Ўзбекистон Республикаси Вазирлар Маҳкамасининг 14.09.2015 й. 264-сон “Тендер савдолари ўтказишни янада такомиллаштириш чора-тадбирлари тўғрисида”ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

14.09.2015 й.

N 264

ТЕНДЕР САВДОЛАРИ ЎТКАЗИШНИ

ЯНАДА ТАКОМИЛЛАШТИРИШ

ЧОРА-ТАДБИРЛАРИ ТЎҒРИСИДА

Иқтисодиётнинг тегишли тармоқларида ва ижтимоий соҳада амалга ошириладиган инвестиция лойиҳалари доирасида маблағлардан фойдаланиш самарадорлигини янада ошириш ва улардан оқилона фойдаланиш, лойиҳаларни амалга ошириш тартиботларини жадаллаштириш, шунингдек товарлар етказиб берувчиларни, ишлар ва хизматларни амалга оширувчиларни танлаб олиш бўйича тендер савдоларини ташкил этиш ва ўтказиш тизимини такомиллаштириш мақсадида Вазирлар Маҳкамаси ҚАРОР ҚИЛАДИ:

1. Иқтисодиётнинг тегишли тармоқларида ва ижтимоий соҳада амалга ошириладиган инвестиция лойиҳалари доирасида товарлар, ишлар ва хизматларни харид қилиш бўйича 1 - 7-иловаларга мувофиқ таркибда тармоқ идоралараро тендер комиссиялари (кейинги ўринларда идоралараро тендер комиссияси деб аталади) тузилсин.

Идоралараро тендер комиссияларининг раислари ва аъзолари зиммасига тендер (танлов) савдоларининг, шу жумладан, халқаро тендер (танлов) савдоларининг самарали ташкил этилиши ва ўтказилиши юзасидан жавобгарлик юклансин.

2. Белгилаб қўйилсинки:

идоралараро тендер комиссияси тендер (танлов) савдоларини коллегиал асосда ўтказади ҳамда иқтисодиётнинг тегишли тармоқларида ва ижтимоий соҳада битта контракт бўйича 5,0 млн АҚШ долларидан кўп суммага товарлар, ишлар ва хизматларни харид қилиш юзасидан савдолар натижалари бўйича ғолибларни аниқлайди;

битта контракт бўйича 5,0 млн АҚШ долларидан кам суммадаги битта контракт бўйича тендер савдоларини ўтказиш қонун ҳужжатларига мувофиқ буюртмачилар томонидан тузилган тендер (танлов) комиссиялари томонидан амалга оширилади;

илгари бошланган ва бир нечта босқичлардан иборат бўлган, лекин тугалланмаган тендер (танлов) савдолари ушбу қарор кучга киргунгача фаолият кўрсатган тендер (танлов) комиссиялари томонидан амалга оширилади;

идоралараро тендер комиссиясининг ижобий қарори асосида тузилган (улар бўйича имзоланган протокол мавжуд бўлган), Идоралараро тендер комиссияси аъзолари - Инвестициялар бўйича давлат қўмитаси раиси/раисининг ўринбосари томонидан келишилган (виза қўйилган) импорт контрактлари бўйича Ўзбекистон Республикаси Инвестициялар бўйича давлат қўмитаси томонидан 3 иш куни мобайнида, уларни қўшимча экспертизадан ўтказмасдан хулосалар берилади ёки рўйхатдан ўтказилади. Бунда келиб тушган таклифларнинг нархлар бўйича параметрларини баҳолаш тендер савдолари доирасида идоралараро тендер комиссияси ҳузурида ташкил қилинадиган ишчи орган томонидан келиб тушган таклифларни баҳолаш даврида Инвестициялар бўйича давлат қўмитаси томонидан амалга оширилади;

идоралараро тендер комиссияси ишчи орган хулосалари ва Инвестициялар бўйича давлат қўмитаси томонидан ўтказилган келиб тушган таклифларнинг нархи бўйича параметрларини баҳолаш асосида қарор қабул қилади.

3. Иқтисодиётнинг тегишли тармоқларида ва ижтимоий соҳада амалга ошириладиган инвестиция лойиҳалари доирасида товарлар, ишлар ва хизматлар харид қилиш бўйича идоралараро тендер комиссияси тўғрисидаги низом 8-иловага мувофиқ тасдиқлансин.

4. Идоралараро тендер комиссиялари раислари ва котиблари зиммасига қуйидагилар юзасидан жавобгарлик юклансин:

инвестиция лойиҳаларни амалга ошириш бўйича тасдиқланган тармоқ жадвалларни инобатга олган ҳолда комиссияларнинг мажлисларини ўтказиш жадвалларини ишлаб чиқиш ва тасдиқлаш;

ишчи органлар томонидан тендер (танлов) ҳужжатлари пакетларини ўз вақтида кўриб чиқиш;

ишчи органлар томонидан мажлис кун тартиби бўйича материалларни идоралараро тендер комиссиясининг барча аъзоларига мажлислар ўтказилишидан 10 кун олдин юбориш;

мажлисларда идоралараро тендер комиссияси барча аъзоларининг доимий иштирокини таъминлаш;

идоралараро тендер комиссияси мажлислари протоколларини қатъиян мажлис ўтказилган кунда расмийлаштириш;

ўтказилган мажлислар ва қабул қилинган қарорлар тўғрисида ҳар ойда ҳисобот ойидан кейинги ойнинг 5-санасидан кечикмай Ўзбекистон Республикаси Бош вазирига ахборот тақдим этиш.

5. Ўзбекистон Республикаси Вазирлар Маҳкамаси ахборот-таҳлил департаментлари бош лойиҳалаш институтлари билан биргаликда икки ой муддатда вазирликлар ва идоралар - инвестиция лойиҳаларининг ташаббускорлари томонидан ишлаб чиқарувчилар - технологик лидерлар бўйича маълумотлар тўлиқ тармоқ базаларининг, шу жумладан, уларнинг ишончлилиги ва амалий аҳамияти тўғрисидаги ахборотларнинг мажбурий тартибда шакллантирилиши ва тизимли равишда янгилаб борилишини жорий этсинлар, кейинчалик улардан тендер (танлов) ҳужжатлари пакетларини тайёрлашда, шунингдек идоралараро тендер комиссияларининг иш жараёнида фойдалансинлар.

5-1. Ўзбекистон Республикаси Инвестициялар бўйича давлат қўмитаси Ўзбекистон Республикаси Вазирлар Маҳкамаси Раёсати мажлисларида кўриб чиқиш учун идоралараро тендер (танлов) савдолари мажлисларининг ўтказилиши тўғрисида ҳар чоракда ахборот киритсин.

6. Ўзбекистон Республикаси Иқтисодиёт вазирлиги, Молия вазирлиги ва "Давархитектқурилиш" қўмитаси манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар киритиш юзасидан Ўзбекистон Республикаси Вазирлар Маҳкамасига таклифлар киритсинлар.

7. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.

Ўзбекистон Республикасининг Бош вазири                          Ш. Мирзиёев

Вазирлар Маҳкамасининг

2015 йил 14 сентябрдаги

264-сон қарорига

1-ИЛОВА

Геология, ёқилғи-энергетика комплекси, кимё,

нефть-кимё ва металлургия саноати соҳасида амалга

оширилаётган инвестиция лойиҳалари доирасида

товарлар, ишлар ва хизматлар харид қилиш

бўйича идоралараро тендер комиссиясининг

ТАРКИБИ

        

Изоҳ.

Идоралараро тендер комиссияси аъзолари бошқа ишга ўтган тақдирда Комиссия таркибига ушбу лавозимга янгидан тайинланган шахс ёки тегишли функцияларни бажариш зиммасига юкланган шахс киритилади.

Вазирлар Маҳкамасининг

2015 йил 14 сентябрдаги

264-сон қарорига

2-ИЛОВА

Машинасозлик, автомобиль ва электротехника саноатини

ривожлантириш, маҳсулотларни стандартлаштириш соҳасида

амалга оширилаётган инвестиция лойиҳалари доирасида

товарлар, ишлар ва хизматлар харид қилиш бўйича

идоралараро тендер комиссиясининг

ТАРКИБИ

Изоҳ.

Идоралараро тендер комиссияси аъзолари бошқа ишга ўтган тақдирда Комиссия таркибига ушбу лавозимга янгидан тайинланган шахс ёки тегишли функцияларни бажариш зиммасига юкланган шахс киритилади.

Вазирлар Маҳкамасининг

2015 йил 14 сентябрдаги

264-сон қарорига

3-ИЛОВА

Коммунал соҳа, транспорт, капитал қурилиш

ва қурилиш индустрияси соҳасида амалга оширилаётган

инвестиция лойиҳалари доирасида товарлар, ишлар

ва хизматлар харид қилиш бўйича идоралараро

тендер комиссиясининг

ТАРКИБИ

     

Изоҳ.

Идоралараро тендер комиссияси аъзолари бошқа ишга ўтган тақдирда Комиссия таркибига ушбу лавозимга янгидан тайинланган шахс ёки тегишли функцияларни бажариш зиммасига юкланган шахс киритилади.

Вазирлар Маҳкамасининг

2015 йил 14 сентябрдаги

264-сон қарорига

4-ИЛОВА

Қишлоқ ва сув хўжалиги, қишлоқ хўжалиги

маҳсулотларини қайта ишлаш ва истеъмол товарлари

соҳасида амалга оширилаётган инвестиция лойиҳалари

доирасида товарлар, ишлар ва хизматлар харид қилиш

бўйича идоралараро тендер комиссиясининг

ТАРКИБИ

Изоҳ.

Идоралараро тендер комиссияси аъзолари бошқа ишга ўтган тақдирда Комиссия таркибига ушбу лавозимга янгидан тайинланган шахс ёки тегишли функцияларни бажариш зиммасига юкланган шахс киритилади.

Вазирлар Маҳкамасининг

2015 йил 14 сентябрдаги

264-сон қарорига

5-ИЛОВА

Экология, атроф муҳитни муҳофаза қилиш,

жисмоний тарбия ва спорт соҳасида амалга оширилаётган

инвестиция лойиҳалари доирасида товарлар, ишлар

ва хизматлар харид қилиш бўйича идоралараро

тендер комиссиясининг

ТАРКИБИ

Изоҳ.

Идоралараро тендер комиссияси аъзолари бошқа ишга ўтган тақдирда Комиссия таркибига ушбу лавозимга янгидан тайинланган шахс ёки тегишли функцияларни бажариш зиммасига юкланган шахс киритилади.

Вазирлар Маҳкамасининг

2015 йил 14 сентябрдаги

264-сон қарорига

5а-ИЛОВА

Соғлиқни сақлаш соҳасида амалга ошириладиган

инвестиция лойиҳалари доирасида товарлар,

ишлар ва хизматлар харид қилиш бўйича

идоралараро тендер комиссияси

ТАРКИБИ

    

Изоҳ.

Идоралараро тендер комиссияси аъзолари бошқа ишга ўтган тақдирда Комиссия таркибига ушбу лавозимга янгидан тайинланган шахс ёки тегишли функцияларни бажариш зиммасига юкланган шахс киритилади.

Вазирлар Маҳкамасининг

2015 йил 14 сентябрдаги

264-сон қарорига

6-ИЛОВА

Таълим, илм-фан ва ёшлар сиёсати соҳасида

товарлар, ишлар ва хизматлар харид қилиш

бўйича идоралараро тендер комиссияси

ТАРКИБИ

Изоҳ.

Идоралараро тендер комиссияси аъзолари бошқа ишга ўтган тақдирда Комиссия таркибига ушбу лавозимга янгидан тайинланган шахс ёки тегишли функцияларни бажариш зиммасига юкланган шахс киритилади.".

Вазирлар Маҳкамасининг

2015 йил 14 сентябрдаги

264-сон қарорига

7-ИЛОВА

Маданият, ахборот тизимлари ва телекоммуникациялар

соҳасида товарлар, ишлар ва хизматлар харид қилиш

бўйича идоралараро тендер комиссияси

ТАРКИБИ

Изоҳ.

Идоралараро тендер комиссияси аъзолари бошқа ишга ўтган тақдирда Комиссия таркибига ушбу лавозимга янгидан тайинланган шахс ёки тегишли функцияларни бажариш зиммасига юкланган шахс киритилади.

"Ўзбекистон Республикаси қонун ҳужжатлари тўплами",

2015 йил 21 сентябрь, 37-сон, 485-модда

"Ўзбекистон Республикаси Ҳукуматининг қарорлари тўплами",

2015 йил, 9-сон, 80-модда