ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Суд ҳужжатлари / Хўжалик судларининг айрим ишлар бўйича суд ҳужжатлари (ҳал қилув қарорлари, қарорлари) баёни / Кассация инстанцияси қарорлари / Бошқа масалалар /

Ўзбекистон Республикаси Олий хўжалик суди кассация инстанциясининг 08.01.2013 й. 10-1214/17120-сон Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ОЛИЙ ХЎЖАЛИК СУДИНИНГ

КАССАЦИЯ ИНСТАНЦИЯСИ

ҚАРОРИ

08.01.2013 й.

N 10-1214/17120


(КЎЧИРМА)




Хусусий уй-жой мулкдорлари ширкатларини давлат рўйхатидан ўтказишда ҳокимнинг қарор чиқариши талаб қилинмайди


"Мардлик Адолат Сервис" хусусий уй-жой мулкдорлари ширкати Учтепа тумани ҳокимлигига ва мустақил талаблар билан арз қилмайдиган учинчи шахс - "Юксалиш тинчлик" хусусий уй-жой мулкдорлари ширкатига нисбатан хўжалик судига мурожаат қилиб, Учтепа туман ҳокимининг "Юксалиш тинчлик" хусусий уй-жой мулкдорлари ширкатини давлат рўйхатидан ўтказиш тўғрисидаги қарорини ҳақиқий эмас деб топишни сўраган.

Биринчи инстанция судининг ҳал қилув қарори билан арз қилинган талаб рад этилган.

Иш апелляция инстанцияси судида кўрилмаган.

Кассация шикоятида "Юксалиш тинчлик" хусусий уй-жой мулкдорлари ширкатининг, "Мардлик Адолат Сервис" хусусий уй-жой мулкдорлари ширкатидан ажралиб чиқишида ва ҳокимлик ҳузуридаги хўжалик юритувчи субъектларни рўйхатдан ўтказиш инспекциясидан рўйхатдан ўтишида жиддий қонунбузилиш ва камчиликларга йўл қўйилганлиги кўрсатилиб, биринчи инстанция суди томонидан ушбу ҳолатлар тўлиқ ўрганиб чиқилмаганлиги сабабли ҳал қилув қарорини бекор қилиб, ишни янгидан кўриш учун биринчи инстанция судига юбориш сўралган.

Судлов ҳайъати шикоят важларини муҳокама қилиб, ишдаги ҳужжатларни ўрганиб чиқиб, қуйидагиларга кўра ҳал қилув қарорини ўзгаришсиз қолдиришни лозим топади.

Иш ҳужжатларидан кўринишича, "Юксалиш тинчлик" хусусий уй-жой мулкдорлари ширкатининг "Мардлик Адолат Сервис" хусусий уй-жой мулкдорлари ширкатидан ажралиб чиқишида ширкатнинг умумий йиғилиши ўтказилмаганлиги, фақатгина ширкат таркибига кирувчи 20 ва 24-кўп қаватли уйларда яшовчи хусусий уй-жой мулкдорларининг иштирокида йиғилиш ўтказилганлиги, "Мардлик Адолат Сервис" хусусий уй-жой мулкдорлари ширкатининг таркибига 4 та, яъни 20, 234, 19 ва 25-кўп қаватли уйларда яшовчи хусусий уй-жой мулкдорлари ҳам кирганлиги, ушбу ҳолат йиғилиш баённомасида ўз аксини топганлиги кўрсатилиб, Учтепа туман ҳокимининг "Юксалиш тинчлик" хусусий уй-жой мулкдорлари ширкатини давлат рўйхатидан ўтказиш тўғрисидаги қарорини ҳақиқий эмас деб топиш сўралган.

2012 йил 9 февралдаги йиғилиш баённомасига нисбатан "Мардлик Адолат Сервис" хусусий уй-жой мулкдорлари ширкати томонидан ҳеч қандай эътироз билдирилмаган, ушбу ҳужжат устидан шикоят келтирилмаган. "Мардлик Адолат Сервис" хусусий уй- жой мулкдорлари ширкатидан "Юксалиш тинчлик" хусусий уй-жой мулкдорлари ширкатининг ажралиб чиқиши юзасидан улар орасида 2012 йил 23 февралда қабул қилиш-топшириш далолатномаси тузилган ва тегишли тартибда расмийлаштирилган.

"Юксалиш тинчлик" хусусий уй-жой мулкдорлари ширкати томонидан "Мардлик Адолат Сервис" хусусий уй-жой мулкдорлари ширкатидан ажралиб чиқиш билан боғлиқ ҳужжатлар тегишли тартибда Учтепа туман ҳокимлигига топширилган ва ҳокимлик томонидан "Юксалиш тинчлик" хусусий уй-жой мулкдорлари ширкатини рўйхатдан ўтказиш тўғрисида давлат реестрига ёзув киритилган.

Ўзбекистон Республикаси Президентининг "Хусусий уй-жой мулкдорлари ширкатлари фаолиятини такомиллаштириш борасида қўшимча чора-тадбирлар тўғрисида" 2005 йил 10 февралдаги ПҚ-3-сонли Қарори билан тасдиқланган "Хусусий уй-жой мулкдорлари ширкатларини давлат рўйхатига олиш тартиби ва ҳисобга қўйиш тўғрисида"ги Низом 16-бандининг 6-хатбошисида ширкатлар ажралиб чи??анда ва бирлашганда рўйхатдан ўтказувчи органга қўшимча равишда тақсимлаш баланси ёки қабул қилиш-топшириш далолатномаси тақдим этилиши, бу ҳужжатда ширкатларнинг ҳамма кредиторлари ва қарздорлари олдидаги мажбуриятлари, шу жумладан, тарафлар низолашаётган мажбуриятлар акс эттирилган бўлиши кўрсатилган.

Юқорида кўрсатилган Низом 7-бандининг 3-хатбошисига кўра, ширкатларни давлат рўйхатидан ўтказишда ҳокимларнинг қарор чиқариши талаб қилинмайди.

Судлов ҳайъати биринчи инстанция суди моддий ва процессуал ҳуқуқ нормаларини тўғри қўллаб, "Мардлик Адолат Сервис" хусусий уй-жой мулкдорлари ширкати аслида мавжуд бўлмаган ҳоким қарорини ҳақиқий эмас деб топишни сўраб судга мурожаат қилганлигини эътиборга олиб, арз қилинган талабни қаноатлантиришни рад этиш ҳақида тўғри хулосага келган деб ҳисоблайди.

Қайд этилганларга кўра, судлов ҳайъати кассация шикоятини қаноатлантириш учун асослар мавжуд эмас деб ҳисоблаб, ҳал қилув қарорини ўзгаришсиз қолдиришни, хусусий уй-жой мулкдорлари ширкати Ўзбекистон Республикаси Солиқ кодекси 330-моддаси биринчи қисмининг 7-бандига кўра, судга шикоят қилганда давлат божи тўловларидан озод қилинганлигини инобатга олиб, давлат божини ундирмасликни, ишни кассация инстанцияси судида кўриш учун тўланган 7000 сўм почта харажатларини "Мардлик Адолат Сервис" хусусий уй-жой мулкдорлари ширкати зиммасида қолдиришни лозим топади.



“Ўзбекистон Республикаси Олий хўжалик суди Ахборотномаси”,

2014 й., 12-сон




















Время: 0.0308
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск