Биринчи инстанция судининг 2004 йил 21 декабрдаги ҳал қилув қарори билан даъво қаноатлантирилган.
Апелляция инстанцияси судининг 2005 йил 12 майдаги қарори билан ҳал қилув қарори бекор қилиниб, иш янгидан кўриш учун юборилган.
Биринчи инстанция судининг 2005 йил 17 июндаги ҳал қилув қарори билан жавобгардан 1802000 сўм асосий қарз, 102000 сўм пеня, жами 1904000 сўм ундирилган.
Протестда иш юзасидан қабул қилинган ҳал қилув қарорини ўзгартириб, 1700000 сўм асосий қарз, 102000 сўм пеня, жами 1802000 сўмни қарздорнинг ликвидли мол-мулки ҳисобидан ундириш масаласи қўйилган.
Раёсат иш бўйича судья маърузасини, Бош прокурор ўринбосарининг протестни қувватлаши тўғрисидаги фикрини эшитиб, протест важларини муҳокама қилиб, қуйидаги асосларга кўра протестни қаноатлантириш лозим деб ҳисоблайди.
Ишдаги ҳужжатларга кўра, 2002 йил 25 апрелдаги шартномага асосан "Замин" давлат-акциядорлик ипотека банки томонидан якка тартибдаги тадбиркор Н. Каримовга қорамол ва ем сотиб олиш учун 3 йил муддатга 15 фоиз устама тўлаш шарти билан 3,4 млн. сўм кредит ажратилган.
Якка тартибдаги тадбиркор Н.Каримов эса ўз мажбуриятини лозим даражада бажармасдан, кредитдан қолган 1700000 сўм қарзни тўламасдан келган. Шу сабабли банк шартноманинг 2.7-бандига мувофиқ тўлов кечиктирилган кунларга 102000 сўм пеня ҳисоблаган.
Бининчи инстанция суди даъвони қаноатлантириш юзасидан тўғри хулосага келган бўлса-да, аммо кредит бўйича қарз суммасини 1700000 сўм ўрнига, 1802000 сўм ундириб, хатоликка йўл қўйган.
78-150-11-72 
info@norma.uz
Мобильная версия сайта