Молия вазирлигининг 91-сон, Давлат божхона қўмитасининг 02/8-22-сон, Ташқи иқтисодий алоқалар вазирлигининг БА-01/12-3143-сон "Ягона божхона божини ундириш ва унинг суммасини Давлат бюджетига ўтказиш тартиби тўғрисидаги низомга ўзгартиришлар ва қўшимчалар киритиш ҳақида"ги 01.08.2002 й. Қарори (АВ томонидан 02.08.2002 й. 1148-1-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

02.08.2002 й.

N 1148-1

ҚАРОРИ

Ягона божхона божини ундириш ва унинг суммасини

Давлат бюджетига ўтказиш тартиби тўғрисидаги низомга

ўзгартиришлар ва қўшимчалар киритиш ҳақида

Ўзбекистон Республикасининг "Давлат божхона хизмати тўғрисида"ги Қонунининг 7-моддаси, шунингдек Ўзбекистон Республикаси Вазирлар Маҳкамасиннг 2002 йил 12 июлдаги 248-сонли "Жисмоний шахслар томонидан Ўзбекистон Республикаси ҳудудига товарлар олиб келинишини тартибга солиш тўғрисида"ги Қарорига мувофиқ Ўзбекистон Республикаси Молия вазирлиги, Давлат божхона қўмитаси ва Ташқи иқтисодий алоқалар вазирлиги ҚАРОР ҚИЛАДИЛАР:

1. Иловага мувофиқ Ўзбекистон Республикаси Молия вазирлиги Давлат божхона кўмитаси ва Ташқи иқтисодий алоқалар вазирлигининг 2002 йил 31 майдаги 63-сонли, 02/8-14-сонли ва 2261-сонли Қарори билан тасдиқланган (Ўзбекистон Республикаси Адлия вазирлиги томонидан 2002 йил 10 июнда 1148-сон билан рўйхатга олинган) "Ягона божхона божини ундириш ва унинг суммасини Давлат бюджетига ўтказиш тартиби тўғрисидаги Низом"га ўзгартиришлар ва қўшимчалар киритилсин.

2. Мазкур Қарор Ўзбекистон Республикаси Адлия вазирлигида давлат рўйхатига олинган кундан бошлаб ўн кун ўтгач кучга киради.

Ўзбекистон Республикаси

Молия вазирлиги, Давлат божхона қўмитаси

ва Ташқи иқтисодий алоқалар вазирлигининг

2002 йил 1 августдаги 91-сонли, 02/8-22-сонли

ва БА-01/12-3143-сонли Қарори билан

ТАСДИҚЛАНГАН

Ягона божхоиа божини ундириш ва унинг суммасини

Давлат бюджетига ўтказиш тартиби тўғрисидаги низомга

киритилаётган ўзгартиришлар ва қўшимчалар

1. 1-банд қуйидаги мазмундаги хатбоши билан тўлдирилсин: "2002 йилнинг 1 августидан бошлаб ягона божхона божи эркин алмаштириладиган валютада тўланади".

2. 7-банд куйидаги мазмундаги хатбоши билан тўлдирилсин:

"Жисмоний шахслар томонидан транспорт ва транспорт-экспедиторлик ташкилотлари орқали товарларни олиб киришда божхона расмийлаштируви мазкур Низомга асосан Ягона божхона божини тўлаш билан жисмоний шахслар - товарларнинг эгалари томонидан бевосита амалга оширилади".

3. 14-банддаги "ТС - тўлов ставкаси" сўзидан кейин "фоизларда" сўзи билан тўлдирилсин.

4. 17-банд қуйидаги таҳрирда баён қилинсин:

"17. Ягона божхона тўлови олиб кирилаётган товарларнинг божхона расмийлаштирувидан олдин ёки ўша вақтда эркин алмаштириладиган валютада тўланади ва божхона органларининг депозит валюта счётига ўтказилади".

"Ўзбекистон Республикаси Молиявий қонунлари тўплами" 4-сон, 2003 йил.