасини расмийлаштиради;

соат 16.50 гача ("Мутахассислик фани" ва "Инглиз тили" фанидан тест синовларини топширмайдиганлар соат 15.00 гача, "Инглиз тили" фанидан тест синовларини топширмайдиганлар соат 16.15 гача) - абитуриентларнинг тест синовлари топширишини назорат қилиб боради ва тест синовлари жараёнида муаммо пайдо бўлса, зудлик билан ҳал қилади;

аудиторияда тест синовини ўтказиш тартибини бузган абитуриентларнинг тест синовидан четлаштирилиши ва бу ҳақда далолатнома тузилишини назорат қилади;

соат 17.00 гача ("Мутахассислик фани" ва "Инглиз тили" фанидан тест синовларини топширмайдиганлар соат 15.10 гача, "Инглиз тили" фанидан тест синовларини топширмайдиганлар соат 16.25 гача) - қават вакиллари орқали бинода тест материалларини тарқатиш ва қабул қилиш баённомаси асосида аудитория раҳбарларидан тест материаллари қутиларини муҳрланган ҳолда қабул қилиб олади, баённоманинг тегишли устунларини расмийлаштиради ҳамда ўз вақтида топширган аудитория раҳбарлари рухсатномасининг тегишли жойларини тўлдириб имзо қўяди, аудиториядан сабабсиз ўз вақтида олиб келинмаган тест материаллари қутиларини қабул қилмайди ва ҳисобот шаклининг бошқа муаммолар қисмига бу ҳақда батафсил маълумот киритади;

соат 17.20 гача - қават вакиллари иштирокида муҳрланган тест материаллари қутиларини қопларга солиб муҳрлайди. Муҳрланган тест материалларини Бош штабга олиб боради ва таълим муассасаси вакилига топширади ҳамда Давлат тест марказининг тест синовларини ўтказишга масъул ходимига топширилишида иштирок этади;

соат 17.20 гача - қават вакилларидан ҳисоботларни қабул қилади ва бино вакили ҳисоботини ёзади. Бино бўйича тўлдирилган барча шакллар, расмийлаштирилган далолатномалар, баённомалар, тестга келмаган Давлат тест маркази вакиллари, аудитория раҳбарлари, кузатувчилари рухсатномалари, абитуриентларнинг бинога кириш жараёни видеотасвири солинган ва муҳрланган махсус пакетни муассаса вакилига топширади.

21. Тўлдирилмаган ёки Давлат тест марказига келтирилмаган шакллар учун бино вакили жавобгар ҳисобланади.

22. Қават вакили тест синовлари ўтказиладиган куни:

соат 13.00 гача - аудитория раҳбарлари ва кузатувчиларига бино вакили бошчилигида рухсатномаларни тарқатади ҳамда уларни белгиланган аудиторияларга олиб боради;

ўзига тегишли қаватда аудитория раҳбарлари ва кузатувчиларининг фаолиятини назорат қилади;

тест синови ўтказилаётган аудиторияда абитуриент томонидан тест ўтказиш тартиби бузилиши аниқланганда, аудитория раҳбаридан ушбу ҳолат бўйича тест синовларидан четлаштириш тўғрисида далолатнома расмийлаштиришни талаб қилади;

тест синови тартибини бузган аудитория раҳбари ёки кузатувчисини тест синовидан четлаштиради, уларнинг ўрнига захирадан бошқа шахсни тайинлайди ҳамда ушбу ҳолатларни ўз ҳисоботида кўрсатади;

аудиторияларда пакетлар ва тест материаллари қутисини муҳрлашда амалий ёрдам кўрсатади;

қаватдаги аудиториялар раҳбарлари томонидан тест материаллари қутиларининг бино вакилига топширилишини назорат қилади;

қават вакили ҳисоботини ёзиб, бино вакилига топширади.

23. Ҳудуд вакили тест синовлари ўтказиладиган куни:

соат 13.00 да - бино вакилидан абитуриентларнинг бино ва гуруҳлар бўйича умумий рўйхатини олади ва бино ҳудудидаги эълонлар тахтасига жойлаштиради;

абитуриентларни бино ҳудуди ва бинога тартибли равишда киришини назорат қилади;

бино ҳудудига киришда микрокалькулятор, луғат, жадвал, китоб, уяли телефон, компьютер, телекоммуникация воситалари ва шпаргалкалар олиб киришга ҳаракат қилган абитуриентларни тест синовларидан четлаштириш ва тегишли далолатномани расмийлаштиришда иштирок этади.

24. Тест синовини ўтказиш давомида мазкур Низомнинг 65-бандида кўрсатилган ҳолатлардан бирортасини содир этган Давлат тест маркази вакили тест синовидан четлаштирилади. Бунда қават вакили бино вакили томонидан, бино вакили муассаса вакили томонидан, муассаса вакили Давлат тест маркази масъул ходими томонидан тест синовидан четлаштирилади ва унинг ўрнига захирадан бошқа вакил тайинланади ҳамда ушбу ҳолатлар тегишли ҳисоботларда кўрсатилади.

4-§. Тест синовини ташкил этиш ва ўтказишда маҳаллий

давлат ҳокимияти органларининг асосий вазифалари

25. Маҳаллий давлат ҳокимияти органлари Банк-молия академиясининг мурожаатига асосан:

тест синовини ўтказиш билан боғлиқ барча зарур шарт-шароитларни яратишда амалий ёрдам беради;

Давлат тест маркази вакиллари, аудитория раҳбарлари ва кузатувчиларининг ўқув-семинар машғулотларига, репетицияга ва тест синовларига ўз вақтида етиб келишини таъминлайди;

ўз ваколатлари доирасида тест синовларининг тартибли ўтишини таъминлайди.

5-§. Тест синовини ўтказишда аудитория раҳбарлари

ва кузатувчиларининг вазифалари

26. Аудитория раҳбарлари ва кузатувчилари маҳаллий давлат ҳокимияти органларининг тавсияси асосида давлат ва жамоат ташкилотлари ходимлари орасидан шакллантирилади.

27. Аудитория раҳбарлари ва кузатувчилари аудиторияларга Давлат тест маркази томонидан қуръа ташлаш йўли билан тақсимланади.

28. Аудитория раҳбарлари ва кузатувчилари томонидан бинога ён дафтарча, сумка, уяли алоқа воситалари ва шунга ўхшаш буюмларни олиб кирилиши ман этилади. Тест синови ўтказиладиган аудиторияда тегишли қонун ҳужжатлари талабларига қатъий риоя қилинган ҳолда тўғри ва адолатли ўтказилишини таъминлаш бўйича жавобгарлик аудитория раҳбари зиммасига юкланади.

29. Ҳар бир аудиторияга 1 нафар аудитория раҳбари, 30 тагача абитуриент учун 1 нафар аудитория кузатувчиси бириктирилади. Аудитория кузатувчиси аудиториядаги абитуриентларга тест материалларини тарқатиш ва йиғиб олиш ҳамда тест синовининг белгиланган тартибда ўтказилишида масъул ҳисобланади. Аудитория раҳбари аудитория кузатувчилари фаолиятини назорат қилади, мазкур Низомнинг 14-иловасига мувофиқ аудиторияда тест синовини ўтказиш баённомасини расмийлаштиради.

30. Тест синовлари ўтказиладиган куни аудитория раҳбари ва кузатувчиси ўзига бириктирилган бинога соат 12.30 дан кечикмасдан паспорти билан етиб келади.

Соат 13.00 гача бино штабида рухсатномаси ҳамда мазкур Низомнинг 15-иловасига мувофиқ шаклдаги абитуриентларнинг аудиториялар бўйича рўйхатини олади ва имзо қўяди ҳамда рухсатномада кўрсатилган аудиторияга бориб, исм ва фамилиясини ёзув тахтасига (доскага) ёзиб қўяди.

31. Аудитория раҳбари соат 13.15 гача бино штабида бино вакилидан тегишли титул варақалари солинган пакетни ва тест материаллари қутисини уларнинг муҳри бузилмаганлигини текшириб қабул қилади, қават вакили бошчилигида аудиторияга олиб келади ҳамда титул варақалари солинган пакетни гувоҳлар иштирокида очиб, аудитория кузатувчиларига топширади.

32. Аудитория раҳбари соат 13.30 да аудитория кузатувчилари ва икки нафар абитуриентлар гувоҳлигида тест материаллари қутисини очади. Тест материаллари қутисидан абитуриентлар сонига мос равишда мазкур Низомнинг 16-иловасига мувофиқ шаклдаги саволлар китоби ҳамда мазкур Низомнинг 17-иловасига мувофиқ шаклдаги жавоблар варақаси, мазкур Низомнинг 18-иловаси 1 - 3-шаклларига мувофиқ титул варақалари пакети, жавоблар варақаси пакети ва ишлатилмаган саволлар китоблари пакети, мазкур Низомнинг 19-иловасига мувофиқ шаклдаги тест синовларидан четлаштириш тўғрисида далолатнома, тест материалларини муҳрлаш учун Давлат тест марказининг 4 та эмблемаси ва аудиторияда тест синовини ўтказиш баённомаси мавжудлигини текшириб олади.

33. Аудитория раҳбари абитуриентларга тарқатиш учун жавоблар варақалари ва жавоблар варақаси рақамига мос рақамли саволлар китобларини кузатувчиларга топширади ҳамда абитуриентларнинг аудиториялар бўйича рўйхатига абитуриентларнинг тест материалларини қабул қилиб олганликларини тасдиқлаб, имзо қўйишларини назорат қилади.

34. Аудитория раҳбари соат 14.00 гача:

абитуриентларни жавоблар варақасини букмаслик, унинг маркер чизиғига ёзмаслик ва жавоблар варақаси рақами остида жойлашган доирачаларни бўямаслик ҳақида огоҳлантиради;

абитуриентларга саволлар китоби рақами билан жавоблар варақаси рақами мослигини ҳамда тест материаллари нуқсонсизлигини текшириб чиқиш, жавоблар варақаси ва саволлар китоби муқовасининг тегишли жойига фамилияси, исми, отасининг исмини ёзиб имзо қўйиш, титул варақаси ва абитуриент рухсатномасининг тегишли жойига жавоблар варақасидан жавоблар варақаси рақамини хатосиз кўчириб ёзиб имзо қўйиш ва титул варақасидан жавоблар варақасининг тегишли жойига махсус кодни тўғри кўчириш бўйича кўрсатма беради;

кузатувчилардан тест синовига келмаган абитуриентларнинг жавоблар варақалари ва саволлар китобларини санаб қабул қилиб олади;

кузатувчиларга абитуриентлар томонидан тўлдирилган титул варақаларини йиғиб олиш бўйича кўрсатма беради;

абитуриент саволлар китоби нуқсонли эканлиги ҳақида мурожаат қилганда, нуқсон борлигига шахсан ўзи ишонч ҳосил қилгандан кейин тезкорлик билан қават вакилига мурожаат қилиб, захирадан шу таълим йўналиши ва тилига мос бўлган саволлар китоби ҳамда жавоблар варақасини келтириб беришни сўрайди ҳамда абитуриентга нуқсонсиз тест материалларини топширади;

нуқсонли саволлар китоби ва жавоблар варақаси устига "Нуқсонли" деган ёзув киритади, нуқсонли тест саволлари китоби устига унинг алмаштирилган вақтини, абитуриентнинг фамилияси, исми, отасининг исмини ёзиб имзо қўяди ҳамда нуқсонли тест саволлари китоби ва жавоблар варақасини жавоблар варақаси пакетига солади.

35. Аудитория раҳбари соат 14.00 да тест синови бошланганини эълон қилиб, тест синовининг тугаш вақтини доскага ёзиб қўяди.

36. Аудитория раҳбари соат 14.20 гача:

тест синовига келмаган абитуриентга тегишли саволлар китобини ишлатилмаган саволлар китоби пакетига солиб муҳрлайди, жавоблар варақасини жавоблар варақаси пакетига солиб қўяди ва абитуриентларнинг аудиториялар бўйича рўйхатига тест синовига келмаган абитуриент ҳақида "Қатнашмади" деб ёзиб қўяди;

йиғилган титул варақаларига ёзилган жавоблар варақалари рақамларини абитуриентларнинг аудиториялар бўйича рўйхатига ёзилган жавоблар варақалари рақамлари билан мослигини бирма-бир текшириб чиқади, тегишли жойига имзо қўйиб, титул варақалари пакетига солиб қўяди;

аудиторияда тест синовларини ўтказиш баённомасининг тегишли бандларини расмийлаштиради.

37. Аудитория раҳбари соат 16.30 да ("Мутахассислик фани" ва "Инглиз тили" фанидан тест синовларини топширмайдиганлар соат 14.40 да, "Инглиз тили" фанидан тест синовларини топширмайдиганлар соат 15.55 да) тест саволлари билан ишлаш учун ажратилган вақт тугаганлигини ва жавобларни жавоблар варақасига кўчириш учун ажратилган 20 дақиқалик вақт бошланганлигини эълон қилади.

38. Аудитория раҳбари соат 16.50 да ("Мутахассислик фани" ва "Инглиз тили" фанидан тест синовларини топширмайдиганлар соат 15.00 да, "Инглиз тили" фанидан тест синовларини топширмайдиганлар соат 16.15 да) тест синови учун ажратилган вақт тугаганлигини эълон қилади ва абитуриентларни ўринларидан туришларини талаб қилади ҳамда кузатувчиларга абитуриентлардан тест материалларини йиғиб олиш бўйича кўрсатма беради.

Тест материаллари йиғиб олинганидан сўнг, аудитория раҳбари саволлар китоби ва жавоблар варақасига шикаст етмаганлигини текширади ва абитуриентларга тест материалларини топширганлигини тасдиқлаш мақсадида абитуриентларнинг аудиториялар бўйича рўйхатига имзо қўйдириб, аудиториядан чиқишларини назорат қилади.

Тест синови учун ажратилган вақт тугаганлигини инобатга олмаган абитуриентларнинг тест материалларини қабул қилмайди. Абитуриентларнинг аудиториялар бўйича рўйхатига "Топширмади" деган ёзув киритиб, имзо билан тасдиқлайди, мазкур ҳолат бўйича далолатнома расмийлаштиради ва далолатномага абитуриентнинг титул варақасини елимлайди.

39. Аудитория раҳбари соат 16.50 дан 17.00 гача ("Мутахассислик фани" ва "Инглиз тили" фанидан тест синовларини топширмайдиганлар соат 15.00 дан 15.10 гача, "Инглиз тили" фанидан тест синовларини топширмайдиганлар соат 16.15 дан 16.25 гача):

жавоблар варақаси пакетига тестда қатнашган абитуриентларнинг жавоблар варақаларини, ишлатилмаган жавоблар варақаларини, тест синовларидан четлаштириш тўғрисидаги далолатнома елимланган жавоблар варақалари ва титул варақаларини, тест материалларини ўз вақтида топширмаган абитуриентларнинг титул варақалари елимланган далолатномаларни, тест синовига келмаган абитуриентларнинг титул варақаларини, устига "Нуқсонли" деб ёзилган саволлар китоби ва унга тегишли жавоблар варақасини солади;

титул варақалари пакетига тест синовида қатнашган абитуриентларнинг титул варақалари ҳамда абитуриентларнинг аудиториялар бўйича рўйхатини солади;

жавоблар варақаси пакети ва титул варақалари пакети устидаги шаклни расмийлаштиради ва уларни аудитория кузатувчилари ва икки нафар абитуриент гувоҳлигида Давлат тест маркази эмблемаси билан муҳрлайди ҳамда муҳр устидаги тегишли жойга имзо қўяди;

тест материаллари қутисига, ишлатилган саволлар китобларини, ишлатилмаган саволлар китоблари пакетини, жавоблар варақаси пакетини, титул варақалари пакетини, аудиторияда тест синовини ўтказиш баённомасини солади;

тест материаллари қутисини аудитория кузатувчилари ва икки нафар абитуриент гувоҳлигида Давлат тест маркази эмблемаси билан муҳрлайди ҳамда муҳр устидаги тегишли жойга имзо қўяди.

40. Аудитория раҳбари соат 17.00 гача ("Мутахассислик фани" ва "Инглиз тили" фанидан тест синовларини топширмайдиганлар соат 15.10 гача, "Инглиз тили" фанидан тест синовларини топширмайдиганлар соат 16.25 гача) муҳрланган тест материаллари қутисини аудитория кузатувчилари иштирокида бино вакилига топширади ва ушбу материалларни ўз вақтида топширилганлигини тасдиқлатиб, рухсатномасининг тегишли жойига имзо қўйдиради.

41. Тест синовларини ўтказиш тартибини бузган абитуриентнинг далолатнома асосида тест синовидан четлаштирилмаганлиги, тест синови жараёнида ишлатилган шакллар ёки пакетлар устидаги реквизитлар тўлдирилмаганлиги ёки чала тўлдирилганлиги, қутининг аудиторияда муҳрланмаганлиги, пакетнинг устига ёзилган ёзувнинг пакет ичидаги тест материаллари сонига мос келмаслиги, тест материалларининг тўлиқ эмаслиги, шикастланган тест материаллари бўйича далолатнома тузилмаганлиги учун аудитория раҳбари жавобгар ҳисобланади.

42. Аудитория кузатувчиси соат 13.10 гача:

аудиториянинг тест синовларига тайёрлигини текширади, тест жараёнига салбий таъсир этувчи омиллар аниқланганда, уларни бартараф этиш чораларини кўради;

аудиторияда абитуриентлар бўлса, уларни ташқарига чиқаради, аудиториядаги ўтириш ўринлари белгиланган намуна асосида рақамланганлигини текширади;

аудитория раҳбаридан абитуриентларнинг аудиториялар бўйича рўйхати ва титул варақаларини қабул қилиб олади;

абитуриентларни титул варақаси, абитуриент рухсатномаси ва паспорти асосида текшириб (расмларнинг шу абитуриентга тегишлилигига ишонч ҳосил қилиб), абитуриентларнинг аудиториялар бўйича рўйхати асосида уларни аудиторияга киритади;

абитуриентга титул варақасини топшириб, уларга титул варақасида кўрсатилган жойга бориб ўтириш ҳақида кўрсатма беради;

тест синовига келмаган абитуриентнинг ўрни тест синови давомида бўш қолади;

тест синовига келмаган абитуриентларга тегишли титул варақаларини санаб аудитория раҳбарига топширади.

43. Аудитория кузатувчиси соат 13.30 да аудитория раҳбаридан жавоблар варақалари ва жавоблар варақаси рақамига мос рақамли саволлар китобларини қабул қилиб олади ва абитуриентларга тарқатиб чиқади. Абитуриентларга жавоблар варақаси рақамини абитуриентларнинг аудиториялар бўйича рўйхатига ёздириб, имзо қўйдиради ва абитуриентлар томонидан тўлдирилган титул варақаларини йиғиб олади ҳамда аудитория раҳбарига топширади.

44. Аудитория кузатувчиси соат 14.00 дан 16.50 гача ("Мутахассислик фани" ва "Инглиз тили" фанидан тест синовларини топширмайдиганлар соат 14.00 дан 15.00 гача, "Инглиз тили" фанидан тест синовларини топширмайдиганлар соат 14.00 дан 16.15 гача) тест синовининг белгиланган тартибда ўтишини назорат қилади, абитуриентлардан тест материалларини йиғиб олади ва аудитория раҳбарига топширади.

Соат 17.00 гача ("Мутахассислик фани" ва "Инглиз тили" фанидан тест синовларини топширмайдиганлар соат 15.10 гача, "Инглиз тили" фанидан тест синовларини топширмайдиганлар соат 16.25 гача) тест материаллари қутисини аудиторияда муҳрлашда ва бино вакилига топширишда иштирок этади.

45. Тест синови давомида мазкур Низомнинг 66-бандида кўрсатилган ҳолатлардан бирортасини содир этган аудитория раҳбари ёки кузатувчиси қават вакили томонидан тест синовидан четлаштирилади, ўрнига захирадан бошқа аудитория раҳбари ёки кузатувчиси тайинланади ҳамда бу ҳақда тегишли ҳисоботларда кўрсатилади.

6-§. Тест синовлари ўтказиладиган бино ва аудиторияларни

тест синовларига тайёрлаш

46. Қабул комиссияси бино ва аудиторияларни тест синовларини ўтказиш учун тайёрлайди.

47. Қабул комиссияси жорий йилда тест синовларига қатнашадиган абитуриентлар сонини ўтган йилга нисбатан йигирма фоиз қўшган ҳолда режалаштиради.

48. Тест синовлари ўтказиладиган биноларнинг режа-чизмаси Давлат тест маркази томонидан тасдиқлангандан кейин ҳақиқий ҳисобланади.

49. Банк-молия академиясида тест материалларини қабул қилиш ва топшириш учун махсус хона (Бош штаб), биноларда эса, тест материалларини тарқатиш ва қабул қилиб олиш учун мўлжалланган хона (штаб) тайёрланади ва улар Давлат тест марказининг вакиллари учун етарли миқдорда стол-стуллар, стационар телефон алоқаси, тест жараёнида ҳужжатларни сақлаш учун сейф ва соат билан жиҳозланиши лозим.

50. Тест синови ўтказиладиган бино ва аудиториялар қуйидаги талабларга жавоб бериши шарт:

бинолар ҳудудий жойлашуви бўйича бир-бирига яқин бўлиши;

бинога кириш йўлаги кўпи билан 500 нафар абитуриентга мўлжалланган бўлиши;

абитуриентларни тартибли ва ўз вақтида киритиш учун биноларнинг кириш эшикларида назорат хизмати постлари ташкил этилиши;

бино ҳудудида абитуриентларнинг аудиториялар бўйича рўйхатини осиб қўйиш учун эълонлар тахтаси бўлиши;

бинода тест жараёни учун зарур бўлган ахборот, техник ва маиший шароитлар яратилиши;

бино ва аудиторияларнинг ҳолати тегишли санитария ва ёнғин хавфсизлиги қоидаларига тўлиқ жавоб бериши;

бинодаги ҳар бир қаватда камида 180 нафар абитуриент учун мўлжалланган 12 тагача аудиториялар ташкил этилиши ҳамда ушбу аудиториялар Давлат тест марказининг қават вакили томонидан назорат қилиш учун қулай масофада жойлашган бўлиши;

аудиторияларнинг эшикларига гуруҳ рақами ёзилган кўрсаткич осиб қўйилиши;

тест синовлари ўтказиладиган аудиториялар рақами бино рақамининг ўсиши тартибида, бино бўйича аудиториялар рақами эса, юқори қаватдан пастки қаватга ўсиши тартибида рақамланиши;

ҳар бир аудиториядаги ўтириш ўринлари сони 15, 30 ёки 60 нафар абитуриентгача мўлжалланган бўлиши;

аудиториялар етарли миқдорда стол-стуллар ва тест материаллари учун алоҳида стол билан таъминланиши (бунда стол-стуллар бошланғич синф ўқувчиларига мўлжалланган бўлмаслиги керак);

аудиторияларни тайёрлашда ёруғлик тушиши, шамоллатиш, абитуриентни тик тушувчи қуёш нуридан ҳимоялаш имкониятлари ҳисобга олиниши;

аудитория соат, бўр ёки маркер, ёзув тахтаси (доска), елим, ичимлик суви ҳамда абитуриентлар, аудитория раҳбари ва кузатувчилари сонига тенг миқдорда стол, стул ва ҳаво ранг пастали шарикли ручка билан таъминланиши шарт.

Тест синовлари нечта бинода ўтказилишидан қатъи назар, аудиторияларнинг тартиб рақами кетма-кетлиги такрорланмаслиги, аудитория сифатида ошхона, йўлак (коридор) ва шунга ўхшаган хоналардан фойдаланилмаслиги, аудиториялар хонадан-хонага ўтиладиган бўлмаслиги ва улар бир нечта шартли аудиторияларга бўлинмаслиги ҳамда аудиторияларда тест синовлари топшириладиган фанларга тааллуқли кўргазмали воситалар бўлмаслиги лозим.

7-§. Тест синовлари жараёнини видеотасвирга

олишни ташкил қилиш

51. Қабул комиссияси томонидан тест синовлари жараёнини видеотасвирга олишни ташкил қилиш қуйидагича амалга оширилади:

ҳар бир назорат хизмати постида ва штабларда камида 2 тадан видеотасвирга тушириш қурилмаси ўрнатилади, 2 та видеотасвир орқали жараённи тўлиқ қамраб олишда муаммолар юзага келган тақдирда, қўшимча видеотасвирга тушириш қурилмалари ўрнатилади;

видеотасвирга тушириш қурилмаси узлуксиз ишлаши, видеотасвирда сана ва вақт аниқ ёзилган бўлиши, тасвирга олинаётган жараённи тўлиқ қамраб олиши, жараён иштирокчиларининг кимлиги видеотасвир орқали аниқланадиган даражада бўлиши лозим;

видеотасвирга тушириш қурилмасининг узлуксиз ишлашини таъминлаш мақсадида видеотасвирга тушириш ва дискка ёзиш (кўчириш) малакасига эга бўлган шахс (бундан буён матнда видеооператор деб юритилади) тайинланади;

видеотасвирни ўрнатиш жойларининг режа-чизмалари Давлат тест маркази томонидан тасдиқланади;

видеооператорлар рўйхати қабул комиссияси раиси томонидан тасдиқланади;

видеооператорлар тест синовлари ўтказиладиган куни бириктирилган бинога соат 12.30 да етиб келади ва бино ҳудудига назорат хизмати постлари орқали қабул комиссияси тақдим этган рўйхат асосида паспорти билан киритилади. Соат 13.00 гача бино вакилидан тегишли рухсатномани олади;

видеотасвирга тушириш қурилмаси режа-чизмада белгиланган жойга ўрнатилади ва унинг ишлашга тайёрлиги текширилиб, аниқланган камчиликларни бартараф этиш чоралари кўрилади;

видеотасвирнинг тест синовлари тугагунга қадар узлуксиз ишлаши таъминланади;

видеотасвирларни кўчириш ёки монтаж қилиш, видеотасвирга тушириш жараёнида уларнинг объектив ҳолатига ўзгартириш киритиш тақиқланади;

тест синовлари тугаши билан видеотасвирлар туширилган дисклар кетма-кет рақамланган ҳолда бино бўйича алоҳида конвертга солинади. Конверт таълим муассасаси номи ва коди, бино рақами, видеооператор фамилияси, исми, отасининг исми кўрсатилган, муҳрланган ва имзоланган ҳолда бино вакилига топширилади.

52. Видеотасвирларнинг Давлат тест марказига етказилиши бино вакили томонидан таъминланади.

8-§. Тест синовларини ўтказиш

53. Тест синови ўтказиладиган куни абитуриентлар тест синовлари ўтказиладиган бино ҳудудига соат 13.00 дан бошлаб видеотасвир орқали паспорти ва абитуриент рухсатномаси билан киритилади. Абитуриент эълонлар тахтасидаги умумий рўйхатдан қайси гуруҳда эканлигини аниқлаб, бинога киради ва кўрсатгичлардан фойдаланиб, ўзига тегишли аудиторияга боради. Абитуриентлар аудиторияга соат 13.30 гача киритилади. Тест синовлари бошлангандан кейин абитуриентлар аудиторияга киритилмайди.

Тест синовларига келмаган абитуриентлар учун қўшимча тест синовлари ўтказилмайди.

54. Кириш тест синовларининг саволлари Ўзбекистон Республикаси Олий ва ўрта махсус таълим вазирлиги томонидан тасдиқланган ўқув дастурлари асосида Давлат тест маркази томонидан шакллантирилади.

Тест саволлари китобидан нусха берилмайди.

Ўқув дастурлари тест синовлари бошланишидан 3 ой олдин Давлат тест марказига тақдим этилади.

55. Тест синови соат 13.30 да бошланади.

Соат 13.30 дан 14.00 гача абитуриентлар жавоблар варақасини тўғри тўлдириш тартиби билан таништирилади ва жавоблар варақасининг тегишли жойига ўзлари тўғрисидаги маълумотларни ёзади. Бу вақт тест ўтказиш учун ажратилган вақт меъёрига кирмайди.

56. Тест синови бошлангандан кейин ҳеч ким аудиторияга киритилмайди ва тест саволлари бўйича абитуриентлар билан савол-жавоб қилинмайди.

Тест синови давомида аудитория эшиклари очиқ ҳолатда туради. Аудитория раҳбари ёки кузатувчининг аудиториядан чиқиши тақиқланади.

57. Абитуриент жавоблар варақаси рақами билан саволлар китоби рақамининг бир-бирига мослигини ва саволлар китобида фанлар бўйича тест саволларида типографик хато ёки бошқа нуқсонлар йўқлигини текширади. Агар тест саволларида нуқсон бўлганда соат 14.00 гача бу ҳақда аудитория раҳбарига хабар беради ва соат 14.00 дан кейин эътирозлар қабул қилинмайди.

58. Абитуриентлар абитуриент рухсатномаси ва титул варақасининг тегишли жойларига жавоблар варақаси рақамини, титул варақасида кўрсатилган махсус кодни эса, жавоблар варақасига кўчириб ёзади ва тегишли доирачаларни бўяйди.

59. Абитуриент томонидан тўлдирилмаган жавоблар варақаси бўйича эътирозлар кўриб чиқилмайди.

Абитуриент жавоблар варақасининг 1-блокига ва саволлар китоби муқовасининг белгиланган жойига ўзи ҳақидаги тегишли маълумотларни ёзиб, имзо қўяди. Ушбу маълумотлар киритилмаган ёхуд қисман ёки нотўғри киритилган тақдирда, абитуриентнинг эътирози кўриб чиқилмайди.

60. Абитуриентга 3 та фандан 100 та тест топшириғи ва уларни бажариш учун 2 соат 30 дақиқа вақт берилади.

Саволлар китобида "Мутахассислик фани"дан 50 та, "Демократик давлат ва фуқаролик жамияти қуриш назарияси ва амалиёти асослари" фанидан 25 та, "Инглиз тили" фанидан 25 тест топшириқлари бўлади.

Ҳар бир саволга 4 тадан ("А", "В", "С", "D") жавоблар варианти берилган бўлиб, абитуриент улардан тўғри деб ҳисоблаган жавобни топиб, саволлар китобига белгилаши (саволлар китобида белгиланган жавобларни ўзгартириш мумкин), кейинчалик жавоблар варақасидаги мос доирачаларини белгиланган тартибда бўяши керак (жавоблар варақасида белгиланган жавобларни ўзгартириш мумкин эмас).

Ҳар бир тест саволига фақат битта жавоб белгиланиши шарт. Агар жавоблар варақасидаги "Белгилаш учун намуна" қоидасига риоя этилмаса, жумладан битта саволга жавоблар варақасида тегишли доирача бўялмаса ёки икки ва ундан ортиқ доирача бўялса ёхуд тўлиқ бўялмаса, ушбу жавобга балл берилмайди. Саволлар китобида белгиланган жавоблар натижа чиқариш учун асос бўлмайди.

Тўлдирилган жавоблар варақаси абитуриентнинг билим даражасини белгиловчи асосий ҳужжат ҳисобланади.

61. Жавоблар варақаси абитуриент томонидан ҳаворанг пастали шарикли ручка билан тўлдирилади.

Жавоблар варақаси тўғри тўлдирилиши учун абитуриент шахсан жавобгардир. Жавоблар варақасидаги тегишли доирачаларни нотўғри бўяган абитуриентларнинг эътирози кўриб чиқилмайди.

Жавоблар варақасини тўлдириш учун тест синови учун белгиланган вақтга қўшимча 20 дақиқа ажратилади.

62. Тест синовларини топшириш вақтида абитуриентнинг аудиториядан чиқиши тақиқланади, аудиториядан чиққан абитуриент қайтадан тест синовларига қўйилмайди, соғлиғи ёмонлашган ҳолатларда тест материалларисиз қават вакили кузатуви остида аудиториядан чиқиш ҳоллари бундан мустасно.

63. Аудитория раҳбари томонидан тестни бажариш учун ажратилган вақт тугаганлиги ва саволлар китобида белгиланган жавобларни жавоблар варақасининг мос доирачаларига бўяш учун қўшимча 20 дақиқалик вақт бошланганлиги эълон қилинганда, абитуриент саволлар китобида белгиланган жавобларни жавоблар варақасининг мос доирачаларига бўяшни бошлаши, қўшимча ажратилган вақт тугаганлиги эълон қилинганда жавоблар варақаси билан ишлашни тўхтатиши шарт.

Абитуриентнинг тест саволлари ёки тест синовларини ўтказиш жараёни юзасидан эътирозлари мавжуд бўлганда, Давлат тест марказига мазкур Низомнинг 20-иловасига мувофиқ тест саволлари ёки тест синовларини ўтказиш жараёни юзасидан эътирозларини кўрсатган ҳолда ариза билан мурожаат қилиши мумкин.

64. Тест синовларини белгиланган муддатдан олдин тугатган ёки тест синовлари учун ажратилган вақт тугагач, абитуриентлар белгиланган тартибда тест материалларини топширади.

65. Давлат тест маркази вакиллари қуйидаги ҳолларда тест синови жараёнидан четлаштирилади:

бино ва қаватга тақиқланган воситалар олиб кирганда;

тақиқланган воситалардан фойдаланиш учун абитуриентга шароит яратиб берганда;

бино ва қаватда тест синови жараёнига рухсатномаси бўлмаган бегона шахсларнинг аралашувига йўл қўйганда;

ўзига берилган ваколатларни суиистеъмол қилганда;

хатти-ҳаракатлари тест синовини ўтказиш тартибининг бузилишига олиб келганда;

тест синови вақтида аудитория раҳбари ва кузатувчиси томонидан аудитория эшигининг ёпиб қўйилиши ёки аудитория эшиги олдида туриб қаватдаги ҳаракатларнинг кузатилишига йўл қўйганда;

тест синови жараёнида бино ва қаватда назоратни қўлдан чиқарганда ва тартибсизлик келиб чиқишига сабаб бўлганда;

аудиторияларда тест синови тартибини бузган абитуриентларни четлаштириш тўғрисида далолатнома тузилишига қаршилик қилганда;

тест синови жараёнида ўзига юклатилган вазифаларни бажара олмаётганлиги аниқланганда.

66. Аудитория раҳбари ва кузатувчиси қуйидаги ҳолларда тест синови жараёнидан четлаштирилади:

аудиторияга тақиқланган воситаларни олиб кирганда;

тақиқланган воситалардан фойдаланиш учун абитуриентга шароит яратиб берганда;

аудиторияда ўтказилаётган тест синови жараёнига рухсатномаси бўлмаган бегона шахсларнинг аралашувига ёки киришига йўл қўйганда;

ўзига берилган ваколатларни суиистеъмол қилганда;

хатти-ҳаракатлари тест синовини ўтказиш тартибининг бузилишига олиб келганда;

тест синови бошлангандан кейин аудиториядан тест материалларининг олиб чиқилиши ва олиб кирилишига йўл қўйганда;

аудитория эшигини ёпиб қўйганда;

тест синови вақтида аудиториядан ташқарига чиққанда;

аудитория эшигидан туриб қаватдаги ҳаракатларни кузатганда;

тест синови жараёнида аудиторияда назоратни қўлдан чиқарганда ва тартибсизлик келиб чиқишига сабаб бўлганда;

тест синови жараёнида ўзига юклатилган вазифаларни бажара олмаётганлиги аниқланганда.

67. Тест синовлари ўтказиладиган бинога киришда абитуриент микрокалькулятор, луғат, жадвал, китоб, уяли телефон, компьютер, телекоммуникация воситалари ва шпаргалкалар олиб киришга ҳаракат қилса ёки олиб кирган бўлса, тест синовлари давомида тест материалларини бошқа абитуриентга узатса ёки ёрдам берса, тест синови учун ажратилган вақт тугаганидан кейин тест материалларини топширишдан бош тортса, тест материалларини аудиториядан ташқарига чиқарса, саволлар китоби варағини йиртса абитуриент тест синовларини ўтказиш тартибини бузган ҳисобланади ва Давлат тест маркази вакили ёки аудитория раҳбари ва кузатувчилари томонидан далолатнома тузилиб, абитуриент тест жараёнидан четлаштирилади.

68. Тест синовидан четлаштирилган абитуриентнинг жавоблар варақаси бўйича натижа ҳисобланмайди ва жавоблар варақаси нусхаси берилмайди.

3-БОБ. ТЕСТ СИНОВЛАРИ НАТИЖАЛАРИ ЮЗАСИДАН

НОМЗОДЛАРНИНГ АРИЗАЛАРИНИ КЎРИБ ЧИҚИШ

69. Магистратурага кириш тест синовлари натижалари юзасидан номзодларнинг аризаларини кўриб чиқиш учун Банк-молия академияси ректорининг буйруғига асосан Аппеляция комиссияси ташкил этилади.

Апелляция комиссияси таркибига Банк-молия академиясининг профессор-ўқитувчилари ва фанлар бўйича экспертлар киритилади.

Аризани кўриб чиқиш жараёнига қабул комиссияси аъзолари, Давлат тест маркази вакиллари ҳамда аудитория раҳбари ва кузатувчилари уларга тегишли масалалар бўйича жалб қилиниши мумкин.

70. Аризалар кириш тест синовлари натижалари эълон қилинган кундан бошлаб 2 иш куни мобайнида Апелляция комиссияси раиси номига номзодлар томонидан мазкур Низомнинг 21-иловасига мувофиқ шаклда берилиши мумкин.

Апелляция комиссияси тақдим этилган аризаларни улар келиб тушган кундан бошлаб 3 кундан ошмаган муддатда кўриб чиқади. Ариза кўриб чиқиладиган кун ҳақида абитуриентга хабарнома юборилади (берилади).

71. Ариза тушган куни Банк-молия академияси томонидан Давлат тест марказидан мурожаат қилган абитуриентнинг тест материаллари (саволлар китоби, жавоблар варақасининг нусхаси ва тест синовида йўл қўйган нотўғри жавоблари рўйхати) сўраб олинади. Тест материалларидан нусха кўчириш тақиқланади.

72. Апелляция жараёни тугаганидан сўнг тест материаллари Давлат тест марказига тўлиқ қайтарилади.

Жавоблар варақаси, саволлар китоби ёки титул варақаси абитуриент томонидан мазкур Низомда белгиланган тартибда тўлдирилмаган, шунингдек у тест синовидан четлаштирилган бўлса, абитуриентнинг аризаси кўриб чиқилмайди.

73. Ариза билан мурожаат қилган абитуриент хабарномада кўрсатилган вақтда Апелляция комиссиясига ўзининг паспорти ва абитуриент рухсатномаси билан келиши шарт.

74. Апелляцияни кўриб чиқишда абитуриентга унинг жавоблар варақаси нусхаси, нотўғри жавоблари рўйхати ҳамда тестда тушган саволлар китоби берилади.

Абитуриент ўзининг эътирозларини ёзиб, ўзига берилган тест материаллари билан бирга Апелляция комиссиясига топширади.

75. Апелляция комиссияси томонидан қабул қилинган қарор тўғрисида Давлат тест маркази ва абитуриентга ёзма равишда маълум қилинади.

76. Кўрсатилган эътирозлар ўз тасдиғини топмаган бўлса, Апелляция комиссияси тест синовлари натижаларини ўзгаришсиз қолдириш ва аризани қаноатлантиришни рад этиш тўғрисида қарор қабул қилиши мумкин.

77. Апелляция комиссиясининг аризани кўриб чиқиш натижалари бўйича қабул қилган қарори юзасидан қонун ҳужжатларида белгиланган тартибда судга шикоят қилиниши мумкин.

4-БОБ. ЯКУНИЙ ҚОИДА

78. Мазкур Низом Ўзбекистон Республикаси Банк-молия академияси билан келишилган.

Низомга

1-ИЛОВА

1-шакл (намуна)

   

ТЕСТ СИНОВИ ЎТКАЗИЛАДИГАН БИНО, ҚАВАТ

ВА АУДИТОРИЯЛАРНИНГ РЕЖА-ЧИЗМАСИ

Бинолар сони: ______________ Жами қаватлар сони: __________ Жами аудиториялар сони: _________________________

15 ўринли аудиториялар сони: ________, 30 ўринли аудиториялар сони: _______, 60 ўринли аудиториялар сони: ________,

Жами ўринлар сони: ___________

2-шакл (намуна)

         

     

     

3-шакл (намуна)

   

4-шакл (намуна)

1-биносининг 2-қаватидаги аудиторияларнинг жойлашиш

СХЕМАСИ

           

Шартли қаватлар сони - 2 та

Жами аудиториялар сони - 15 та

Жами ўринлар сони - 510 та

      

5-шакл (намуна)

Тест синовлари ўтказиладиган бинолар тўғрисида умумий

МАЪЛУМОТ

        

6-шакл (намуна)

Абитуриентларнинг аудиториялардаги

ўтириш ўринлари сони ҳақидаги

МАЪЛУМОТ

         

7-шакл (намуна)

Абитуриентларнинг ўтириш ўрнини рақамлаш

НАМУНАСИ

            

      

Низомга

2-ИЛОВА

1-шакл (намуна)

Абитуриентлардан тушган аризалар ҳақида

МАЪЛУМОТ

2-шакл (намуна)

Халқаро (TOEFL, IELTS ёки GMAT)

сертификатга эга бўлган абитуриентлар

РЎЙХАТИ

     

       

Низомга

3-ИЛОВА

(намуна)

Титул варақаси

(олд томони)

           

Титул варақаси

(орқа томони)

    

         

Низомга

4-ИЛОВА

(намуна)

Абитуриент рухсатномаси

(олд томони)

       

          

Абитуриент рухсатномаси

(орқа томони)

    

           

Низомга

5-ИЛОВА

1-шакл (намуна)

Абитуриентларнинг умумий

РЎЙХАТИ

Банк-молия академияси

2-шакл (намуна)

Абитуриентларга рухсатномаларни тарқатиш

ҚАЙДНОМАСИ

        

        

Низомга

6-ИЛОВА

1-шакл (намуна)

         

БИНОНИНГ ТЕСТ СИНОВЛАРИГА ТАЙЁРЛИГИ

ТЎҒРИСИДАГИ БАЁННОМА

(Шаклдан нусха кўчириш ман этилади!)

       

1. Қабул комиссияси бино режа-чизмасини топширдими? q Ҳа q Йўқ

2. Ҳар бир назорат хизмати постида кириш жараёнини тасвирга туширувчи видеотасвир ташкил этилганми? q Ҳа q Бор, ишламайди q Йўқ

3. Штаб ташкил этилганми? q Ҳа q Йўқ

3.1. Штабда стационар телефон алоқаси мавжудми? q Ҳа q Бор, ишламайди q Йўқ

3.2. Штабда етарли миқдорда стол-стуллар мавжудми? q Ҳа q Йўқ

3.3. Штаб сейф билан таъминланганми? q Ҳа q Йўқ

3.4. Штаб соат билан таъминланганми? q Ҳа q Йўқ

3.5. Штабда тест материалларини тарқатиш ва йиғиб олиш жараёнини видеотасвирга туширувчи видеотасвир ташкил этилганми? q Ҳа q Бор, ишламайди q Йўқ

4. Бино ҳаракат кўрсаткичлари билан таъминланганми? q Ҳа q Йўқ

5. Қаватлар талабга жавоб берадими? q Ҳа q Йўқ

6. Қаватлар ҳаракат кўрсаткичлари билан таъминланганми? q Ҳа q Йўқ

7. Аудиторияларнинг ҳолати:

7.1. Аудиториялар санитария талабларига жавоб берадими? q Ҳа q Йўқ

7.2. Аудиториялар ёнғин хавфсизлиги талабларига жавоб берадими? q Ҳа q Йўқ

7.3. Аудиторияларда стол-стуллар етарли ва талаб даражасидами? q Ҳа q Йўқ

7.4. Аудиториялар эшигида гуруҳ рақами ёзилган кўрсаткичлар илиб қўйилганми? q Ҳа q Йўқ

7.5. Аудиториялар доска, соат, бўр, елим билан таъминланганми? q Ҳа q Йўқ

7.6. Аудиторияларда тест синовлари топшириладиган фанларга тааллуқли бўлган кўргазмали воситалар мавжудми? q Ҳа q Йўқ

8. Аниқланган камчиликлар ва берилган кўрсатмалар:

      

9.

         

       

      

                

Изоҳ: мазкур шаклда келтирилмаган қўшимча ҳолатлар шаклнинг орқа томонида тўлиқ ёритилади ва шу куни бино вакили томонидан тасдиқланиб, электрон шаклда Давлат тест марказига юборилади. Шаклнинг асл нусхаси бино вакили ҳисоботига илова қилинади. Шаклнинг хато тўлдирилганлиги, тўлдирилмаганлиги ёки Давлат тест марказига етказилмаганлиги учун Давлат тест марказининг бино вакили жавобгар ҳисобланади.

2-шакл (намуна)

       

     

Бино ҳудудига киришга рухсат берилган

Давлат тест маркази вакиллари, видеооператорлари,

аудитория раҳбарлари ва кузатувчилари

РЎЙХАТИ

       

3-шакл (намуна)

БИНОДА РЕПЕТИЦИЯ ЎТКАЗИШ БАЁННОМАСИ

(Шаклдан нусха кўчириш ман этилади!)

1. Репетицияда иштирок этганлар ҳақида маълумотлар:

1.1. Бино вакили репетицияда қатнашдими? q Ҳа q Йўқ

1.2. Репетицияда қатнашган қават вакиллари сони qqq

1.3. Репетицияда қатнашган аудитория раҳбарлари сони qqq

1.4. Репетицияда қатнашган аудитория кузатувчилари сони qqq

1.5. Репетицияда Банк-молия академияси масъули қатнашдими? q Ҳа q Йўқ

1.6. Репетицияда маҳаллий давлат ҳокимияти органи масъули қатнашдими? q Ҳа q Йўқ

2. Асосий қисм:

2.1. Қават вакиллари, аудитория раҳбарлари ва кузатувчиларига тушунтириш ишлари олиб борилдими? q Ҳа q Йўқ

2.2. Қават вакиллари ихтиёрий қаватларга бириктирилдими? q Ҳа q Йўқ

2.3. Аудитория раҳбари ва кузатувчилари ихтиёрий аудиторияларга бириктирилдими? q Ҳа q Йўқ

3. Бинонинг тест синовларига тайёрлиги ҳақида маълумотлар:

3.1. Қабул комиссияси бино режа-чизмасини топширдими? q Ҳа q Йўқ

3.2. Назорат хизмати постлари ташкил этилганми? q Ҳа q Йўқ

3.3. Ҳар бир назорат хизмати постида кириш жараёнини тасвирга туширувчи видеотасвир ташкил этилганми? q Ҳа q Йўқ

3.4. Штабда стационар телефон алоқаси мавжудми? q Ҳа q Йўқ

3.5. Штабда вакиллар учун етарли миқдорда стол-стуллар мавжудми? q Ҳа q Йўқ

3.6. Штаб сейф билан таъминланганми? q Ҳа q Йўқ

3.7. Штаб соат билан таъминланганми? q Ҳа q Йўқ

3.8. Штабда тест материалларини тарқатиш ва йиғиб олиш жараёнини тасвирга туширувчи видеотасвир ташкил этилганми? q Ҳа q Йўқ

3.9. Бинода тест жараёни учун зарур бўлган ахборот, техник, тиббий ва маиший шароитлар яратилганми? q Ҳа q Йўқ

3.10. Бино ҳаракат кўрсаткичлари билан таъминланганми? q Ҳа q Йўқ

4. Қават вакиллари, аудитория раҳбари ва кузатувчилардан олинган маълумотларга кўра:

4.1. Қаватлар ҳаракат кўрсаткичлари билан таъминланганми? q Ҳа q Йўқ

4.2. Аудиториялар санитария талабларига жавоб берадими? q Ҳа q Йўқ

4.3. Аудиторияларда стол-стуллар етарли ва талаб даражасидами? q Ҳа q Йўқ

4.4. Аудиториялар эшигида гуруҳ рақами ёзилган кўрсаткичлар илиб қўйилганми? q Ҳа q Йўқ

4.5. Аудиториялар доска, соат, бўр, елимлар билан таъминланганми? q Ҳа q Йўқ

4.6. Аудиторияларда тест синовлари топшириладиган фанларга тааллуқли бўлган кўргазмали воситалар мавжудми? q Ҳа q Йўқ

5. Тушунтириш ишлари ва якуний хулосалар:

5.1. Қават вакиллари, аудитория раҳбарлари ва кузатувчиларига тест жараёнида юзага келиши мумкин бўлган муаммолар ҳақида тушунтириш ишлари олиб борилдими? q Ҳа q Йўқ

5.2. Бинонинг тест синовларига тайёрлик даражасига баҳо беринг q 2 q 3 q 4 q 5

5.3. Қабул комиссиясининг бинони тест синовларига тайёрлаш ва муаммоларни бартараф этиш бўйича ҳаракатларига баҳо беринг q 2 q 3 q 4 q 5

6. Репетицияда қатнашмаган Давлат тест марказининг вакиллари, аудитория раҳбарлари ва кузатувчилари рўйхати:

     

        

7. Таклиф ва мулоҳазалар:

     

       

      

   

М.Ў.

    

Изоҳ: мазкур шакл репетиция тугагандан кейин 1 соат ичида бино вакили томонидан тасдиқланади ва Давлат тест марказига юборилади. Ушбу шаклнинг хато тўлдирилганлиги, тўлдирилмаганлиги ёки Давлат тест марказига етказилмаганлиги учун бино вакили жавобгар ҳисобланади.

Низомга

7-ИЛОВА

(намуна)

Титул варақалари солинган пакетни очиш ҳақида

ДАЛОЛАТНОМА

1. Титул варақалари пакетининг ҳолати:

Муҳрланган q Ҳа q Йўқ

Муҳрга имзо қўйилган q Ҳа q Йўқ

Пакетдаги маълумотлар тўлдирилган q Ҳа q Йўқ

Пакет манзили тўлдирилган q Ҳа q Йўқ

Муҳрлаш вақти кўрсатилган q Ҳа q Йўқ

Ичидаги титуллар сони кўрсатилган q Ҳа q Йўқ

Аудитория раҳбари имзо қўйган q Ҳа q Йўқ

Аудитория кузатувчиси имзо қўйган q Ҳа q Йўқ

Титул варақаси сони пакетдаги ёзувга мос эмас q Ҳа q Йўқ

           

2. Титул варақалари пакетидаги титулларнинг ҳолати:

        

*) Изоҳ: 1 - жавоблар варақаси рақами ёзилмаган, 2 - абитуриент имзоси йўқ, 3 - аудитория раҳбарининг имзоси йўқ, 4 - умуман тўлдирилмаган, 5 - фақат имзолар йўқ.

        

        

*) Изоҳ: мазкур шаклда келтирилмаган ҳолатлар далолатноманинг орқа томонида тўлиқ ёритилади.

Низомга

8-ИЛОВА

(намуна)

        

Бино вакилларининг бинолар бўйича

ТАҚСИМОТИ

        

         

               

Изоҳ: мазкур шаклнинг хато тўлдирилганлиги, тўлдирилмаганлиги ёки Давлат тест марказига етказилмаганлиги учун муассаса вакили жавобгар ҳисобланади.

Низомга

9-ИЛОВА

(намуна)

Бинолар бўйича тест материалларини

тарқатиш ва қабул қилиш

БАЁННОМАСИ

     

   

Изоҳ: мазкур шаклнинг хато тўлдирилганлиги, тўлдирилмаганлиги ёки Давлат тест марказига етказилмаганлиги учун Давлат тест марказининг муассаса вакили жавобгар ҳисобланади.

Низомга

10-ИЛОВА

1-шакл (намуна)

ҚАВАТ ВАКИЛИ ҲИСОБОТИ

(Шаклдан нусха кўчириш ман этилади!)

1. Қаватнинг тест синовларига тайёрлиги текширилдими? q Ҳа, q Йўқ

2. Қаватга аудитория раҳбарлари ва кузатувчиларига рухсатномалар тарқатилдими? q Ҳа, q Йўқ

3. Бино вакили томонидан аудитория раҳбарларига тест материалларини тарқатиш жараёнида иштирок этилдими? q Ҳа, q Йўқ

4. Аудитория раҳбарларини кузатиб, тегишли қаватга чиқилдими? q Ҳа, q Йўқ

5. Аудитория раҳбарлари ва кузатувчилари шахсини тасдиқловчи ҳужжатлари асосида текширилдими? q Ҳа, q Йўқ

6. Аудитория раҳбарларидан нуқсонли тест материаллари бўйича мурожаатлар бўлдими? q Ҳа (qq та), q Йўқ

7. Тест синовларидан абитуриентларни четлаштириш ҳолатлари бўлдими? q Ҳа (qq та), q Йўқ

8. Аудитория раҳбарлари ва кузатувчилари тест синовларидан четлаштирилдими? q Ҳа (qq та), q Йўқ

9. Тест жараёнида бошқа муаммолар бўлдими? q Ҳа (пастдаги қаторларда ёритилади), q Йўқ

                               

10. Соат qq: qq гача аудитория раҳбарларини кузатиб, штабга борилди.

11. Бино вакили томонидан аудитория раҳбарларидан тест материалларини қабул қилиб олиш жараёнида иштирок этилдими? q Ҳа, q Йўқ

12. Бино бўйича вакил билан тест материалларини қопларга солиб муҳрлашда иштирок этилдими? q Ҳа, q Йўқ

13. Шаклда келтирилмаган ҳолатлар бўлдими q Ҳа (пастдаги қаторларда батафсил ёритилади), q Йўқ

         

Изоҳ: мазкур шаклнинг хато тўлдирилганлиги, тўлдирилмаганлиги ёки Давлат тест марказига етказилмаганлиги учун қават вакили жавобгар ҳисобланади. Ҳисобот бино вакилига топширилади.

2-шакл (намуна)

    

БИНО ВАКИЛИ ҲИСОБОТИ

(Шаклдан нусха кўчириш ман этилади!)

  

1. Соат qq: qq гача Бош штабда муассаса вакили билан биргаликда махсус алоқа хизмати ходимларидан тест материаллари қоплари ва шакллар контейнерларини қабул қилишда иштирок этилди.

2. Соат qq: qq да бинога qq та тест материаллари қопи ва q та бино бўйича шакллар қутиси билан етиб келинди.

3. Қават вакили, аудитория раҳбарлари ва кузатувчилари тақсимоти асосида қават вакилларига рухсатномалар тарқатилдими? q Ҳа, q Йўқ. Нечта вакил келмади? qq та

4. Келмаган вакиллар ўрнига захирадан қават вакиллари тайинландими? q Ҳа, q Йўқ

5. Қават вакилларига қават бўйича шакллар пакети тарқатилдими? q Ҳа, q Йўқ

6. Қават вакили аудитория раҳбари ва кузатувчиларга рухсатномалар тарқатиши назорат қилиндими? q Ҳа, q Йўқ. Нечта аудитория раҳбари ва кузатувчилар келмади? qq та

7. Келмаган аудитория раҳбарлари ва кузатувчилар ўрнига захирадан тайинландими? q Ҳа, q Йўқ

8. Келмаган вакил, аудитория раҳбари ва кузатувчилари бўйича далолатнома расмийлаштирилдими? q Ҳа, q Йўқ

9. Аудитория кузатувчиларига Абитуриентларнинг аудиториялар бўйича рўйхатлари тарқатилдими? q Ҳа, q Йўқ

10. Соат qq: qq да тест материаллари қоплари очилди ва qq та тест материали қутиси ва q та захира тест материаллари қутиси олинди.

11. Соат qq: qq да q та захира қутилар сейфга жойлаштирилди ва муҳрланди.

12. Соат qq: qq гача тест материаллари қутилари аудитория раҳбарларига топширилди ва Бинода тест материалларини тарқатиш ва қабул қилиш баённомаси расмийлаштирилди.

13. Қават вакили тест материалида типографик нуқсон борлиги ҳақидаги мурожаат қилдими? q Ҳа (qq та), q Йўқ (Ҳа бўлса, Захира тест материалларини тарқатиш баённомасида акс этган бўлиши шарт)

14. Бошқа муаммолар бўлдими? q Ҳа (пастдаги қаторларда ёритилади), q Йўқ

15. Соат qq: qq гача тест материаллари қутилари (муҳрланганлиги текширилиб) аудитория раҳбарларидан қабул қилиб олинди ва Бинода тест материалларини тарқатиш ва қабул қилиш баённомаси тўлиқ расмийлаштирилди.

16. Бино бўйича шакллар қутисига қуйидагилар солинди:

16.1. Қават вакили ҳисоботи q Ҳа, q Йўқ

16.2. Бино вакили ҳисоботи q Ҳа, q Йўқ

16.3. Қават вакили, аудитория раҳбарлари ва кузатувчилари тақсимоти q Ҳа, q Йўқ

16.4. Тест синовларига келмаган Давлат тест маркази вакиллари, аудитория раҳбарлари ва кузатувчилари тўғрисида далолатнома q Ҳа, q Йўқ

16.5. Бинода тест материалларини тарқатиш ва қабул қилиш баённомаси q Ҳа, q Йўқ

16.6. Захира тест материалларини тарқатиш баённомасида q Ҳа, q Йўқ

17. Тест материаллари қопига қуйидагилар солинди:

17.1. Тест материаллари қутилари qq та

17.2. Захира тест материаллари қутилари q та

18. Соат qq: qq да Бош штабда муассаса вакилига қуйидагилар топширилди:

18.1. Тест материаллари қоплари (муҳрланган) qq та

18.2. Бино бўйича шакллар контейнери (муҳрланган) qq та

            

Изоҳ: мазкур шаклнинг хато тўлдирилганлиги, тўлдирилмаганлиги ёки Давлат тест марказига етказилмаганлиги учун бино вакили жавобгар ҳисобланади. Ҳисобот муассаса вакилига топширилади.

3-шакл (намуна)

    

МУАССАСА ВАКИЛИ ҲИСОБОТИ

(Шаклдан нусха кўчириш ман этилади!)

1. Соат qq: qq гача Бош штабда бино вакиллари билан биргаликда махсус алоқа хизмати ходимларидан тест материаллари қабул қилинди.

2. Муассаса вакили томонидан рухсатномалар бино вакилларига тарқатилдими? q Ҳа, q Йўқ. Нечта вакил келмади? qq та

3. Бино вакилларининг бинолар бўйича тақсимоти асосида бино вакиллари тақсимоти эълон қилиндими? q Ҳа, q Йўқ

4. Келмаган бино вакиллари ўрнига захира вакиллар тайинландими? q Ҳа, q Йўқ

5. Соат qq: qq гача бино вакилларига qqq та тест материаллари қоплари Бинолар бўйича тест материалларини тарқатиш ва қабул қилиш баённомаси асосида тарқатилди.

6. Бино вакилларига qqq та бино бўйича шакллар қутилари Бинолар бўйича тест материалларини тарқатиш ва қабул қилиш баённомаси асосида тарқатилди.

7. Бошқа муаммолар бўлдими? q Ҳа (пастдаги қаторларда ёритилади), q Йўқ

8. Соат qq: qq гача qqq та қоплар (муҳрланганлиги текширилиб) бино вакилларидан қабул қилиб олинди ва Бинолар бўйича тест материалларини тарқатиш ва қабул қилиш баённомаси тўлиқ расмийлаштирилди.

9. Бино вакилларидан бино бўйича qq та шакллар қутиси қабул қилиб олинди ва Бинолар бўйича тест материалларини тарқатиш ва қабул қилиш баённомаси тўлиқ расмийлаштирилди.

10. Муассаса бўйича шакллар қутиларига қуйидагилар солинди:

10.1. Бино вакилларининг бинолар бўйича тақсимоти q Ҳа q Йўқ

10.2. Бинолар бўйича тест материалларини тарқатиш ва қабул қилиш баённомаси q Ҳа q Йўқ

11. Соат qq: qq да qqq та тест материаллари қоплари ва шакллар қутиси бино вакиллари иштирокида махсус алоқа хизмати ходимларига топширилди.

          

      

      

Изоҳ: мазкур шаклнинг хато тўлдирилганлиги, тўлдирилмаганлиги ёки Давлат тест марказига етказилмаганлиги учун муассаса вакили жавобгар ҳисобланади. Ҳисоботлар (муассаса, бино, қават) бўйича шакллар қутисига солинади.

Низомга

11-ИЛОВА

1-шакл (намуна)

Қават вакили, аудитория раҳбарлари ва кузатувчилар

ТАҚСИМОТИ

     

Изоҳ: мазкур шаклнинг хато тўлдирилганлиги, тўлдирилмаганлиги ёки Давлат тест марказига етказилмаганлиги учун бино вакили жавобгар ҳисобланади.

2-шакл (намуна)

           

  

   

Тест синовларига келмаган Давлат тест маркази вакиллари,

аудитория раҳбарлари ва кузатувчилари тўғрисида

ДАЛОЛАТНОМА

Биз, қуйида имзо чекувчилар, қуйидаги Давлат тест маркази вакиллари, аудитория раҳбарлари ва кузатувчиларининг тест синовларига келмаганликларини тасдиқлаймиз:

Изоҳ: мазкур шаклнинг хато тўлдирилганлиги, тўлдирилмаганлиги ёки Давлат тест марказига етказилмаганлиги учун бино вакили жавобгар ҳисобланади.

Низомга

12-ИЛОВА

Абитуриентларнинг бино ва гуруҳлар бўйича умумий

РЎЙХАТИ

Банк-молия академияси

        

Низомга

13-ИЛОВА

1-шакл (намуна)

Бинода тест материалларини тарқатиш ва қабул қилиш

БАЁННОМАСИ

   

        

Изоҳ: мазкур шаклнинг хато тўлдирилганлиги, тўлдирилмаганлиги ёки Давлат тест марказига етказилмаганлиги учун бино вакили жавобгар ҳисобланади.

2-шакл (намуна)

Захира тест материалларини тарқатиш

БАЁННОМАСИ

      

Изоҳ: мазкур шаклнинг хато тўлдирилганлиги, тўлдирилмаганлиги ёки Давлат тест марказига етказилмаганлиги учун бино вакили жавобгар ҳисобланади.

Низомга

14-ИЛОВА

(намуна)

АУДИТОРИЯДА ТЕСТ СИНОВИНИ ЎТКАЗИШ

БАЁННОМАСИ

(мазкур шаклдан нусха кўчириш ман этилади!)

1. Аудиториянинг тест синовларига тайёрлиги текширилдими? q Ҳа, q Йўқ

2. Аудитория раҳбари бино вакилидан Абитуриентларнинг аудиториялар бўйича рўйхатини қабул қилдими? q Ҳа, q Йўқ

3. Аудитория кузатувчилари томонидан аудиторияга абитуриентлар текшириб киритилдими? q Ҳа, q Йўқ

4. Келмаган абитуриентлар сони qq нафар

5. Аудитория раҳбари тест материаллари қутисини текшириб қабул қилдими? q Ҳа, q Йўқ

6. Аудитория раҳбари ва кузатувчиларининг фамилияси, исми, отасининг исми доскага ёзиб кўйилдими? q Ҳа, q Йўқ

7. Абитуриентларга қути муҳри бузилмаганлиги кўрсатилдими? q Ҳа, q Йўқ

8. Қутидан қуйидагилар санаб олинди:

8.1. Саволлари китоби qq та

8.2. Жавоблар варақалари qq та

8.3. Жавоблар варақалари учун бўш пакет q та

8.4. Ишлатилмаган саволлар китоби учун бўш пакет q та

8.5. Давлат тест марказининг қайтиш муҳри q та

9. Қуйидагилар абитуриентларга тарқатилди:

9.1. Титул варақалари (текшириб) qq та

9.2. Саволлар китоби qq та

9.3. Саволлар китобига мос жавоблар варақалари qq та

10. Абитуриентларга жавоблар варақаси рақамини титул варақаси ва абитуриент рухсатномасига ёзишлари бўйича кўрсатма берилдими? q Ҳа, q Йўқ

11. Жавоблар варақаси рақами Абитуриентларнинг аудиториялар бўйича рўйхатига ёздирилиб, имзо қўйдирилдими? q Ҳа, q Йўқ

12. Абитуриентларнинг аудиториялар бўйича рўйхатида келмаганларга "Қатнашмади" деган ёзув киритилдими? q Ҳа, q Йўқ

13. Келмаганларнинг саволлар китоби ишлатилмаган саволлар китоби пакетига солиниб, муҳрландими? q Ҳа, q Йўқ

14. Келмаганларнинг жавоблар варақалари жавоблар варақаси пакетига солиб қўйилдими? q Ҳа, q Йўқ

15. Абитуриентлардан тўлдирилган титул варақалари ва абитуриент рухсатномаси соат 14:00 гача йиғиб олиндими? q Ҳа, q Йўқ

16. Тестнинг бошланиш ва тугаш вақтлари доскада ёзиб қўйилдими? q Ҳа, q Йўқ

17. Абитуриентлардан соат 14:00 гача "Нуқсонли" тест материаллари ҳақида мурожаатлар бўлдими? q Ҳа (qq та), q Йўқ

18. Соат qq: qq да тест синовлари бошланганлиги расман эълон қилинди.

19. Титул варақаларига жавоблар варақаси рақамининг ёзганлигини тасдиқлаб имзо қўйилдими? q Ҳа q, Йўқ

20. Тест синовлари қоидаларини бузган абитуриентларни тест синовларидан четлаштириш бўлдими? q Ҳа (qq та), q Йўқ

21. Соат qq: qq да тест синовларининг тугаганлиги расман эълон қилинди.

22. Соат qq: qq да саволлар китоби ва жавоблар варақасига шикаст етмаганлиги, маълумотлар тўлдирилганлиги текшириб йиғиб олинди.

23. Жавоблар варақаси пакетига қуйидагилар солинди.

23.1 Тестда қатнашган абитуриентларнинг жавоблар варақалари qq та

23.2. Ишлатилмаган жавоблар варақалари qq та

23.3. Тест синовидан четлаштирилганлиги ҳақидаги далолатнома елимланган жавоблар варақаси ва титул варақаси qq та

23.4. Тест материалларини ўз вақтида топширмаганларнинг четлаштириш ҳақидаги далолатнома елимланган титул варақалари qq та

23.5. Далолатнома елимланган "Нуқсонли" саволлар китоби qq та

23.6. Тест синовига келмаган абитуриентга тегишли титул варақаси qq та

24. Титул варақалари пакетига qq та тест синовида қатнашган абитуриентларнинг титул варақалари ва абитуриентларнинг аудитория бўйича рўйхати солинди.

25. Тест материаллари қутисига қуйидагилар солинди:

25.1. qq та ишлатилган саволлар китоблари

25.2. Ишлатилмаган саволлар китоблари пакети (муҳрланган)

25.3. Жавоблар варақаси пакети (муҳрланган)

25.4. Титул варақалари пакети (муҳрланган).

25.5. qq та тест саволлари ёки тест синовларини ўтказиш жараёни юзасидан эътирозлар бўйича аризаси солинди.

26. Шаклда келтирилмаган ҳолатлар бўлдими q Ҳа (пастдаги қаторларда ёритилади), q Йўқ

                               

Изоҳ: мазкур шакл аудитория кузатувчиси томонидан тўлдирилади, шаклнинг хато тўлдирилганлиги, тўлдирилмаганлиги ёки Давлат тест марказига етказилмаганлиги учун аудитория раҳбари жавобгар ҳисобланади. Аудиторияда тест синовини ўтказиш баённомаси тест материаллари қутисига солинади. Тест материаллари қутиси аудиторияда муҳрланади.

Низомга

15-ИЛОВА

(намуна)

Абитуриентларнинг аудиториялар бўйича

РЎЙХАТИ

Банк-молия академияси

        

Абитуриентлар томонидан тест саволлари ва тест синовлари жараёни юзасидан _____ та ариза берилди.

Изоҳ: мазкур шакл титул варақалари пакетига солинади. Шаклнинг хато тўлдирилганлиги, тўлдирилмаганлиги ёки Давлат тест марказига етказилмаганлиги учун аудитория раҳбари жавобгар ҳисобланади.

Низомга

16-ИЛОВА

(намуна)

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИ ҲУЗУРИДАГИ

ДАВЛАТ ТЕСТ МАРКАЗИ

БАНК-МОЛИЯ АКАДЕМИЯСИ МАГИСТРАТУРАСИГА

КИРУВЧИ АБИТУРИЕНТЛАР УЧУН

САВОЛЛАР КИТОБИ

  

    

АБИТУРИЕНТ ДИҚҚАТИГА!

тест топшириқларини ечишдан аввал саволлар китобини варақлаб,

унда 108 та савол мавжудлигини текширинг. Агар саволлар сони

камлиги аниқланса ёки саволлар китоби рақами билан жавоблар

варақаси рақами бир хил бўлмаса, дарҳол аудитория раҳбарига

маълум қилинг.

Саволлар китобида абитуриентнинг фамилияси, исми, отасининг

исми хато тўлдирилган ёки тўлдирилмаган ва имзоси қўйилмаган

ҳолларда, унинг эътирози кўриб чиқилмайди.

Китоб типи: 2

     

     

Саволлар китоби рақами: 1000001

Тошкент - ____ йил

Низомга

17-ИЛОВА

(намуна)

ЖАВОБЛАР ВАРАҚАСИ

(олд томони)

        

ЖАВОБЛАР ВАРАҚАСИ

(орқа томони)

           

          

Низомга

18-ИЛОВА

1-шакл (намуна)

         

    

   

2-шакл (намуна)

3-шакл (намуна)

         

Низомга

19-ИЛОВА

(намуна)

     

Тест синовларидан четлаштириш тўғрисида

ДАЛОЛАТНОМА

Биз, қуйида имзо чекувчилар, абитуриент

махсус коди _______________, жавоблар варақаси рақами ______________,

       

соат ___:___ дақиқада тест синовидан четлаштирилганлигини тасдиқлаймиз.

Изоҳ: мазкур далолатнома абитуриентнинг жавоблар варақаси ва титул варақаси билан биргаликда елимланиб, жавоблар варақаси пакетига солинади. Агар абитуриент тест материалларини ўз вақтида топширмаса, далолатнома унинг титул варақаси билан биргаликда елимланиб, жавоблар варақаси пакетига солинади.

Низомга

20-ИЛОВА

(намуна)

Тест саволлари ёки тест синовларини

ўтказиш жараёни юзасидан

АРИЗА

  

1) қуйидаги фанларга доир тест саволларига эътирозимни кўриб чиқишингизни сўрайман:

    

     

2) тест синовлари жараёни бўйича қуйидаги эътирозимни кўриб чиқишингизни сўрайман:

        

             

                         

            

Изоҳ: ариза тест синови ўтган куни тест синови ўтказилган аудиторияда шахсан абитуриент томонидан икки нусхада ёзилади ва бир нусхаси тест материаллари қутисига солинади. Аризалар сони ҳақида абитуриентларнинг аудиториялар бўйича рўйхатига маълумот киритилади.

Низомга

21-ИЛОВА

(намуна)

ТЕСТ НАТИЖАЛАРИ БЎЙИЧА

АРИЗА

Менинг қуйидаги эътирозларимни кўриб чиқишингизни сўрайман:

      

      

Ариза 20__ йил "___" ___________ соат ________ да кўриб чиқилади.

   

(қирқиш чизиғи)

-------------------------------------------------------------------------------------------------------------------

ХАБАРНОМА ______-сон

     

Аризангизни кўриб чиқиш учун 20___ йил "__" __________ соат _____да

рухсатномангиз билан етиб келишингиз сўралади.

    

    

       

       

"Ўзбекистон Республикаси қонун ҳужжатлари тўплами",

2015 йил 20 июль, 28-сон, 376-модда