Адлия вазирининг 21.05.2015 й. 158-мҳ-сон “Нотариус лавозимига тайинлаш бўйича танлов ўтказиш тартиби тўғрисидаги низомга ўзгартириш ва қўшимчалар киритиш ҳақида”ги Буйруғи (АВ томонидан 21.05.2015 й. 2165-5-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

21.05.2015 й.

N 2165-5

ЎЗБЕКИСТОН РЕСПУБЛИКАСИ

АДЛИЯ ВАЗИРИНИНГ

21.05.2015 й.

N 158-мҳ

БУЙРУҒИ

Нотариус лавозимига тайинлаш бўйича

танлов ўтказиш тартиби тўғрисидаги низомга

ўзгартириш ва қўшимчалар киритиш ҳақида

Ўзбекистон Республикаси Президентининг 2011 йил 23 августдаги ПҚ-1602-сонли "Ўзбекистон Республикаси Адлия вазирлиги фаолиятини янада такомиллаштириш чора-тадбирлари тўғрисида"ги қарорига мувофиқ БУЮРАМАН:

1. Ўзбекистон Республикаси адлия вазирининг 2010 йил 20 декабрдаги 303-мҳ-сонли буйруғи (рўйхат рақами 2165, 2010 йил 20 декабрь) (Ўзбекистон Республикаси қонун ҳужжатлари тўплами, 2010 й., 51-сон, 498-модда) билан тасдиқланган Нотариус лавозимига тайинлаш бўйича танлов ўтказиш тартиби тўғрисидаги низомга иловага мувофиқ ўзгартириш ва қўшимчалар киритилсин.

2. Мазкур буйруқ давлат рўйхатидан ўтказилсин ва бу ҳақда Идоравий норматив-ҳуқуқий ҳужжатларни давлат рўйхатидан ўтказиш бошқармаси (Б. Болиев) Идоравий норматив-ҳуқуқий ҳужжатларнинг давлат реестрига тегишли ёзув киритсин.

3. Нотариат, адвокатура ва ФҲДЁ органлари бошқармаси (Д. Якубова) ҳамда Қонун ҳужжатларини туркумлаш ва ҳуқуқий ахборот бошқармаси (Ж. Ачилов) ушбу идоравий норматив-ҳуқуқий ҳужжатнинг барча манфаатдор шахсларга етказилиши ва "Ўзбекистон Республикаси қонун ҳужжатлари тўплами" - "Собрание законодательства Республики Узбекистан"да нашр этилишини таъминласин.

4. Мазкур буйруқ расмий эълон қилинган кундан эътиборан кучга киради.

Вазир                                                                          М. Икрамов

Буйруққа

ИЛОВА

Нотариус лавозимига тайинлаш бўйича

танлов ўтказиш тартиби тўғрисидаги низомга

киритилаётган ўзгартириш ва қўшимчалар

1. Қуйидаги мазмундаги 4-1 ва 4-2-бандлар билан тўлдирилсин:

"4-1. Танлов эълон қилингандан кейин тегишли адлия бошқармаси стажировкадан ўтган ва малака имтиҳонини топширган барча шахслар томонидан ҳужжатлар тақдим этилишини таъминлайди. Бунда, адлия бошқармаси стажировкадан ўтган ва малака имтиҳонини топширган, шу жумладан, нотариат соҳасида ишламаётган шахсларни ёзма равишда хабардор қилади.

4-2. Адлия бошқармалари томонидан стажировка ўтаган ва малака имтиҳонини топширган шахсларнинг ҳисоби юритилади ҳамда ҳар чорак якунидан кейинги ойнинг 10-санасига қадар ишчи органга мазкур Низомнинг 1-иловасига мувофиқ шаклдаги Стажировка ўтаган ва малака имтиҳонини топширган шахслар ҳақида маълумот тақдим этилади.".

2. 7-банднинг биринчи хатбошиси "(бундан кейинги ўринларда талабгор деб юритилади)" деган сўзлардан кейин "тегишли адлия бошқармаси орқали" деган сўзлар билан тўлдирилсин.

3. 8-банд қуйидаги таҳрирда баён этилсин:

"8. Талабгорлар томонидан адлия бошқармасига мазкур Низомнинг 7-бандида назарда тутилган ҳужжатлар тўлиқ топширилиши керак. Ҳужжатларнинг тўлиқ топширилишини адлия бошқармаси таъминлайди.

Ҳужжатлар уларни тақдим этишнинг охирги санасигача қабул қилинган бўлиши лозим. Ҳужжатлар тўлиқ топширилгандан кейин адлия бошқармаси томонидан улар қабул қилинган куннинг эртасидан кечиктирилмай Ўзбекистон Республикаси Адлия вазирлигига юборилади ва девонхонада рўйхатдан ўтказилади.".

4. 9-банднинг биринчи хатбошисидаги "Ишчи орган томонидан ҳар бир талабгорнинг ҳужжатлари" деган сўзлар "Ўзбекистон Республикаси Адлия вазирлигига келиб тушган ҳар бир талабгорнинг ҳужжатлари ишчи орган томонидан" деган сўзлар билан алмаштирилсин.

5. 13-банддаги "Низомнинг 1-иловасига" деган сўзлар "Низомнинг 1а-иловасига" деган сўзлар билан алмаштирилсин.

6. 14-банднинг иккинчи хатбошиси "бир ҳафта олдин" деган сўзлардан кейин "мазкур Низомнинг 2а-иловасига мувофиқ шаклда ёзма" деган сўзлар билан тўлдирилсин.

7. 1-илова мазкур ўзгартириш ва қўшимчаларнинг 1-иловасига мувофиқ таҳрирда баён этилсин.

8. Мазкур ўзгартириш ва қўшимчаларнинг 2 ва 3-иловаларига мувофиқ таҳрирда 1а ва 2а-иловалар билан тўлдирилсин.

Ўзгартириш ва қўшимчаларга

1-ИЛОВА

"Нотариус лавозимига тайинлаш

бўйича танлов ўтказиш тартиби

тўғрисидаги низомга

1-ИЛОВА

МАЪЛУМОТ

20__ йил "___" _________ ҳолатига

         

             

Ўзгартириш ва қўшимчаларга

2-ИЛОВА

"Нотариус лавозимига тайинлаш

бўйича танлов ўтказиш тартиби

тўғрисидаги низомга

1а-ИЛОВА

ХАБАРНОМА

Ўзбекистон Республикаси Адлия вазирлиги томонидан _______________

           

      

ўтказиладиган танловда иштирок этиш учун тақдим этган ҳужжатларингиз кўриб чиқилди.

             

___________________________________________________ сабабли Нотариус лавозимига тайинлаш бўйича танлов ўтказиш тартиби тўғрисидаги низомнинг 12-бандига мувофиқ Сизга танловда иштирок этиш рад этилди.

        

Ўзгартириш ва қўшимчаларга

3-ИЛОВА

"Нотариус лавозимига тайинлаш

бўйича танлов ўтказиш тартиби

тўғрисидаги низомга

2а-ИЛОВА

ХАБАРНОМА

Ўзбекистон Республикаси Адлия вазирлиги томонидан _______________

           

      

ўтказиладиган танловда иштирок этиш учун тақдим этган ҳужжатларингиз кўриб чиқилди ва Сиз танловда иштирок этишга қўйилдингиз.

Танлов 20___ йил ___ _______ куни соат __:__да Ўзбекистон Республикаси Адлия вазирлиги биносининг ____ хонасида (катта мажлислар залида) ўтказилади.

Танлов куни келмасангиз, Нотариус лавозимига тайинлаш бўйича танлов ўтказиш тартиби тўғрисидаги низомнинг (рўйхат рақами 2165, 2010 йил 20 декабрь) 38-бандига мувофиқ кейинги танловларга бир йил давомида қўйилмаслигингиз тўғрисида огоҳлантириласиз.

"Ўзбекистон Республикаси қонун ҳужжатлари тўплами",

2015 йил 25 май, 20-сон, 267-модда