ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Суд ҳужжатлари / Хўжалик судларининг айрим ишлар бўйича суд ҳужжатлари (ҳал қилув қарорлари, қарорлари) баёни / Кассация инстанцияси қарорлари / Хўжалик субъектларини ташкил этиш, қайта ташкил этиш, тугатиш ёки банкрот деб топишга оид масалалар /

Ўзбекистон Республикаси Олий хўжалик судининг кассация инстанцияси 19.11.2008 й. 10-0817/4020-сонли Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ОЛИЙ ХЎЖАЛИК СУДИНИНГ

КАССАЦИЯ ИНСТАНЦИЯСИ

ҚАРОРИ

19.11.2008 й.

N 10-0817/4020


(КЎЧИРМА)




Банкротлик тўғрисидаги ишда келишмовчиликларни кўриб чиқиш натижалари юзасидан хўжалик судининг апелляция инстанцияси судининг ажримлари кассация инстанциясида ва назорат тартибида қайта кўриб чиқилмайди


Учтепа туман давлат солиқ инспекцияси хўжалик судига ариза билан мурожаат қилиб, "Медитекс" қўшма корхонасини банкрот деб топишни сўраган.

Тошкент шаҳар хўжалик судининг 2006 йил 28 апреддаги ҳал қилув қарори билан ариза қаноатлантирилган.

"Медитекс" қўшма корхонасининг тугатиш бошқарувчиси ариза билан хўжалик судига мурожаат қилиб, қарздорнинг кредиторлари билан ҳисоб-китоб қилиш жараёнида юзага келган кредиторларнинг талабларини қондириш навбатини белгилашни сўраган.

Биринчи инстанция судининг 2008 йил 4 июлдаги ажрими билан кредиторлар билан ҳисоб-китоб қилиш "Медитекс" қўшма корхонасининг 2007 йил 12 мартда тасдиқланган реестри бўйича амалга оширилиши белгиланган.

Апелляция инстанцияси судининг 2008 йил 26 сентябрдаги қарори билан ажрим бекор қилиниб, янги қарор қабул қилинган. ТИФ Миллий банкининг 3559439,58 АҚШ доллари миқдоридаги талаблари иккинчи навбатда ижро этиладиган талаблар деб, АТ "Туронбанк"нинг 50480998,75 сўм миқдоридаги талаблари эса учинчи навбатда қаноатлантириладиган талаблар деб топилган.

Кассация шикоятида қарорни бекор қилиш сўралган.

Судлов ҳайъати кассация шикоятида келтирилган важларни муҳокама қилиб, иш ҳужжатларини ўрганиб чиқиб, қуйидагаларга кўра кассация инстанцияси судида иш юритишни тутатишни лозим топади.

"Банкротлик тўғрисида"ги Ўзбекистон Республикаси Қонунининг 59-моддасига кўра, банкротлик тўғрисидаги иш бўйича аризалар, шикоятлар (илтимосномалар) ва келишмовчиликларни кўриб чиқиш натижалари юзасидан чиқарилган хўжалик судининг ажримлари устидан қонунда белгиланган тартибда ва муддатларда шикоятлар берилиши (протестлар келтирилиши) мумкин. Кўрсатилган ажримлар устидан шикоятлар (протестлар) улар чиқарилган пайтдан эътиборан ўн кун ичида берилади. Шикоятларни (протестларни) кўриб чиқиш натижалари бўйича апелляция инстанцияси суди чиқарган ажрим кассация ва назорат тартибида қайта кўриб чиқилмайди.

Юқорида қайд этилган Қонун 60-моддасининг бешинчи қисмида банкротлик тўғрисидаги ишда келишмовчиликларни кўриб чиқиш натижалари юзасидан хўжалик судининг апелляция инстанцияси чиқарган ажримлар кассация ва назорат тартибида қайта кўриб чиқилмаслиги белгиланган.

Бундан ташқари, Ўзбекистон Республикаси Олий хўжалик суди Пленумининг 2006 йил 27 январдаги "Банкротлик тўғрисида"ги Ўзбекистон Республикаси Қонунини хўжалик судлари томонидан қўллашнинг айрим масалалари ҳақида"ги 142-сонли қарорининг 21-бандида хўжалик судининг банкротлик тўғрисидаги иш доирасида чиқарган, Хўжалик процессуал кодексида назарда тутилмаган ажримлари устидан фақат қонунда назарда тутилган ҳолларда ва тартибда шикоятлар берилиши (протестлар келтирилиши) мумкинлиги, ушбу ажримлар устидан ХПКда назарда тутилган тартибда шикоят қилиниши (протест келтирилиши) ҳақида тушунтириш берилган.

Олий хўжалик суди Пленумининг 2005 йил 23 декабрдаги "Кассация инстанциясида ишларни кўришда Ўзбекистон Республикаси Хўжалик процессуал кодексининг қўлланилиши тўғрисида"ги 136-сонли қарорининг 8-бандида кассация шикояти (протести) кассация тартибида шикоят берилмайдиган (протест келтирилмайдиган) суд ҳужжати устидан берилганда биринчи инстанция судининг судьяси ХПК 117-моддаси биринчи қисмининг 1-бандига мос ҳолда шикоятни (протестни) қабул қилишни рад этиши, агар кўрсатилган ҳолатлар кассация шикояти (протести) иш юритишга қабул қилингандан кейин аниқланса, шикоят (протест) бўйича кассация инстанциясида иш юритиш Хўжалик процессуал кодекси 86-моддасининг 1-бандига мос ҳолда тугатилиши ҳақида тушунтириш берилган.

Кассация шикояти банкротлик тўғрисидаги ишда келишмовчиликларни кўриб чиқиш юзасидан қабул қилинган апелляция инстанцияси судининг қарори устидан берилган. Мазкур қарор устидан кассация шикояти бериш мумкин эмас.

Юқоридагиларни инобатга олиб, судлов ҳайъати кассация инстанциясида иш юритишни тутатишни, АТ "Туронбанк" томонидан тўланган давлат божи ва ортиқча тўланган 2500 сўм почта харажатларини қайтаришни лозим топади.



“Ўзбекистон Республикаси Олий хўжалик суди Ахборотномаси”,

2009 й., 6-сон















Время: 0.0057
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск