Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Ўз кучини йўқотган ҳужжатлар / Қишлоқ ва сув хўжалиги / Пахтачилик, галлачилик /

Ўзбекистон Республикаси Президентининг 13.05.2010 й. ПҚ-1335-сон "2010 йил бошоқли дон экинлари ҳосилини йиғиштириб олиш бўйича ташкилий чора-тадбирлар тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

13.05.2010 й.

N ПҚ-1335



2010 ЙИЛ БОШОҚЛИ ДОН ЭКИНЛАРИ ҲОСИЛИНИ

ЙИҒИШТИРИБ ОЛИШ БЎЙИЧА ТАШКИЛИЙ

ЧОРА-ТАДБИРЛАР ТЎҒРИСИДА


2010 йил бошоқли дон экинлари ҳосилини ўз вақтида ва қисқа муддатларда сифатли йиғиштириб олиш ҳамда давлат ресурсларига ғалла сотиш бўйича контрактация шартномаларини бажариш мақсадида:


1. Дон ҳосили ўрим-йиғимини ўз вақтида ва сифатли ташкил этиш ҳамда ўтказиш, шунингдек ғалла комбайнларидан самарали фойдаланиш учун шахсий жавобгарлик Қорақалпоғистон Республикаси Вазирлар Кенгашининг Раиси, вилоятлар ҳокимлари, Ўзбекистон Республикаси Қишлоқ ва сув хўжалиги вазирлиги, "Ўзагромашсервис" уюшмаси ва унинг ҳудудий бирлашмалари, машина-трактор парклари раҳбарлари зиммасига юклансин.


2. Қуйидагиларни таъминлаш Қорақалпоғистон Республикаси Вазирлар Кенгашининг, вилоятлар ҳокимларининг, Ўзбекистон Республикаси Қишлоқ ва сув хўжалиги вазирлигининг, "Ўзагромашсервис" уюшмаси ва унинг ҳудудий бирлашмалари, машина-трактор парклари, "Ўздонмаҳсулот" акциядорлик компаниясининг энг асосий вазифаси деб ҳисоблансин:

ғалла комбайнларини, дон ташиш учун жалб этиладиган барча турдаги транспорт воситаларини, шунингдек дон йиғиладиган хирмон ва майдонларни, дон тозалаш машиналари ҳамда ғаллага дастлабки ишлов бериш учун зарур бўлган бошқа моддий-техника базасини тайёрлаб қўйиш бўйича ташкилий-иқтисодий комплекс чора-тадбирлар амалга оширилишини жорий йилнинг 20 майигача тугаллаш;

тайёрлов корхоналари ва пунктларида хўжаликлардан ғаллани фақат дастлабки тозалангандан кейин, ифлослиги ва намлигини бартараф этиб, амалдаги стандарт нормативларнинг талабларидан оширмаган ҳолда қабул қилиш;

идоравий мансублигидан қатъи назар, корхоналар ва ташкилотларнинг дон қабул қилиш пунктларига ғалла ташиш учун яроқли бўлган транспорт воситаларини шартнома асосида жалб этиш;

Ўзбекистон Республикаси Молия вазирлиги ҳузуридаги Давлат эҳтиёжлари учун харид қилинадиган қишлоқ хўжалиги маҳсулотларининг ҳисоб-китоб жамғармаси билан биргаликда хўжаликлар билан давлат эҳтиёжлари учун харид қилинаётган ғалла учун, машина-трактор парклари билан кўрсатилган механизация хизматлари учун ҳамда ғалла комбайнлари операторларига иш ҳақи тўлаш учун ҳисоб-китобларни ўз вақтида амалга ошириш.

Белгилансинки, ғаллани дон қабул қилиш корхоналарига етказиш бўйича транспорт харажатлари автокорхоналар, қишлоқ хўжалик корхоналари ва дон маҳсулотлари корхоналари ўртасида тузилган шартномаларга мувофиқ "Ўздонмаҳсулот" акциядорлик компанияси томонидан тўланади.


3. Шундай тартиб ўрнатилсинки, унга мувофиқ ғалла етиштирувчи қишлоқ хўжалик ишлаб чиқарувчилари (фермерлар) биринчи навбатда давлат эҳтиёжлари учун етказиб бериладиган ғаллани харид қилишга тузилган контрактация бўйича ўз мажбуриятларини бажаришлари ва шундан кейин янги ҳосил ғалласини бошқа мақсадларга йўналтиришлари лозим.


4. Ўзбекистон Республикаси Ички ишлар вазирлиги жорий йилнинг 1 июнидан бошлаб Ички ишлар вазирлиги таълим муассасаларининг тингловчилари ва курсантлари контингентини иловага* мувофиқ тақсимлаган ҳолда уларни вилоятлар ички ишлар бошқармалари ихтиёрига йўлласин.

"Ўзбекистон темир йўллари" давлат-акциядорлик компанияси, "Тошшаҳартрансхизмат" уюшмаси Ўзбекистон Республикаси Ички ишлар вазирлиги буюртманомалари бўйича, тингловчилар ва курсантларни вақтинчалик ўрнашиш жойига ташиш ва дон йиғиштириш тугаллангандан сўнг уларни қайтариб олиб келиш учун транспорт воситалари зарур миқдорда ажратилишини таъминласинлар.

Жиззах, Қашқадарё, Сирдарё ва Тошкент вилоятлари ҳокимликлари:

фермер хўжаликлари томонидан "Ўзбекистон темир йўллари" давлат-акциядорлик компанияси, "Тошшаҳартрансхизмат" уюшмаси билан Ўзбекистон Республикаси Ички ишлар вазирлиги тингловчилари ва курсантларини вақтинчалик ўрнашиш жойига ташиш ва дон йиғиштириш тугаллангандан сўнг уларни қайтариб олиб келиш бўйича хизматлар кўрсатиш тўғрисида тегишли шартномалар тузилишини;

тингловчилар ҳамда курсантларни вақтинчалик яшаш жойлари, шунингдек озиқ-овқатлар, уларни ташиш учун транспорт ва ёнилғи-мойлаш материаллари билан фермер хўжаликлари маблағлари ҳисобига таъминласинлар.


5. Қорақалпоғистон Республикаси Вазирлар Кенгаши ва вилоятлар ҳокимликлари Ўзбекистон Республикаси Ички ишлар вазирлиги билан биргаликда йўлларда ҳаракатланиш хавфсизлигини таъминлаш, ёнғинлар келиб чиқишининг олдини олиш, шунингдек 2010 йилги бошоқли дон экинлари ҳосилининг талон-торож қилинишига ва нобуд бўлишига йўл қўймаслик юзасидан зарур чора-тадбирларни кўрсинлар.

Ерларни шудгорлашдан олдин тозалаш мақсадида далалардаги экин поялари ва қолдиқлари ёқиб юборилиши қатъиян тақиқлансин.


6. "Ўзбекнефтгаз" миллий холдинг компанияси ва "Ўзнефтмаҳсулот" акциядорлик компанияси ёнилғи-мойлаш материалларининг зарур захирасини яратсин ҳамда ҳосилни йиғиштириб олиш, ташиш ва тайёрлаш билан банд бўлган қишлоқ хўжалиги корхоналари, машина-трактор парклари ва бошқа ташкилотларга белгиланган тартибда узлуксиз етказиб берилишини ташкил этсин.


7. Ўзбекистон Республикаси Қишлоқ ва сув хўжалиги вазирлиги, "Ўзстандарт" агентлиги ва "Ўздавдонинспекция" давлат эҳтиёжлари учун етказиб бериладиган ғалла ва уруғлик материали сифати устидан тегишли назорат ўрнатсинлар.

Уруғлик ғаллани давлат ресурслари учун харид қилинадиган товар ғалланинг умумий ҳажми ҳисобига топшириш, шунингдек озиқ-овқат ғалласидан уруғлик мақсадида фойдаланиш тақиқлансин.

Қорақалпоғистон Республикаси Вазирлар Кенгашининг Раиси, вилоятлар ва туманлар ҳокимлари, "Ўздонмаҳсулот" акциядорлик компанияси ва унинг жойлардаги бўлинмалари раҳбарлари Ўзбекистон Республикаси Президентининг 2009 йил 7 сентябрдаги ПҚ-1183-сонли Қарорига мувофиқ уруғчилик фермер хўжаликларида етиштирилган суперэлита ва элита уруғини тўлиқ ҳажмда харид қилишга алоҳида эътиборни қаратган ҳолда 2011 йил ҳосили учун бошоқли дон экинлари уруғлигининг ўз вақтида ва сифатли ғамланиши учун шахсан жавобгарликлари белгилаб қўйилсин.


8. Ўзбекистон Республикаси Давлат статистика қўмитаси хўжаликлар томонидан дон сотиш тўғрисидаги статистика ҳисоботларининг ишончлилигини дон қабул қилиш корхоналари бўйича мунтазам равишда текшириб турсин ва ҳисоботларни бузиб кўрсатиш бўйича аниқланган ҳолатлар тўғрисида тезкорлик билан Вазирлар Маҳкамасига ахборот бериб борсин.


9. Мазкур Қарорнинг ижросини назорат қилиш Ўзбекистон Республикаси Бош вазири Ш.М. Мирзиёев зиммасига юклатилсин.



Ўзбекистон Республикасининг Президенти                                 И. Каримов



*) Илова рус тилидаги матнда берилган.



Ўзбекистон Республикаси Олий Мажлиси палаталарининг Ахборотномаси, 2010 йил, 5-сон, 219-модда
























































Время: 0.0064
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск