язык интерфейса

ЎзР Конунчилиги

ЎзР Конунчилиги/ Турли соҳалар бўйича ўзгартиш ва қўшимчалар тўғрисида ҳужжатлар/ Ўзбекистон Республикаси Вазирлар Маҳкамаси қарорлари/ 2007 й./ Ўзбекистон Республикаси Вазирлар Маҳкамасининг 11.05.2007 й. 96-сон "Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида"ги Қарори

Вы можете получить доступ на один день к продукту Законодательство Руз.

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

11.05.2007 й.

N 96



ЎЗБЕКИСТОН РЕСПУБЛИКАСИ

ҲУКУМАТИНИНГ АЙРИМ ҚАРОРЛАРИГА

ЎЗГАРТИРИШ ВА ҚЎШИМЧАЛАР КИРИТИШ,

ШУНИНГДЕК БАЪЗИЛАРИНИ ЎЗ КУЧИНИ

ЙЎҚОТГАН ДЕБ ҲИСОБЛАШ ТЎҒРИСИДА


(Ўзбекистон Республикаси Президентининг

"Ўзбекистон Республикаси Вазирлар Маҳкамасининг

ижро этувчи тузилмасини такомиллаштириш тўғрисида"

2007 йил 12 мартдаги ПҚ-601-сон ҳамда

"Ўзбекистон Республикаси Вазирлар Маҳкамасининг

ижро этувчи тузилмасини тасдиқлаш тўғрисида"

2007 йил 22 мартдаги ПҚ-607-сон қарорлари)


Ўзбекистон Республикаси Президентининг "Ўзбекистон Республикаси Вазирлар Маҳкамасининг ижро этувчи тузилмасини такомиллаштириш тўғрисида" 2007 йил 12 мартдаги ПҚ-601-сон ҳамда "Ўзбекистон Республикаси Вазирлар Маҳкамасининг ижро этувчи тузилмасини тасдиқлаш тўғрисида" 2007 йил 22 мартдаги ПҚ-607-сон қарорларига мувофиқ Вазирлар Маҳкамаси ҚАРОР ҚИЛАДИ:


1. Ўзбекистон Республикаси Ҳукуматининг 1-иловага мувофиқ айрим қарорларига ўзгартириш ва қўшимчалар киритилсин.


2. Ўзбекистон Республикаси Ҳукуматининг 2-иловага мувофиқ баъзи қарорлари ўз кучини йўқотган деб ҳисоблансин.


3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари зиммасига юклансин.



Ўзбекистон Республикасининг Бош вазири                               Ш. Мирзиёев






Вазирлар Маҳкамасининг

2007 йил 11 майдаги

96-сон қарорига

1-ИЛОВА



Ўзбекистон Республикаси Ҳукуматининг

айрим қарорларига киритилаётган

ўзгартириш ва қўшимчалар

2. Вазирлар Маҳкамасининг "Ер қаъри участкаларидан фойдаланиш шартларини ишлаб чиқиш ва маҳсулот тақсимотига оид битимлар лойиҳаларини кўриб чиқиш бўйича махсус давлат комиссиясининг таркиби тўғрисида" 2003 йил 30 июндаги 295-сон қарорига (Ўзбекистон Республикаси ҚТ, 2003 й., 6-сон, 53-модда) 3-иловада:

"Исматов С.Х. - Ташқи алоқалар масалалари ахборот-таҳлил департаментининг бош мутахассиси" сўзлари "Асқаров М.А. - Иқтисодиёт ва ташқи иқтисодий алоқалар масалалари йиғма ахборот-таҳлил департаменти мудирининг ўринбосари" сўзлари билан алмаштирилсин;

"Жалилов Т.М. - Ташқи алоқалар масалалари ахборот-таҳлил департаментининг етакчи мутахассиси (юрист)" сўзлари "Қосимов С.К. - Иқтисодиёт ва ташқи иқтисодий алоқалар масалалари йиғма ахборот-таҳлил департаментининг етакчи мутахассиси (юрист)" сўзлари билан алмаштирилсин;

"Вазирлар Маҳкамасининг Ёқилғи-энергетика комплекси, кимё, металлургия ва машинасозлик масалалари ахборот-таҳлил департаменти" ва "Аброров З.З. - Ёқилғи-энергетика комплекси, кимё, металлургия ва машинасозлик масалалари ахборот-таҳлил департаментининг етакчи мутахассиси" сўзлари тегишли равишда "Машинасозлик, металлургия, геология, минерал хом ашё қазиб олиш ва қайта ишлашни ривожлантириш масалалари ахборот-таҳлил департаменти" ва "Аброров З.З. - Машинасозлик, металлургия, геология, минерал хом ашё қазиб олиш ва қайта ишлашни ривожлантириш масалалари ахборот-таҳлил департаментининг бош мутахассиси" сўзлари билан алмаштирилсин;

қуйидаги мазмундаги изоҳ қўшилсин:

"Изоҳ. Махсус давлат комиссияси котибияти аъзолари бошқа ишга ўтганда унинг таркибига уларнинг лавозимига янгидан тайинланган шахслар киритилади".

5. Вазирлар Маҳкамасининг "Малайзия билан инвестиция ҳамкорлигини ривожлантириш чора-тадбирлари тўғрисида" 2004 йил 9 апрелдаги 167-сон қарорига иловада:

"Розуқулов У.У. - Ташқи алоқалар масалалари ахборот-таҳлил департаменти мудири", "Акбархўжаев Р.Ш. - Истеъмол товарлари ва савдо комплекси масалалари ахборот-таҳлил департаменти мудири" ва "Қурбонов Ш.Э. - Таълим, соғлиқни сақлаш ва ижтимоий муҳофаза масалалари ахборот-таҳлил департаменти мудири" сўзлари тегишли равишда "Боқиев Ф.Х. - Иқтисодиёт ва ташқи иқтисодий алоқалар масалалари йиғма ахборот-таҳлил департаменти мудири", "Барноев Ў.И. - Қишлоқ ва сув хўжалиги, қишлоқ хўжалиги маҳсулотларини қайта ишлаш ҳамда истеъмол товарлари масалалари ахборот-таҳлил департаменти мудири" ва "Жабборов А.Ж. - Таълим, соғлиқни сақлаш ва ижтимоий муҳофаза масалалари ахборот-таҳлил департаменти мудири" сўзлари билан алмаштирилсин;

қуйидаги мазмундаги изоҳ қўшилсин:

"Изоҳ. Идоралараро ишчи гуруҳ аъзолари бошқа ишга ўтган тақдирда унинг таркибига уларнинг лавозимига янгидан тайинланган шахслар киритилади".


6. Вазирлар Маҳкамасининг "Республика комиссиялари ва кенгашлари таркибларини тасдиқлаш тўғрисида" 2004 йил 26 июлдаги 358-сон қарорида:

б) 18-иловада:

биринчи хатбоши иккита хатбоши тарзида қуйидаги таҳрирда баён қилинсин:

"Санақулов Қ.

-

Ўзбекистон Республикаси Бош вазирининг ўринбосари, комиссия раиси

Шаисматов Э.Р.

-

Ўзбекистон Республикаси Бош вазирининг ўринбосари, комиссия раисининг ўринбосари";

ўнинчи хатбоши иккита хатбоши тарзида қуйидаги таҳрирда баён қилинсин:

"Мамадалиев Р.М.

-

Ёқилғи-энергетика комплекси, кимё ва нефть-кимё саноати масалалари ахборот-таҳлил департаменти мудири

Бадалов С.С.

-

Машинасозлик, металлургия, геология, минерал хом ашё қазиб олиш ва қайта ишлашни ривожлантириш масалалари ахборот-таҳлил департаменти мудири";

в) 19-иловадаги "Султонов Ў.Т." ва "Аҳмаджанов Ф.М. - Ёқилғи-энергетика комплекси, кимё, металлургия ва машинасозлик масалалари ахборот-таҳлил департаментининг бош мутахассиси" сўзлари тегишли равишда "Шаисматов Э.Р." ва "Аҳмаджонов Ф.М. - Ёқилғи-энергетика комплекси, кимё ва нефть-кимё саноати масалалари ахборот-таҳлил департаментининг шўъба мудири" сўзлари билан алмаштирилсин;

г) 21-иловадаги "Султонов Ў.Т." ва "Зокиров К.С. - Ёқилғи-энергетика комплекси, кимё, металлургия ва машинасозлик масалалари ахборот-таҳлил департаментининг етакчи мутахассиси" сўзлари тегишли равишда "Шаисматов Э.Р." ва "Турғунов Д.А. - Ёқилғи-энергетика комплекси, кимё ва нефть-кимё саноати масалалари ахборот-таҳлил департаментининг бош мутахассиси" сўзлари билан алмаштирилсин.


7. Вазирлар Маҳкамасининг "Кандим конлар гуруҳи участкасига, Хаузак ва Шоди участкаларига, шунингдек Қўнғирот участкасига нисбатан маҳсулот тақсимоти тўғрисидаги битимни амалга ошириш чора-тадбирлари ҳақида" 2004 йил 14 сентябрдаги 428-сон қарорининг 5-бандидаги "Ёқилғи-энергетика комплекси, кимё, металлургия ва машинасозлик масалалари ахборот-таҳлил департаменти" сўзлари "Ёқилғи-энергетика комплекси, кимё ва нефть-кимё саноати масалалари ахборот-таҳлил департаменти" сўзлари билан алмаштирилсин.

9. Вазирлар Маҳкамасининг "Ўзбекистон Республикаси Вазирлар Маҳкамасининг ижро этувчи тузилмаси ходимлари меҳнатига ҳақ тўлаш тариф разрядларини тасдиқлаш тўғрисида" 2004 йил 14 октбярдаги 482-сон қарорига илованинг V бўлими 2-бандидаги "мудири ўринбосари" сўзлари "шўъба мудири" сўзлари билан алмаштирилсин.





Вазирлар Маҳкамасининг

2007 йил 11 майдаги

96-сон қарорига

2-ИЛОВА



Ўзбекистон Республикаси Ҳукуматининг

ўз кучини йўқотган қарорлари

РЎЙХАТИ


1. Вазирлар Маҳкамасининг "Ўзбекистон Республикаси Ҳукуматининг айрим қарорларини ўз кучини йўқотган деб ҳисоблаш ҳамда баъзиларига ўзгартиришлар киритиш тўғрисида" 2005 йил 22 февралдаги 73-сон қарорига (Ўзбекистон Республикаси ҚТ, 2005 й., 2-сон, 13-модда) 2-илованинг 12, 24, 33, 34, 37-бандлари.


2. Вазирлар Маҳкамасининг "Ўзбекистон Республикаси Вазирлар Маҳкамаси ҳузуридаги Йирик инвестиция лойиҳаларини экспертизадан ўтказиш бюросида мақсадли дастурлар, концепциялар ва инвестиция лойиҳаларини экспертизадан ўтказиш ва тавсиялар тайёрлаш тартиби тўғрисидаги низомни тасдиқлаш ҳақида" 2006 йил 22 майдаги 91-сон қарори (Ўзбекистон Республикаси ҚТ, 2006 й., 5-сон, 33-модда).



"Ўзбекистон Республикаси қонун ҳужжатлари тўплами", 2007 йил, 19-20-сон, 196-модда.


"Ўзбекистон Республикаси Ҳукумати қарорлари тўплами", 2007 й., N 5, 26-модда.