Судлов ҳайъати ишдаги ҳужжатларни ўрганиб, кассация шикоятида ва эътирозномада келтирилган важларни муҳокама қилиб, ҳал қилув қарорини ўзгаришсиз, кассация шикоятини эса қаноатлантирмасдан қоддиришни лозим деб ҳисоблайди.
Иш ҳужжатларига қараганда, "Ўзбекистон темир йўллари" Давлат акциядорлик компаниясининг "Ўзтемирйўлюктранс" бошқармаси билан жавобгар ўртасида 2002 йил 1 апрелда темирйўл тармоғидан фойдаланиш тўғрисида 1266-сонли шартнома тузилган бўлиб, унда темирйўл тармоғининг эгаси жавобгарга фойдаланиш учун темирйўл тизими ажратган ва унинг масофаси Бинокор бекатининг 12-сон ўқидан бошланиши белгиланган.
Шунингдек, шартноманинг 14-параграфида юк қабул қилувчи ва юк жўнатувчи юкни юклаш ва тушириш пайтида вагонларнинг созлигини сақлаш, техник шартларини таъминлашлари лозимлиги ва уларнинг айби билан носозлик аниқланган ҳолатда жавобгар бўлишлари белгиланган.
Бинокор бекатининг темирйўлида 2005 йил 5 февралда 7 та вагоннинг йўлдан чиқиб кетиши натижасида улар носоз ҳолатга келган ва бу ҳақда темирйўл ходимлари ва жавобгар вакиллари иштирокида далолатномалар тузилган.
Темирйўл уставининг 79-моддасида темирйўл бекатидан келтирувчи йўллар тизими корхона, ташкилотларга ва темирйўлларга тегишли эканлиги кўрсатилган бўлиб, шу модданинг 5-бандида бу тақсимлаш келтирувчи йўллар тизимини сақлаш ва уларда жорий таъмирлаш ишларини олиб боришлари лозимлиги кўрсатилган.
"Ўзтемирйўлюктранс" бошқармаси билан жавобгар ўртасида тузилган шартноманинг 1-параграфида жавобгарга ажратилган йўл тизими қисмининг чегараси белгиланган бўлиб, у 12-сон темирйўл ўқидан бошланиши кўрсатилган. Бироқ, 2005 йил 5 февралда содир бўлган ҳодиса, яъни вагонларнинг издан чиқиши Бинокор бекатидан 12-сон ўқигача бўлган масофада юз берган. Ушбу ҳолат суд мажлисида иштирок этган тарафларнинг вакиллари томонидан ҳам тасдиқланган.
Темирйўл устави 90-моддасининг 3-қисмига кўра, темирйўлга қарашли асосий йўлдан келтирувчи йўл тармоғини амалдаги талаб доирасида сақлаш ва жорий таъмирлаш темирйўл ҳисобидан амалга оширилиши лозим. Бинобарин, рельслар оралиғи ўзгариб қолган бўлса-да, темирйўл ходимлари таъмирлаш ишларини олиб боришни таъминламаган. Демак, вагонларнинг издан чиқиб кетиб, шикастланишида темирйўл ходимларининг айби мавжуд бўлган.
Юқорида қайд этилган ҳолатларга кўра, судлов ҳайъати биринчи инстанция суди томонидан ҳал қилув қарори асосли ва қонуний қабул қилинган деб ҳисоблаб, уни ўгаришсиз қолдиришни лозим деб топади.
“Ўзбекистон Республикаси Олий хўжалик суди Ахборотномаси”,
78-150-11-72 
info@norma.uz
Мобильная версия сайта