Ўзбекистон Республикаси Вазирлар Маҳкамасининг 06.02.2002 й. 49-сон "Қорақалпоғистон Республикасининг дон ва шолини қайта ишлаш корхоналарини вақтинча тўхтатиб қўйиш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

06.02.2002 й.

N 49

ҚОРАҚАЛПОҒИСТОН РЕСПУБЛИКАСИНИНГ ДОН

ВА ШОЛИНИ ҚАЙТА ИШЛАШ КОРХОНАЛАРИНИ

ВАҚТИНЧА ТЎХТАТИБ ҚЎЙИШ ТЎҒРИСИДА

Қорақалпоғистон Республикасида вужудга келган экологик вазият ва сув танқислигини эътиборга олиб ҳамда "Ўздонмаҳсулот" давлат-акциядорлик корпорацияси дон ва шолини қабул қилиш ва қайта ишлаш корхоналарининг зарарсиз ишлашини таъминлаш мақсадида Вазирлар Маҳкамаси ҚАРОР ҚИЛАДИ:

1. Қорақалпоғистон Республикаси Вазирлар Кенгаши ва "Ўздонмаҳсулот" давлат-акциядорлик корпорациясининг Ўзбекистон Республикаси Молия вазирлиги ҳамда Макроиқтисодиёт ва статистика вазирлиги билан келишилган "Хўжайли-гуруч", "Қорабойли-гуруч", "Қонликўл гуруч заводи", "Беруний-дон" ва "Қораўзак-дон" акциядорлик жамиятларининг асосий фондларини 2001 йил 1 октябрдан 2002 йил 31 декабргача бўлган даврда вақтинча тўхтатиб қўйиш тўғрисидаги таклифига розилик берилсин.

2. "Ўздонмаҳсулот" давлат-акциядорлик корпорацияси (Нажмиддинов) корхоналарнинг вақтинчалик тўхтатиб қўйилган барча асосий фондларининг бут сақланиши ва фойдаланишга шай туришини таъминласин.

3. Ўзбекистон Республикаси Меҳнат ва аҳолини ижтимоий муҳофаза қилиш вазирлиги (Обидов) "Ўздонмаҳсулот" давлат-акциядорлик корпорацияси (Нажмиддинов) билан биргаликда бўшаб қолаётган ходимларнинг қонун ҳужжатларида белгиланган тартибда ишга жойлаштирилиши ва ижтимоий муҳофаза қилинишини таъминласин.

4. Ўзбекистон Республикаси Молия вазирлиги (Нурмуродов) ва Давлат солиқ қўмитаси (Хўжаев) асосий ишлаб чиқариш фондларини вақтинча тўхтатиб қўйиш даврида кўрсатиб ўтилган корхоналарга қонун ҳужжатларига мувофиқ солиқ имтиёзлари берсин.

5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Т.Х. Холтоев зиммасига юклансин.

Ўзбекистон Республикасининг Бош вазири                       Ў. Султонов