Ўзбекистон Республикаси Олий хўжалик суди кассация инстанциясининг 15.02.2006 й. 11-0523/6005-сонли Қарори

Функция недоступна

ЎЗБЕКИСТОН РЕСПУБЛИКАСИ

ОЛИЙ ХЎЖАЛИК СУДИНИНГ

КАССАЦИЯ ИНСТАНЦИЯСИ

ҚАРОРИ

15.02.2006 й.

N 11-0523/6005

(КЎЧИРМА)

Битимнинг нотариал шаклига ёки уни давлат рўйхатидан ўтказиш тартибига риоя қилмаслик битимнинг ҳақиқий эмаслигини келтириб чиқаради. Бундай битим ўз-ўзидан ҳақиқий бўлмайди.

Даъвогар хўжалик судига мурожаат қилиб, жавобгар билан экскаваторнинг олди-сотди шартномасини ҳақиқий эмас деб топишни сўраган.

Хўжалик судининг ҳал қилув қарори билан даъво талаби қаноатлантирилган.

Иш апелляция инстанциясида кўрилмаган.

Жавобгар ўзининг кассация шикоятида иш бир томонлама кўрилганлигини, ҳал қилув қарорида даъво талабларига етарли баҳо берилмаганлигини, низоли экскаватор фуқаро С. С.нинг хусусий мулки эканлигини, суд эса уни ишга жалб қилмасдан қарор чиқарганлигини кўрсатиб, ҳал қилув қарорини бекор қилишни ва ишни янгидан кўриш учун юборишни сўраган.

Судлов ҳайъати иш материалларини, кассация шикоятида келтирилган важларни ўрганиб, қуйидагиларга кўра кассация шикоятини қаноатлантирмасликни лозим топади.

Иш ҳужжатларидан аниқланишича, 2003 йил 3 ноябрда даъвогар билан жавобгар ўртасида "ЭО-43212" русумли экскаваторни 266998 сўмга сотиш тўғрисида 2-сонли олди-сотди шартномаси тузилган.

Экскаватор жамоа корхонаси балансига фуқаро С. С. томонидан берилган. Кейинчалик ўзи жамоа корхонасининг раҳбари бўлиб ишлаётган пайтда экскаваторни жавобгарга жамоа корхонаси таъсисчиларининг розилигисиз, қонунчиликда белгиланган тартибда расмийлаштирмасдан жавобгарга сотиш тўғрисида шартнома тузган.

Ўзбекистон Республикаси Фуқаролик кодексининг 386-моддасига биноан автомототранспорт воситаларининг олди-сотди шартномаси нотариал тасдиқланган бўлиши керак. Бундай тартибга риоя қилмаслик Ўзбекистон Республикаси Фуқаролик кодексининг 112-моддасига мувофиқ шартноманинг ҳақиқий эмаслигини келтириб чиқаради.

Суд мажлиси жараёнида даъвогарнинг вакили уларда ҳам низоли экскаватор "Роҳат СТ" жамоа корхонасининг мулки эканлигини тасдиқловчи тегишли ҳужжатлар мавжуд эмаслигини, шундай экан, даъвогарнинг шартнома тузишга ҳа??и йўқлигини, фуқаро С. С. белгиланган тартибда жамоа корхонасига мурожаат қилиб, мулкни ўзига қайтариб олиши кераклигини тушунтириб, ҳал қилув қарорини ўз кучида қолдиришни сўради.

Бундай ҳолда судлов ҳайъати ҳал қилув қарорини бекор қилиш учун қонуний асослар мавжуд эмас деб ҳисоблайди.

“Ўзбекистон Республикаси Олий хўжалик суди Ахборотномаси”,

2007 й., 2-сон